ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଏକସପ୍ତତିତମସ୍ସର୍ଗଃ ।
ସ୍ଵବଲଂଵ୍ୟଥିତଂଦୃଷ୍ଟଵାତୁମୁଲଂରୋମହର୍ଷଣମ୍ ।
ଭ୍ରାତୃଂଶ୍ଚନିହତାନ୍ ଦୃଷ୍ଟଵାଶକ୍ରତୁଲ୍ୟପରାକ୍ରମାନ୍ ॥ 1 ॥
ପିତୃଵ୍ୟୌଚାପିସନୃଦୃଶ୍ୟସମରେସନ୍ନିଘାଦିତୌ ।
ୟୁଦ୍ଧୋନ୍ମତ୍ତଂ ଚ ମତ୍ତଂ ଚ ଭ୍ରାତରୌରାକ୍ଷସର୍ଷଭୌ ॥ 2 ॥
ଚୁକୋପ ଚ ମହାତେଜାବ୍ରହ୍ମଦତ୍ତଵରୋୟୁଧି ।
ଅତିକାୟୋଽଦ୍ରିସଂକାଶୋଦେଵଦାନଵଦର୍ପହା ॥ 3 ॥
ସ ଭାସ୍କରସହସ୍ରସ୍ୟସଂଘାତମିଵଭାସ୍ଵରମ୍ ।
ରଥମାସ୍ଥାୟଶକ୍ରାରିରଭିଦୁଦ୍ରାଵଵାନରାନ୍ ॥ 4 ॥
ସ ଵିସ୍ଫାର୍ୟମହାଚାପଂକିରୀଟୀମୃଷ୍ଟକୁଂଡଲଃ ।
ନାମଵିଶ୍ରାଵୟାମାସନନାଦ ଚ ମହାସ୍ଵନମ୍ ॥ 5 ॥
ତେନସିଂହପ୍ରଣାଦେନନାମଵିଶ୍ରାଵଣେନ ଚ ।
ଜ୍ୟାଶବ୍ଦେନ ଚ ଭୀମେନତ୍ରାସୟାମାସଵାନରାନ୍ ॥ 6 ॥
ତେଦୃଷ୍ଟଵାଦେହମାହାତ୍ମ୍ୟଂକୁଂଭକର୍ଣୋଽୟମୁଥତିତଃ ।
ଭୟାର୍ତାଵାନରାସ୍ସର୍ଵେସଂଶ୍ରୟଂତେପରସ୍ପରମ୍ ॥ 7 ॥
ତେତସ୍ୟରୂପମାଲୋକ୍ୟୟଥାଵିଷ୍ଟୋସ୍ତ୍ରିଵିକ୍ରମେ ।
ଭୟାଦ୍ଵାନରୟୂଧାସ୍ତେଵିଦ୍ରଵଂତିତତସ୍ତତଃ ॥ 8 ॥
ତେଽତିକାୟଂସମାସାଦ୍ୟଵାନରାମୂଢଚେତସଃ ।
ଶରଣ୍ୟଂଶରଣଂଜଗ୍ମୁର୍ଲକ୍ଷ୍ମଣାଗ୍ରଜମାହଵେ ॥ 9 ॥
ତୋଽତିକାୟଂକାକୁତ୍ସ୍ଥୋରଥସ୍ଥଂପର୍ଵତୋପମମ୍ ।
ଦଦର୍ଶଧଵନିନଂଦୂରାଦ୍ଗର୍ଜଂତଂକାଲମେଘଵତ୍ ॥ 10 ॥
ସ ତଂଦୃଷ୍ଟଵାମହାତ୍ମାନଂରାଘଵସ୍ତୁଵିସିସ୍ମିୟେ ।
ଵାନରାନ୍ ସାଂତ୍ଵୟିତ୍ଵା ଚ ଵିଭୀଷଣମୁଵାଚ ହ ॥ 11 ॥
କୋଽସୌପର୍ଵତସଂକାଶୋଧନୁଷ୍ମାନ୍ହରିଲୋଚନଃ ।
ୟୁକ୍ତେହୟସହସ୍ରେଣଵିଶାଲେସ୍ୟଂଦନେସ୍ଥିତଃ ॥ 12 ॥
ୟ ଏଷନିଶିତୈଶ୍ଶୂଲୈସ୍ସୁତୀକ୍ଣୈଃପ୍ରାସମୁଦ୍ଗରୈଃ ।
ଅର୍ଚିଷ୍ମଦ୍ଭିର୍ଵୃତୋଭାତିଭୂତୈରିଵମହେଶ୍ଵରଃ ॥ 13 ॥
କାଲଜିହ୍ଵାପ୍ରକାଶାଭିର୍ୟଏଷୋଽତିଵିରାଜତେ ।
ଆଵୃତୋରଥଶକ୍ତୀଭିର୍ଵିଦ୍ୟୁଦ୍ଭିରିଵତୋୟଦଃ ॥ 14 ॥
ଧନୂଂଷିଚାସ୍ୟସଜ୍ଜାନିହେମପୃଷ୍ଠାନିସର୍ଵଶଃ ।
ଶୋଭୟଂତିରଥଶ୍ରେଷ୍ଠଂଶକ୍ରଚାପମିଵାଂବରମ୍ ॥ 15 ॥
କ ଏଷରକ୍ଷଶ୍ଶାର୍ଦୂଲୋରଣଭୂମିଵିରାଜୟନ୍ ।
ଅଭ୍ୟେତିରଥିନାଂଶ୍ରେଷ୍ଠୋରଥେନାଦିତ୍ୟତେଜସା ॥ 16 ॥
ଧ୍ଵଜଶୃଂଗପ୍ରତିଷ୍ଠେନରାହୁଣାଭିଵିରାଜତେ ।
ସୂର୍ୟରମଶିନିଭୈର୍ବାଣୈର୍ଦିଶୋ ଦଶ ଵିରାଜୟନ୍ ॥ 17 ॥
ତ୍ରିଣତଂମେଘସନ୍ନାଦଂହେମପୃଷ୍ଠମଲଂକୃତମ୍ ।
ଶତକ୍ରତୁଧନୁଃପ୍ରଖ୍ୟଂଧନୁଶ୍ଚାସ୍ୟଵିରାଜତେ ॥ 18 ॥
ସ ଧ୍ଵଜସ୍ସପତାକଶ୍ଚସାନୁକର୍ଷୋମହାରଥଃ ।
ଚତୁସ୍ସାଦିସମାୟୁକ୍ତୋମେଘସ୍ତନିତାନି ॥ 19 ॥
ଵିଂଶତିର୍ଦଶ ଚାଷ୍ଟୌ ଚ ତୂଣୀରରଥମାସ୍ଥିତାଃ ।
କାର୍ମୁକାଣି ଚ ଭୀମାନି ଜ୍ୟାଶ୍ଚ କାଂଚନପିଂଗଲାଃ ॥ 20 ॥
ଦ୍ଵୌ ଚ ଖଡଗୌରଥଗତୌପାର୍ଶ୍ଵସ୍ଥୌପାର୍ଶ୍ଵଶୋଭିତୌ ।
ଚତୁର୍ହସ୍ତତ୍ସରୁୟୁତୌଵ୍ୟକ୍ତହସ୍ତଦଶାୟତୌ ॥ 21 ॥
ରକ୍ତକଂଠଗୁଣୋ ଧୀରୋ ମହାପର୍ଵତସଂନିଭଃ ।
କାଲଃ କାଲମହାଵକ୍ତ୍ରୋ ମେଘସ୍ଥ ଇଵ ଭାସ୍କରଃ ॥ 22 ॥
କାଂଚନାଂଗଦନଦ୍ଧାଭ୍ୟାଂଭୂଜାଭ୍ୟାମେଷଶୋଭତେ ।
ଶୃଂଗାଭ୍ୟାମିଵତୁଂଗାଭ୍ୟାଂହିମଵାନ୍ ପର୍ଵତୋତ୍ତମଃ ॥ 23 ॥
କୁଂଡଲାଭ୍ୟାଂତୁୟସ୍ୟୈତଦ୍ଭତଧ୍ଭାତିଶୁଭେକ୍ଷ ।
ପୁନର୍ଵସ୍ଵଂତରଗତଂପୂର୍ଣଂଭିଂବମିଵୈଂଦଵମ୍ ॥ 24 ॥
ଆଚକ୍ଷ୍ଵମେମହାବାହୋତ୍ଵମେନଂରାକ୍ଷସୋତ୍ତମମ୍ ।
ୟଂଦୃଷ୍ଟଵାଵାନରାସ୍ସର୍ଵେଭୟାର୍ତାଵିଦ୍ରୁତାଦିଶଃ ॥ 25 ॥
ସ ପୃଷ୍ଟୋରାଜପୁତ୍ରେଣରାମେଣାମିତତେଜସା ।
ଆଚଚକ୍ଷେମହାତେଜାରଘଵାୟଵିଭୀଷଣଃ ॥ 26 ॥
ଦଶଗ୍ରୀଵୋମହାତେଜାରାଜାଵୈଶ୍ରଵଣାନୁଜଃ ।
ଭୀମକର୍ମାମହୋତ୍ସାହୋରାଵଣୋରାକ୍ଷସାଧିପଃ ॥ 27 ॥
ତସ୍ୟାସୀଦ୍ଵୀର୍ୟଵାନ୍ପୁତ୍ରୋରାଵଣପ୍ରତିମୋରଣେ ।
ଵୃଦ୍ଧସେଵୀଶ୍ରୁତିଧରସ୍ସର୍ଵାସ୍ତ୍ରଵିଦୁଷାଂଵରଃ ॥ 28 ॥
ଅଶ୍ଵପୃଷ୍ଠେରଥେନାଗେଖଡଗେଧନୁଷିକର୍ଷଣେ ।
ଭେଦେସାଂତ୍ଵେ ଚ ଦାନେ ଚ ନୟେମଂତ୍ରେ ଚ ସମ୍ମତଃ ॥ 29 ॥
ୟସ୍ୟବାହୂସମାଶ୍ରିତ୍ୟଲଂକାଵସତିନିର୍ଭୟା ।
ତନୟଂଧାନ୍ୟମାଲିନ୍ୟାଅତିକାୟମିମଂଵିଦୁଃ ॥ 30 ॥
ଏତେନାରାଧିତୋବ୍ରହ୍ମୋତପସାଭାଵିତାତ୍ମନା ।
ଅସ୍ତ୍ରାଣିଚାପ୍ୟଵାପ୍ତାନିରିପଵଶ୍ଚପରାଜିତାଃ ॥ 31 ॥
ସୁରାସୁରୈରଵଧ୍ୟତ୍ଵଂଦତ୍ତମସ୍ମୈସ୍ଵୟଂଭୁଵା ।
ଏତଚ୍ଚକଵଚଂଦିଵ୍ୟଂରଧଶ୍ଚୈଷୋଽରଭାସ୍ଵରଃ ॥ 32 ॥
ଏତେନଶତଶୋଦେଵାଦାନଵାଶ୍ଚପରାଜିତାଃ ।
ରକ୍ଷିତାନି ଚ ରକ୍ଷାଂସିୟକ୍ଷାଶ୍ଚାପିନିଷୂଦିତାଃ ॥ 33 ॥
ଵଜ୍ରଂଵିଷ୍ଟଂଭିତଂୟେନବାଣୈରିଂଦ୍ରସ୍ୟଧୀମତଃ ।
ପାଶସ୍ସଲିଲରାଜସ୍ୟରଣେପ୍ରତିହତସ୍ତଥା ॥ 34 ॥
ଏଷୋଽତିକାୟୋବଲଵାନ୍ରାକ୍ଷସାନାମଥର୍ଷଭଃ ।
ରାଵଣସ୍ୟତୋଧୀମାଂଦେଵଦାନଵଦର୍ପହା ॥ 35 ॥
ତଦସ୍ମିନ୍କ୍ରିୟତାଂୟତ୍ନଃକ୍ଷିପ୍ରଂପୁରୁଷପୁଂଗଵ ।
ପୁରାଵାନରସୈନ୍ୟାନିକ୍ଷ୍ୟଂନୟତିସାୟକୈଃ ॥ 36 ॥
ତତୋତିକାୟୋବଲଵାନ୍ପ୍ରଵିଶ୍ୟହରିଵାହିନୀମ୍ ।
ଵିଷ୍ଫାରୟାମାସଧନୁର୍ନନାଦ ଚ ପୁନଃପୁନଃ ॥ 37 ॥
ତଂଭୀମଵପୁଷଂଦୃଷ୍ଟଵାରଥସ୍ଥଂରଥିନାଂଵରମ୍ ।
ଅଭିପେତୁର୍ମହାତ୍ମାନୋୟେପ୍ରଧାନାଵନୌକସଃ ॥ 38 ॥
କୁମୁଦୋଦ୍ଵିଵିଦୋମୈଂଦୋନୀଲଶ୍ଶରଭଏଵ ଚ ।
ପାଦପୈର୍ଗିରିଶୃଂଗୈଶ୍ଚୟୁଗପତ୍ସମଭିଦ୍ରଵନ୍ ॥ 39 ॥
ତେଷାଂଵୃକ୍ଷାଂଶ୍ଚଶୈଲାଂଶ୍ଚଶରୈଃକାଂଚନଭୂଷଣୈଃ ।
ଅତିକାୟୋମହାତେଜାଶ୍ଚିଚ୍ଛେଦାସ୍ତ୍ରଵିଦାଂଵରଃ ॥ 40 ॥
ତାଂଶ୍ଚୈଵସର୍ଵାନ୍ ସ ହରୀନ୍ ଶରୈସ୍ସର୍ଵାୟସୈର୍ବଲୀ ।
ଵିଵ୍ୟାଥାଭିମୁଖସ୍ସଂଖ୍ୟେଭୀମକାୟୋନିଶାଚର ॥ 41 ॥
ତେଽର୍ଦିତାଂବାଣଵର୍ଷେଣଭିନ୍ନଗାତ୍ରାଃପ୍ଲଵଂଗମାଃ ।
ନ ଶେକୁରତିକାୟସ୍ୟପ୍ରତିକର୍ତୁଂମହାରଣେ ॥ 42 ॥
ତତ୍ ତ୍ସୈନ୍ୟଂହରିଵୀରାଣାଂତ୍ରାସୟାମାସରାକ୍ଷସଃ ।
ମୃଗୟୂଥମିଵକ୍ରୁଦ୍ଧୋହରିର୍ୟୌଵନଦର୍ପିତଃ ॥ 43 ॥
ସରାକ୍ଷସେଂଦ୍ରୋହରିସୈନ୍ୟମଧ୍ୟେନାୟୁଧ୍ୟମାନଂନିଜଘାନକଂଚିତ୍ ।
ଉପେତ୍ୟରାମଂସଧମଃ କଲାପୀ ସ ଗର୍ଵିତଂଵାକ୍ୟମିଦଂବଭାଷେ ॥ 44 ॥
ରଥେସ୍ଥିତୋହଂଶରଚାପପାଣିର୍ନପ୍ରାକୃତଂକଂଚନୟୋଧୟାମି ।
ୟସ୍ୟାସ୍ତିକଶ୍ଚିଦ୍ଵ୍ୟଵସାୟୟୁକ୍ତୋଦଦାତୁମେକ୍ଷିପ୍ରମିହାଦ୍ୟୟୁଦ୍ଧମ୍ ॥ 45 ॥
ତତ୍ତସ୍ୟଵାକ୍ୟଂବ୍ରୁଵତୋନିଶମ୍ୟଚୁକୋପସୌମିତ୍ରିରମିତ୍ରହଂତା ।
ଅମୃଷ୍ୟମାଣଶ୍ଚସମୁତ୍ପପାତଜଗ୍ରାହଚାପଂ ଚ ତତସ୍ସ୍ମୟିତ୍ଵା ॥ 46 ॥
କ୍ରୁଦ୍ଧସ୍ସୌମିତ୍ରିରୁତ୍ପତ୍ୟତୂଣାଦାକ୍ଷିପ୍ୟସାୟକମ୍ ।
ପୁରସ୍ତାଦତିକାୟସ୍ୟଵିଚକର୍ଷମହଦ୍ଧନୁଃ ॥ 47 ॥
ପୂରୟନ୍ ସ ମହୀଂଶୈଲାନାକାଶଂସାଗରଂଦିଶଃ ।
ଜ୍ୟାଶବ୍ଦୋଲକ୍ଷ୍ମଣସ୍ୟୋଗ୍ରସ୍ତ୍ରାସୟନ୍ ରଜନୀଚରାନ୍ ॥ 48 ॥
ସୌମିତ୍ରେଶ୍ଚାପନିର୍ଘୋଷଂଶ୍ରୁତ୍ଵାପ୍ରତିଭୟଂତଦା ।
ଵିସିଷ୍ମିୟେମହାତେଜାରାକ୍ଷସେଂଦ୍ରାତ୍ମଜୋବଲୀ ॥ 49 ॥
ଅଥାତିକାୟଃକୁପିତୋଦୃଷ୍ଟଵାଲକ୍ଷ୍ମଣମୁତ୍ଥିତମ୍ ।
ଆଦାୟନିଶିତଂବାଣମିଦଂଵଚନମବ୍ରଵୀତ୍ ॥ 50 ॥
ବାଲସ୍ତ୍ଵମସିସୌମିତ୍ରେଵିକ୍ରମେଷ୍ଵଵିଚକ୍ଷଣଃ ।
ଗଚ୍ଛକିଂକାଲସଦୃଶଂମାଂୟୋଧୟତୁମିଚ୍ଛସି ॥ 51 ॥
ନ ହିମଦ୍ବାହୁସୃଷ୍ଟାନାମସ୍ତ୍ରାଣାହିମଵାନପି ।
ସୋଢୁମୁତ୍ସହତେଵେଗମଂତରିକ୍ଷମଥୋମହୀ ॥ 52 ॥
ସୁଖପ୍ରସୁପ୍ତଂକାଲାଗ୍ନିଂଵିବୋଧୟିତୁମିଚ୍ଛସି ।
ନ୍ୟସ୍ୟଚାପଂନିଵର୍ତସ୍ଵମାପ୍ରାଣାନ୍ ଜହିମଦ୍ଗତଃ ॥ 53 ॥
ଅଥଵାତ୍ଵଂପ୍ରତିଷ୍ଟବ୍ଧୋ ନ ନିଵର୍ତିତୁମିଚ୍ଛସି ।
ତିଷ୍ଠପ୍ରାଣାନ୍ ପରିତ୍ୟଜ୍ୟଗମିଷ୍ୟସିୟମକ୍ଷ୍ୟମ୍ ॥ 54 ॥
ପଶ୍ୟମେନିଶିତାନ୍ବାଣାନରିଦର୍ପନିଷୂଦନାନ୍ ।
ଈଶ୍ଵରାୟୁଧସଂକାଶାଂସ୍ତପ୍ତକାଂଚନଭୂଷଣାନ୍ ॥ 55 ॥
ଏଷ ତେ ସର୍ପସଂକାଶୋ ବାଣଃ ପାସ୍ୟତି ଶୋଣିତମ୍ ।
ମୃଗରାଜ ଇଵ କ୍ରୁଦ୍ଧୋ ନାଗରାଜସ୍ୟ ଶୋଣିତମ୍ ॥ 56 ॥
ଇତ୍ୟେଵମୁକ୍ତ୍ଵାସଂକ୍ରୁଦ୍ଧଶ୍ଶରଂଧନୁଷିସଂଦଧେ ।
ଶ୍ରୁତ୍ଵାତିକାୟସ୍ୟଵଚସ୍ସରୋଷଂସଗର୍ଵିତଂସମ୍ୟତିରାଜପୁତ୍ରଃ ।
ସ ସଂଚୁକୋପାତିବଲୋମନସ୍ଵୀରୁଵାଚଵାକ୍ୟଂ ଚ ତତୋମହାର୍ଥମ୍ ॥ 57 ॥
ନ ଵାକ୍ୟମାତ୍ରେଣଭଵାନ୍ ପ୍ରଧାନୋ ନ କତ୍ଥନାତ୍ସତ୍ପୁରୁଷାଭଵଂତି ।
ମୟିସ୍ଥିତେଧନ୍ଵିନିବାଣପାଣୌନିଦର୍ଶୟସ୍ଵାତ୍ମବଲଂଦୁରାତ୍ମନ୍ ॥ 58 ॥
କର୍ମଣା ସୂଚୟାତ୍ମାନଂ ନ ଵିକତ୍ଥିତୁମର୍ହସି ।
ପୌରୁଷେଣ ତୁ ୟୋ ୟୁକ୍ତଃ ସ ତୁ ଶୂର ଇତି ସ୍ମୃତଃ ॥ 59 ॥
ସର୍ଵାୟୁଧସମାୟୁକ୍ତୋଧନ୍ଵୀତ୍ଵଂରଥମାସ୍ଥିତଃ ।
ଶରୈର୍ଵାୟଦିଵାପ୍ୟସ୍ତ୍ରୈର୍ଦର୍ଶୟସ୍ଵପରାକ୍ରମମ୍ ॥ 60 ॥
ତତଃ ଶିରସ୍ତେ ନିଶିତୈଃ ପାତୟିଷ୍ୟାମ୍ୟହଂ ଶରୈଃ ।
ମାରୁତଃ କାଲସଂପକ୍ଵଂ ଵୃଂତାତ୍ତାଲଫଲଂ ୟଥା ॥ 61 ॥
ଅଦ୍ୟତେମାମକାବାଣାସ୍ତପ୍ତକାଂଚନଭୂଷଣାଃ ।
ପାସ୍ୟଂତିରୁଧିରଂଗାତ୍ରାଦ୍ବାଣଶଲ୍ୟାଂତରୋତ୍ଥିତମ୍ ॥ 62 ॥
ବାଲୋଽୟମିତିଵିଜ୍ଞାୟ ନ ମାଵଜ୍ଞାତୁମର୍ହସି ।
ବାଲୋଵାୟଦିଵାଵୃଦ୍ଧୋମୃତ୍ୟୁଂଜାନୀହିସଂୟୁଗେ ॥ 63 ॥
ବାଲେନଵିଷ୍ଣୁନାଲୋକାସ୍ତ୍ରୟଃକ୍ରାଂତାସ୍ତ୍ରିଵିକ୍ରମୈଃ ।
ଲକ୍ଷ୍ମଣସ୍ୟଵଚଶ୍ଶ୍ରୁତ୍ଵାହେତୁମତ୍ପରମାର୍ଥଵତ୍ ॥ 64 ॥
ଅତିକାୟଃପ୍ରଚୁକ୍ରୋଧବାଣଂଚୋତ୍ତମମାଦଦେ ।
ତତୋଵିଦ୍ୟାଧରାଭୂତାଦେଵାଦୈତ୍ୟାମହର୍ଷୟଃ ॥ 65 ॥
ଗୁହ୍ୟକାଶ୍ଚମହାତ୍ମାନସ୍ତଦ୍ୟୁଦ୍ଧଂଦ୍ରଷ୍ଟୁମାଗମନ୍ ।
ତୋଽତିକାୟଃକୁପିତଶ୍ଚାପମାରୋପ୍ୟସାୟକମ୍ ॥ 66 ॥
ଲକ୍ଷ୍ମଣାୟପ୍ରଚିକ୍ଷେପସଂକ୍ଷିପନ୍ନିଵଚାଂବରମ୍ ।
ତମାପତଂତଂନିଶିତଂଶରମାଶୀଵିଷୋପମମ୍ ॥ 67 ॥
ଅର୍ଧଚଂଦ୍ରେଣଚିଚ୍ଛେଦଲକ୍ଷ୍ମଣଃପରଵୀରହା ।
ତଂନିକୃତ୍ତଂଶରଂଦୃଷ୍ଟଵାକୃତ୍ତଭୋଗମିଵୋରଗମ୍ ॥ 68 ॥
ଅତିକାୟୋଭୃଶଂକ୍ରୁଦ୍ଧଃପଂଚବାଣାନ୍ ସମାଦଦେ ।
ତାନ୍ଶରାନ୍ ସଂପ୍ରଚିକ୍ଷେପଲକ୍ଷ୍ମଣାୟନିଶାଚରଃ ॥ 69 ॥
ତାନପ୍ରାପ୍ତାନ୍ ଶରୈସ୍ତୀକ୍ଷ୍ଣୈଶ୍ଚିଚ୍ଛେଦଭରତାନୁଜଃ ।
ସତାନ୍ ଛିତ୍ତ୍ଵାଶିତୈର୍ବାଣୈର୍ଲକ୍ଷ୍ମଣଃପରଵୀରହା ॥ 70 ॥
ଆଦଦେନିଶିତଂବାଣଂଜ୍ଵଲଂତମିଵତେଜସା ।
ତମାଦାୟଧନୁଶ୍ଶ୍ରେଷ୍ଠେୟୋଜୟାମାସଲକ୍ଷ୍ମଣଃ ॥ 71 ॥
ଵିଚକର୍ଷ ଚ ଵେଗେନଵିସସର୍ଜ ଚ ଵୀର୍ୟଵାନ୍ ।
ପୂର୍ଣାୟତଵିସୃଷେନଶରେଣନତପର୍ଵଣା ॥ 72 ॥
ଲଲାଟେରାକ୍ଷସଶ୍ରେଷ୍ଠମାଜଘାନ ସ ଵୀର୍ୟଵାନ୍ ।
ସଲଲାଟେଶରୋମଗ୍ନସ୍ତସ୍ୟଭୀମସ୍ୟରକ୍ଷସଃ ॥ 73 ॥
ଦଦୃଶେ ଶୋଣିତେନାକ୍ତଃ ପନ୍ନଗେଂଦ୍ର ଇଵାହଵେ ।
ରାକ୍ଷସଃ ପ୍ରଚକଂପେ ଚ ଲକ୍ଷ୍ମଣେଷୁ ପ୍ରକଂପିତଃ ॥ 74 ॥
ରୁଦ୍ରବାଣହତଂଘୋରଂୟଥାତ୍ରିପୁରଗୋପୁରମ୍ ।
ଚିଂତୟାମାସଚାଶ୍ଵାସ୍ୟଵିମୃଶ୍ୟ ଚ ମହାବଲଃ ॥ 75 ॥
ସାଧୁବାଣନିପାତେନଶ୍ଲାଘନୀୟୋଽସିମେରିପୁଃ ।
ଵିଧାୟୈଵଂଵିନମ୍ୟାସ୍ୟଂନିୟମ୍ୟ ଚ ଭୁଜାଵୁଭୌ ॥ 76 ॥
ସ ରଥୋପସ୍ଥମାସ୍ଥାୟରଥେନପ୍ରଚଚାର ହ ।
କଂତ୍ରୀନ୍ପଂଚସପ୍ତେତିସାୟନ୍ରାକ୍ଷସର୍ଷଭଃ ॥ 77 ॥
ଆଦଦେସଂଦଧେଚାପିଵିଚକର୍ଷୋତ୍ସସର୍ଜ ଚ ।
ତେବାଣାଃକାଲସଂକାଶାରାକ୍ଷସେଂଦ୍ରଧୁନୁଶ୍ଚ୍ୟୁତାଃ ॥ 78 ॥
ହେମପୁଂଖାରଵିପ୍ରଖ୍ୟାଶ୍ଚକ୍ରୁର୍ଦୀପ୍ତମିଵାଂବରମ୍ ।
ତସ୍ତାନ୍ରାକ୍ଷସୋତ୍ସୃଷ୍ଟାନ୍ଶରୌଘାନ୍ରାଘଵାନୁଜଃ ॥ 79 ॥
ଅସଂବ୍ରାଂତଃପ୍ରଚିଚ୍ଛେଦନିଶିତୈର୍ବହୁଭିଶ୍ଶରୈଃ ।
ତାନ୍ ଶରାନ୍ୟୁଧିସଂପ୍ରେକ୍ଷ୍ୟନିକୃତ୍ତାନ୍ରାଵଣାତ୍ମଜଃ ॥ 80 ॥
ଚୁକୋପତ୍ରିଦଶେଂଦ୍ରାରିର୍ଜଗ୍ରାହନିଶିତଂଶରମ୍ ।
ସସଂଧାୟମହାତେଜାସ୍ତଂବାଣଂସହସୋତ୍ସୃଜତ୍ ॥ 81 ॥
ତେନସ୍ସୌମିତ୍ରିମାୟାଂତମାଜଘାନସ୍ତନାଂତରେ ।
ଅତିକାୟେନସୌମିତ୍ରିସ୍ତାଡିତୋୟୁଧିଵକ୍ଷସି ॥ 82 ॥
ସୁସ୍ରାଵ ରୁଧିରଂ ତୀଵ୍ରଂ ମଦଂ ମତ୍ତ ଇଵ ଦ୍ଵିପଃ ।
ସ ଚକାର ତଦାତ୍ମାନଂ ଵିଶଲ୍ୟଂ ସହସା ଵିଭୁଃ ॥ 83 ॥
ଜଗ୍ରାହ ଚ ଶରଂତୀକ୍ଷ୍ଣମସ୍ତ୍ରେଣାପିଚସଂଦଧେ ।
ଆଗ୍ନେୟେନତଦାଽସ୍ତ୍ରେଣୟୋଜୟାମାସସାୟକମ୍ ॥ 84 ॥
ସ ଜଜ୍ଵାଲତଦାବାଣୋଧନୁଷ୍ୟସ୍ୟମହାତ୍ମନଃ ।
ଅତିକାୟୋତିତେଜସ୍ଵୀସୌରମସ୍ତ୍ରଂସମାଦଧେ ॥ 85 ॥
ତେନବାଣଂଭୁଜଂଗାଭଂହେମପୁଂଖମୟୋଜୟତ୍ ।
ତଦସ୍ତ୍ରଂଜ୍ଵଲିତଂଘୋରଂଲକ୍ଷ୍ମଣଶ୍ଶରମାହିତମ୍ ॥ 86 ॥
ଅତିକାୟାୟଚିକ୍ଷେପକାଲଦଂଡମିଵାଂତକଃ ।
ଆଗ୍ନେୟେନାଭିସଂୟୁକ୍ତଂଦୃଷ୍ଟଵାବାଣଂନିଶାଚରଃ ॥ 87 ॥
ଉତ୍ସସର୍ଜତଦାବାଣଂଦୀପ୍ତଂସୂର୍ୟାସ୍ତ୍ରୟୋଜିତମ୍ ।
ତାଵୁଭାଵଂବରେବାଣାଵନ୍ୟୋନ୍ୟମଭିଜଘ୍ନତୁଃ ॥ 88 ॥
ତେଜସାସଂପ୍ରଦୀପ୍ତାଗ୍ରୌକ୍ରୁଦ୍ଧାଵିଵଭୁଜଂଗମୌ ।
ତାଵନ୍ୟୋନ୍ୟଂଵିନିର୍ଦହ୍ୟପେତତୁର୍ଧରଣୀତଲେ ॥ 89 ॥
ନିରର୍ଚିଷୌଭସ୍ମକୃତୌ ନ ଭ୍ରାଜେତେଶରୋତ୍ତମୌ ।
ତାଵୁଭୌଦୀପ୍ୟମାନୌସ୍ମ ନ ଭ୍ରାଜେତେମହୀତଲେ ॥ 90 ॥
ତତୋଽତିକାୟସ୍ସଂକୃଦ୍ଧସ୍ତ୍ଵସ୍ତ୍ରମୈଷୀକମୁତ୍ସୃଜତ୍ ।
ତତ୍ପ୍ରଚିଚ୍ଛେଦସୌମିତ୍ରିରସ୍ତ୍ରମୈଂଦ୍ରେଣଵୀର୍ୟଵାନ୍ ॥ 91 ॥
ଐଷୀକଂନିହତଂଦୃଷ୍ଟଵାରୁଷିତୋରାଵଣାତ୍ମଜଃ ।
ୟାମ୍ୟେନାର୍ସ୍ତେଣସଂକୃଦ୍ଧୋୟୋଜୟାମାସସାୟକମ୍ ॥ 92 ॥
ତତସ୍ତଦସ୍ତ୍ରଂଚିକ୍ଷେପଲକ୍ଷ୍ମଣାୟନିଶାଚରଃ ।
ଵାୟଵ୍ୟେନତଦସ୍ତ୍ରେଣନିଜଘାନ ସ ଲକ୍ଷ୍ମଣଃ ॥ 93 ॥
ଅଥୈନଂଶରଧାରାଭିର୍ଧାରାଭିରିଵତୋୟଦଃ ।
ଅଭ୍ୟଵର୍ଷତ୍ସୁସଂକୃଦ୍ଧୋଲକ୍ଷ୍ମଣୋରାଵଣାତ୍ମଜମ୍ ॥ 94 ॥
ତେଽତିକାୟଂସମାସାଦ୍ୟକଵଚେଵଜ୍ରଭୂଷିତେ ।
ଭଗ୍ନାଗ୍ରଶଲ୍ୟାସ୍ସହସାପେତୁର୍ବାଣାମହୀତଲେ ॥ 95 ॥
ତାନ୍ମୋଘାନଭିସଂପ୍ରେକ୍ଷ୍ୟଲକ୍ଷ୍ମଣଃପରଵୀରହା ।
ଅଭ୍ୟଵର୍ଷନ୍ମହେଷୂଣାଂସହସ୍ରେଣମହାୟଶାଃ ॥ 96 ॥
ସ ଵୃଷ୍ୟମାଣୋବାଣୌଘୈରତିକାୟୋମହାବଲଃ ।
ଅଵଧ୍ୟକଵଚସ୍ସଂଖ୍ୟେରାକ୍ଷସୋନୈଵଵିଵ୍ୟଥେ ॥ 97 ॥
ଶରଂଚାଶୀଵିଷାକାରଂଲକ୍ଷ୍ମଣାୟଵ୍ୟପାସୃଜତ୍ ।
ସ ତେନଵିଦ୍ଧସ୍ସୌମିତ୍ରିର୍ମର୍ମଦେଶେଶରେଣ ହ ॥ 98 ॥
ମୁହୂର୍ତମାତ୍ରଂନିସ୍ସଂଜ୍ଞୋହ୍ୟଭଵଚ୍ଛତ୍ରୁତାପନଃ ।
ତତଃସ୍ସଂଜ୍ଞାମୁପାଲଭ୍ୟଚତୁର୍ଭିସ୍ସାୟକୋତ୍ତମୈଃ ॥ 99 ॥
ନିଜଘାନହୟାନ୍ସଂଖ୍ୟେସାରଥିଂ ଚ ମହାବଲଃ ।
ଧ୍ଵଜସ୍ୟୋନ୍ମଥନଂକୃତ୍ଵାଶରଵର୍ଷୈରରିଂଦମଃ ॥ 100 ॥
ଅସଂଭ୍ରାଂତସ୍ସସୌମିତ୍ରିସ୍ତାନ୍ଶରାନଭିଲକ୍ଷିତାନ୍ ।
ମୁମୋଚଲକ୍ଷ୍ମଣୋବାଣାନ୍ଵଧାର୍ଥଂତସ୍ୟରକ୍ଷସଃ ॥ 101 ॥
ନ ଶଶାକରୁଜଂକର୍ତୁଂୟୁଧିତସ୍ୟନରୋତ୍ତମଃ ।
ଅଥୈନମଭ୍ୟୁପାଗମ୍ୟଵାୟୁର୍ଵାକ୍ୟମୁଵାଚ ହ ॥ 102 ॥
ବ୍ରହ୍ମଦତ୍ତଵରୋ ହ୍ୟେଷ ଅଵଧ୍ୟ କଵଚାଵୃତଃ ।
ବ୍ରାହ୍ମେଣାସ୍ତ୍ରେଣ ଭିଂଧ୍ୟେନମେଷ ଵଧ୍ୟୋ ହି ନାନ୍ୟଥା ॥ 103 ॥
ଅଵଧ୍ୟଏଷହ୍ୟନ୍ୟେଷାମସ୍ତ୍ରାଣାଂକଵଚୀବଲୀ ।
ତତସ୍ତୁଵାୟୋର୍ଵଚନଂନିଶମ୍ୟସୌମିତ୍ରିରିଂଦ୍ରପ୍ରତିମାନଵୀର୍ୟଃ ।
ସମାଦଦେବାଣମମୋଘଵେଗଂତଦ୍ବ୍ରାହ୍ମମସ୍ତ୍ରଂସହସାନିୟୋଜ୍ୟ ॥ 104 ॥
ନିୟୁଜ୍ୟମାନେସୌମିତ୍ରିଣାବାଣଵରେଶିତାଗ୍ରେ ।
ଦିଶଶ୍ଚଚଂଦ୍ରର୍କମହାଗ୍ରହାଶ୍ଚନଭଶ୍ଚତତ୍ରାସଚଚାଲଚୋର୍ଵୀ ॥ 105 ॥
ତଂବ୍ରହ୍ମଣୋଽସ୍ତ୍ରେଣନିୟୁଜ୍ୟଚାପେଶରଂସୁପୁଂଖଂୟମଦୂତକଲ୍ପମ୍ ।
ସୌମିତ୍ରିରିଂଦ୍ରାରିସୁତସ୍ୟତସ୍ୟସସର୍ଜବାଣଂୟୁଧିଵଜ୍ରକଲ୍ପମ୍ ॥ 106 ॥
ତଂଲକ୍ଷ୍ମଣୋତ୍ସୃଷ୍ଟମମୋଘଵେଗଂସମାପତଂତଂଜ୍ୟଲନପ୍ରକାଶମ୍ ।
ସୁପର୍ଣଵଜ୍ରୋତ୍ତମଚିତ୍ରପୁଂଖଂତଦାଽତିକାୟସ୍ସମରେଦଦର୍ଶ ॥ 107 ॥
ତଂପ୍ରେକ୍ଷମାଣସ୍ସହସାଽତିକାୟୋଜଘାନବାଣୈର୍ନିଶିତୈରନେକୈଃ ।
ସ ସାୟକସ୍ତସ୍ୟସୁପର୍ଣଵେଗସ୍ତଦାତିକାୟସ୍ୟଜଗାମପାର୍ଶ୍ଵମ୍ ॥ 108 ॥
ତମାଗତଂପ୍ରେକ୍ଷ୍ୟତଦାତିକାୟୋବାଣଂପ୍ରଦୀପ୍ତାଂତକକାଲକଲ୍ପମ୍ ।
ଜଘାନକ୍ତ୍ୟୃଷ୍ଟିଗଦାକୁଠାରୈଶୂଲୈର୍ହୁଲୈଶ୍ଚାପ୍ୟଵିପନ୍ନଚେତା ॥ 109 ॥
ତାନ୍ୟାୟୁଧାନ୍ୟଦ୍ଭୁତଵିଗ୍ରହାଣିମୋଘାନିକୃତ୍ଵା ସ ଶରୋଽଗ୍ନିଦୀପ୍ତଃ ।
ପ୍ରଗୃହ୍ୟତସ୍ୟୈଵକିରୀଟଜୁଷ୍ଟଂ ତତୋଽତିକାୟସ୍ୟଶିରୋଜହାର ॥ 110 ॥
ତଛଚିରସ୍ସଶିରସ୍ତ୍ରାଣଂଲକ୍ଷ୍ମଣେଷୁପ୍ରପୀଡିତମ୍ ।
ପପାତସହସାଭୂମୌଶୃଂଗଂହିମଵତୋୟଥା ॥ 111 ॥
ତଂଭୂମୌନିପତିତଂଦୃଷ୍ଟଵାଵିକ୍ଷିପ୍ତଭୂଷଣଂ ବଭୂଵୁର୍ଵ୍ୟଥିତାସ୍ସର୍ଵେହତଶେଷାନିଶାଚରାଃ ॥ 112 ॥
ତେଵିଷଣ୍ଣମୁଖାଦୀନାଃପ୍ରହାରଜନିତଶ୍ରମାଃ ।
ଵିନେଦୁରୁଚ୍ଚୈର୍ବହଵସ୍ସହସାଵିସ୍ଵରୈସ୍ସ୍ଵରୈଃ ॥ 113 ॥
ତତସ୍ତେତ୍ଵରିତଂୟାତାନିରପେକ୍ଷାନିଶାଚରାଃ ।
ପୁରୀମଭିମୁଖାଭୀତାଦ୍ରଵଂତୋନାୟକେହତେ ॥ 114 ॥
ପ୍ରହର୍ଷୟୁକ୍ତାବହଵସ୍ତୁଵାନରାଃପ୍ରବୁଦ୍ଦପଦ୍ମପ୍ରତିମାନନାସ୍ତଦା ।
ଅପୂଜୟନ୍ଲକ୍ଷ୍ମଣଵିଷ୍ଟଭାଗିନଂହତେରିପୌଭୀମବଲେଦୁରାସଦେ ॥ 115 ॥
ଅତିବଲମତିକାୟମଭ୍ରକଲ୍ପଂୟୁଧିଵିନିପାତ୍ୟ ସ ଲକ୍ଷ୍ମଣଃପ୍ରହୃଷ୍ଟଃ ।
ତ୍ଵରିତମଥତଦା ସ ରାମପାର୍ଶ୍ଵଂକପିନିଵହୈଶ୍ଚସୁପୂଜିତୋଜଗାମ ॥ 116 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଏକସପ୍ତତିତମସ୍ସର୍ଗଃ ॥
