ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ପଂଚଦଶସ୍ସର୍ଗଃ ।
ବୃହସ୍ପତେସ୍ତୁଲ୍ୟମତେର୍ଵଚସ୍ତନ୍ନିଶମ୍ୟୟତ୍ନେନଵିଭୀଷଣସ୍ୟ ।
ତତୋମହାତ୍ମାଵଚନଂବଭାଷେତତ୍ରେଂଦ୍ରଜିନ୍ନୈରୃତୟୂଥମୁଖ୍ୟଃ ॥ 1 ॥
କିଂନାମତେତାତକନିଷ୍ଠଵାକ୍ୟମନର୍ଥକଂଚେଵେସୁବସୁଭୀତଵଚ୍ଚ ।
ଅସ୍ମିନ୍କୁଲେୟୋଽପିଭଵେନ୍ନଜାତସ୍ସୋଽପୀଦୃଶଂନୈଵଵଦେନ୍ନକୁର୍ୟାତ୍ ॥ 2 ॥
ସତ୍ତ୍ଵେନଵୀର୍ୟେଣପରାକ୍ରମେଣଶୌର୍ୟେଣଧୈର୍ୟେଣଚତେଜସାଚ ।
ଏକଃକୁଲେଽସ୍ମିନ୍ପୁରୁଷୋଵିମୁକ୍ତୋଵିଭୀଷଣସ୍ତାତକନିଷ୍ଠଏଷଃ ॥ 3 ॥
କିଂନାମତୌମାନୁଷରାଜପୁତ୍ରାଵସ୍ମାକମେକେନହିରାକ୍ଷସେନ ।
ସୁପ୍ରାକୃତେନାପିରଣେନିହଂତୁମେତୌଶକ୍ୟୌକୁତୋଭୀଷୟସେସ୍ମଭୀରୋ ॥ 4 ॥
ତ୍ରିଲୋକନାଥୋନନୁଦେଵରାଜଶ୍ଶକ୍ରୋମୟାଭୂମିତଲେନିଵିଷ୍ଟଃ ।
ଭୟାର୍ପିତାଶ୍ଚାପିଦିଶଃପ୍ରପନ୍ନାସ୍ସର୍ଵେତଥାଦେଵଗଣାସ୍ସମଗ୍ରାଃ ॥ 5 ॥
ଐରାଵତୋଵିସ୍ଵରମୁନ୍ନଦନ୍ ସନିପାତିତୋଭୂମିତଲେମୟାତୁ ।
ଵିକୃଷ୍ୟଦଂତୌତୁମୟାପ୍ରସହ୍ୟଵିତ୍ରାସିତାଦେଵଗଣାସ୍ସମଗ୍ରାଃ ॥ 6 ॥
ସୋଽହଂସୁରାଣାମପିଦର୍ପହଂତାଦୈତ୍ୟୋତ୍ତମାନାମପିଶୋକଦାତା ।
କଥଂନରେଂଦ୍ରାତ୍ମଜୟୋର୍ନଶକ୍ତୋମନୁଷ୍ୟୟୋଃପ୍ରାକୃତୟୋସ୍ସୁଵୀର୍ୟଃ ॥ 7 ॥
ଅଥେଂଦ୍ରକଲ୍ପସ୍ୟଦୁରାସଦସ୍ୟମହୌଜସସ୍ତଦ୍ଵଚନଂନିଶମ୍ୟ ।
ତତୋମହାର୍ଥଵଚନଂବଭାଷେଵିଭୀଷଣଶ୍ଶସ୍ତ୍ରଭୃତାଂଵରିଷ୍ଠଃ ॥ 8 ॥
ନତାତମଂତ୍ରେତଵନିଶ୍ଚୟୋଽସ୍ତିବାଲସ୍ତ୍ଵମଦ୍ୟାପ୍ୟଵିପକ୍ଵବୁଦ୍ଧିଃ ।
ତସ୍ମାତ୍ତ୍ଵୟାପ୍ୟାତ୍ମଵିନାଶନାୟଵଚୋଽର୍ଧହୀନଂବହୁଵିପ୍ରଲପ୍ତମ୍ ॥ 9 ॥
ପୁତ୍ରପ୍ରଵାଦେଵତୁରାଵଣସ୍ୟତ୍ଵମିଂଦ୍ରଜିନ୍ମିତ୍ରମୁଖୋଽସିଶତ୍ରୁଃ ।
ୟସ୍ୟେଦୃଶଂରାଘଵତୋଵିନାଶଂନିଶମ୍ୟମୋହାଦନୁମନ୍ୟସେତ୍ଵମ୍ ॥ 10 ॥
ତ୍ଵମେଵ ଵଧ୍ୟଶ୍ଚ ସୁଦୁର୍ମତିଶ୍ଚ ।
ସ ଚାପି ଵଧ୍ୟୋ ୟ ଐହାନୟତ୍ତ୍ଵାମ୍ ।
ବାଲଂ ଦୃଢଂ ସାହାସିକଂ ଚ ୟୋଽଦ୍ୟ ।
ପ୍ରାଵେଶୟନ୍ମଂତ୍ରକ୍Rତାଂ ସମୀପମ୍ ॥ 11 ॥
ମୂଢୋଽପ୍ରଗଲ୍ଭୋଽଵିନୟୋପପନ୍ନସ୍ତୀକ୍ଷଣସ୍ଵଭାଵୋଽଲ୍ପମତିର୍ଦୁରାତ୍ମା ।
ମୂର୍ଖସ୍ତ୍ଵମତ୍ୟର୍ଥସୁଦୁର୍ମତିଶ୍ଚତ୍ଵମିଂଦ୍ରଜିଦ୍ବାଲତୟାବ୍ରଵୀଷି ॥ 12 ॥
କୋବ୍ରହ୍ମଦଂଡପ୍ରତିମପ୍ରକାଶାନର୍ଚିଷ୍ମତଃକାଲନିକାଶରୂପାନ୍ ।
ସହେତବାଣାନ୍ୟମଦଂଡକଲ୍ପାନ୍ସମକ୍ଷମୁକ୍ତାନ୍ୟୁଧିରାଘଵେଣ ॥ 13 ॥
ଧନାନିରତ୍ନାନିସୁଭୂଷଣାନିଵାସାଂସିଦିଵ୍ୟାନିମଣୀଂଶ୍ଚ ।
ଚିତ୍ରାନ୍ ସୀତାଂଚରାମାୟନିଵେଦ୍ୟଦେଵୀଂଵସେମରାଜନ୍ ନିହଵୀତଶୋକାଃ ॥ 14 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ପଂଚଦଶସ୍ସର୍ଗଃ ॥
