শ্রীমদ্বাল্মীকীয় রামাযণে যুদ্ধকাংডম্ ।
অথ ষট্পংচাশস্সর্গঃ ।
তদ্দৃষ্টবাসুমহত্কর্মকৃতংবানরতস্তমৈঃ ।
ক্রোধমাহারয়ামাসয়ুধিতীব্রমকংপনঃ ॥ 1 ॥
ক্রোধমূর্চিতরূপস্তুধূন্বন্পরমকার্মুকম্ ।
দৃষ্টবাতুকর্মশত্রূণাংসারথিংবাক্যমব্রবীত্ ॥ 2 ॥
তত্ত্ত্বৈতাবত্ত্বরিতংরথংপ্রাপযসারথে ।
যত্রৈতেবহবোঘ্নংতিসুবহূন্রাক্ষসান্রণে ॥ 3 ॥
এতেঽত্রবলবংতোহিভীমকোপাশ্চবানরাঃ ।
দ্রুমশৈলপ্রহরণাস্তিষ্ঠংতিপ্রমুখেমম ॥ 4 ॥
এতান্নিহংতুমিচ্ছামিসমরশ্লাঘিনোহ্যহম্ ।
এতৈঃপ্রমথিতংসর্বংদৃশ্যতেরাক্ষসাংবলম্ ॥ 5 ॥
ততঃপ্রজবনাশ্বেনরথেনরথিনাংবরঃ ।
হরীনভ্যহনত্ক্রোধাচ্ছরজালৈকংপনঃ ॥ 6 ॥
নস্থাতুংবানরাশ্শেকুঃকিংপুনর্য়োদ্ধুমাহবে ।
অকংপনশরৈর্ভগ্নাস্সর্বএববিদুদ্রুবুঃ ॥ 7 ॥
তান্মৃত্য়ুবশমাপন্নানকংপনবংশগতান্ ।
সমীক্ষ্যহনুমান্জ্ঞাতীনুপতস্থেমহাবলঃ ॥ 8 ॥
তংমহাপ্লবগংদৃষ্টবাসর্বেতেপ্লবগয়ূথপাঃ ।
সমেত্যসমরেবীরাস্সহিতাঃপর্যবারযন্ ॥ 9 ॥
অবস্থিতংহনূমংতংতেদৃষ্টবাহরিয়ূথপাঃ ।
বভূবুর্বলবংতোহিবলবংতংসমাশ্রিতাঃ ॥ 10 ॥
অকংপনস্ তু শৈল আভং হনূমংতং অবস্থিতম্ ।
মহা ইংদ্র;ইব ধারাভিহ্ শরৈর্ অভিববর্ষ হ ॥ 11 ॥
অচিংতয়িত্বাবাণৌঘান্ শরীরেপতিতান্শিতান্ ।
অকংপনবধার্থাযমনোদধ্রেমহাবলঃ ॥ 12 ॥
সপ্রহস্যমহাতেজাহনুমান্ মারুতাত্মজঃ ।
অভিদুদ্রাবতদ্রক্ষঃকংপযন্নিবমেদিনীম্ ॥ 13 ॥
তস্য়াভিনর্দমানস্যদীপ্যমানস্যতেজসা ।
বভূবরূপংদুর্ধর্ষংদীপ্তস্য়েববিভাবসোঃ ॥ 14 ॥
আত্মানংমপ্রহরণংজ্ঞাত্বাক্রোধসমন্বিতঃ ।
শৈলমুত্পাটয়ামাসবেগেনহরিপুংগবঃ ॥ 15 ॥
গৃহীত্বাতংমহাশৈলংপাণিনৈকেনমারুতিঃ ।
সবিনদ্যমহানাদংভ্রাময়ামাসবীর্যবান্ ॥ 16 ॥
ততস্তমভিদুদ্রাবরাক্ষসেংদ্রমকংপনম্ ।
পুরাহিনমুচিংসঙ্ খ্য়েবজ্রেণেবপুরংদরঃ ॥ 17 ॥
অকংপনস্তুতদ্দৃষ্টবাগিরিশৃংগংসমুদ্যতম্ ।
দূরাদেবমহাবাণৈরর্ধচংদ্রৈর্ব্যদারযত্ ॥ 18 ॥
তত্পর্বতাগ্রমাকাশেরক্ষোবাণবিদারিতম্ ।
বিকীর্ণংপতিতংদৃষ্টবাহনুমান্ক্রোধমূর্ছিতঃ ॥ 19 ॥
সোঽশ্বকর্ণংসমাসাদ্যরোষদর্পান্বিতোহরিঃ ।
তূর্ণমুত্পাটয়ামাসমহাগিরিমিবোচ্ছ্রিতম্ ॥ 20 ॥
তংগৃহীত্বামহাস্কংধংসোঽশ্বকর্ণংমহাদ্য়ুতিঃ ।
প্রহস্যপরয়াপ্রীত্য়াভ্রাময়ামাসভূতলে ॥ 21 ॥
প্রধাবন্নূরুবেগেনপ্রভংজংস্তরসাদ্রুমান্ ।
হনূমান্পরমক্রুদ্ধশ্চরণৈর্দারযত্ক্ষিতম্ ॥ 22 ॥
গজাংশ্চসগজারোহান্সরথান্রথিনস্তথা ।
জঘানহনুমান্ ভীমান্ রাক্ষসাংশ্চপদাতিগান্ ॥ 23 ॥
তমংতকমিবক্রুদ্ধংসদ্রুমংপ্রাণহারিণম্ ।
হনূমংতমভিপ্রেক্ষ্যরাক্ষসাবিপ্রদুদ্রুবুঃ ॥ 24 ॥
তমাপতংতংসংকৃদ্ধংরাক্ষসানাংভয়াবহম্ ।
দদর্শাকংপনোবীরশ্চুক্ষোধচননাদচ ॥ 25 ॥
সচতুর্দশভির্বাণৈশ্শিতৈর্দেহবিদারণৈঃ ।
নির্বিভেদহনূমংতংমহাবীর্যমকংপনঃ ॥ 26 ॥
স তথা প্রতিবিদ্ধস্ তু বহ্বীভিহ্ শর বৃষ্টিভিঃ ।
হনূমান্ দদৃশে বীরহ্ প্ররূঢ;ইব সানুমান্ ॥ 27 ॥
বিররাজ মহাবীর্য়ো মহাকায়ো মহাবলঃ ।
পুষ্পিতাশোকসম্কাশো বিধূম ইব পাবকঃ ॥ 28 ॥
ততোঽন্য়ংবৃক্ষমুত্পাট্যকৃত্বাবেগমনুত্তমম্ ।
শিরস্যভিজঘানাশুরাক্ষসেংদ্রমকংপনম্ ॥ 29 ॥
সবৃক্ষেণহতস্তেনসক্রোধেনমহাত্মনা ।
রাক্ষসোবানরেংদ্রেণপপাতচমমারচ ॥ 30 ॥
তং দৃষ্ট্বা নিহতং ভূমৌ রাক্ষস ইংদ্রং অকংপনম্ ।
ব্যথিতা রাক্ষসাহ্ সর্বে ক্ষিতি কংপ;ইব দ্রুমাঃ ॥ 31 ॥
ত্যক্তপ্রহরণাস্সর্বেরাক্ষসাস্তেপরাজিতাঃ ।
লংকামভিযয়ুস্ত্রস্তাবানরাস্তৈভিদ্রুতাঃ ॥ 32 ॥
তেমুক্তকেশাঃসংভ্রাংতাভগ্নমানাঃপরাজিতাঃ ।
স্রবচ্ছ্রমজলৈরংগৈশ্শ্বসংতোবিপ্রদুদ্রুবুঃ ॥ 33 ॥
অন্য়োন্য়ংপ্রমমংথুস্তেবিবিশুর্নগরংভয়াত্ ।
পৃষ্ঠতস্তেতুসম্মূঢাঃপ্রেক্ষমাণামুহুর্মুহুঃ ॥ 34 ॥
তেষুলংকাংপ্রবিষ্টেষুরাক্ষসেষুমহাবলাঃ ।
সমেত্যহরযস্সর্বেহনূমংতমপূজযন্ ॥ 35 ॥
সোঽপিপ্রহৃষ্টস্তান্ সর্বান্ হরীন্ সংপ্রত্যপূজযত্ ।
হনুমান্সত্ত্বসংপন্নোযথার্হমনুকূলতঃ ॥ 36 ॥
বিনেদুশ্চযথাপ্রাণংহরয়োজিতকাশিনঃ ।
চকর্ষুশ্চপুনস্তত্রসপ্রাণানপিরাক্ষসান্ ॥ 37 ॥
সবীরশোভামভজন্মহাকপিঃসমেত্যরক্ষাংসিনিহত্যমারুতিঃ ।
মহাসুরংভীমমমিত্রনাশনঃযথৈববিষ্ণুর্বলিনংচমূমুখে ॥ 38 ॥
অপূজয়ংদেবগণাস্তদাকপিংস্বয়ংচরামোঽতিবলশ্চলক্ষ্মণঃ ।
তথৈবসুগ্রীবমুখাঃপ্লবংগমাবিভীষণশ্চৈবমহাবলস্তথা ॥ 39 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে ষট্পংচাশস্সর্গঃ ॥
