শ্রীমদ্বাল্মীকীয রামাযণে যুদ্ধকাংডম্ ।
অথ একোনাশীতিতমস্সর্গঃ ।
নির্গতংমকরাক্ষংতেদৃষ্টবাবানরপুংগবাঃ ।
আপ্লুত্যসহসাসর্বেযোদ্ধুকামাব্যবস্থিতাঃ ॥ 1 ॥
ততঃপ্রবৃত্তংসুমহত্তদ্যুদ্ধংরোমহর্ষণম্ ।
নিশাচরৈঃপ্লবংগানাংদেবানাংদানবৈরিব ॥ 2 ॥
বৃক্ষশূলনিপাতৈশ্চশিলাপরিঘপাতনৈঃ ।
অন্যোন্যংমর্দযংতিস্মতদাকপিনিশাচরাঃ ॥ 3 ॥
শক্তিখডগগদাকুংতৈস্তোমরৈশ্চনিশাচরাঃ ।
পট্টসৈর্ভিংঢিপালৈশ্চবাণপাতৈঃসমংততঃ ॥ 4 ॥
পাশমুদ্গরদংডৈশ্চনিখাতৈশ্চাপরেস্তথা ।
কদনংকপিসিংহানাংচক্রুস্তেরজনীচরাঃ ॥ 5 ॥
বাণৌঘৈরর্দিতাশ্চাপিখরপুত্রেণবানরাঃ ।
সংভ্রাংতমনসস্সর্বেদুদ্রুবুর্ভযপীডিতাঃ ॥ 6 ॥
তাংদৃষ্টবারাক্ষসাস্সর্বেদ্রবমাণান্বলীমুখান্ ।
নেদুস্তেসিম্হবদ্দৃষ্টারাক্ষসাজিতকাশিনঃ ॥ 7 ॥
বিদ্রবত্সুতদাতেষুবানরেষুসমংততঃ ।
রামস্তান্বারমাযাসশরবর্ষেণরাক্ষসান্ ॥ 8 ॥
রিতান্রাক্ষসাংদৃষ্টবামকরাক্ষোনিশাচরঃ ।
ক্রোধানলসমাবিষ্টোবচনংচেদমব্রবীত্ ॥ 9 ॥
তিষ্ঠরাম মযাসার্ধংদ্বংদ্বযুদ্ধংদদামিতে ।
ত্যাজযিষ্যামিতেপ্রাণান্ ধনুর্মুক্সৈশশিতৈশ্শরৈঃ ॥ 10 ॥
যত্তদাদংডকারণ্যেপিতরংহতবান্মম ।
তদগ্রতঃস্বকর্মস্থংদৃষ্টবারোষোঽভিবর্ধতে ॥ 11 ॥
দহ্যংতেধৃশমংগানিদুরাত্মন্মমরাঘব ।
যন্মযাসি ন দৃষ্টস্ত্বংতস্মিন্ কালেমহাবনে ॥ 12 ॥
দিষ্ট্যাসিদর্শনংরাম মমত্বংপ্রাপ্তবানিহ ।
কাংক্ষিতোঽসিক্ষুধার্তস্যসিংহস্যেবেতরোমৃগঃ ॥ 13 ॥
অদ্যমদ্বাণবেগেনপ্রেতরাডিবষযংগতঃ ।
যেত্বযানিহতাঃশূরাঃসহতৈশ্চসমেষ্যসি ॥ 14 ॥
বহুনাত্রকিমুক্তেনশৃণুরাম বচোমম ।
পশ্যংতুসকলালোকাস্ত্বা, মাংচৈবরণাজিরে ॥ 15 ॥
অস্ত্রৈর্বাগদযাবাপিবাহুভ্যাংবামহাহবে ।
অভ্যস্তংযেনবারাম তেনৈবযুধিবর্ততাম্ ॥ 16 ॥
মকরাক্ষ্বচশ্শ্রুত্বারামোদশরথাত্মজঃ ।
অব্রবীত্প্রহসন্বাক্যমুত্তরোত্তরবাদিনম্ ॥ 17 ॥
কত্থসেকিংবৃথারক্ষো বহূন্যসদৃশানিতে ।
ন রণেশক্যতেজেতুংবিনাযুদ্ধেনবাগ্ভলাত্ ॥ 18 ॥
চতুর্দশসহস্রাণিরক্ষসাংত্বত্পিতা চ যঃ ।
ত্রিশিরাদূষণশ্চাপিদংডকেনিহতামযা ॥ 19 ॥
স্বাশিতাস্তবমাংসেনগৃধ্রগোমাযুবাযসাঃ ।
ভবিষ্যংত্যদ্যবৈপাপ তীক্ষ্ণতুংডনখাংকুরাঃ ॥ 20 ॥
রাঘবেণৈবমুক্তস্তুমকরাক্ষোমহাবলঃ ।
বাণৌঘানমুচত্তস্মৈরাঘবাযরণাজিরে ॥ 21 ॥
তান্শরান্ শরবর্ষেণরামশ্চিচ্ছেদনৈকধা ।
নিপেতুর্ভুবিতেছিন্নারুক্মপুংখাস্সহস্রশঃ ॥ 22 ॥
তদ্যুদ্ধমভবত্তত্রসমেত্যান্যোন্যমোজসা ।
খররাক্ষসপুত্রস্যসূনোর্ধশরথস্য চ ॥ 23 ॥
জীমূতযোরিবাকাশেশব্দোজ্যাতলযোস্তদা ।
ধনুর্মুক্তঃস্বনোত্কৃষ্টশ্শ্রূযতে চ রণাজিরে ॥ 24 ॥
দেবদানবগংধর্বাঃকিন্নরাশ্চমহোরগাঃ ।
অংতরিক্ষগতাস্সর্বেদ্রষ্টুকামাস্তদদ্ভুতম্ ॥ 25 ॥
বিদ্ধমন্যোন্যগাত্রেষুদ্বিগুণংবর্ধতেপরম্ ।
কৃতপ্রতিকৃতান্যোন্যংকুরুতাংতৌরণাজিরে ॥ 26 ॥
রামমুক্তাংস্তুবাণৌঘান্ রাক্ষসস্ত্বচ্ছিনদ্রণে ।
রক্ষোমুক্তাংস্তুরামোবৈনৈকথাপ্রাচ্ছিনচ্ছরৈঃ ॥ 27 ॥
বাণৌঘৈর্বিততাস্সর্বাদিশশ্চপ্রদিশস্তথা ।
সংছন্নাবসুধাচৈবসমংতান্নপ্রকাশতে ॥ 28 ॥
তঃক্রুদ্ধোমহাবাহুর্ধনুচ্শিচ্ছেদরক্ষসঃ ।
অষ্টাভিরথনারাচৈস্সূতংবিব্যাধরাঘবঃ ॥ 29 ॥
ভিত্ত্বারথংশরৈরামোহত্বাআশ্বানপাতযত্ ।
বিরথোবসুধাস্থশ্চমকরাক্ষোনিশাচরঃ ॥ 30 ॥
তত্তিষ্ঠদ্বসুধাংরক্ষশ্শূলংজগ্রাহপাণিনা ।
ত্রাসনংসর্বভূতানাংযুগাংতাগ্নিসমপ্রভম্ ॥ 31 ॥
দুরবাপং মহচ্ছূলংরুদ্রদত্তংভযংকরম্ ।
জাজ্বল্যমানমাকাশেসংহারাস্ত্রমিবাপরম্ ॥ 32 ॥
যংদৃষ্টবাদেবতাঃসর্বাভযার্তাবিদ্রুতাদিশঃ ।
বিভ্রাম্যতুমহচ্ছূলংপ্রজ্বলংতন্নিশাচরঃ ॥ 33 ॥
স ক্রোধাপ্রাহিণোত্তস্মৈরাঘবাযমহাত্মনে ।
তমাপতংতংজ্বলিতংখরপুত্রকরাচ্চ্যুতম্ ॥ 34 ॥
বাণৈত্রিভিরাকাশেশূলংচিচ্ছেদরাঘবঃ ।
সচ্ছন্নোনৈকথাশূলোদিব্যহাটকমংডিতঃ ॥ 35 ॥
ব্যশীর্যতমহোল্কেবরামবাণার্দিতোভুবি ।
চ্ছূলংনিহতংদৃষ্টবারামেণাক্লিষ্টকর্মণা ॥ 36 ॥
সাধুসাবধিতিভূতানিব্যাহরংতিনভোগতাঃ ।
তংদৃষ্টবানিহতংশূলংমকরাক্ষোনিশাচরঃ ॥ 37 ॥
মুষ্টিমুদ্যম্যকাকুত্স্থংতিষ্ঠতিষ্ঠেতিচাব্রবীত্ ।
সঃতংদৃষ্টবাঽপতংতংবৈপ্রহস্যরঘুনংদনঃ ॥ 38 ॥
পাবকাস্ত্রংততোরামস্সংদধেতুশরাসনে ।
তেনাস্ত্রণহতংরক্ষঃকাকুত্থ্সেনতদারণে ॥ 39 ॥
সংচিন্নহৃদযংতত্রপপাত চ মমার চ ।
দৃষ্টবাতেরাক্ষসাস্সর্বেমকরাক্ষস্যপাতনম্ ॥ 40 ॥
লংকামেবপ্রধাবংতরামবাণভযার্দিতাঃ ।
দশরথনৃপসূনুবাণবেগৈঃরজনিচরংনিহতংখরাত্মজংতম্ ।
দদৃশুরথদেবতাঃপ্রহৃষ্টাগিরিমববজ্রহতংক্ষিতৌকীর্ণম্ ॥ 41 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে একোনাশীতিতমস্সর্গঃ ॥
