ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଶତତମସ୍ସର୍ଗଃ ।
ମହୋଦରମହାପାର୍ଶ୍ଵୌହତୌଦୃଷ୍ଟଵାତୁରାକ୍ଷ ।
ତସ୍ମିଂଶ୍ଚନିହତେଵୀରେଵିରୂପାକ୍ଷେମହାବଲେ ॥ 1 ॥
ଆଵିଵେଶମହାନ୍ କ୍ରୋଧୋରାଵଣଂତୁମହାମୃଧେ ।
ସୂତଂ ସଂଚୋଦୟାମାସ ଵାକ୍ୟଂ ଚେଦମୁଵାଚ ହ ॥ 2 ॥
ନିହତାନାମମାତ୍ୟାନାଂରୁଦ୍ଧସ୍ୟନଗରସ୍ୟ ଚ ।
ଦୁଃଖମେଵାପନେଷ୍ୟାମି ହତ୍ୟା ତୌ ରାମଲକ୍ଷ୍ମଣୌ ॥ 3 ॥
ରାମଵୃକ୍ଷଂରଣେହମନିସୀତାପୁଷ୍ପଫଲପ୍ରଦମ୍ ।
ପ୍ରଶାଖାୟସ୍ୟସୁଗ୍ରୀଵୋଜାଂବଵାନ୍କୁମୁଦୋନଲଃ ॥ 4 ॥
ତଦସ୍ତ୍ରନ୍ ରାଘଵଃ ଶ୍ରୀମାନୁତ୍ତମାସ୍ତ୍ରଵିଦାଂ ଵରଃ ।
ଜଘାନ ପରମାସ୍ତ୍ରେଣ ଗଂଧର୍ଵେଣ ମହାଦ୍ୟୁତିଃ ॥ 5 ॥
ସ ଦିଶୋଦଶଘୋଷେଣରଥସ୍ୟାତିରଥୋମହାନ୍ ।
ନାଦୟନ୍ ପ୍ରୟୟୌତୂର୍ଣଂରାଘଵଂଚାଭ୍ୟଧାଵତ ॥ 6 ॥
ପୂରିତାତେନଶବ୍ଦେନସନଦୀଗିରିକାନନା ।
ସଂଚଚାଲ ମହୀ ସର୍ଵା ତ୍ରସ୍ତସିଂହମୃଗଦ୍ଵିଜା ॥ 7 ॥
ତାମସଂସୁମହାଘୋରଂଚକାରାସ୍ତ୍ରଂସୁଦାରୁଣମ୍ ।
ନିର୍ଦଦାହକପୀନ୍ ସର୍ଵାଂସ୍ତେପ୍ରପେତୁଃସମଂତତଃ ॥ 8 ॥
ଉତ୍ପପାତରଜୋଭୂମୌତୈର୍ଭଗ୍ନୈଃସଂପ୍ରଧାଵିତୈଃ ।
ନ ହିତତ୍ସହିତୁଂଶେକୁର୍ଭ୍ରହ୍ମଣାନିର୍ମିତଂସ୍ଵୟମ୍ ॥ 9 ॥
ତାନ୍ୟନୀକାନ୍ୟନେକାନି ରାଵଣସ୍ୟ ଶରୋତ୍ତମୈଃ ।
ଦୃଷ୍ଟଵାଭଗ୍ନାନି ଶତଶୋ ରାଘଵଃ ପର୍ୟଵସ୍ଥିତଃ ॥ 10 ॥
ତତୋରାକ୍ଷସଶାର୍ଦୂଲୋଵିଦ୍ରାଵ୍ୟହରିଵାହିନୀମ୍ ।
ସ ଦଦର୍ଶତତୋରାମଂତିଷ୍ଠଂତମପରାଜିତମ୍ ॥ 11 ॥
ଲକ୍ଷ୍ମଣେନସହଭ୍ରାତ୍ରାଵିଷ୍ଣୁନାଵାସଵଂୟଥା ।
ଅଲିଖଂତମିଵାକାଶମଵଷ୍ଟଭ୍ୟମହଦ୍ଧନୁଃ ॥ 12 ॥
ପଦ୍ମପତ୍ରଵିଶାଲାକ୍ଷଂଦୀର୍ଘବାହୁମରିଂଦମମ୍ ।
ତତୋରାମୋମହାତେଜାଃସୌମିତ୍ରିସହିତୋବଲୀ ॥ 13 ॥
ଵାନରାଂଶ୍ଚରଣେଭଗ୍ନାନାପତଂତଂ ଚ ରାଵଣମ୍ ।
ସମୀକ୍ଷ୍ୟରାଘଵୋହୃଷ୍ଟୋମଧ୍ୟେଜଗ୍ରାହକାର୍ମୁକମ୍ ॥ 14 ॥
ଵିସ୍ଫାରୟିତୁମାରେଭେତତଃ ସ ଧନୁରୁତ୍ତମମ୍ ।
ମହାଵେଗଂମହାନାଦଂନିର୍ଭଂଦନ୍ନିଵମେଦିନୀମ୍ ॥ 15 ॥
ରାଵଣସ୍ୟ ଚ ବାଣୌଘୈରାମଵିସ୍ଫାରିତେନ ଚ ।
ଶବ୍ଦେନରାକ୍ଷସାସ୍ତେନ ପେତୁଶ୍ଚ ଶତଶସ୍ତଦା ॥ 16 ॥
ତୟୋଃଶରପଥଂପ୍ରାପ୍ୟରାଵଣୋରାଜପୁତ୍ରୟୋଃ ।
ସ ବଭୌ ଚ ୟଥାରାହୁଃସମୀପଶଶିସୂର୍ୟୟୋଃ ॥ 17 ॥
ତମିଚ୍ଛନ୍ ପ୍ରଧମଂ ୟୋଦ୍ଧୁଂଲକ୍ଷ୍ମଣୋନିଶିତୈଃଶରୈଃ ।
ମୁମୋଚଧନୁରାୟମ୍ୟଶରାନଗ୍ନିଶିଖୋପମାନ୍ ॥ 18 ॥
ତାନ୍ମୁକ୍ତମାତ୍ରାନାକାଶେ ଲକ୍ଷ୍ମଣେନ ଧନୁଷ୍ମତା ।
ବାଣାନ୍ ବାଣୈର୍ମହାତେଜା ରାଵଣଃ ପ୍ରତ୍ୟଵାରୟତ୍ ॥ 19 ॥
ଏକମେକେନବାଣେନତ୍ରିଭିସ୍ତ୍ରୀନ୍ ଦଶଭିର୍ଦଶ ।
ଲକ୍ଷ୍ମଣସ୍ୟ ପ୍ରଚିଚ୍ଛେଦ ଦର୍ଶୟନ୍ ପାଣିଲାଘଵମ୍ ॥ 20 ॥
ଅଭ୍ୟତିକ୍ରମ୍ୟସୌମିତ୍ରିଂରାଵଣଃସମିତିଂଜୟଃ ।
ଆସସାଦରଣେରାମଂସ୍ଥିତଂଶୈଲମିଵାପରମ୍ ॥ 21 ॥
ସ ରାଘଵଂସମାସାଦ୍ୟକ୍ରୋଧସଂରକ୍ତଲୋଚନଃ ।
ଵ୍ୟସୃଜଚ୍ଛରଵର୍ଷାଣିରାଵଣୋ ରାକ୍ଷସେଶ୍ଵରଃ ॥ 22 ॥
ଶରାଧାରାସ୍ତତୋରାମୋରାଵଣସ୍ୟଧନୁଶ୍ଚ୍ୟୁତାଃ ।
ଦୃଷ୍ଟଵୈଵାପତିତାଃଶୀଘ୍ରଂଭଲ୍ଲାନ୍ ଜଗ୍ରାହସତ୍ଵରମ୍ ॥ 23 ॥
ତାନ୍ ଶରୌଘାଂସ୍ତତୋଭଲ୍ଲୈସ୍ତୀକ୍ଷ୍ଣୈଶ୍ଚିଚ୍ଛେଦରାଘଵଃ ।
ଦୀପ୍ୟମାନାନ୍ ମହାଘୋରାନ୍କ୍ରୁଦ୍ଧାନାଶୀଵିଷାନିଵ ॥ 24 ॥
ରାଘଵୋରାଵଣଂତୂର୍ଣଂରାଵଣୋରାଘଵଂତଥା ।
ଅନ୍ୟୋନ୍ୟଂଵିଵିଧୈସ୍ତୀକ୍ଷ୍ଣୈଃଶରଵର୍ଷୈର୍ଵଵର୍ଷତୁଃ ॥ 25 ॥
ଚେରତୁଶ୍ଚଚିରଂଚିତ୍ରଂମଂଡଲଂସଵ୍ୟଦକ୍ଷିଣମ୍ ।
ବାଣଵେଗାତ୍ସମୁତ୍କ୍ଷିପ୍ତାଵନ୍ୟୋନ୍ୟମପରାଜିତୌ ॥ 26 ॥
ତୟୋର୍ଭୂତାନିଵିତ୍ରେସୁର୍ୟୁଗପତ୍ସଂପ୍ରୟୁଧ୍ୟତୋଃ ।
ରୌଦ୍ରୟୋଃସାୟକମୁଚୋର୍ୟମାଂତକନିକାଶୟୋଃ ॥ 27 ॥
ସତତଂଵିଵିଧୈର୍ବାଣୈର୍ବଭୂଵଗଗନଂତଦା ।
ଘନୈରିଵାତପାପାୟେଵିଦ୍ୟୁନ୍ମାଲାସସମାକୁଲୈଃ ॥ 28 ॥
ଗଵାକ୍ଷିତମିଵାକାଶଂବଭୂଵଶରଵୃଷ୍ଟିଭିଃ ।
ମହାଵେଗୈସ୍ସୁତୀକ୍ଷ୍ଣୈଗ୍ରୈର୍ଗୃଧ୍ରପତ୍ରୈଃସୁଵାଜିତୈଃ ॥ 29 ॥
ଶରାଂଧକାରମାକାଶଂଚକ୍ରତୁଃପ୍ରଥମଂତଦା ।
ଗତେଽସ୍ତଂ ତପନେ ଚାପି ମହାମେଘାଵିଵୋଥତିତୌ ॥ 30 ॥
ତୟୋରଭୂନ୍ମହଦ୍ୟୁଦ୍ଧମନ୍ୟୋନ୍ୟଵଥକାଂକ୍ଷିଣୋଃ ।
ଅନାସାଦ୍ୟମଚ୍ନିତ୍ୟଂ ଚ ଵୃତ୍ରଵାସଵୟୋରିଵ ॥ 31 ॥
ଉଭୌହିପରମେଷ୍ଵାସାଵୁଭୌୟୁଦ୍ଧଵିଶାରଦୌ ।
ଉଭାଵସ୍ତ୍ରଵିଦାଂ ମୁଖ୍ୟାଵୁଭୌ ୟୁଦ୍ଧେଵିଚେରତୁଃ ॥ 32 ॥
ଉଭୌହିୟେନଵ୍ରଜତସ୍ତେନତେନଶରୋର୍ମୟଃ ।
ଊର୍ମୟୋଵାୟୁନାଵିଦ୍ଧା ଜଗ୍ମୁଃ ସାଗରୟୋରିଵ ॥ 33 ॥
ତତଃସଂସକ୍ତହସ୍ତସ୍ତୁରାଵଣୋଲୋକରାଵଣଃ ।
ନରାଚମାଲାଂରାମସ୍ୟଲଲାଟେପ୍ରତ୍ୟମୁଂଚତ ॥ 34 ॥
ରୌଦ୍ରଚାପପ୍ରୟୁକ୍ତାଂତାଂନୀଲୋତ୍ପଲଦଲପ୍ରଭାମ୍ ।
ଶିରସାଧାରୟଦ୍ରାମୋ ନ ଵ୍ୟଥମଭ୍ୟପଦ୍ୟତ ॥ 35 ॥
ଅଥମଂତ୍ରାନଭିଜପନ୍ରୌଦ୍ରମସ୍ତମୁଦୀରୟନ୍ ।
ଶରାନ୍ ଭୂୟଃସମାଦାୟ ରାମଃ କ୍ରୋଧସମନ୍ଵିତଃ ॥ 36 ॥
ମୁମୋଚ ଚ ମହାତେଜାଶ୍ଚାପମାୟମ୍ୟଵୀର୍ୟଵାନ୍ ।
ତେମହାମେଘସଂକାଶେକଵଚେପତିତାଃଶରାଃ ॥ 37 ॥
ଅଵଧ୍ୟେରାକ୍ଷସେଂଦ୍ରସ୍ୟ ନ ଵ୍ୟଥାଂଜନୟଂସ୍ତଦା ।
ପୁନରେଵାଧତଂରାମୋରଥସ୍ଥଂରାକ୍ଷସାଧିପମ୍ ॥ 38 ॥
ଲଲାଟେପରମାସ୍ତ୍ରଣସର୍ଵାସ୍ତ୍ରକୁଶଲୋଽଭିନତ୍ ।
ତେଭିତ୍ତ୍ଵାବାଣରୂପାଣିପଂଚଶୀର୍ଷାଇଵୋରଗାଃ ॥ 39 ॥
ଶ୍ଵସଂତୋଵିଵିଶୁର୍ଭୂମିଂରାଵଣପ୍ରତିକୂଲିତାଃ ।
ନିହତ୍ୟରାଘଵସ୍ୟାସ୍ତ୍ରଂରାଵଣଃକ୍ରୋଧମୂର୍ଛିତଃ ॥ 40 ॥
ଅସୁରଂସୁମହାଘୋରମନ୍ୟଦସ୍ତ୍ରଂ ଚକାରସଃ ।
ସିଂହଵ୍ୟାଘ୍ରମୁଖାଂଶ୍ଚାପିକଂକକାକମୁଖାନପି ॥ 41 ॥
ଗୃଧ୍ରଶ୍ୟେନମୁଖାଂଶ୍ଚାପିଶୃଗାଵଵଦନାଂସ୍ତଥା ।
ଈହାମୃଗମୁଖାଂଶ୍ଚାପିଵ୍ୟାଦିତାସ୍ୟାନ୍ ଭୟାଵହାନ୍ ॥ 42 ॥
ପଂଚାସ୍ୟାନ୍ ଲେଲିହାନାଂଶ୍ଚସସର୍ଜନିଶିତାନ୍ ଶରାନ୍ ।
ଶରାନ୍ ଖରମୁଖାଂଶ୍ଚାନ୍ୟାନ୍ଵରାହମୁଖସଂଶ୍ରିତାନ୍ ॥ 43 ॥
ଶ୍ଵାନକୁକ୍କୁଟଵକ୍ତ୍ରାଂଶ୍ଚମକରାଶୀଵିଷାନନାନ୍ ।
ଏତାଂଶ୍ଚାନ୍ୟାଂଶ୍ଚମାୟାଵୀସସର୍ଜନିଶିତାନ୍ ଶରାନ୍ ॥ 44 ॥
ଶରାଃ ସର୍ଵେଷୁ ଗାତ୍ରେଷୁ ପାତିତା ମର୍ମଭେଦିନଃ ।
ଅଚିଂତୟିତ୍ଵା ତାନ୍ବାଣାନ୍ସମାଶ୍ଲିଷ୍ୟା ଚ ଲକ୍ଷ୍ମଣମ୍ ॥ 45 ॥
ସସର୍ଜାସ୍ତ୍ରଂ ମହୋତ୍ସାହଃ ପାଵକଃ ପାଵକୋପମଃ ।
ଅଗ୍ନିଦୀପ୍ତମୁଖାନ୍ବାଣାଂସ୍ତତ୍ରସୂର୍ୟମୁଖାନପି ॥ 46 ॥
ଚଂଦ୍ରାର୍ଧଚଂଦ୍ରଵକ୍ରାଂଶ୍ଚଧୂମକେତୁମୁଖାନପି ।
ଗ୍ରହନକ୍ଷତ୍ରଵର୍ଣାଂଶ୍ଚମହୋଲ୍କାମୁଖସଂସ୍ଥିତାନ୍ ॥ 47 ॥
ଵିଦ୍ୟୁଜଜିହ୍ଵୋପମାଂଶ୍ଚାପିସସର୍ଜ ଵିଵିଧାନ୍ ଶରାନ୍ ।
ତେରାଵଣଶରାଘୋରାରାଘଵାସ୍ତ୍ରସମାହତାଃ ॥ 48 ॥
ଵିଲୟଂ ଜଗ୍ମୁରାକାଶେ ଜଗ୍ମୁଶ୍ଚୈଵ ସହସ୍ରଶଃ ।
ତଦସ୍ତ୍ରଂନିହତଂଦୃଷ୍ଟଵାରାମେଣାକ୍ଲିଷ୍ଟକର୍ମଣା ॥ 49 ॥
ହୃଷ୍ଟାନେଦୁସ୍ତତଃସର୍ଵେକପୟଃକାମରୂପିଣଃ ।
ସୁଗ୍ରୀଵପ୍ରମୁଖାଵୀରାଃସଂପରିକ୍ଷିପ୍ୟରାଘଵମ୍ ॥ 50 ॥
ତତସ୍ତଦସ୍ତ୍ରଂଵିନିହତ୍ୟରାଘଵଃପ୍ରସହ୍ୟତଦ୍ରାଵଣବାହୁନିଃସୃତମ୍ ।
ମୁଦାନ୍ଵିତୋଦାଶରଥିର୍ମହାତ୍ମାଵିନେଦୁରୁଚ୍ଚୈର୍ମୁଦିତାଃକପୀଶ୍ଵରାଃ ॥ 51 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଶତତମସ୍ସର୍ଗଃ ॥
