শ্রীমদ্বাল্মীকীয় রামাযণে যুদ্ধকাংডম্ ।
অথ চতুর্নবতিতমস্সর্গঃ ।
স প্রবিশ্যসভাংরাজাদীনঃপরমদুঃখিতঃ ।
নিষপাদাসনেমুখ্য়েসিংহঃক্রুদ্ধৈবশ্বসন্ ॥ 1 ॥
অব্রবীচ্চ স তান্সর্বান্ বলমুখ্য়ান্ মহাবলঃ ।
রাবণঃপ্রাংজলির্বাক্য়ংপুত্রব্যসনকর্শিতঃ ॥ 2 ॥
সর্বেভবংতস্সর্বেণহস্ত্যশ্বেনসমাবৃতাঃ ।
নির্য়াংতুরথসংঘৈশ্চপাদাতৈশ্চোপশোভিতাঃ ॥ 3 ॥
একংরামংপরিক্ষিপ্যসমরেহংতুমর্হথ ।
বর্ষংতশ্শরবর্ষাণিপ্রাবৃট্ কালৈবাংবুদাঃ ॥ 4 ॥
অথবাহংশরৈস্তীক্ষ্ণৈর্ভিন্নগাত্রংমহাহবে ।
ভবদ্ভিঃশ্বোনিহংতাস্মিরামংলোকস্যপশ্যতঃ ॥ 5 ॥
ইত্য়েতদ্বাক্যমাদাযরক্ষসেংদ্রস্যরাক্ষসাঃ ।
নির্যয়ুস্তেরথৈঃশীঘ্রৈর্নানানীকৈশ্চসংয়ুতাঃ ॥ 6 ॥
পরিঘান্ পট্টসাংশ্চৈবশরখংগপরশ্বধান্ ।
শরীরাংতকরান্ সর্বেচিক্ষিপুর্বানরান্ প্রতি ॥ 7 ॥
বানরাশ্চদ্রুমান্শৈলান্রাক্ষসান্প্রতিচিক্ষিপুঃ ।
স সংগ্রামোমহাভীমস্সূর্যস্যদযনংপ্রতি ॥ 8 ॥
রক্ষসাংবানরাণাং চ তুমুলস্সমপদ্যত ।
তেগদাভিশ্চচিত্রাভিঃপ্রাসৈঃখডগৈঃপরশ্বধৈঃ ॥ 9 ॥
অন্য়োন্য়ংসমরেজঘ্নুস্তদাবানররাক্ষসাঃ ।
এবংপ্রবৃত্তেসংগ্রামেহ্যদ্ভুতংসুমহদ্রজঃ ॥ 10 ॥
রক্ষসাংবানরাণাং চ শাংতংশোণিতবিস্রবৈঃ ।
মাতংগরথকূলাশ্চবাজিমত্সাস্যধ্বজদ্রুমাঃ ॥ 11 ॥
শরীরসংঘাটবহাঃপ্রসস্রুঃশোণিতাপগাঃ ।
ততস্তেবানরাঃসর্বেশোণিতৌঘপরিপ্লুতাঃ ॥ 12 ॥
ধ্বজবর্মরথানশ্বান্নানাপ্রহরণানি চ ।
আপ্লুত্য়াপ্লুত্যসমরেবানরেংদ্রাবভংচিরে ॥ 13 ॥
কেশান্ কর্ণললাটং চ নাসিকাশ্চপ্লবংগমাঃ ।
রক্ষসাংদশনৈস্তীক্ষ্ণৈর্নখৈশ্চাপিব্যকর্তযন্ ॥ 14 ॥
একৈকংরাক্ষসংসংখ্য়েশতংবানরপুংগবাঃ ।
অভ্যধাবংতফলিনংবৃক্ষংশকুনয়োযথা ॥ 15 ॥
তদাগদাভির্গুর্বীভিঃপ্রাসৈঃখডগৈঃপরশ্বধৈঃ ।
নির্জঘ্নুর্বানরান্ঘোরান্রাক্ষসাঃপর্বতোপমাঃ ॥ 16 ॥
রাক্ষসৈর্বধ্যমানানাংবানরাণাংমহাচমূঃ ।
শরণ্য়ংশরণংয়াতারামংদশরথাত্মজম্ ॥ 17 ॥
ততোরামোমহাতেজাধনুরাদাযবীর্যবান্ ।
প্রবিশ্যরাক্ষসংসৈন্য়ংশরবর্ষংববর্ষ হ ॥ 18 ॥
প্রবিষ্টংতুতদারামংমেঘাস্সূর্যমিবাংবরে ।
নাথিজগ্মুর্মহাঘোরানির্দহংতংশরাগ্নিনা ॥ 19 ॥
কৃতান্য়েবসুঘোরাণিরামেণরজনীচরাঃ ।
দদৃশুস্তে ন বৈরামংকর্মাণ্যসুকরাণিতে ॥ 20 ॥
চালয়ংতংমহাসৈন্য়ংবিধমংতংমহারথান্ ।
দদৃশুস্তে ন বৈরামংবাতংবনগতংযথা ॥ 21 ॥
ছিন্নংভিন্নংশরৈর্দগ্ধংপ্রভন্নংশস্ত্রপীডিতম্ ।
বলংরামেণদদৃশুর্নরামংশীঘ্রকারিণম্ ॥ 22 ॥
প্রহরংতংশরীরেষু ন তেপশ্য়ংতিরাঘবম্ ।
ইংদ্রিয়ার্থেষুতিষ্ঠংতংভূতাত্মানমিবপ্রজাঃ ॥ 23 ॥
এষহংতিগজানীকমেষহংতিমহারথান্ ।
এষহংতিশরৈস্তীক্ষ্ণৈঃপদাতীস্বাজিভিঃসহ ॥ 24 ॥
ইতিতেরাক্ষসাস্সর্বেরামস্যসদৃশান্রণে ।
অন্য়োন্য়ংকুপিতাজঘ্নুস্সাদৃশ্য়াদ্রাঘবস্যতে ॥ 25 ॥
ন তেদদৃশিরেরামংদহংতমপিবাহিনীম্ ।
মোহিতাঃপরমাস্ত্রণগাংধর্বেণমহাত্মনা ॥ 26 ॥
তেতুরামসহস্রাণিরণেপশ্য়ংতিরাক্ষসাঃ ।
পুনঃপশ্য়ংতিকাকুত্স্থমেকমেবমহাহবে ॥ 27 ॥
ভ্রমংতীকাংচনীংকোটিংকার্মুকস্যমহাত্মনঃ ।
অলাতচক্রপ্রতিমাংদদৃশুস্তে ন রাঘবম্ ॥ 28 ॥
শরীরনাভিসত্ত্বার্চিশ্শরারংনেমিকার্মুকম্ ।
জ্য়াঘোষতলনির্ঘোষংতেজোবুধদিগুণপ্রভম্ ॥ 29 ॥
দিব্য়াস্ত্রগুণপর্য়ংতংনিঘ্নংতংয়ুধিরাক্ষসান্ ।
দদৃশূরামচক্রংতত্কালচক্রমিবপ্রজাঃ ॥ 30 ॥
অনীকংদশসাহস্রংরথানাংবাতরম্হসাম্ ।
অষ্টাদশসহস্রাণিকুংজরাণাংতরস্বিনাম্ ॥ 31 ॥
চতুর্দশসহস্রাণিসারোহাণাং চ বাজিনাম্ ।
পূর্ণেশতসহস্রেদ্বেরাক্ষসানাংপদাতিনাম্ ॥ 32 ॥
দিবসস্য়াষ্টভাগেনশরৈরগ্নিশিখোপমৈঃ ।
হতাত্য়ান্য়েকেনরামেণরক্ষসাংকামরূপিণাম্ ॥ 33 ॥
তেহতাশ্বাহতরথাশ্শাংতাবিমথিতধ্বজাঃ ।
অভিপেতুঃপুরীংলংকাংহতশেষানিশাচরাঃ ॥ 34 ॥
হতৈর্গজপদাত্যশ্বৈস্তদ্বভূবরণাজিরম্ ।
অক্রীডভূমিঃক্রুদ্ধস্যরুদ্রস্য়েবমহাত্মনঃ ॥ 35 ॥
ততোদেবাস্কসগংধর্বাস্সিদ্ধাশ্চপরমর্ষয়ঃ ।
সাধুসাবধিতিরামস্যতত্কর্মসমপূজযন্ ॥ 36 ॥
অব্রবীচ্ছতদারামঃসুগ্রীবংপ্রত্যনংতরম্ ।
বিভীষণং চ ধর্মাত্মাহনূমংতং চ বানরম্ ॥ 37 ॥
জাংববংতংহরিশ্রেষ্ঠংমৈংদংদ্বিবিদমেব চ ।
এতদস্ত্রবলংদিব্য়ংমমবাত্্য়ংবকস্যবা ॥ 38 ॥
নিহত্যতাংরাক্ষসরাজবাহিনীংরামস্তদাশক্রসমোমহাত্মা ।
অস্ত্রষুশস্ত্রষুজিতক্লমশ্চসংস্তূযতেদেবগণৈঃপ্রহৃষ্টৈঃ ॥ 39 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে চতুর্নবতিতমস্সর্গঃ ॥
