శ్రీమద్వాల్మీకీయ రామాయణే యుద్ధకాండమ్ ।
అథ ఏకసప్తతితమస్సర్గః ।
స్వబలంవ్యథితందృష్టవాతుములంరోమహర్షణమ్ ।
భ్రాతృంశ్చనిహతాన్ దృష్టవాశక్రతుల్యపరాక్రమాన్ ॥ 1 ॥
పితృవ్యౌచాపిసనృదృశ్యసమరేసన్నిఘాదితౌ ।
యుద్ధోన్మత్తం చ మత్తం చ భ్రాతరౌరాక్షసర్షభౌ ॥ 2 ॥
చుకోప చ మహాతేజాబ్రహ్మదత్తవరోయుధి ।
అతికాయోఽద్రిసంకాశోదేవదానవదర్పహా ॥ 3 ॥
స భాస్కరసహస్రస్యసంఘాతమివభాస్వరమ్ ।
రథమాస్థాయశక్రారిరభిదుద్రావవానరాన్ ॥ 4 ॥
స విస్ఫార్యమహాచాపంకిరీటీమృష్టకుండలః ।
నామవిశ్రావయామాసననాద చ మహాస్వనమ్ ॥ 5 ॥
తేనసింహప్రణాదేననామవిశ్రావణేన చ ।
జ్యాశబ్దేన చ భీమేనత్రాసయామాసవానరాన్ ॥ 6 ॥
తేదృష్టవాదేహమాహాత్మ్యంకుంభకర్ణోఽయముథతితః ।
భయార్తావానరాస్సర్వేసంశ్రయంతేపరస్పరమ్ ॥ 7 ॥
తేతస్యరూపమాలోక్యయథావిష్టోస్త్రివిక్రమే ।
భయాద్వానరయూధాస్తేవిద్రవంతితతస్తతః ॥ 8 ॥
తేఽతికాయంసమాసాద్యవానరామూఢచేతసః ।
శరణ్యంశరణంజగ్ముర్లక్ష్మణాగ్రజమాహవే ॥ 9 ॥
తోఽతికాయంకాకుత్స్థోరథస్థంపర్వతోపమమ్ ।
దదర్శధవనినందూరాద్గర్జంతంకాలమేఘవత్ ॥ 10 ॥
స తందృష్టవామహాత్మానంరాఘవస్తువిసిస్మియే ।
వానరాన్ సాంత్వయిత్వా చ విభీషణమువాచ హ ॥ 11 ॥
కోఽసౌపర్వతసంకాశోధనుష్మాన్హరిలోచనః ।
యుక్తేహయసహస్రేణవిశాలేస్యందనేస్థితః ॥ 12 ॥
య ఏషనిశితైశ్శూలైస్సుతీక్ణైఃప్రాసముద్గరైః ।
అర్చిష్మద్భిర్వృతోభాతిభూతైరివమహేశ్వరః ॥ 13 ॥
కాలజిహ్వాప్రకాశాభిర్యఏషోఽతివిరాజతే ।
ఆవృతోరథశక్తీభిర్విద్యుద్భిరివతోయదః ॥ 14 ॥
ధనూంషిచాస్యసజ్జానిహేమపృష్ఠానిసర్వశః ।
శోభయంతిరథశ్రేష్ఠంశక్రచాపమివాంబరమ్ ॥ 15 ॥
క ఏషరక్షశ్శార్దూలోరణభూమివిరాజయన్ ।
అభ్యేతిరథినాంశ్రేష్ఠోరథేనాదిత్యతేజసా ॥ 16 ॥
ధ్వజశృంగప్రతిష్ఠేనరాహుణాభివిరాజతే ।
సూర్యరమశినిభైర్బాణైర్దిశో దశ విరాజయన్ ॥ 17 ॥
త్రిణతంమేఘసన్నాదంహేమపృష్ఠమలంకృతమ్ ।
శతక్రతుధనుఃప్రఖ్యంధనుశ్చాస్యవిరాజతే ॥ 18 ॥
స ధ్వజస్సపతాకశ్చసానుకర్షోమహారథః ।
చతుస్సాదిసమాయుక్తోమేఘస్తనితాని ॥ 19 ॥
వింశతిర్దశ చాష్టౌ చ తూణీరరథమాస్థితాః ।
కార్ముకాణి చ భీమాని జ్యాశ్చ కాంచనపింగలాః ॥ 20 ॥
ద్వౌ చ ఖడగౌరథగతౌపార్శ్వస్థౌపార్శ్వశోభితౌ ।
చతుర్హస్తత్సరుయుతౌవ్యక్తహస్తదశాయతౌ ॥ 21 ॥
రక్తకంఠగుణో ధీరో మహాపర్వతసంనిభః ।
కాలః కాలమహావక్త్రో మేఘస్థ ఇవ భాస్కరః ॥ 22 ॥
కాంచనాంగదనద్ధాభ్యాంభూజాభ్యామేషశోభతే ।
శృంగాభ్యామివతుంగాభ్యాంహిమవాన్ పర్వతోత్తమః ॥ 23 ॥
కుండలాభ్యాంతుయస్యైతద్భతధ్భాతిశుభేక్ష ।
పునర్వస్వంతరగతంపూర్ణంభింబమివైందవమ్ ॥ 24 ॥
ఆచక్ష్వమేమహాబాహోత్వమేనంరాక్షసోత్తమమ్ ।
యందృష్టవావానరాస్సర్వేభయార్తావిద్రుతాదిశః ॥ 25 ॥
స పృష్టోరాజపుత్రేణరామేణామితతేజసా ।
ఆచచక్షేమహాతేజారఘవాయవిభీషణః ॥ 26 ॥
దశగ్రీవోమహాతేజారాజావైశ్రవణానుజః ।
భీమకర్మామహోత్సాహోరావణోరాక్షసాధిపః ॥ 27 ॥
తస్యాసీద్వీర్యవాన్పుత్రోరావణప్రతిమోరణే ।
వృద్ధసేవీశ్రుతిధరస్సర్వాస్త్రవిదుషాంవరః ॥ 28 ॥
అశ్వపృష్ఠేరథేనాగేఖడగేధనుషికర్షణే ।
భేదేసాంత్వే చ దానే చ నయేమంత్రే చ సమ్మతః ॥ 29 ॥
యస్యబాహూసమాశ్రిత్యలంకావసతినిర్భయా ।
తనయంధాన్యమాలిన్యాఅతికాయమిమంవిదుః ॥ 30 ॥
ఏతేనారాధితోబ్రహ్మోతపసాభావితాత్మనా ।
అస్త్రాణిచాప్యవాప్తానిరిపవశ్చపరాజితాః ॥ 31 ॥
సురాసురైరవధ్యత్వందత్తమస్మైస్వయంభువా ।
ఏతచ్చకవచందివ్యంరధశ్చైషోఽరభాస్వరః ॥ 32 ॥
ఏతేనశతశోదేవాదానవాశ్చపరాజితాః ।
రక్షితాని చ రక్షాంసియక్షాశ్చాపినిషూదితాః ॥ 33 ॥
వజ్రంవిష్టంభితంయేనబాణైరింద్రస్యధీమతః ।
పాశస్సలిలరాజస్యరణేప్రతిహతస్తథా ॥ 34 ॥
ఏషోఽతికాయోబలవాన్రాక్షసానామథర్షభః ।
రావణస్యతోధీమాందేవదానవదర్పహా ॥ 35 ॥
తదస్మిన్క్రియతాంయత్నఃక్షిప్రంపురుషపుంగవ ।
పురావానరసైన్యానిక్ష్యంనయతిసాయకైః ॥ 36 ॥
తతోతికాయోబలవాన్ప్రవిశ్యహరివాహినీమ్ ।
విష్ఫారయామాసధనుర్ననాద చ పునఃపునః ॥ 37 ॥
తంభీమవపుషందృష్టవారథస్థంరథినాంవరమ్ ।
అభిపేతుర్మహాత్మానోయేప్రధానావనౌకసః ॥ 38 ॥
కుముదోద్వివిదోమైందోనీలశ్శరభఏవ చ ।
పాదపైర్గిరిశృంగైశ్చయుగపత్సమభిద్రవన్ ॥ 39 ॥
తేషాంవృక్షాంశ్చశైలాంశ్చశరైఃకాంచనభూషణైః ।
అతికాయోమహాతేజాశ్చిచ్ఛేదాస్త్రవిదాంవరః ॥ 40 ॥
తాంశ్చైవసర్వాన్ స హరీన్ శరైస్సర్వాయసైర్బలీ ।
వివ్యాథాభిముఖస్సంఖ్యేభీమకాయోనిశాచర ॥ 41 ॥
తేఽర్దితాంబాణవర్షేణభిన్నగాత్రాఃప్లవంగమాః ।
న శేకురతికాయస్యప్రతికర్తుంమహారణే ॥ 42 ॥
తత్ త్సైన్యంహరివీరాణాంత్రాసయామాసరాక్షసః ।
మృగయూథమివక్రుద్ధోహరిర్యౌవనదర్పితః ॥ 43 ॥
సరాక్షసేంద్రోహరిసైన్యమధ్యేనాయుధ్యమానంనిజఘానకంచిత్ ।
ఉపేత్యరామంసధమః కలాపీ స గర్వితంవాక్యమిదంబభాషే ॥ 44 ॥
రథేస్థితోహంశరచాపపాణిర్నప్రాకృతంకంచనయోధయామి ।
యస్యాస్తికశ్చిద్వ్యవసాయయుక్తోదదాతుమేక్షిప్రమిహాద్యయుద్ధమ్ ॥ 45 ॥
తత్తస్యవాక్యంబ్రువతోనిశమ్యచుకోపసౌమిత్రిరమిత్రహంతా ।
అమృష్యమాణశ్చసముత్పపాతజగ్రాహచాపం చ తతస్స్మయిత్వా ॥ 46 ॥
క్రుద్ధస్సౌమిత్రిరుత్పత్యతూణాదాక్షిప్యసాయకమ్ ।
పురస్తాదతికాయస్యవిచకర్షమహద్ధనుః ॥ 47 ॥
పూరయన్ స మహీంశైలానాకాశంసాగరందిశః ।
జ్యాశబ్దోలక్ష్మణస్యోగ్రస్త్రాసయన్ రజనీచరాన్ ॥ 48 ॥
సౌమిత్రేశ్చాపనిర్ఘోషంశ్రుత్వాప్రతిభయంతదా ।
విసిష్మియేమహాతేజారాక్షసేంద్రాత్మజోబలీ ॥ 49 ॥
అథాతికాయఃకుపితోదృష్టవాలక్ష్మణముత్థితమ్ ।
ఆదాయనిశితంబాణమిదంవచనమబ్రవీత్ ॥ 50 ॥
బాలస్త్వమసిసౌమిత్రేవిక్రమేష్వవిచక్షణః ।
గచ్ఛకింకాలసదృశంమాంయోధయతుమిచ్ఛసి ॥ 51 ॥
న హిమద్బాహుసృష్టానామస్త్రాణాహిమవానపి ।
సోఢుముత్సహతేవేగమంతరిక్షమథోమహీ ॥ 52 ॥
సుఖప్రసుప్తంకాలాగ్నింవిబోధయితుమిచ్ఛసి ।
న్యస్యచాపంనివర్తస్వమాప్రాణాన్ జహిమద్గతః ॥ 53 ॥
అథవాత్వంప్రతిష్టబ్ధో న నివర్తితుమిచ్ఛసి ।
తిష్ఠప్రాణాన్ పరిత్యజ్యగమిష్యసియమక్ష్యమ్ ॥ 54 ॥
పశ్యమేనిశితాన్బాణానరిదర్పనిషూదనాన్ ।
ఈశ్వరాయుధసంకాశాంస్తప్తకాంచనభూషణాన్ ॥ 55 ॥
ఏష తే సర్పసంకాశో బాణః పాస్యతి శోణితమ్ ।
మృగరాజ ఇవ క్రుద్ధో నాగరాజస్య శోణితమ్ ॥ 56 ॥
ఇత్యేవముక్త్వాసంక్రుద్ధశ్శరంధనుషిసందధే ।
శ్రుత్వాతికాయస్యవచస్సరోషంసగర్వితంసమ్యతిరాజపుత్రః ।
స సంచుకోపాతిబలోమనస్వీరువాచవాక్యం చ తతోమహార్థమ్ ॥ 57 ॥
న వాక్యమాత్రేణభవాన్ ప్రధానో న కత్థనాత్సత్పురుషాభవంతి ।
మయిస్థితేధన్వినిబాణపాణౌనిదర్శయస్వాత్మబలందురాత్మన్ ॥ 58 ॥
కర్మణా సూచయాత్మానం న వికత్థితుమర్హసి ।
పౌరుషేణ తు యో యుక్తః స తు శూర ఇతి స్మృతః ॥ 59 ॥
సర్వాయుధసమాయుక్తోధన్వీత్వంరథమాస్థితః ।
శరైర్వాయదివాప్యస్త్రైర్దర్శయస్వపరాక్రమమ్ ॥ 60 ॥
తతః శిరస్తే నిశితైః పాతయిష్యామ్యహం శరైః ।
మారుతః కాలసంపక్వం వృంతాత్తాలఫలం యథా ॥ 61 ॥
అద్యతేమామకాబాణాస్తప్తకాంచనభూషణాః ।
పాస్యంతిరుధిరంగాత్రాద్బాణశల్యాంతరోత్థితమ్ ॥ 62 ॥
బాలోఽయమితివిజ్ఞాయ న మావజ్ఞాతుమర్హసి ।
బాలోవాయదివావృద్ధోమృత్యుంజానీహిసంయుగే ॥ 63 ॥
బాలేనవిష్ణునాలోకాస్త్రయఃక్రాంతాస్త్రివిక్రమైః ।
లక్ష్మణస్యవచశ్శ్రుత్వాహేతుమత్పరమార్థవత్ ॥ 64 ॥
అతికాయఃప్రచుక్రోధబాణంచోత్తమమాదదే ।
తతోవిద్యాధరాభూతాదేవాదైత్యామహర్షయః ॥ 65 ॥
గుహ్యకాశ్చమహాత్మానస్తద్యుద్ధంద్రష్టుమాగమన్ ।
తోఽతికాయఃకుపితశ్చాపమారోప్యసాయకమ్ ॥ 66 ॥
లక్ష్మణాయప్రచిక్షేపసంక్షిపన్నివచాంబరమ్ ।
తమాపతంతంనిశితంశరమాశీవిషోపమమ్ ॥ 67 ॥
అర్ధచంద్రేణచిచ్ఛేదలక్ష్మణఃపరవీరహా ।
తంనికృత్తంశరందృష్టవాకృత్తభోగమివోరగమ్ ॥ 68 ॥
అతికాయోభృశంక్రుద్ధఃపంచబాణాన్ సమాదదే ।
తాన్శరాన్ సంప్రచిక్షేపలక్ష్మణాయనిశాచరః ॥ 69 ॥
తానప్రాప్తాన్ శరైస్తీక్ష్ణైశ్చిచ్ఛేదభరతానుజః ।
సతాన్ ఛిత్త్వాశితైర్బాణైర్లక్ష్మణఃపరవీరహా ॥ 70 ॥
ఆదదేనిశితంబాణంజ్వలంతమివతేజసా ।
తమాదాయధనుశ్శ్రేష్ఠేయోజయామాసలక్ష్మణః ॥ 71 ॥
విచకర్ష చ వేగేనవిససర్జ చ వీర్యవాన్ ।
పూర్ణాయతవిసృషేనశరేణనతపర్వణా ॥ 72 ॥
లలాటేరాక్షసశ్రేష్ఠమాజఘాన స వీర్యవాన్ ।
సలలాటేశరోమగ్నస్తస్యభీమస్యరక్షసః ॥ 73 ॥
దదృశే శోణితేనాక్తః పన్నగేంద్ర ఇవాహవే ।
రాక్షసః ప్రచకంపే చ లక్ష్మణేషు ప్రకంపితః ॥ 74 ॥
రుద్రబాణహతంఘోరంయథాత్రిపురగోపురమ్ ।
చింతయామాసచాశ్వాస్యవిమృశ్య చ మహాబలః ॥ 75 ॥
సాధుబాణనిపాతేనశ్లాఘనీయోఽసిమేరిపుః ।
విధాయైవంవినమ్యాస్యంనియమ్య చ భుజావుభౌ ॥ 76 ॥
స రథోపస్థమాస్థాయరథేనప్రచచార హ ।
కంత్రీన్పంచసప్తేతిసాయన్రాక్షసర్షభః ॥ 77 ॥
ఆదదేసందధేచాపివిచకర్షోత్ససర్జ చ ।
తేబాణాఃకాలసంకాశారాక్షసేంద్రధునుశ్చ్యుతాః ॥ 78 ॥
హేమపుంఖారవిప్రఖ్యాశ్చక్రుర్దీప్తమివాంబరమ్ ।
తస్తాన్రాక్షసోత్సృష్టాన్శరౌఘాన్రాఘవానుజః ॥ 79 ॥
అసంబ్రాంతఃప్రచిచ్ఛేదనిశితైర్బహుభిశ్శరైః ।
తాన్ శరాన్యుధిసంప్రేక్ష్యనికృత్తాన్రావణాత్మజః ॥ 80 ॥
చుకోపత్రిదశేంద్రారిర్జగ్రాహనిశితంశరమ్ ।
ససంధాయమహాతేజాస్తంబాణంసహసోత్సృజత్ ॥ 81 ॥
తేనస్సౌమిత్రిమాయాంతమాజఘానస్తనాంతరే ।
అతికాయేనసౌమిత్రిస్తాడితోయుధివక్షసి ॥ 82 ॥
సుస్రావ రుధిరం తీవ్రం మదం మత్త ఇవ ద్విపః ।
స చకార తదాత్మానం విశల్యం సహసా విభుః ॥ 83 ॥
జగ్రాహ చ శరంతీక్ష్ణమస్త్రేణాపిచసందధే ।
ఆగ్నేయేనతదాఽస్త్రేణయోజయామాససాయకమ్ ॥ 84 ॥
స జజ్వాలతదాబాణోధనుష్యస్యమహాత్మనః ।
అతికాయోతితేజస్వీసౌరమస్త్రంసమాదధే ॥ 85 ॥
తేనబాణంభుజంగాభంహేమపుంఖమయోజయత్ ।
తదస్త్రంజ్వలితంఘోరంలక్ష్మణశ్శరమాహితమ్ ॥ 86 ॥
అతికాయాయచిక్షేపకాలదండమివాంతకః ।
ఆగ్నేయేనాభిసంయుక్తందృష్టవాబాణంనిశాచరః ॥ 87 ॥
ఉత్ససర్జతదాబాణందీప్తంసూర్యాస్త్రయోజితమ్ ।
తావుభావంబరేబాణావన్యోన్యమభిజఘ్నతుః ॥ 88 ॥
తేజసాసంప్రదీప్తాగ్రౌక్రుద్ధావివభుజంగమౌ ।
తావన్యోన్యంవినిర్దహ్యపేతతుర్ధరణీతలే ॥ 89 ॥
నిరర్చిషౌభస్మకృతౌ న భ్రాజేతేశరోత్తమౌ ।
తావుభౌదీప్యమానౌస్మ న భ్రాజేతేమహీతలే ॥ 90 ॥
తతోఽతికాయస్సంకృద్ధస్త్వస్త్రమైషీకముత్సృజత్ ।
తత్ప్రచిచ్ఛేదసౌమిత్రిరస్త్రమైంద్రేణవీర్యవాన్ ॥ 91 ॥
ఐషీకంనిహతందృష్టవారుషితోరావణాత్మజః ।
యామ్యేనార్స్తేణసంకృద్ధోయోజయామాససాయకమ్ ॥ 92 ॥
తతస్తదస్త్రంచిక్షేపలక్ష్మణాయనిశాచరః ।
వాయవ్యేనతదస్త్రేణనిజఘాన స లక్ష్మణః ॥ 93 ॥
అథైనంశరధారాభిర్ధారాభిరివతోయదః ।
అభ్యవర్షత్సుసంకృద్ధోలక్ష్మణోరావణాత్మజమ్ ॥ 94 ॥
తేఽతికాయంసమాసాద్యకవచేవజ్రభూషితే ।
భగ్నాగ్రశల్యాస్సహసాపేతుర్బాణామహీతలే ॥ 95 ॥
తాన్మోఘానభిసంప్రేక్ష్యలక్ష్మణఃపరవీరహా ।
అభ్యవర్షన్మహేషూణాంసహస్రేణమహాయశాః ॥ 96 ॥
స వృష్యమాణోబాణౌఘైరతికాయోమహాబలః ।
అవధ్యకవచస్సంఖ్యేరాక్షసోనైవవివ్యథే ॥ 97 ॥
శరంచాశీవిషాకారంలక్ష్మణాయవ్యపాసృజత్ ।
స తేనవిద్ధస్సౌమిత్రిర్మర్మదేశేశరేణ హ ॥ 98 ॥
ముహూర్తమాత్రంనిస్సంజ్ఞోహ్యభవచ్ఛత్రుతాపనః ।
తతఃస్సంజ్ఞాముపాలభ్యచతుర్భిస్సాయకోత్తమైః ॥ 99 ॥
నిజఘానహయాన్సంఖ్యేసారథిం చ మహాబలః ।
ధ్వజస్యోన్మథనంకృత్వాశరవర్షైరరిందమః ॥ 100 ॥
అసంభ్రాంతస్ససౌమిత్రిస్తాన్శరానభిలక్షితాన్ ।
ముమోచలక్ష్మణోబాణాన్వధార్థంతస్యరక్షసః ॥ 101 ॥
న శశాకరుజంకర్తుంయుధితస్యనరోత్తమః ।
అథైనమభ్యుపాగమ్యవాయుర్వాక్యమువాచ హ ॥ 102 ॥
బ్రహ్మదత్తవరో హ్యేష అవధ్య కవచావృతః ।
బ్రాహ్మేణాస్త్రేణ భింధ్యేనమేష వధ్యో హి నాన్యథా ॥ 103 ॥
అవధ్యఏషహ్యన్యేషామస్త్రాణాంకవచీబలీ ।
తతస్తువాయోర్వచనంనిశమ్యసౌమిత్రిరింద్రప్రతిమానవీర్యః ।
సమాదదేబాణమమోఘవేగంతద్బ్రాహ్మమస్త్రంసహసానియోజ్య ॥ 104 ॥
నియుజ్యమానేసౌమిత్రిణాబాణవరేశితాగ్రే ।
దిశశ్చచంద్రర్కమహాగ్రహాశ్చనభశ్చతత్రాసచచాలచోర్వీ ॥ 105 ॥
తంబ్రహ్మణోఽస్త్రేణనియుజ్యచాపేశరంసుపుంఖంయమదూతకల్పమ్ ।
సౌమిత్రిరింద్రారిసుతస్యతస్యససర్జబాణంయుధివజ్రకల్పమ్ ॥ 106 ॥
తంలక్ష్మణోత్సృష్టమమోఘవేగంసమాపతంతంజ్యలనప్రకాశమ్ ।
సుపర్ణవజ్రోత్తమచిత్రపుంఖంతదాఽతికాయస్సమరేదదర్శ ॥ 107 ॥
తంప్రేక్షమాణస్సహసాఽతికాయోజఘానబాణైర్నిశితైరనేకైః ।
స సాయకస్తస్యసుపర్ణవేగస్తదాతికాయస్యజగామపార్శ్వమ్ ॥ 108 ॥
తమాగతంప్రేక్ష్యతదాతికాయోబాణంప్రదీప్తాంతకకాలకల్పమ్ ।
జఘానక్త్యృష్టిగదాకుఠారైశూలైర్హులైశ్చాప్యవిపన్నచేతా ॥ 109 ॥
తాన్యాయుధాన్యద్భుతవిగ్రహాణిమోఘానికృత్వా స శరోఽగ్నిదీప్తః ।
ప్రగృహ్యతస్యైవకిరీటజుష్టం తతోఽతికాయస్యశిరోజహార ॥ 110 ॥
తఛచిరస్సశిరస్త్రాణంలక్ష్మణేషుప్రపీడితమ్ ।
పపాతసహసాభూమౌశృంగంహిమవతోయథా ॥ 111 ॥
తంభూమౌనిపతితందృష్టవావిక్షిప్తభూషణం బభూవుర్వ్యథితాస్సర్వేహతశేషానిశాచరాః ॥ 112 ॥
తేవిషణ్ణముఖాదీనాఃప్రహారజనితశ్రమాః ।
వినేదురుచ్చైర్బహవస్సహసావిస్వరైస్స్వరైః ॥ 113 ॥
తతస్తేత్వరితంయాతానిరపేక్షానిశాచరాః ।
పురీమభిముఖాభీతాద్రవంతోనాయకేహతే ॥ 114 ॥
ప్రహర్షయుక్తాబహవస్తువానరాఃప్రబుద్దపద్మప్రతిమాననాస్తదా ।
అపూజయన్లక్ష్మణవిష్టభాగినంహతేరిపౌభీమబలేదురాసదే ॥ 115 ॥
అతిబలమతికాయమభ్రకల్పంయుధివినిపాత్య స లక్ష్మణఃప్రహృష్టః ।
త్వరితమథతదా స రామపార్శ్వంకపినివహైశ్చసుపూజితోజగామ ॥ 116 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే ఏకసప్తతితమస్సర్గః ॥
