śrīmadvālmīkīya rāmāyaṇē yuddhakāṇḍam ।
atha pañchadaśassargaḥ ।
bṛhaspatēstulyamatērvachastanniśamyayatnēnavibhīṣaṇasya ।
tatōmahātmāvachanambabhāṣētatrēndrajinnairṛtayūthamukhyaḥ ॥ 1 ॥
kinnāmatētātakaniṣṭhavākyamanarthakañchēvēsubasubhītavachcha ।
asminkulēyō'pibhavēnnajātassō'pīdṛśannaivavadēnnakuryāt ॥ 2 ॥
sattvēnavīryēṇaparākramēṇaśauryēṇadhairyēṇachatējasācha ।
ēkaḥkulē'sminpuruṣōvimuktōvibhīṣaṇastātakaniṣṭhaēṣaḥ ॥ 3 ॥
kinnāmataumānuṣarājaputrāvasmākamēkēnahirākṣasēna ।
suprākṛtēnāpiraṇēnihantumētauśakyaukutōbhīṣayasēsmabhīrō ॥ 4 ॥
trilōkanāthōnanudēvarājaśśakrōmayābhūmitalēniviṣṭaḥ ।
bhayārpitāśchāpidiśaḥprapannāssarvētathādēvagaṇāssamagrāḥ ॥ 5 ॥
airāvatōvisvaramunnadan sanipātitōbhūmitalēmayātu ।
vikṛṣyadantautumayāprasahyavitrāsitādēvagaṇāssamagrāḥ ॥ 6 ॥
sō'haṃsurāṇāmapidarpahantādaityōttamānāmapiśōkadātā ।
kathannarēndrātmajayōrnaśaktōmanuṣyayōḥprākṛtayōssuvīryaḥ ॥ 7 ॥
athēndrakalpasyadurāsadasyamahaujasastadvachananniśamya ।
tatōmahārthavachanambabhāṣēvibhīṣaṇaśśastrabhṛtāṃvariṣṭhaḥ ॥ 8 ॥
natātamantrētavaniśchayō'stibālastvamadyāpyavipakvabuddhiḥ ।
tasmāttvayāpyātmavināśanāyavachō'rdhahīnambahuvipralaptam ॥ 9 ॥
putrapravādēvaturāvaṇasyatvamindrajinmitramukhō'siśatruḥ ।
yasyēdṛśaṃrāghavatōvināśanniśamyamōhādanumanyasētvam ॥ 10 ॥
tvamēva vadhyaścha sudurmatiścha ।
sa chāpi vadhyō ya aihānayattvām ।
bālaṃ dṛḍhaṃ sāhāsikaṃ cha yō'dya ।
prāvēśayanmantrakRtāṃ samīpam ॥ 11 ॥
mūḍhō'pragalbhō'vinayōpapannastīkṣaṇasvabhāvō'lpamatirdurātmā ।
mūrkhastvamatyarthasudurmatiśchatvamindrajidbālatayābravīṣi ॥ 12 ॥
kōbrahmadaṇḍapratimaprakāśānarchiṣmataḥkālanikāśarūpān ।
sahētabāṇānyamadaṇḍakalpānsamakṣamuktānyudhirāghavēṇa ॥ 13 ॥
dhanāniratnānisubhūṣaṇānivāsāṃsidivyānimaṇīṃścha ।
chitrān sītāñcharāmāyanivēdyadēvīṃvasēmarājan nihavītaśōkāḥ ॥ 14 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē pañchadaśassargaḥ ॥
