শ্রীমদ্বাল্মীকীয রামাযণে যুদ্ধকাংডম্ ।
অথ শততমস্সর্গঃ ।
মহোদরমহাপার্শ্বৌহতৌদৃষ্টবাতুরাক্ষ ।
তস্মিংশ্চনিহতেবীরেবিরূপাক্ষেমহাবলে ॥ 1 ॥
আবিবেশমহান্ ক্রোধোরাবণংতুমহামৃধে ।
সূতং সংচোদযামাস বাক্যং চেদমুবাচ হ ॥ 2 ॥
নিহতানামমাত্যানাংরুদ্ধস্যনগরস্য চ ।
দুঃখমেবাপনেষ্যামি হত্যা তৌ রামলক্ষ্মণৌ ॥ 3 ॥
রামবৃক্ষংরণেহমনিসীতাপুষ্পফলপ্রদম্ ।
প্রশাখাযস্যসুগ্রীবোজাংববান্কুমুদোনলঃ ॥ 4 ॥
তদস্ত্রন্ রাঘবঃ শ্রীমানুত্তমাস্ত্রবিদাং বরঃ ।
জঘান পরমাস্ত্রেণ গংধর্বেণ মহাদ্যুতিঃ ॥ 5 ॥
স দিশোদশঘোষেণরথস্যাতিরথোমহান্ ।
নাদযন্ প্রযযৌতূর্ণংরাঘবংচাভ্যধাবত ॥ 6 ॥
পূরিতাতেনশব্দেনসনদীগিরিকাননা ।
সংচচাল মহী সর্বা ত্রস্তসিংহমৃগদ্বিজা ॥ 7 ॥
তামসংসুমহাঘোরংচকারাস্ত্রংসুদারুণম্ ।
নির্দদাহকপীন্ সর্বাংস্তেপ্রপেতুঃসমংততঃ ॥ 8 ॥
উত্পপাতরজোভূমৌতৈর্ভগ্নৈঃসংপ্রধাবিতৈঃ ।
ন হিতত্সহিতুংশেকুর্ভ্রহ্মণানির্মিতংস্বযম্ ॥ 9 ॥
তান্যনীকান্যনেকানি রাবণস্য শরোত্তমৈঃ ।
দৃষ্টবাভগ্নানি শতশো রাঘবঃ পর্যবস্থিতঃ ॥ 10 ॥
ততোরাক্ষসশার্দূলোবিদ্রাব্যহরিবাহিনীম্ ।
স দদর্শততোরামংতিষ্ঠংতমপরাজিতম্ ॥ 11 ॥
লক্ষ্মণেনসহভ্রাত্রাবিষ্ণুনাবাসবংযথা ।
অলিখংতমিবাকাশমবষ্টভ্যমহদ্ধনুঃ ॥ 12 ॥
পদ্মপত্রবিশালাক্ষংদীর্ঘবাহুমরিংদমম্ ।
ততোরামোমহাতেজাঃসৌমিত্রিসহিতোবলী ॥ 13 ॥
বানরাংশ্চরণেভগ্নানাপতংতং চ রাবণম্ ।
সমীক্ষ্যরাঘবোহৃষ্টোমধ্যেজগ্রাহকার্মুকম্ ॥ 14 ॥
বিস্ফারযিতুমারেভেততঃ স ধনুরুত্তমম্ ।
মহাবেগংমহানাদংনির্ভংদন্নিবমেদিনীম্ ॥ 15 ॥
রাবণস্য চ বাণৌঘৈরামবিস্ফারিতেন চ ।
শব্দেনরাক্ষসাস্তেন পেতুশ্চ শতশস্তদা ॥ 16 ॥
তযোঃশরপথংপ্রাপ্যরাবণোরাজপুত্রযোঃ ।
স বভৌ চ যথারাহুঃসমীপশশিসূর্যযোঃ ॥ 17 ॥
তমিচ্ছন্ প্রধমং যোদ্ধুংলক্ষ্মণোনিশিতৈঃশরৈঃ ।
মুমোচধনুরাযম্যশরানগ্নিশিখোপমান্ ॥ 18 ॥
তান্মুক্তমাত্রানাকাশে লক্ষ্মণেন ধনুষ্মতা ।
বাণান্ বাণৈর্মহাতেজা রাবণঃ প্রত্যবারযত্ ॥ 19 ॥
একমেকেনবাণেনত্রিভিস্ত্রীন্ দশভির্দশ ।
লক্ষ্মণস্য প্রচিচ্ছেদ দর্শযন্ পাণিলাঘবম্ ॥ 20 ॥
অভ্যতিক্রম্যসৌমিত্রিংরাবণঃসমিতিংজযঃ ।
আসসাদরণেরামংস্থিতংশৈলমিবাপরম্ ॥ 21 ॥
স রাঘবংসমাসাদ্যক্রোধসংরক্তলোচনঃ ।
ব্যসৃজচ্ছরবর্ষাণিরাবণো রাক্ষসেশ্বরঃ ॥ 22 ॥
শরাধারাস্ততোরামোরাবণস্যধনুশ্চ্যুতাঃ ।
দৃষ্টবৈবাপতিতাঃশীঘ্রংভল্লান্ জগ্রাহসত্বরম্ ॥ 23 ॥
তান্ শরৌঘাংস্ততোভল্লৈস্তীক্ষ্ণৈশ্চিচ্ছেদরাঘবঃ ।
দীপ্যমানান্ মহাঘোরান্ক্রুদ্ধানাশীবিষানিব ॥ 24 ॥
রাঘবোরাবণংতূর্ণংরাবণোরাঘবংতথা ।
অন্যোন্যংবিবিধৈস্তীক্ষ্ণৈঃশরবর্ষৈর্ববর্ষতুঃ ॥ 25 ॥
চেরতুশ্চচিরংচিত্রংমংডলংসব্যদক্ষিণম্ ।
বাণবেগাত্সমুত্ক্ষিপ্তাবন্যোন্যমপরাজিতৌ ॥ 26 ॥
তযোর্ভূতানিবিত্রেসুর্যুগপত্সংপ্রযুধ্যতোঃ ।
রৌদ্রযোঃসাযকমুচোর্যমাংতকনিকাশযোঃ ॥ 27 ॥
সততংবিবিধৈর্বাণৈর্বভূবগগনংতদা ।
ঘনৈরিবাতপাপাযেবিদ্যুন্মালাসসমাকুলৈঃ ॥ 28 ॥
গবাক্ষিতমিবাকাশংবভূবশরবৃষ্টিভিঃ ।
মহাবেগৈস্সুতীক্ষ্ণৈগ্রৈর্গৃধ্রপত্রৈঃসুবাজিতৈঃ ॥ 29 ॥
শরাংধকারমাকাশংচক্রতুঃপ্রথমংতদা ।
গতেঽস্তং তপনে চাপি মহামেঘাবিবোথতিতৌ ॥ 30 ॥
তযোরভূন্মহদ্যুদ্ধমন্যোন্যবথকাংক্ষিণোঃ ।
অনাসাদ্যমচ্নিত্যং চ বৃত্রবাসবযোরিব ॥ 31 ॥
উভৌহিপরমেষ্বাসাবুভৌযুদ্ধবিশারদৌ ।
উভাবস্ত্রবিদাং মুখ্যাবুভৌ যুদ্ধেবিচেরতুঃ ॥ 32 ॥
উভৌহিযেনব্রজতস্তেনতেনশরোর্মযঃ ।
ঊর্মযোবাযুনাবিদ্ধা জগ্মুঃ সাগরযোরিব ॥ 33 ॥
ততঃসংসক্তহস্তস্তুরাবণোলোকরাবণঃ ।
নরাচমালাংরামস্যললাটেপ্রত্যমুংচত ॥ 34 ॥
রৌদ্রচাপপ্রযুক্তাংতাংনীলোত্পলদলপ্রভাম্ ।
শিরসাধারযদ্রামো ন ব্যথমভ্যপদ্যত ॥ 35 ॥
অথমংত্রানভিজপন্রৌদ্রমস্তমুদীরযন্ ।
শরান্ ভূযঃসমাদায রামঃ ক্রোধসমন্বিতঃ ॥ 36 ॥
মুমোচ চ মহাতেজাশ্চাপমাযম্যবীর্যবান্ ।
তেমহামেঘসংকাশেকবচেপতিতাঃশরাঃ ॥ 37 ॥
অবধ্যেরাক্ষসেংদ্রস্য ন ব্যথাংজনযংস্তদা ।
পুনরেবাধতংরামোরথস্থংরাক্ষসাধিপম্ ॥ 38 ॥
ললাটেপরমাস্ত্রণসর্বাস্ত্রকুশলোঽভিনত্ ।
তেভিত্ত্বাবাণরূপাণিপংচশীর্ষাইবোরগাঃ ॥ 39 ॥
শ্বসংতোবিবিশুর্ভূমিংরাবণপ্রতিকূলিতাঃ ।
নিহত্যরাঘবস্যাস্ত্রংরাবণঃক্রোধমূর্ছিতঃ ॥ 40 ॥
অসুরংসুমহাঘোরমন্যদস্ত্রং চকারসঃ ।
সিংহব্যাঘ্রমুখাংশ্চাপিকংককাকমুখানপি ॥ 41 ॥
গৃধ্রশ্যেনমুখাংশ্চাপিশৃগাববদনাংস্তথা ।
ঈহামৃগমুখাংশ্চাপিব্যাদিতাস্যান্ ভযাবহান্ ॥ 42 ॥
পংচাস্যান্ লেলিহানাংশ্চসসর্জনিশিতান্ শরান্ ।
শরান্ খরমুখাংশ্চান্যান্বরাহমুখসংশ্রিতান্ ॥ 43 ॥
শ্বানকুক্কুটবক্ত্রাংশ্চমকরাশীবিষাননান্ ।
এতাংশ্চান্যাংশ্চমাযাবীসসর্জনিশিতান্ শরান্ ॥ 44 ॥
শরাঃ সর্বেষু গাত্রেষু পাতিতা মর্মভেদিনঃ ।
অচিংতযিত্বা তান্বাণান্সমাশ্লিষ্যা চ লক্ষ্মণম্ ॥ 45 ॥
সসর্জাস্ত্রং মহোত্সাহঃ পাবকঃ পাবকোপমঃ ।
অগ্নিদীপ্তমুখান্বাণাংস্তত্রসূর্যমুখানপি ॥ 46 ॥
চংদ্রার্ধচংদ্রবক্রাংশ্চধূমকেতুমুখানপি ।
গ্রহনক্ষত্রবর্ণাংশ্চমহোল্কামুখসংস্থিতান্ ॥ 47 ॥
বিদ্যুজজিহ্বোপমাংশ্চাপিসসর্জ বিবিধান্ শরান্ ।
তেরাবণশরাঘোরারাঘবাস্ত্রসমাহতাঃ ॥ 48 ॥
বিলযং জগ্মুরাকাশে জগ্মুশ্চৈব সহস্রশঃ ।
তদস্ত্রংনিহতংদৃষ্টবারামেণাক্লিষ্টকর্মণা ॥ 49 ॥
হৃষ্টানেদুস্ততঃসর্বেকপযঃকামরূপিণঃ ।
সুগ্রীবপ্রমুখাবীরাঃসংপরিক্ষিপ্যরাঘবম্ ॥ 50 ॥
ততস্তদস্ত্রংবিনিহত্যরাঘবঃপ্রসহ্যতদ্রাবণবাহুনিঃসৃতম্ ।
মুদান্বিতোদাশরথির্মহাত্মাবিনেদুরুচ্চৈর্মুদিতাঃকপীশ্বরাঃ ॥ 51 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে শততমস্সর্গঃ ॥
