ශ්රීමද්වාල්මීකීය රාමායණේ යුද්ධකාංඩම් ।
අථ ඒකසප්තතිතමස්සර්ගඃ ।
ස්වබලංව්යථිතංදෘෂ්ටවාතුමුලංරෝමහර්ෂණම් ।
භ්රාතෘංශ්චනිහතාන් දෘෂ්ටවාශක්රතුල්යපරාක්රමාන් ॥ 1 ॥
පිතෘව්යෞචාපිසනෘදෘශ්යසමරේසන්නිඝාදිතෞ ।
යුද්ධෝන්මත්තං ච මත්තං ච භ්රාතරෞරාක්ෂසර්ෂභෞ ॥ 2 ॥
චුකෝප ච මහාතේජාබ්රහ්මදත්තවරෝයුධි ।
අතිකායෝऽද්රිසංකාශෝදේවදානවදර්පහා ॥ 3 ॥
ස භාස්කරසහස්රස්යසංඝාතමිවභාස්වරම් ।
රථමාස්ථායශක්රාරිරභිදුද්රාවවානරාන් ॥ 4 ॥
ස විස්ඵාර්යමහාචාපංකිරීටීමෘෂ්ටකුංඩලඃ ।
නාමවිශ්රාවයාමාසනනාද ච මහාස්වනම් ॥ 5 ॥
තේනසිංහප්රණාදේනනාමවිශ්රාවණේන ච ।
ජ්යාශබ්දේන ච භීමේනත්රාසයාමාසවානරාන් ॥ 6 ॥
තේදෘෂ්ටවාදේහමාහාත්ම්යංකුංභකර්ණෝऽයමුථතිතඃ ।
භයාර්තාවානරාස්සර්වේසංශ්රයංතේපරස්පරම් ॥ 7 ॥
තේතස්යරූපමාලෝක්යයථාවිෂ්ටෝස්ත්රිවික්රමේ ।
භයාද්වානරයූධාස්තේවිද්රවංතිතතස්තතඃ ॥ 8 ॥
තේऽතිකායංසමාසාද්යවානරාමූඪචේතසඃ ।
ශරණ්යංශරණංජග්මුර්ලක්ෂ්මණාග්රජමාහවේ ॥ 9 ॥
තෝऽතිකායංකාකුත්ස්ථෝරථස්ථංපර්වතෝපමම් ।
දදර්ශධවනිනංදූරාද්ගර්ජංතංකාලමේඝවත් ॥ 10 ॥
ස තංදෘෂ්ටවාමහාත්මානංරාඝවස්තුවිසිස්මියේ ।
වානරාන් සාංත්වයිත්වා ච විභීෂණමුවාච හ ॥ 11 ॥
කෝऽසෞපර්වතසංකාශෝධනුෂ්මාන්හරිලෝචනඃ ।
යුක්තේහයසහස්රේණවිශාලේස්යංදනේස්ථිතඃ ॥ 12 ॥
ය ඒෂනිශිතෛශ්ශූලෛස්සුතීක්ණෛඃප්රාසමුද්ගරෛඃ ।
අර්චිෂ්මද්භිර්වෘතෝභාතිභූතෛරිවමහේශ්වරඃ ॥ 13 ॥
කාලජිහ්වාප්රකාශාභිර්යඒෂෝऽතිවිරාජතේ ।
ආවෘතෝරථශක්තීභිර්විද්යුද්භිරිවතෝයදඃ ॥ 14 ॥
ධනූංෂිචාස්යසජ්ජානිහේමපෘෂ්ඨානිසර්වශඃ ।
ශෝභයංතිරථශ්රේෂ්ඨංශක්රචාපමිවාංබරම් ॥ 15 ॥
ක ඒෂරක්ෂශ්ශාර්දූලෝරණභූමිවිරාජයන් ।
අභ්යේතිරථිනාංශ්රේෂ්ඨෝරථේනාදිත්යතේජසා ॥ 16 ॥
ධ්වජශෘංගප්රතිෂ්ඨේනරාහුණාභිවිරාජතේ ।
සූර්යරමශිනිභෛර්බාණෛර්දිශෝ දශ විරාජයන් ॥ 17 ॥
ත්රිණතංමේඝසන්නාදංහේමපෘෂ්ඨමලංකෘතම් ।
ශතක්රතුධනුඃප්රඛ්යංධනුශ්චාස්යවිරාජතේ ॥ 18 ॥
ස ධ්වජස්සපතාකශ්චසානුකර්ෂෝමහාරථඃ ।
චතුස්සාදිසමායුක්තෝමේඝස්තනිතානි ॥ 19 ॥
විංශතිර්දශ චාෂ්ටෞ ච තූණීරරථමාස්ථිතාඃ ।
කාර්මුකාණි ච භීමානි ජ්යාශ්ච කාංචනපිංගලාඃ ॥ 20 ॥
ද්වෞ ච ඛඩගෞරථගතෞපාර්ශ්වස්ථෞපාර්ශ්වශෝභිතෞ ।
චතුර්හස්තත්සරුයුතෞව්යක්තහස්තදශායතෞ ॥ 21 ॥
රක්තකංඨගුණෝ ධීරෝ මහාපර්වතසංනිභඃ ।
කාලඃ කාලමහාවක්ත්රෝ මේඝස්ථ ඉව භාස්කරඃ ॥ 22 ॥
කාංචනාංගදනද්ධාභ්යාංභූජාභ්යාමේෂශෝභතේ ।
ශෘංගාභ්යාමිවතුංගාභ්යාංහිමවාන් පර්වතෝත්තමඃ ॥ 23 ॥
කුංඩලාභ්යාංතුයස්යෛතද්භතධ්භාතිශුභේක්ෂ ।
පුනර්වස්වංතරගතංපූර්ණංභිංබමිවෛංදවම් ॥ 24 ॥
ආචක්ෂ්වමේමහාබාහෝත්වමේනංරාක්ෂසෝත්තමම් ।
යංදෘෂ්ටවාවානරාස්සර්වේභයාර්තාවිද්රුතාදිශඃ ॥ 25 ॥
ස පෘෂ්ටෝරාජපුත්රේණරාමේණාමිතතේජසා ।
ආචචක්ෂේමහාතේජාරඝවායවිභීෂණඃ ॥ 26 ॥
දශග්රීවෝමහාතේජාරාජාවෛශ්රවණානුජඃ ।
භීමකර්මාමහෝත්සාහෝරාවණෝරාක්ෂසාධිපඃ ॥ 27 ॥
තස්යාසීද්වීර්යවාන්පුත්රෝරාවණප්රතිමෝරණේ ।
වෘද්ධසේවීශ්රුතිධරස්සර්වාස්ත්රවිදුෂාංවරඃ ॥ 28 ॥
අශ්වපෘෂ්ඨේරථේනාගේඛඩගේධනුෂිකර්ෂණේ ।
භේදේසාංත්වේ ච දානේ ච නයේමංත්රේ ච සම්මතඃ ॥ 29 ॥
යස්යබාහූසමාශ්රිත්යලංකාවසතිනිර්භයා ।
තනයංධාන්යමාලින්යාඅතිකායමිමංවිදුඃ ॥ 30 ॥
ඒතේනාරාධිතෝබ්රහ්මෝතපසාභාවිතාත්මනා ।
අස්ත්රාණිචාප්යවාප්තානිරිපවශ්චපරාජිතාඃ ॥ 31 ॥
සුරාසුරෛරවධ්යත්වංදත්තමස්මෛස්වයංභුවා ।
ඒතච්චකවචංදිව්යංරධශ්චෛෂෝऽරභාස්වරඃ ॥ 32 ॥
ඒතේනශතශෝදේවාදානවාශ්චපරාජිතාඃ ।
රක්ෂිතානි ච රක්ෂාංසියක්ෂාශ්චාපිනිෂූදිතාඃ ॥ 33 ॥
වජ්රංවිෂ්ටංභිතංයේනබාණෛරිංද්රස්යධීමතඃ ।
පාශස්සලිලරාජස්යරණේප්රතිහතස්තථා ॥ 34 ॥
ඒෂෝऽතිකායෝබලවාන්රාක්ෂසානාමථර්ෂභඃ ।
රාවණස්යතෝධීමාංදේවදානවදර්පහා ॥ 35 ॥
තදස්මින්ක්රියතාංයත්නඃක්ෂිප්රංපුරුෂපුංගව ।
පුරාවානරසෛන්යානික්ෂ්යංනයතිසායකෛඃ ॥ 36 ॥
තතෝතිකායෝබලවාන්ප්රවිශ්යහරිවාහිනීම් ।
විෂ්ඵාරයාමාසධනුර්නනාද ච පුනඃපුනඃ ॥ 37 ॥
තංභීමවපුෂංදෘෂ්ටවාරථස්ථංරථිනාංවරම් ।
අභිපේතුර්මහාත්මානෝයේප්රධානාවනෞකසඃ ॥ 38 ॥
කුමුදෝද්විවිදෝමෛංදෝනීලශ්ශරභඒව ච ।
පාදපෛර්ගිරිශෘංගෛශ්චයුගපත්සමභිද්රවන් ॥ 39 ॥
තේෂාංවෘක්ෂාංශ්චශෛලාංශ්චශරෛඃකාංචනභූෂණෛඃ ।
අතිකායෝමහාතේජාශ්චිච්ඡේදාස්ත්රවිදාංවරඃ ॥ 40 ॥
තාංශ්චෛවසර්වාන් ස හරීන් ශරෛස්සර්වායසෛර්බලී ।
විව්යාථාභිමුඛස්සංඛ්යේභීමකායෝනිශාචර ॥ 41 ॥
තේऽර්දිතාංබාණවර්ෂේණභින්නගාත්රාඃප්ලවංගමාඃ ।
න ශේකුරතිකායස්යප්රතිකර්තුංමහාරණේ ॥ 42 ॥
තත් ත්සෛන්යංහරිවීරාණාංත්රාසයාමාසරාක්ෂසඃ ।
මෘගයූථමිවක්රුද්ධෝහරිර්යෞවනදර්පිතඃ ॥ 43 ॥
සරාක්ෂසේංද්රෝහරිසෛන්යමධ්යේනායුධ්යමානංනිජඝානකංචිත් ।
උපේත්යරාමංසධමඃ කලාපී ස ගර්විතංවාක්යමිදංබභාෂේ ॥ 44 ॥
රථේස්ථිතෝහංශරචාපපාණිර්නප්රාකෘතංකංචනයෝධයාමි ।
යස්යාස්තිකශ්චිද්ව්යවසායයුක්තෝදදාතුමේක්ෂිප්රමිහාද්යයුද්ධම් ॥ 45 ॥
තත්තස්යවාක්යංබ්රුවතෝනිශම්යචුකෝපසෞමිත්රිරමිත්රහංතා ।
අමෘෂ්යමාණශ්චසමුත්පපාතජග්රාහචාපං ච තතස්ස්මයිත්වා ॥ 46 ॥
ක්රුද්ධස්සෞමිත්රිරුත්පත්යතූණාදාක්ෂිප්යසායකම් ।
පුරස්තාදතිකායස්යවිචකර්ෂමහද්ධනුඃ ॥ 47 ॥
පූරයන් ස මහීංශෛලානාකාශංසාගරංදිශඃ ।
ජ්යාශබ්දෝලක්ෂ්මණස්යෝග්රස්ත්රාසයන් රජනීචරාන් ॥ 48 ॥
සෞමිත්රේශ්චාපනිර්ඝෝෂංශ්රුත්වාප්රතිභයංතදා ।
විසිෂ්මියේමහාතේජාරාක්ෂසේංද්රාත්මජෝබලී ॥ 49 ॥
අථාතිකායඃකුපිතෝදෘෂ්ටවාලක්ෂ්මණමුත්ථිතම් ।
ආදායනිශිතංබාණමිදංවචනමබ්රවීත් ॥ 50 ॥
බාලස්ත්වමසිසෞමිත්රේවික්රමේෂ්වවිචක්ෂණඃ ।
ගච්ඡකිංකාලසදෘශංමාංයෝධයතුමිච්ඡසි ॥ 51 ॥
න හිමද්බාහුසෘෂ්ටානාමස්ත්රාණාහිමවානපි ।
සෝඪුමුත්සහතේවේගමංතරික්ෂමථෝමහී ॥ 52 ॥
සුඛප්රසුප්තංකාලාග්නිංවිබෝධයිතුමිච්ඡසි ।
න්යස්යචාපංනිවර්තස්වමාප්රාණාන් ජහිමද්ගතඃ ॥ 53 ॥
අථවාත්වංප්රතිෂ්ටබ්ධෝ න නිවර්තිතුමිච්ඡසි ।
තිෂ්ඨප්රාණාන් පරිත්යජ්යගමිෂ්යසියමක්ෂ්යම් ॥ 54 ॥
පශ්යමේනිශිතාන්බාණානරිදර්පනිෂූදනාන් ।
ඊශ්වරායුධසංකාශාංස්තප්තකාංචනභූෂණාන් ॥ 55 ॥
ඒෂ තේ සර්පසංකාශෝ බාණඃ පාස්යති ශෝණිතම් ।
මෘගරාජ ඉව ක්රුද්ධෝ නාගරාජස්ය ශෝණිතම් ॥ 56 ॥
ඉත්යේවමුක්ත්වාසංක්රුද්ධශ්ශරංධනුෂිසංදධේ ।
ශ්රුත්වාතිකායස්යවචස්සරෝෂංසගර්විතංසම්යතිරාජපුත්රඃ ।
ස සංචුකෝපාතිබලෝමනස්වීරුවාචවාක්යං ච තතෝමහාර්ථම් ॥ 57 ॥
න වාක්යමාත්රේණභවාන් ප්රධානෝ න කත්ථනාත්සත්පුරුෂාභවංති ।
මයිස්ථිතේධන්විනිබාණපාණෞනිදර්ශයස්වාත්මබලංදුරාත්මන් ॥ 58 ॥
කර්මණා සූචයාත්මානං න විකත්ථිතුමර්හසි ।
පෞරුෂේණ තු යෝ යුක්තඃ ස තු ශූර ඉති ස්මෘතඃ ॥ 59 ॥
සර්වායුධසමායුක්තෝධන්වීත්වංරථමාස්ථිතඃ ।
ශරෛර්වායදිවාප්යස්ත්රෛර්දර්ශයස්වපරාක්රමම් ॥ 60 ॥
තතඃ ශිරස්තේ නිශිතෛඃ පාතයිෂ්යාම්යහං ශරෛඃ ।
මාරුතඃ කාලසංපක්වං වෘංතාත්තාලඵලං යථා ॥ 61 ॥
අද්යතේමාමකාබාණාස්තප්තකාංචනභූෂණාඃ ।
පාස්යංතිරුධිරංගාත්රාද්බාණශල්යාංතරෝත්ථිතම් ॥ 62 ॥
බාලෝऽයමිතිවිජ්ඤාය න මාවජ්ඤාතුමර්හසි ।
බාලෝවායදිවාවෘද්ධෝමෘත්යුංජානීහිසංයුගේ ॥ 63 ॥
බාලේනවිෂ්ණුනාලෝකාස්ත්රයඃක්රාංතාස්ත්රිවික්රමෛඃ ।
ලක්ෂ්මණස්යවචශ්ශ්රුත්වාහේතුමත්පරමාර්ථවත් ॥ 64 ॥
අතිකායඃප්රචුක්රෝධබාණංචෝත්තමමාදදේ ।
තතෝවිද්යාධරාභූතාදේවාදෛත්යාමහර්ෂයඃ ॥ 65 ॥
ගුහ්යකාශ්චමහාත්මානස්තද්යුද්ධංද්රෂ්ටුමාගමන් ।
තෝऽතිකායඃකුපිතශ්චාපමාරෝප්යසායකම් ॥ 66 ॥
ලක්ෂ්මණායප්රචික්ෂේපසංක්ෂිපන්නිවචාංබරම් ।
තමාපතංතංනිශිතංශරමාශීවිෂෝපමම් ॥ 67 ॥
අර්ධචංද්රේණචිච්ඡේදලක්ෂ්මණඃපරවීරහා ।
තංනිකෘත්තංශරංදෘෂ්ටවාකෘත්තභෝගමිවෝරගම් ॥ 68 ॥
අතිකායෝභෘශංක්රුද්ධඃපංචබාණාන් සමාදදේ ।
තාන්ශරාන් සංප්රචික්ෂේපලක්ෂ්මණායනිශාචරඃ ॥ 69 ॥
තානප්රාප්තාන් ශරෛස්තීක්ෂ්ණෛශ්චිච්ඡේදභරතානුජඃ ।
සතාන් ඡිත්ත්වාශිතෛර්බාණෛර්ලක්ෂ්මණඃපරවීරහා ॥ 70 ॥
ආදදේනිශිතංබාණංජ්වලංතමිවතේජසා ।
තමාදායධනුශ්ශ්රේෂ්ඨේයෝජයාමාසලක්ෂ්මණඃ ॥ 71 ॥
විචකර්ෂ ච වේගේනවිසසර්ජ ච වීර්යවාන් ।
පූර්ණායතවිසෘෂේනශරේණනතපර්වණා ॥ 72 ॥
ලලාටේරාක්ෂසශ්රේෂ්ඨමාජඝාන ස වීර්යවාන් ।
සලලාටේශරෝමග්නස්තස්යභීමස්යරක්ෂසඃ ॥ 73 ॥
දදෘශේ ශෝණිතේනාක්තඃ පන්නගේංද්ර ඉවාහවේ ।
රාක්ෂසඃ ප්රචකංපේ ච ලක්ෂ්මණේෂු ප්රකංපිතඃ ॥ 74 ॥
රුද්රබාණහතංඝෝරංයථාත්රිපුරගෝපුරම් ।
චිංතයාමාසචාශ්වාස්යවිමෘශ්ය ච මහාබලඃ ॥ 75 ॥
සාධුබාණනිපාතේනශ්ලාඝනීයෝऽසිමේරිපුඃ ।
විධායෛවංවිනම්යාස්යංනියම්ය ච භුජාවුභෞ ॥ 76 ॥
ස රථෝපස්ථමාස්ථායරථේනප්රචචාර හ ।
කංත්රීන්පංචසප්තේතිසායන්රාක්ෂසර්ෂභඃ ॥ 77 ॥
ආදදේසංදධේචාපිවිචකර්ෂෝත්සසර්ජ ච ।
තේබාණාඃකාලසංකාශාරාක්ෂසේංද්රධුනුශ්ච්යුතාඃ ॥ 78 ॥
හේමපුංඛාරවිප්රඛ්යාශ්චක්රුර්දීප්තමිවාංබරම් ।
තස්තාන්රාක්ෂසෝත්සෘෂ්ටාන්ශරෞඝාන්රාඝවානුජඃ ॥ 79 ॥
අසංබ්රාංතඃප්රචිච්ඡේදනිශිතෛර්බහුභිශ්ශරෛඃ ।
තාන් ශරාන්යුධිසංප්රේක්ෂ්යනිකෘත්තාන්රාවණාත්මජඃ ॥ 80 ॥
චුකෝපත්රිදශේංද්රාරිර්ජග්රාහනිශිතංශරම් ।
සසංධායමහාතේජාස්තංබාණංසහසෝත්සෘජත් ॥ 81 ॥
තේනස්සෞමිත්රිමායාංතමාජඝානස්තනාංතරේ ।
අතිකායේනසෞමිත්රිස්තාඩිතෝයුධිවක්ෂසි ॥ 82 ॥
සුස්රාව රුධිරං තීව්රං මදං මත්ත ඉව ද්විපඃ ।
ස චකාර තදාත්මානං විශල්යං සහසා විභුඃ ॥ 83 ॥
ජග්රාහ ච ශරංතීක්ෂ්ණමස්ත්රේණාපිචසංදධේ ।
ආග්නේයේනතදාऽස්ත්රේණයෝජයාමාසසායකම් ॥ 84 ॥
ස ජජ්වාලතදාබාණෝධනුෂ්යස්යමහාත්මනඃ ।
අතිකායෝතිතේජස්වීසෞරමස්ත්රංසමාදධේ ॥ 85 ॥
තේනබාණංභුජංගාභංහේමපුංඛමයෝජයත් ।
තදස්ත්රංජ්වලිතංඝෝරංලක්ෂ්මණශ්ශරමාහිතම් ॥ 86 ॥
අතිකායායචික්ෂේපකාලදංඩමිවාංතකඃ ।
ආග්නේයේනාභිසංයුක්තංදෘෂ්ටවාබාණංනිශාචරඃ ॥ 87 ॥
උත්සසර්ජතදාබාණංදීප්තංසූර්යාස්ත්රයෝජිතම් ।
තාවුභාවංබරේබාණාවන්යෝන්යමභිජඝ්නතුඃ ॥ 88 ॥
තේජසාසංප්රදීප්තාග්රෞක්රුද්ධාවිවභුජංගමෞ ।
තාවන්යෝන්යංවිනිර්දහ්යපේතතුර්ධරණීතලේ ॥ 89 ॥
නිරර්චිෂෞභස්මකෘතෞ න භ්රාජේතේශරෝත්තමෞ ।
තාවුභෞදීප්යමානෞස්ම න භ්රාජේතේමහීතලේ ॥ 90 ॥
තතෝऽතිකායස්සංකෘද්ධස්ත්වස්ත්රමෛෂීකමුත්සෘජත් ।
තත්ප්රචිච්ඡේදසෞමිත්රිරස්ත්රමෛංද්රේණවීර්යවාන් ॥ 91 ॥
ඓෂීකංනිහතංදෘෂ්ටවාරුෂිතෝරාවණාත්මජඃ ।
යාම්යේනාර්ස්තේණසංකෘද්ධෝයෝජයාමාසසායකම් ॥ 92 ॥
තතස්තදස්ත්රංචික්ෂේපලක්ෂ්මණායනිශාචරඃ ।
වායව්යේනතදස්ත්රේණනිජඝාන ස ලක්ෂ්මණඃ ॥ 93 ॥
අථෛනංශරධාරාභිර්ධාරාභිරිවතෝයදඃ ।
අභ්යවර්ෂත්සුසංකෘද්ධෝලක්ෂ්මණෝරාවණාත්මජම් ॥ 94 ॥
තේऽතිකායංසමාසාද්යකවචේවජ්රභූෂිතේ ।
භග්නාග්රශල්යාස්සහසාපේතුර්බාණාමහීතලේ ॥ 95 ॥
තාන්මෝඝානභිසංප්රේක්ෂ්යලක්ෂ්මණඃපරවීරහා ।
අභ්යවර්ෂන්මහේෂූණාංසහස්රේණමහායශාඃ ॥ 96 ॥
ස වෘෂ්යමාණෝබාණෞඝෛරතිකායෝමහාබලඃ ।
අවධ්යකවචස්සංඛ්යේරාක්ෂසෝනෛවවිව්යථේ ॥ 97 ॥
ශරංචාශීවිෂාකාරංලක්ෂ්මණායව්යපාසෘජත් ।
ස තේනවිද්ධස්සෞමිත්රිර්මර්මදේශේශරේණ හ ॥ 98 ॥
මුහූර්තමාත්රංනිස්සංජ්ඤෝහ්යභවච්ඡත්රුතාපනඃ ।
තතඃස්සංජ්ඤාමුපාලභ්යචතුර්භිස්සායකෝත්තමෛඃ ॥ 99 ॥
නිජඝානහයාන්සංඛ්යේසාරථිං ච මහාබලඃ ।
ධ්වජස්යෝන්මථනංකෘත්වාශරවර්ෂෛරරිංදමඃ ॥ 100 ॥
අසංභ්රාංතස්සසෞමිත්රිස්තාන්ශරානභිලක්ෂිතාන් ।
මුමෝචලක්ෂ්මණෝබාණාන්වධාර්ථංතස්යරක්ෂසඃ ॥ 101 ॥
න ශශාකරුජංකර්තුංයුධිතස්යනරෝත්තමඃ ।
අථෛනමභ්යුපාගම්යවායුර්වාක්යමුවාච හ ॥ 102 ॥
බ්රහ්මදත්තවරෝ හ්යේෂ අවධ්ය කවචාවෘතඃ ।
බ්රාහ්මේණාස්ත්රේණ භිංධ්යේනමේෂ වධ්යෝ හි නාන්යථා ॥ 103 ॥
අවධ්යඒෂහ්යන්යේෂාමස්ත්රාණාංකවචීබලී ।
තතස්තුවායෝර්වචනංනිශම්යසෞමිත්රිරිංද්රප්රතිමානවීර්යඃ ।
සමාදදේබාණමමෝඝවේගංතද්බ්රාහ්මමස්ත්රංසහසානියෝජ්ය ॥ 104 ॥
නියුජ්යමානේසෞමිත්රිණාබාණවරේශිතාග්රේ ।
දිශශ්චචංද්රර්කමහාග්රහාශ්චනභශ්චතත්රාසචචාලචෝර්වී ॥ 105 ॥
තංබ්රහ්මණෝऽස්ත්රේණනියුජ්යචාපේශරංසුපුංඛංයමදූතකල්පම් ।
සෞමිත්රිරිංද්රාරිසුතස්යතස්යසසර්ජබාණංයුධිවජ්රකල්පම් ॥ 106 ॥
තංලක්ෂ්මණෝත්සෘෂ්ටමමෝඝවේගංසමාපතංතංජ්යලනප්රකාශම් ।
සුපර්ණවජ්රෝත්තමචිත්රපුංඛංතදාऽතිකායස්සමරේදදර්ශ ॥ 107 ॥
තංප්රේක්ෂමාණස්සහසාऽතිකායෝජඝානබාණෛර්නිශිතෛරනේකෛඃ ।
ස සායකස්තස්යසුපර්ණවේගස්තදාතිකායස්යජගාමපාර්ශ්වම් ॥ 108 ॥
තමාගතංප්රේක්ෂ්යතදාතිකායෝබාණංප්රදීප්තාංතකකාලකල්පම් ।
ජඝානක්ත්යෘෂ්ටිගදාකුඨාරෛශූලෛර්හුලෛශ්චාප්යවිපන්නචේතා ॥ 109 ॥
තාන්යායුධාන්යද්භුතවිග්රහාණිමෝඝානිකෘත්වා ස ශරෝऽග්නිදීප්තඃ ।
ප්රගෘහ්යතස්යෛවකිරීටජුෂ්ටං තතෝऽතිකායස්යශිරෝජහාර ॥ 110 ॥
තඡචිරස්සශිරස්ත්රාණංලක්ෂ්මණේෂුප්රපීඩිතම් ।
පපාතසහසාභූමෞශෘංගංහිමවතෝයථා ॥ 111 ॥
තංභූමෞනිපතිතංදෘෂ්ටවාවික්ෂිප්තභූෂණං බභූවුර්ව්යථිතාස්සර්වේහතශේෂානිශාචරාඃ ॥ 112 ॥
තේවිෂණ්ණමුඛාදීනාඃප්රහාරජනිතශ්රමාඃ ।
විනේදුරුච්චෛර්බහවස්සහසාවිස්වරෛස්ස්වරෛඃ ॥ 113 ॥
තතස්තේත්වරිතංයාතානිරපේක්ෂානිශාචරාඃ ।
පුරීමභිමුඛාභීතාද්රවංතෝනායකේහතේ ॥ 114 ॥
ප්රහර්ෂයුක්තාබහවස්තුවානරාඃප්රබුද්දපද්මප්රතිමානනාස්තදා ।
අපූජයන්ලක්ෂ්මණවිෂ්ටභාගිනංහතේරිපෞභීමබලේදුරාසදේ ॥ 115 ॥
අතිබලමතිකායමභ්රකල්පංයුධිවිනිපාත්ය ස ලක්ෂ්මණඃප්රහෘෂ්ටඃ ।
ත්වරිතමථතදා ස රාමපාර්ශ්වංකපිනිවහෛශ්චසුපූජිතෝජගාම ॥ 116 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ඒකසප්තතිතමස්සර්ගඃ ॥
