ශ්රීමද්වාල්මීකීය රාමායණේ යුද්ධකාංඩම් ।
අථ පංචදශස්සර්ගඃ ।
බෘහස්පතේස්තුල්යමතේර්වචස්තන්නිශම්යයත්නේනවිභීෂණස්ය ।
තතෝමහාත්මාවචනංබභාෂේතත්රේංද්රජින්නෛරෘතයූථමුඛ්යඃ ॥ 1 ॥
කිංනාමතේතාතකනිෂ්ඨවාක්යමනර්ථකංචේවේසුබසුභීතවච්ච ।
අස්මින්කුලේයෝऽපිභවේන්නජාතස්සෝऽපීදෘශංනෛවවදේන්නකුර්යාත් ॥ 2 ॥
සත්ත්වේනවීර්යේණපරාක්රමේණශෞර්යේණධෛර්යේණචතේජසාච ।
ඒකඃකුලේऽස්මින්පුරුෂෝවිමුක්තෝවිභීෂණස්තාතකනිෂ්ඨඒෂඃ ॥ 3 ॥
කිංනාමතෞමානුෂරාජපුත්රාවස්මාකමේකේනහිරාක්ෂසේන ।
සුප්රාකෘතේනාපිරණේනිහංතුමේතෞශක්යෞකුතෝභීෂයසේස්මභීරෝ ॥ 4 ॥
ත්රිලෝකනාථෝනනුදේවරාජශ්ශක්රෝමයාභූමිතලේනිවිෂ්ටඃ ।
භයාර්පිතාශ්චාපිදිශඃප්රපන්නාස්සර්වේතථාදේවගණාස්සමග්රාඃ ॥ 5 ॥
ඓරාවතෝවිස්වරමුන්නදන් සනිපාතිතෝභූමිතලේමයාතු ।
විකෘෂ්යදංතෞතුමයාප්රසහ්යවිත්රාසිතාදේවගණාස්සමග්රාඃ ॥ 6 ॥
සෝऽහංසුරාණාමපිදර්පහංතාදෛත්යෝත්තමානාමපිශෝකදාතා ।
කථංනරේංද්රාත්මජයෝර්නශක්තෝමනුෂ්යයෝඃප්රාකෘතයෝස්සුවීර්යඃ ॥ 7 ॥
අථේංද්රකල්පස්යදුරාසදස්යමහෞජසස්තද්වචනංනිශම්ය ।
තතෝමහාර්ථවචනංබභාෂේවිභීෂණශ්ශස්ත්රභෘතාංවරිෂ්ඨඃ ॥ 8 ॥
නතාතමංත්රේතවනිශ්චයෝऽස්තිබාලස්ත්වමද්යාප්යවිපක්වබුද්ධිඃ ।
තස්මාත්ත්වයාප්යාත්මවිනාශනායවචෝऽර්ධහීනංබහුවිප්රලප්තම් ॥ 9 ॥
පුත්රප්රවාදේවතුරාවණස්යත්වමිංද්රජින්මිත්රමුඛෝऽසිශත්රුඃ ।
යස්යේදෘශංරාඝවතෝවිනාශංනිශම්යමෝහාදනුමන්යසේත්වම් ॥ 10 ॥
ත්වමේව වධ්යශ්ච සුදුර්මතිශ්ච ।
ස චාපි වධ්යෝ ය ඓහානයත්ත්වාම් ।
බාලං දෘඪං සාහාසිකං ච යෝऽද්ය ।
ප්රාවේශයන්මංත්රක්Rතාං සමීපම් ॥ 11 ॥
මූඪෝऽප්රගල්භෝऽවිනයෝපපන්නස්තීක්ෂණස්වභාවෝऽල්පමතිර්දුරාත්මා ।
මූර්ඛස්ත්වමත්යර්ථසුදුර්මතිශ්චත්වමිංද්රජිද්බාලතයාබ්රවීෂි ॥ 12 ॥
කෝබ්රහ්මදංඩප්රතිමප්රකාශානර්චිෂ්මතඃකාලනිකාශරූපාන් ।
සහේතබාණාන්යමදංඩකල්පාන්සමක්ෂමුක්තාන්යුධිරාඝවේණ ॥ 13 ॥
ධනානිරත්නානිසුභූෂණානිවාසාංසිදිව්යානිමණීංශ්ච ।
චිත්රාන් සීතාංචරාමායනිවේද්යදේවීංවසේමරාජන් නිහවීතශෝකාඃ ॥ 14 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ පංචදශස්සර්ගඃ ॥
