śrīmadvālmīkīya rāmāyaṇē yuddhakāṇḍam ।
atha ṣaṭpañchāśassargaḥ ।
taddṛṣṭavāsumahatkarmakṛtaṃvānaratastamaiḥ ।
krōdhamāhārayāmāsayudhitīvramakampanaḥ ॥ 1 ॥
krōdhamūrchitarūpastudhūnvanparamakārmukam ।
dṛṣṭavātukarmaśatrūṇāṃsārathiṃvākyamabravīt ॥ 2 ॥
tatttvaitāvattvaritaṃrathamprāpayasārathē ।
yatraitēbahavōghnantisubahūnrākṣasānraṇē ॥ 3 ॥
ētē'trabalavantōhibhīmakōpāśchavānarāḥ ।
drumaśailapraharaṇāstiṣṭhantipramukhēmama ॥ 4 ॥
ētānnihantumichChāmisamaraślāghinōhyaham ।
ētaiḥpramathitaṃsarvandṛśyatērākṣasāmbalam ॥ 5 ॥
tataḥprajavanāśvēnarathēnarathināṃvaraḥ ।
harīnabhyahanatkrōdhāchCharajālaikampanaḥ ॥ 6 ॥
nasthātuṃvānarāśśēkuḥkimpunaryōddhumāhavē ।
akampanaśarairbhagnāssarvaēvavidudruvuḥ ॥ 7 ॥
tānmṛtyuvaśamāpannānakampanavaṃśagatān ।
samīkṣyahanumānjñātīnupatasthēmahābalaḥ ॥ 8 ॥
tammahāplavagandṛṣṭavāsarvētēplavagayūthapāḥ ।
samētyasamarēvīrāssahitāḥparyavārayan ॥ 9 ॥
avasthitaṃhanūmantantēdṛṣṭavāhariyūthapāḥ ।
babhūvurbalavantōhibalavantaṃsamāśritāḥ ॥ 10 ॥
akampanas tu śaila ābhaṃ hanūmantaṃ avasthitam ।
mahā indra;iva dhārābhih śarair abhivavarṣa ha ॥ 11 ॥
achintayitvābāṇaughān śarīrēpatitānśitān ।
akampanavadhārthāyamanōdadhrēmahābalaḥ ॥ 12 ॥
saprahasyamahātējāhanumān mārutātmajaḥ ।
abhidudrāvatadrakṣaḥkampayannivamēdinīm ॥ 13 ॥
tasyābhinardamānasyadīpyamānasyatējasā ।
babhūvarūpandurdharṣandīptasyēvavibhāvasōḥ ॥ 14 ॥
ātmānammapraharaṇañjñātvākrōdhasamanvitaḥ ।
śailamutpāṭayāmāsavēgēnaharipuṅgavaḥ ॥ 15 ॥
gṛhītvātammahāśailampāṇinaikēnamārutiḥ ।
savinadyamahānādambhrāmayāmāsavīryavān ॥ 16 ॥
tatastamabhidudrāvarākṣasēndramakampanam ।
purāhinamuchiṃsaṅ khyēvajrēṇēvapurandaraḥ ॥ 17 ॥
akampanastutaddṛṣṭavāgiriśṛṅgaṃsamudyatam ।
dūrādēvamahābāṇairardhachandrairvyadārayat ॥ 18 ॥
tatparvatāgramākāśērakṣōbāṇavidāritam ।
vikīrṇampatitandṛṣṭavāhanumānkrōdhamūrChitaḥ ॥ 19 ॥
sō'śvakarṇaṃsamāsādyarōṣadarpānvitōhariḥ ।
tūrṇamutpāṭayāmāsamahāgirimivōchChritam ॥ 20 ॥
taṅgṛhītvāmahāskandhaṃsō'śvakarṇammahādyutiḥ ।
prahasyaparayāprītyābhrāmayāmāsabhūtalē ॥ 21 ॥
pradhāvannūruvēgēnaprabhañjaṃstarasādrumān ।
hanūmānparamakruddhaścharaṇairdārayatkṣitam ॥ 22 ॥
gajāṃśchasagajārōhānsarathānrathinastathā ।
jaghānahanumān bhīmān rākṣasāṃśchapadātigān ॥ 23 ॥
tamantakamivakruddhaṃsadrumamprāṇahāriṇam ।
hanūmantamabhiprēkṣyarākṣasāvipradudruvuḥ ॥ 24 ॥
tamāpatantaṃsaṅkṛddhaṃrākṣasānāmbhayāvaham ।
dadarśākampanōvīraśchukṣōdhachananādacha ॥ 25 ॥
sachaturdaśabhirbāṇaiśśitairdēhavidāraṇaiḥ ।
nirbibhēdahanūmantammahāvīryamakampanaḥ ॥ 26 ॥
sa tathā pratividdhas tu bahvībhih śara vṛṣṭibhiḥ ।
hanūmān dadṛśē vīrah prarūḍha;iva sānumān ॥ 27 ॥
virarāja mahāvīryō mahākāyō mahābalaḥ ।
puṣpitāśōkasamkāśō vidhūma iva pāvakaḥ ॥ 28 ॥
tatō'nyaṃvṛkṣamutpāṭyakṛtvāvēgamanuttamam ।
śirasyabhijaghānāśurākṣasēndramakampanam ॥ 29 ॥
savṛkṣēṇahatastēnasakrōdhēnamahātmanā ।
rākṣasōvānarēndrēṇapapātachamamāracha ॥ 30 ॥
taṃ dṛṣṭvā nihataṃ bhūmau rākṣasa indraṃ akampanam ।
vyathitā rākṣasāh sarvē kṣiti kampa;iva drumāḥ ॥ 31 ॥
tyaktapraharaṇāssarvērākṣasāstēparājitāḥ ।
laṅkāmabhiyayustrastāvānarāstaibhidrutāḥ ॥ 32 ॥
tēmuktakēśāḥsambhrāntābhagnamānāḥparājitāḥ ।
sravachChramajalairaṅgaiśśvasantōvipradudruvuḥ ॥ 33 ॥
anyōnyampramamanthustēviviśurnagarambhayāt ।
pṛṣṭhatastētusammūḍhāḥprēkṣamāṇāmuhurmuhuḥ ॥ 34 ॥
tēṣulaṅkāmpraviṣṭēṣurākṣasēṣumahābalāḥ ।
samētyaharayassarvēhanūmantamapūjayan ॥ 35 ॥
sō'piprahṛṣṭastān sarvān harīn sampratyapūjayat ।
hanumānsattvasampannōyathārhamanukūlataḥ ॥ 36 ॥
vinēduśchayathāprāṇaṃharayōjitakāśinaḥ ।
chakarṣuśchapunastatrasaprāṇānapirākṣasān ॥ 37 ॥
savīraśōbhāmabhajanmahākapiḥsamētyarakṣāṃsinihatyamārutiḥ ।
mahāsurambhīmamamitranāśanaḥyathaivaviṣṇurbalinañchamūmukhē ॥ 38 ॥
apūjayandēvagaṇāstadākapiṃsvayañcharāmō'tibalaśchalakṣmaṇaḥ ।
tathaivasugrīvamukhāḥplavaṅgamāvibhīṣaṇaśchaivamahābalastathā ॥ 39 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē ṣaṭpañchāśassargaḥ ॥
