śrīmadvālmīkīya rāmāyaṇē yuddhakāṇḍam ।
atha ēkōnāśītitamassargaḥ ।
nirgatammakarākṣantēdṛṣṭavāvānarapuṅgavāḥ ।
āplutyasahasāsarvēyōddhukāmāvyavasthitāḥ ॥ 1 ॥
tataḥpravṛttaṃsumahattadyuddhaṃrōmaharṣaṇam ।
niśācharaiḥplavaṅgānāndēvānāndānavairiva ॥ 2 ॥
vṛkṣaśūlanipātaiśchaśilāparighapātanaiḥ ।
anyōnyammardayantismatadākapiniśācharāḥ ॥ 3 ॥
śaktikhaḍagagadākuntaistōmaraiśchaniśācharāḥ ।
paṭṭasairbhiṇḍhipālaiśchabāṇapātaiḥsamantataḥ ॥ 4 ॥
pāśamudgaradaṇḍaiśchanikhātaiśchāparēstathā ।
kadanaṅkapisiṃhānāñchakrustērajanīcharāḥ ॥ 5 ॥
bāṇaughairarditāśchāpikharaputrēṇavānarāḥ ।
sambhrāntamanasassarvēdudruvurbhayapīḍitāḥ ॥ 6 ॥
tāndṛṣṭavārākṣasāssarvēdravamāṇānvalīmukhān ।
nēdustēsimhavaddṛṣṭārākṣasājitakāśinaḥ ॥ 7 ॥
vidravatsutadātēṣuvānarēṣusamantataḥ ।
rāmastānvāramāyāsaśaravarṣēṇarākṣasān ॥ 8 ॥
ritānrākṣasāndṛṣṭavāmakarākṣōniśācharaḥ ।
krōdhānalasamāviṣṭōvachanañchēdamabravīt ॥ 9 ॥
tiṣṭharāma mayāsārdhandvandvayuddhandadāmitē ।
tyājayiṣyāmitēprāṇān dhanurmuksaiśaśitaiśśaraiḥ ॥ 10 ॥
yattadādaṇḍakāraṇyēpitaraṃhatavānmama ।
tadagrataḥsvakarmasthandṛṣṭavārōṣō'bhivardhatē ॥ 11 ॥
dahyantēdhṛśamaṅgānidurātmanmamarāghava ।
yanmayāsi na dṛṣṭastvantasmin kālēmahāvanē ॥ 12 ॥
diṣṭyāsidarśanaṃrāma mamatvamprāptavāniha ।
kāṅkṣitō'sikṣudhārtasyasiṃhasyēvētarōmṛgaḥ ॥ 13 ॥
adyamadbāṇavēgēnaprētarāḍivaṣayaṅgataḥ ।
yētvayānihatāḥśūrāḥsahataiśchasamēṣyasi ॥ 14 ॥
bahunātrakimuktēnaśṛṇurāma vachōmama ।
paśyantusakalālōkāstvā, māñchaivaraṇājirē ॥ 15 ॥
astrairvāgadayāvāpibāhubhyāṃvāmahāhavē ।
abhyastaṃyēnavārāma tēnaivayudhivartatām ॥ 16 ॥
makarākṣvachaśśrutvārāmōdaśarathātmajaḥ ।
abravītprahasanvākyamuttarōttaravādinam ॥ 17 ॥
katthasēkiṃvṛthārakṣō bahūnyasadṛśānitē ।
na raṇēśakyatējētuṃvināyuddhēnavāgbhalāt ॥ 18 ॥
chaturdaśasahasrāṇirakṣasāntvatpitā cha yaḥ ।
triśirādūṣaṇaśchāpidaṇḍakēnihatāmayā ॥ 19 ॥
svāśitāstavamāṃsēnagṛdhragōmāyuvāyasāḥ ।
bhaviṣyantyadyavaipāpa tīkṣṇatuṇḍanakhāṅkurāḥ ॥ 20 ॥
rāghavēṇaivamuktastumakarākṣōmahābalaḥ ।
bāṇaughānamuchattasmairāghavāyaraṇājirē ॥ 21 ॥
tānśarān śaravarṣēṇarāmaśchichChēdanaikadhā ।
nipēturbhuvitēChinnārukmapuṅkhāssahasraśaḥ ॥ 22 ॥
tadyuddhamabhavattatrasamētyānyōnyamōjasā ।
khararākṣasaputrasyasūnōrdhaśarathasya cha ॥ 23 ॥
jīmūtayōrivākāśēśabdōjyātalayōstadā ।
dhanurmuktaḥsvanōtkṛṣṭaśśrūyatē cha raṇājirē ॥ 24 ॥
dēvadānavagandharvāḥkinnarāśchamahōragāḥ ।
antarikṣagatāssarvēdraṣṭukāmāstadadbhutam ॥ 25 ॥
viddhamanyōnyagātrēṣudviguṇaṃvardhatēparam ।
kṛtapratikṛtānyōnyaṅkurutāntauraṇājirē ॥ 26 ॥
rāmamuktāṃstubāṇaughān rākṣasastvachChinadraṇē ।
rakṣōmuktāṃsturāmōvainaikathāprāchChinachCharaiḥ ॥ 27 ॥
bāṇaughairvitatāssarvādiśaśchapradiśastathā ।
sañChannāvasudhāchaivasamantānnaprakāśatē ॥ 28 ॥
taḥkruddhōmahābāhurdhanuchśichChēdarakṣasaḥ ।
aṣṭābhirathanārāchaissūtaṃvivyādharāghavaḥ ॥ 29 ॥
bhittvārathaṃśarairāmōhatvāāśvānapātayat ।
virathōvasudhāsthaśchamakarākṣōniśācharaḥ ॥ 30 ॥
tattiṣṭhadvasudhāṃrakṣaśśūlañjagrāhapāṇinā ।
trāsanaṃsarvabhūtānāṃyugāntāgnisamaprabham ॥ 31 ॥
duravāpaṃ mahachChūlaṃrudradattambhayaṅkaram ।
jājvalyamānamākāśēsaṃhārāstramivāparam ॥ 32 ॥
yandṛṣṭavādēvatāḥsarvābhayārtāvidrutādiśaḥ ।
vibhrāmyatumahachChūlamprajvalantanniśācharaḥ ॥ 33 ॥
sa krōdhāprāhiṇōttasmairāghavāyamahātmanē ।
tamāpatantañjvalitaṅkharaputrakarāchchyutam ॥ 34 ॥
bāṇaitribhirākāśēśūlañchichChēdarāghavaḥ ।
sachChannōnaikathāśūlōdivyahāṭakamaṇḍitaḥ ॥ 35 ॥
vyaśīryatamahōlkēvarāmabāṇārditōbhuvi ।
chChūlannihatandṛṣṭavārāmēṇākliṣṭakarmaṇā ॥ 36 ॥
sādhusāvadhitibhūtānivyāharantinabhōgatāḥ ।
tandṛṣṭavānihataṃśūlammakarākṣōniśācharaḥ ॥ 37 ॥
muṣṭimudyamyakākutsthantiṣṭhatiṣṭhētichābravīt ।
saḥtandṛṣṭavā'patantaṃvaiprahasyaraghunandanaḥ ॥ 38 ॥
pāvakāstrantatōrāmassandadhētuśarāsanē ।
tēnāstraṇahataṃrakṣaḥkākutthsēnatadāraṇē ॥ 39 ॥
sañchinnahṛdayantatrapapāta cha mamāra cha ।
dṛṣṭavātērākṣasāssarvēmakarākṣasyapātanam ॥ 40 ॥
laṅkāmēvapradhāvantarāmabāṇabhayārditāḥ ।
daśarathanṛpasūnubāṇavēgaiḥrajanicharannihataṅkharātmajantam ।
dadṛśurathadēvatāḥprahṛṣṭāgirimavavajrahataṅkṣitaukīrṇam ॥ 41 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē ēkōnāśītitamassargaḥ ॥
