ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଚତୁର୍ନଵତିତମସ୍ସର୍ଗଃ ।
ସ ପ୍ରଵିଶ୍ୟସଭାଂରାଜାଦୀନଃପରମଦୁଃଖିତଃ ।
ନିଷପାଦାସନେମୁଖ୍ୟେସିଂହଃକ୍ରୁଦ୍ଧୈଵଶ୍ଵସନ୍ ॥ 1 ॥
ଅବ୍ରଵୀଚ୍ଚ ସ ତାନ୍ସର୍ଵାନ୍ ବଲମୁଖ୍ୟାନ୍ ମହାବଲଃ ।
ରାଵଣଃପ୍ରାଂଜଲିର୍ଵାକ୍ୟଂପୁତ୍ରଵ୍ୟସନକର୍ଶିତଃ ॥ 2 ॥
ସର୍ଵେଭଵଂତସ୍ସର୍ଵେଣହସ୍ତ୍ୟଶ୍ଵେନସମାଵୃତାଃ ।
ନିର୍ୟାଂତୁରଥସଂଘୈଶ୍ଚପାଦାତୈଶ୍ଚୋପଶୋଭିତାଃ ॥ 3 ॥
ଏକଂରାମଂପରିକ୍ଷିପ୍ୟସମରେହଂତୁମର୍ହଥ ।
ଵର୍ଷଂତଶ୍ଶରଵର୍ଷାଣିପ୍ରାଵୃଟ୍ କାଲୈଵାଂବୁଦାଃ ॥ 4 ॥
ଅଥଵାହଂଶରୈସ୍ତୀକ୍ଷ୍ଣୈର୍ଭିନ୍ନଗାତ୍ରଂମହାହଵେ ।
ଭଵଦ୍ଭିଃଶ୍ଵୋନିହଂତାସ୍ମିରାମଂଲୋକସ୍ୟପଶ୍ୟତଃ ॥ 5 ॥
ଇତ୍ୟେତଦ୍ଵାକ୍ୟମାଦାୟରକ୍ଷସେଂଦ୍ରସ୍ୟରାକ୍ଷସାଃ ।
ନିର୍ୟୟୁସ୍ତେରଥୈଃଶୀଘ୍ରୈର୍ନାନାନୀକୈଶ୍ଚସଂୟୁତାଃ ॥ 6 ॥
ପରିଘାନ୍ ପଟ୍ଟସାଂଶ୍ଚୈଵଶରଖଂଗପରଶ୍ଵଧାନ୍ ।
ଶରୀରାଂତକରାନ୍ ସର୍ଵେଚିକ୍ଷିପୁର୍ଵାନରାନ୍ ପ୍ରତି ॥ 7 ॥
ଵାନରାଶ୍ଚଦ୍ରୁମାନ୍ଶୈଲାନ୍ରାକ୍ଷସାନ୍ପ୍ରତିଚିକ୍ଷିପୁଃ ।
ସ ସଂଗ୍ରାମୋମହାଭୀମସ୍ସୂର୍ୟସ୍ୟଦୟନଂପ୍ରତି ॥ 8 ॥
ରକ୍ଷସାଂଵାନରାଣାଂ ଚ ତୁମୁଲସ୍ସମପଦ୍ୟତ ।
ତେଗଦାଭିଶ୍ଚଚିତ୍ରାଭିଃପ୍ରାସୈଃଖଡଗୈଃପରଶ୍ଵଧୈଃ ॥ 9 ॥
ଅନ୍ୟୋନ୍ୟଂସମରେଜଘ୍ନୁସ୍ତଦାଵାନରରାକ୍ଷସାଃ ।
ଏଵଂପ୍ରଵୃତ୍ତେସଂଗ୍ରାମେହ୍ୟଦ୍ଭୁତଂସୁମହଦ୍ରଜଃ ॥ 10 ॥
ରକ୍ଷସାଂଵାନରାଣାଂ ଚ ଶାଂତଂଶୋଣିତଵିସ୍ରଵୈଃ ।
ମାତଂଗରଥକୂଲାଶ୍ଚଵାଜିମତ୍ସାସ୍ୟଧ୍ଵଜଦ୍ରୁମାଃ ॥ 11 ॥
ଶରୀରସଂଘାଟଵହାଃପ୍ରସସ୍ରୁଃଶୋଣିତାପଗାଃ ।
ତତସ୍ତେଵାନରାଃସର୍ଵେଶୋଣିତୌଘପରିପ୍ଲୁତାଃ ॥ 12 ॥
ଧ୍ଵଜଵର୍ମରଥାନଶ୍ଵାନ୍ନାନାପ୍ରହରଣାନି ଚ ।
ଆପ୍ଲୁତ୍ୟାପ୍ଲୁତ୍ୟସମରେଵାନରେଂଦ୍ରାବଭଂଚିରେ ॥ 13 ॥
କେଶାନ୍ କର୍ଣଲଲାଟଂ ଚ ନାସିକାଶ୍ଚପ୍ଲଵଂଗମାଃ ।
ରକ୍ଷସାଂଦଶନୈସ୍ତୀକ୍ଷ୍ଣୈର୍ନଖୈଶ୍ଚାପିଵ୍ୟକର୍ତୟନ୍ ॥ 14 ॥
ଏକୈକଂରାକ୍ଷସଂସଂଖ୍ୟେଶତଂଵାନରପୁଂଗଵାଃ ।
ଅଭ୍ୟଧାଵଂତଫଲିନଂଵୃକ୍ଷଂଶକୁନୟୋୟଥା ॥ 15 ॥
ତଦାଗଦାଭିର୍ଗୁର୍ଵୀଭିଃପ୍ରାସୈଃଖଡଗୈଃପରଶ୍ଵଧୈଃ ।
ନିର୍ଜଘ୍ନୁର୍ଵାନରାନ୍ଘୋରାନ୍ରାକ୍ଷସାଃପର୍ଵତୋପମାଃ ॥ 16 ॥
ରାକ୍ଷସୈର୍ଵଧ୍ୟମାନାନାଂଵାନରାଣାଂମହାଚମୂଃ ।
ଶରଣ୍ୟଂଶରଣଂୟାତାରାମଂଦଶରଥାତ୍ମଜମ୍ ॥ 17 ॥
ତତୋରାମୋମହାତେଜାଧନୁରାଦାୟଵୀର୍ୟଵାନ୍ ।
ପ୍ରଵିଶ୍ୟରାକ୍ଷସଂସୈନ୍ୟଂଶରଵର୍ଷଂଵଵର୍ଷ ହ ॥ 18 ॥
ପ୍ରଵିଷ୍ଟଂତୁତଦାରାମଂମେଘାସ୍ସୂର୍ୟମିଵାଂବରେ ।
ନାଥିଜଗ୍ମୁର୍ମହାଘୋରାନିର୍ଦହଂତଂଶରାଗ୍ନିନା ॥ 19 ॥
କୃତାନ୍ୟେଵସୁଘୋରାଣିରାମେଣରଜନୀଚରାଃ ।
ଦଦୃଶୁସ୍ତେ ନ ଵୈରାମଂକର୍ମାଣ୍ୟସୁକରାଣିତେ ॥ 20 ॥
ଚାଲୟଂତଂମହାସୈନ୍ୟଂଵିଧମଂତଂମହାରଥାନ୍ ।
ଦଦୃଶୁସ୍ତେ ନ ଵୈରାମଂଵାତଂଵନଗତଂୟଥା ॥ 21 ॥
ଛିନ୍ନଂଭିନ୍ନଂଶରୈର୍ଦଗ୍ଧଂପ୍ରଭନ୍ନଂଶସ୍ତ୍ରପୀଡିତମ୍ ।
ବଲଂରାମେଣଦଦୃଶୁର୍ନରାମଂଶୀଘ୍ରକାରିଣମ୍ ॥ 22 ॥
ପ୍ରହରଂତଂଶରୀରେଷୁ ନ ତେପଶ୍ୟଂତିରାଘଵମ୍ ।
ଇଂଦ୍ରିୟାର୍ଥେଷୁତିଷ୍ଠଂତଂଭୂତାତ୍ମାନମିଵପ୍ରଜାଃ ॥ 23 ॥
ଏଷହଂତିଗଜାନୀକମେଷହଂତିମହାରଥାନ୍ ।
ଏଷହଂତିଶରୈସ୍ତୀକ୍ଷ୍ଣୈଃପଦାତୀସ୍ଵାଜିଭିଃସହ ॥ 24 ॥
ଇତିତେରାକ୍ଷସାସ୍ସର୍ଵେରାମସ୍ୟସଦୃଶାନ୍ରଣେ ।
ଅନ୍ୟୋନ୍ୟଂକୁପିତାଜଘ୍ନୁସ୍ସାଦୃଶ୍ୟାଦ୍ରାଘଵସ୍ୟତେ ॥ 25 ॥
ନ ତେଦଦୃଶିରେରାମଂଦହଂତମପିଵାହିନୀମ୍ ।
ମୋହିତାଃପରମାସ୍ତ୍ରଣଗାଂଧର୍ଵେଣମହାତ୍ମନା ॥ 26 ॥
ତେତୁରାମସହସ୍ରାଣିରଣେପଶ୍ୟଂତିରାକ୍ଷସାଃ ।
ପୁନଃପଶ୍ୟଂତିକାକୁତ୍ସ୍ଥମେକମେଵମହାହଵେ ॥ 27 ॥
ଭ୍ରମଂତୀକାଂଚନୀଂକୋଟିଂକାର୍ମୁକସ୍ୟମହାତ୍ମନଃ ।
ଅଲାତଚକ୍ରପ୍ରତିମାଂଦଦୃଶୁସ୍ତେ ନ ରାଘଵମ୍ ॥ 28 ॥
ଶରୀରନାଭିସତ୍ତ୍ଵାର୍ଚିଶ୍ଶରାରଂନେମିକାର୍ମୁକମ୍ ।
ଜ୍ୟାଘୋଷତଲନିର୍ଘୋଷଂତେଜୋବୁଧଦିଗୁଣପ୍ରଭମ୍ ॥ 29 ॥
ଦିଵ୍ୟାସ୍ତ୍ରଗୁଣପର୍ୟଂତଂନିଘ୍ନଂତଂୟୁଧିରାକ୍ଷସାନ୍ ।
ଦଦୃଶୂରାମଚକ୍ରଂତତ୍କାଲଚକ୍ରମିଵପ୍ରଜାଃ ॥ 30 ॥
ଅନୀକଂଦଶସାହସ୍ରଂରଥାନାଂଵାତରମ୍ହସାମ୍ ।
ଅଷ୍ଟାଦଶସହସ୍ରାଣିକୁଂଜରାଣାଂତରସ୍ଵିନାମ୍ ॥ 31 ॥
ଚତୁର୍ଦଶସହସ୍ରାଣିସାରୋହାଣାଂ ଚ ଵାଜିନାମ୍ ।
ପୂର୍ଣେଶତସହସ୍ରେଦ୍ଵେରାକ୍ଷସାନାଂପଦାତିନାମ୍ ॥ 32 ॥
ଦିଵସସ୍ୟାଷ୍ଟଭାଗେନଶରୈରଗ୍ନିଶିଖୋପମୈଃ ।
ହତାତ୍ୟାନ୍ୟେକେନରାମେଣରକ୍ଷସାଂକାମରୂପିଣାମ୍ ॥ 33 ॥
ତେହତାଶ୍ଵାହତରଥାଶ୍ଶାଂତାଵିମଥିତଧ୍ଵଜାଃ ।
ଅଭିପେତୁଃପୁରୀଂଲଂକାଂହତଶେଷାନିଶାଚରାଃ ॥ 34 ॥
ହତୈର୍ଗଜପଦାତ୍ୟଶ୍ଵୈସ୍ତଦ୍ବଭୂଵରଣାଜିରମ୍ ।
ଅକ୍ରୀଡଭୂମିଃକ୍ରୁଦ୍ଧସ୍ୟରୁଦ୍ରସ୍ୟେଵମହାତ୍ମନଃ ॥ 35 ॥
ତତୋଦେଵାସ୍କସଗଂଧର୍ଵାସ୍ସିଦ୍ଧାଶ୍ଚପରମର୍ଷୟଃ ।
ସାଧୁସାଵଧିତିରାମସ୍ୟତତ୍କର୍ମସମପୂଜୟନ୍ ॥ 36 ॥
ଅବ୍ରଵୀଚ୍ଛତଦାରାମଃସୁଗ୍ରୀଵଂପ୍ରତ୍ୟନଂତରମ୍ ।
ଵିଭୀଷଣଂ ଚ ଧର୍ମାତ୍ମାହନୂମଂତଂ ଚ ଵାନରମ୍ ॥ 37 ॥
ଜାଂବଵଂତଂହରିଶ୍ରେଷ୍ଠଂମୈଂଦଂଦ୍ଵିଵିଦମେଵ ଚ ।
ଏତଦସ୍ତ୍ରବଲଂଦିଵ୍ୟଂମମଵାତ୍୍ୟଂବକସ୍ୟଵା ॥ 38 ॥
ନିହତ୍ୟତାଂରାକ୍ଷସରାଜଵାହିନୀଂରାମସ୍ତଦାଶକ୍ରସମୋମହାତ୍ମା ।
ଅସ୍ତ୍ରଷୁଶସ୍ତ୍ରଷୁଜିତକ୍ଲମଶ୍ଚସଂସ୍ତୂୟତେଦେଵଗଣୈଃପ୍ରହୃଷ୍ଟୈଃ ॥ 39 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଚତୁର୍ନଵତିତମସ୍ସର୍ଗଃ ॥
