ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଏକୋନାଶୀତିତମସ୍ସର୍ଗଃ ।
ନିର୍ଗତଂମକରାକ୍ଷଂତେଦୃଷ୍ଟଵାଵାନରପୁଂଗଵାଃ ।
ଆପ୍ଲୁତ୍ୟସହସାସର୍ଵେୟୋଦ୍ଧୁକାମାଵ୍ୟଵସ୍ଥିତାଃ ॥ 1 ॥
ତତଃପ୍ରଵୃତ୍ତଂସୁମହତ୍ତଦ୍ୟୁଦ୍ଧଂରୋମହର୍ଷଣମ୍ ।
ନିଶାଚରୈଃପ୍ଲଵଂଗାନାଂଦେଵାନାଂଦାନଵୈରିଵ ॥ 2 ॥
ଵୃକ୍ଷଶୂଲନିପାତୈଶ୍ଚଶିଲାପରିଘପାତନୈଃ ।
ଅନ୍ୟୋନ୍ୟଂମର୍ଦୟଂତିସ୍ମତଦାକପିନିଶାଚରାଃ ॥ 3 ॥
ଶକ୍ତିଖଡଗଗଦାକୁଂତୈସ୍ତୋମରୈଶ୍ଚନିଶାଚରାଃ ।
ପଟ୍ଟସୈର୍ଭିଂଢିପାଲୈଶ୍ଚବାଣପାତୈଃସମଂତତଃ ॥ 4 ॥
ପାଶମୁଦ୍ଗରଦଂଡୈଶ୍ଚନିଖାତୈଶ୍ଚାପରେସ୍ତଥା ।
କଦନଂକପିସିଂହାନାଂଚକ୍ରୁସ୍ତେରଜନୀଚରାଃ ॥ 5 ॥
ବାଣୌଘୈରର୍ଦିତାଶ୍ଚାପିଖରପୁତ୍ରେଣଵାନରାଃ ।
ସଂଭ୍ରାଂତମନସସ୍ସର୍ଵେଦୁଦ୍ରୁଵୁର୍ଭୟପୀଡିତାଃ ॥ 6 ॥
ତାଂଦୃଷ୍ଟଵାରାକ୍ଷସାସ୍ସର୍ଵେଦ୍ରଵମାଣାନ୍ଵଲୀମୁଖାନ୍ ।
ନେଦୁସ୍ତେସିମ୍ହଵଦ୍ଦୃଷ୍ଟାରାକ୍ଷସାଜିତକାଶିନଃ ॥ 7 ॥
ଵିଦ୍ରଵତ୍ସୁତଦାତେଷୁଵାନରେଷୁସମଂତତଃ ।
ରାମସ୍ତାନ୍ଵାରମାୟାସଶରଵର୍ଷେଣରାକ୍ଷସାନ୍ ॥ 8 ॥
ରିତାନ୍ରାକ୍ଷସାଂଦୃଷ୍ଟଵାମକରାକ୍ଷୋନିଶାଚରଃ ।
କ୍ରୋଧାନଲସମାଵିଷ୍ଟୋଵଚନଂଚେଦମବ୍ରଵୀତ୍ ॥ 9 ॥
ତିଷ୍ଠରାମ ମୟାସାର୍ଧଂଦ୍ଵଂଦ୍ଵୟୁଦ୍ଧଂଦଦାମିତେ ।
ତ୍ୟାଜୟିଷ୍ୟାମିତେପ୍ରାଣାନ୍ ଧନୁର୍ମୁକ୍ସୈଶଶିତୈଶ୍ଶରୈଃ ॥ 10 ॥
ୟତ୍ତଦାଦଂଡକାରଣ୍ୟେପିତରଂହତଵାନ୍ମମ ।
ତଦଗ୍ରତଃସ୍ଵକର୍ମସ୍ଥଂଦୃଷ୍ଟଵାରୋଷୋଽଭିଵର୍ଧତେ ॥ 11 ॥
ଦହ୍ୟଂତେଧୃଶମଂଗାନିଦୁରାତ୍ମନ୍ମମରାଘଵ ।
ୟନ୍ମୟାସି ନ ଦୃଷ୍ଟସ୍ତ୍ଵଂତସ୍ମିନ୍ କାଲେମହାଵନେ ॥ 12 ॥
ଦିଷ୍ଟ୍ୟାସିଦର୍ଶନଂରାମ ମମତ୍ଵଂପ୍ରାପ୍ତଵାନିହ ।
କାଂକ୍ଷିତୋଽସିକ୍ଷୁଧାର୍ତସ୍ୟସିଂହସ୍ୟେଵେତରୋମୃଗଃ ॥ 13 ॥
ଅଦ୍ୟମଦ୍ବାଣଵେଗେନପ୍ରେତରାଡିଵଷୟଂଗତଃ ।
ୟେତ୍ଵୟାନିହତାଃଶୂରାଃସହତୈଶ୍ଚସମେଷ୍ୟସି ॥ 14 ॥
ବହୁନାତ୍ରକିମୁକ୍ତେନଶୃଣୁରାମ ଵଚୋମମ ।
ପଶ୍ୟଂତୁସକଲାଲୋକାସ୍ତ୍ଵା, ମାଂଚୈଵରଣାଜିରେ ॥ 15 ॥
ଅସ୍ତ୍ରୈର୍ଵାଗଦୟାଵାପିବାହୁଭ୍ୟାଂଵାମହାହଵେ ।
ଅଭ୍ୟସ୍ତଂୟେନଵାରାମ ତେନୈଵୟୁଧିଵର୍ତତାମ୍ ॥ 16 ॥
ମକରାକ୍ଷ୍ଵଚଶ୍ଶ୍ରୁତ୍ଵାରାମୋଦଶରଥାତ୍ମଜଃ ।
ଅବ୍ରଵୀତ୍ପ୍ରହସନ୍ଵାକ୍ୟମୁତ୍ତରୋତ୍ତରଵାଦିନମ୍ ॥ 17 ॥
କତ୍ଥସେକିଂଵୃଥାରକ୍ଷୋ ବହୂନ୍ୟସଦୃଶାନିତେ ।
ନ ରଣେଶକ୍ୟତେଜେତୁଂଵିନାୟୁଦ୍ଧେନଵାଗ୍ଭଲାତ୍ ॥ 18 ॥
ଚତୁର୍ଦଶସହସ୍ରାଣିରକ୍ଷସାଂତ୍ଵତ୍ପିତା ଚ ୟଃ ।
ତ୍ରିଶିରାଦୂଷଣଶ୍ଚାପିଦଂଡକେନିହତାମୟା ॥ 19 ॥
ସ୍ଵାଶିତାସ୍ତଵମାଂସେନଗୃଧ୍ରଗୋମାୟୁଵାୟସାଃ ।
ଭଵିଷ୍ୟଂତ୍ୟଦ୍ୟଵୈପାପ ତୀକ୍ଷ୍ଣତୁଂଡନଖାଂକୁରାଃ ॥ 20 ॥
ରାଘଵେଣୈଵମୁକ୍ତସ୍ତୁମକରାକ୍ଷୋମହାବଲଃ ।
ବାଣୌଘାନମୁଚତ୍ତସ୍ମୈରାଘଵାୟରଣାଜିରେ ॥ 21 ॥
ତାନ୍ଶରାନ୍ ଶରଵର୍ଷେଣରାମଶ୍ଚିଚ୍ଛେଦନୈକଧା ।
ନିପେତୁର୍ଭୁଵିତେଛିନ୍ନାରୁକ୍ମପୁଂଖାସ୍ସହସ୍ରଶଃ ॥ 22 ॥
ତଦ୍ୟୁଦ୍ଧମଭଵତ୍ତତ୍ରସମେତ୍ୟାନ୍ୟୋନ୍ୟମୋଜସା ।
ଖରରାକ୍ଷସପୁତ୍ରସ୍ୟସୂନୋର୍ଧଶରଥସ୍ୟ ଚ ॥ 23 ॥
ଜୀମୂତୟୋରିଵାକାଶେଶବ୍ଦୋଜ୍ୟାତଲୟୋସ୍ତଦା ।
ଧନୁର୍ମୁକ୍ତଃସ୍ଵନୋତ୍କୃଷ୍ଟଶ୍ଶ୍ରୂୟତେ ଚ ରଣାଜିରେ ॥ 24 ॥
ଦେଵଦାନଵଗଂଧର୍ଵାଃକିନ୍ନରାଶ୍ଚମହୋରଗାଃ ।
ଅଂତରିକ୍ଷଗତାସ୍ସର୍ଵେଦ୍ରଷ୍ଟୁକାମାସ୍ତଦଦ୍ଭୁତମ୍ ॥ 25 ॥
ଵିଦ୍ଧମନ୍ୟୋନ୍ୟଗାତ୍ରେଷୁଦ୍ଵିଗୁଣଂଵର୍ଧତେପରମ୍ ।
କୃତପ୍ରତିକୃତାନ୍ୟୋନ୍ୟଂକୁରୁତାଂତୌରଣାଜିରେ ॥ 26 ॥
ରାମମୁକ୍ତାଂସ୍ତୁବାଣୌଘାନ୍ ରାକ୍ଷସସ୍ତ୍ଵଚ୍ଛିନଦ୍ରଣେ ।
ରକ୍ଷୋମୁକ୍ତାଂସ୍ତୁରାମୋଵୈନୈକଥାପ୍ରାଚ୍ଛିନଚ୍ଛରୈଃ ॥ 27 ॥
ବାଣୌଘୈର୍ଵିତତାସ୍ସର୍ଵାଦିଶଶ୍ଚପ୍ରଦିଶସ୍ତଥା ।
ସଂଛନ୍ନାଵସୁଧାଚୈଵସମଂତାନ୍ନପ୍ରକାଶତେ ॥ 28 ॥
ତଃକ୍ରୁଦ୍ଧୋମହାବାହୁର୍ଧନୁଚ୍ଶିଚ୍ଛେଦରକ୍ଷସଃ ।
ଅଷ୍ଟାଭିରଥନାରାଚୈସ୍ସୂତଂଵିଵ୍ୟାଧରାଘଵଃ ॥ 29 ॥
ଭିତ୍ତ୍ଵାରଥଂଶରୈରାମୋହତ୍ଵାଆଶ୍ଵାନପାତୟତ୍ ।
ଵିରଥୋଵସୁଧାସ୍ଥଶ୍ଚମକରାକ୍ଷୋନିଶାଚରଃ ॥ 30 ॥
ତତ୍ତିଷ୍ଠଦ୍ଵସୁଧାଂରକ୍ଷଶ୍ଶୂଲଂଜଗ୍ରାହପାଣିନା ।
ତ୍ରାସନଂସର୍ଵଭୂତାନାଂୟୁଗାଂତାଗ୍ନିସମପ୍ରଭମ୍ ॥ 31 ॥
ଦୁରଵାପଂ ମହଚ୍ଛୂଲଂରୁଦ୍ରଦତ୍ତଂଭୟଂକରମ୍ ।
ଜାଜ୍ଵଲ୍ୟମାନମାକାଶେସଂହାରାସ୍ତ୍ରମିଵାପରମ୍ ॥ 32 ॥
ୟଂଦୃଷ୍ଟଵାଦେଵତାଃସର୍ଵାଭୟାର୍ତାଵିଦ୍ରୁତାଦିଶଃ ।
ଵିଭ୍ରାମ୍ୟତୁମହଚ୍ଛୂଲଂପ୍ରଜ୍ଵଲଂତନ୍ନିଶାଚରଃ ॥ 33 ॥
ସ କ୍ରୋଧାପ୍ରାହିଣୋତ୍ତସ୍ମୈରାଘଵାୟମହାତ୍ମନେ ।
ତମାପତଂତଂଜ୍ଵଲିତଂଖରପୁତ୍ରକରାଚ୍ଚ୍ୟୁତମ୍ ॥ 34 ॥
ବାଣୈତ୍ରିଭିରାକାଶେଶୂଲଂଚିଚ୍ଛେଦରାଘଵଃ ।
ସଚ୍ଛନ୍ନୋନୈକଥାଶୂଲୋଦିଵ୍ୟହାଟକମଂଡିତଃ ॥ 35 ॥
ଵ୍ୟଶୀର୍ୟତମହୋଲ୍କେଵରାମବାଣାର୍ଦିତୋଭୁଵି ।
ଚ୍ଛୂଲଂନିହତଂଦୃଷ୍ଟଵାରାମେଣାକ୍ଲିଷ୍ଟକର୍ମଣା ॥ 36 ॥
ସାଧୁସାଵଧିତିଭୂତାନିଵ୍ୟାହରଂତିନଭୋଗତାଃ ।
ତଂଦୃଷ୍ଟଵାନିହତଂଶୂଲଂମକରାକ୍ଷୋନିଶାଚରଃ ॥ 37 ॥
ମୁଷ୍ଟିମୁଦ୍ୟମ୍ୟକାକୁତ୍ସ୍ଥଂତିଷ୍ଠତିଷ୍ଠେତିଚାବ୍ରଵୀତ୍ ।
ସଃତଂଦୃଷ୍ଟଵାଽପତଂତଂଵୈପ୍ରହସ୍ୟରଘୁନଂଦନଃ ॥ 38 ॥
ପାଵକାସ୍ତ୍ରଂତତୋରାମସ୍ସଂଦଧେତୁଶରାସନେ ।
ତେନାସ୍ତ୍ରଣହତଂରକ୍ଷଃକାକୁତ୍ଥ୍ସେନତଦାରଣେ ॥ 39 ॥
ସଂଚିନ୍ନହୃଦୟଂତତ୍ରପପାତ ଚ ମମାର ଚ ।
ଦୃଷ୍ଟଵାତେରାକ୍ଷସାସ୍ସର୍ଵେମକରାକ୍ଷସ୍ୟପାତନମ୍ ॥ 40 ॥
ଲଂକାମେଵପ୍ରଧାଵଂତରାମବାଣଭୟାର୍ଦିତାଃ ।
ଦଶରଥନୃପସୂନୁବାଣଵେଗୈଃରଜନିଚରଂନିହତଂଖରାତ୍ମଜଂତମ୍ ।
ଦଦୃଶୁରଥଦେଵତାଃପ୍ରହୃଷ୍ଟାଗିରିମଵଵଜ୍ରହତଂକ୍ଷିତୌକୀର୍ଣମ୍ ॥ 41 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଏକୋନାଶୀତିତମସ୍ସର୍ଗଃ ॥
