ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಪಞ್ಚದಶಸ್ಸರ್ಗಃ ।
ಬೃಹಸ್ಪತೇಸ್ತುಲ್ಯಮತೇರ್ವಚಸ್ತನ್ನಿಶಮ್ಯಯತ್ನೇನವಿಭೀಷಣಸ್ಯ ।
ತತೋಮಹಾತ್ಮಾವಚನಮ್ಬಭಾಷೇತತ್ರೇನ್ದ್ರಜಿನ್ನೈರೃತಯೂಥಮುಖ್ಯಃ ॥ 1 ॥
ಕಿನ್ನಾಮತೇತಾತಕನಿಷ್ಠವಾಕ್ಯಮನರ್ಥಕಞ್ಚೇವೇಸುಬಸುಭೀತವಚ್ಚ ।
ಅಸ್ಮಿನ್ಕುಲೇಯೋಽಪಿಭವೇನ್ನಜಾತಸ್ಸೋಽಪೀದೃಶನ್ನೈವವದೇನ್ನಕುರ್ಯಾತ್ ॥ 2 ॥
ಸತ್ತ್ವೇನವೀರ್ಯೇಣಪರಾಕ್ರಮೇಣಶೌರ್ಯೇಣಧೈರ್ಯೇಣಚತೇಜಸಾಚ ।
ಏಕಃಕುಲೇಽಸ್ಮಿನ್ಪುರುಷೋವಿಮುಕ್ತೋವಿಭೀಷಣಸ್ತಾತಕನಿಷ್ಠಏಷಃ ॥ 3 ॥
ಕಿನ್ನಾಮತೌಮಾನುಷರಾಜಪುತ್ರಾವಸ್ಮಾಕಮೇಕೇನಹಿರಾಕ್ಷಸೇನ ।
ಸುಪ್ರಾಕೃತೇನಾಪಿರಣೇನಿಹನ್ತುಮೇತೌಶಕ್ಯೌಕುತೋಭೀಷಯಸೇಸ್ಮಭೀರೋ ॥ 4 ॥
ತ್ರಿಲೋಕನಾಥೋನನುದೇವರಾಜಶ್ಶಕ್ರೋಮಯಾಭೂಮಿತಲೇನಿವಿಷ್ಟಃ ।
ಭಯಾರ್ಪಿತಾಶ್ಚಾಪಿದಿಶಃಪ್ರಪನ್ನಾಸ್ಸರ್ವೇತಥಾದೇವಗಣಾಸ್ಸಮಗ್ರಾಃ ॥ 5 ॥
ಐರಾವತೋವಿಸ್ವರಮುನ್ನದನ್ ಸನಿಪಾತಿತೋಭೂಮಿತಲೇಮಯಾತು ।
ವಿಕೃಷ್ಯದನ್ತೌತುಮಯಾಪ್ರಸಹ್ಯವಿತ್ರಾಸಿತಾದೇವಗಣಾಸ್ಸಮಗ್ರಾಃ ॥ 6 ॥
ಸೋಽಹಂಸುರಾಣಾಮಪಿದರ್ಪಹನ್ತಾದೈತ್ಯೋತ್ತಮಾನಾಮಪಿಶೋಕದಾತಾ ।
ಕಥನ್ನರೇನ್ದ್ರಾತ್ಮಜಯೋರ್ನಶಕ್ತೋಮನುಷ್ಯಯೋಃಪ್ರಾಕೃತಯೋಸ್ಸುವೀರ್ಯಃ ॥ 7 ॥
ಅಥೇನ್ದ್ರಕಲ್ಪಸ್ಯದುರಾಸದಸ್ಯಮಹೌಜಸಸ್ತದ್ವಚನನ್ನಿಶಮ್ಯ ।
ತತೋಮಹಾರ್ಥವಚನಮ್ಬಭಾಷೇವಿಭೀಷಣಶ್ಶಸ್ತ್ರಭೃತಾಂವರಿಷ್ಠಃ ॥ 8 ॥
ನತಾತಮನ್ತ್ರೇತವನಿಶ್ಚಯೋಽಸ್ತಿಬಾಲಸ್ತ್ವಮದ್ಯಾಪ್ಯವಿಪಕ್ವಬುದ್ಧಿಃ ।
ತಸ್ಮಾತ್ತ್ವಯಾಪ್ಯಾತ್ಮವಿನಾಶನಾಯವಚೋಽರ್ಧಹೀನಮ್ಬಹುವಿಪ್ರಲಪ್ತಮ್ ॥ 9 ॥
ಪುತ್ರಪ್ರವಾದೇವತುರಾವಣಸ್ಯತ್ವಮಿನ್ದ್ರಜಿನ್ಮಿತ್ರಮುಖೋಽಸಿಶತ್ರುಃ ।
ಯಸ್ಯೇದೃಶಂರಾಘವತೋವಿನಾಶನ್ನಿಶಮ್ಯಮೋಹಾದನುಮನ್ಯಸೇತ್ವಮ್ ॥ 10 ॥
ತ್ವಮೇವ ವಧ್ಯಶ್ಚ ಸುದುರ್ಮತಿಶ್ಚ ।
ಸ ಚಾಪಿ ವಧ್ಯೋ ಯ ಐಹಾನಯತ್ತ್ವಾಮ್ ।
ಬಾಲಂ ದೃಢಂ ಸಾಹಾಸಿಕಂ ಚ ಯೋಽದ್ಯ ।
ಪ್ರಾವೇಶಯನ್ಮನ್ತ್ರಕ್Rತಾಂ ಸಮೀಪಮ್ ॥ 11 ॥
ಮೂಢೋಽಪ್ರಗಲ್ಭೋಽವಿನಯೋಪಪನ್ನಸ್ತೀಕ್ಷಣಸ್ವಭಾವೋಽಲ್ಪಮತಿರ್ದುರಾತ್ಮಾ ।
ಮೂರ್ಖಸ್ತ್ವಮತ್ಯರ್ಥಸುದುರ್ಮತಿಶ್ಚತ್ವಮಿನ್ದ್ರಜಿದ್ಬಾಲತಯಾಬ್ರವೀಷಿ ॥ 12 ॥
ಕೋಬ್ರಹ್ಮದಣ್ಡಪ್ರತಿಮಪ್ರಕಾಶಾನರ್ಚಿಷ್ಮತಃಕಾಲನಿಕಾಶರೂಪಾನ್ ।
ಸಹೇತಬಾಣಾನ್ಯಮದಣ್ಡಕಲ್ಪಾನ್ಸಮಕ್ಷಮುಕ್ತಾನ್ಯುಧಿರಾಘವೇಣ ॥ 13 ॥
ಧನಾನಿರತ್ನಾನಿಸುಭೂಷಣಾನಿವಾಸಾಂಸಿದಿವ್ಯಾನಿಮಣೀಂಶ್ಚ ।
ಚಿತ್ರಾನ್ ಸೀತಾಞ್ಚರಾಮಾಯನಿವೇದ್ಯದೇವೀಂವಸೇಮರಾಜನ್ ನಿಹವೀತಶೋಕಾಃ ॥ 14 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಪಞ್ಚದಶಸ್ಸರ್ಗಃ ॥
