śrīmadvālmīkīya rāmāyaṇē yuddhakāṇḍam ।
atha śatatamassargaḥ ।
mahōdaramahāpārśvauhataudṛṣṭavāturākṣa ।
tasmiṃśchanihatēvīrēvirūpākṣēmahābalē ॥ 1 ॥
āvivēśamahān krōdhōrāvaṇantumahāmṛdhē ।
sūtaṃ sañchōdayāmāsa vākyaṃ chēdamuvācha ha ॥ 2 ॥
nihatānāmamātyānāṃruddhasyanagarasya cha ।
duḥkhamēvāpanēṣyāmi hatyā tau rāmalakṣmaṇau ॥ 3 ॥
rāmavṛkṣaṃraṇēhamanisītāpuṣpaphalapradam ।
praśākhāyasyasugrīvōjāmbavānkumudōnalaḥ ॥ 4 ॥
tadastran rāghavaḥ śrīmānuttamāstravidāṃ varaḥ ।
jaghāna paramāstrēṇa gandharvēṇa mahādyutiḥ ॥ 5 ॥
sa diśōdaśaghōṣēṇarathasyātirathōmahān ।
nādayan prayayautūrṇaṃrāghavañchābhyadhāvata ॥ 6 ॥
pūritātēnaśabdēnasanadīgirikānanā ।
sañchachāla mahī sarvā trastasiṃhamṛgadvijā ॥ 7 ॥
tāmasaṃsumahāghōrañchakārāstraṃsudāruṇam ।
nirdadāhakapīn sarvāṃstēprapētuḥsamantataḥ ॥ 8 ॥
utpapātarajōbhūmautairbhagnaiḥsampradhāvitaiḥ ।
na hitatsahituṃśēkurbhrahmaṇānirmitaṃsvayam ॥ 9 ॥
tānyanīkānyanēkāni rāvaṇasya śarōttamaiḥ ।
dṛṣṭavābhagnāni śataśō rāghavaḥ paryavasthitaḥ ॥ 10 ॥
tatōrākṣasaśārdūlōvidrāvyaharivāhinīm ।
sa dadarśatatōrāmantiṣṭhantamaparājitam ॥ 11 ॥
lakṣmaṇēnasahabhrātrāviṣṇunāvāsavaṃyathā ।
alikhantamivākāśamavaṣṭabhyamahaddhanuḥ ॥ 12 ॥
padmapatraviśālākṣandīrghabāhumarindamam ।
tatōrāmōmahātējāḥsaumitrisahitōbalī ॥ 13 ॥
vānarāṃścharaṇēbhagnānāpatantaṃ cha rāvaṇam ।
samīkṣyarāghavōhṛṣṭōmadhyējagrāhakārmukam ॥ 14 ॥
visphārayitumārēbhētataḥ sa dhanuruttamam ।
mahāvēgammahānādannirbhandannivamēdinīm ॥ 15 ॥
rāvaṇasya cha bāṇaughairāmavisphāritēna cha ।
śabdēnarākṣasāstēna pētuścha śataśastadā ॥ 16 ॥
tayōḥśarapathamprāpyarāvaṇōrājaputrayōḥ ।
sa babhau cha yathārāhuḥsamīpaśaśisūryayōḥ ॥ 17 ॥
tamichChan pradhamaṃ yōddhuṃlakṣmaṇōniśitaiḥśaraiḥ ।
mumōchadhanurāyamyaśarānagniśikhōpamān ॥ 18 ॥
tānmuktamātrānākāśē lakṣmaṇēna dhanuṣmatā ।
bāṇān bāṇairmahātējā rāvaṇaḥ pratyavārayat ॥ 19 ॥
ēkamēkēnabāṇēnatribhistrīn daśabhirdaśa ।
lakṣmaṇasya prachichChēda darśayan pāṇilāghavam ॥ 20 ॥
abhyatikramyasaumitriṃrāvaṇaḥsamitiñjayaḥ ।
āsasādaraṇērāmaṃsthitaṃśailamivāparam ॥ 21 ॥
sa rāghavaṃsamāsādyakrōdhasaṃraktalōchanaḥ ।
vyasṛjachCharavarṣāṇirāvaṇō rākṣasēśvaraḥ ॥ 22 ॥
śarādhārāstatōrāmōrāvaṇasyadhanuśchyutāḥ ।
dṛṣṭavaivāpatitāḥśīghrambhallān jagrāhasatvaram ॥ 23 ॥
tān śaraughāṃstatōbhallaistīkṣṇaiśchichChēdarāghavaḥ ।
dīpyamānān mahāghōrānkruddhānāśīviṣāniva ॥ 24 ॥
rāghavōrāvaṇantūrṇaṃrāvaṇōrāghavantathā ।
anyōnyaṃvividhaistīkṣṇaiḥśaravarṣairvavarṣatuḥ ॥ 25 ॥
chēratuśchachirañchitrammaṇḍalaṃsavyadakṣiṇam ।
bāṇavēgātsamutkṣiptāvanyōnyamaparājitau ॥ 26 ॥
tayōrbhūtānivitrēsuryugapatsamprayudhyatōḥ ।
raudrayōḥsāyakamuchōryamāntakanikāśayōḥ ॥ 27 ॥
satataṃvividhairbāṇairbabhūvagaganantadā ।
ghanairivātapāpāyēvidyunmālāsasamākulaiḥ ॥ 28 ॥
gavākṣitamivākāśambabhūvaśaravṛṣṭibhiḥ ।
mahāvēgaissutīkṣṇaigrairgṛdhrapatraiḥsuvājitaiḥ ॥ 29 ॥
śarāndhakāramākāśañchakratuḥprathamantadā ।
gatē'staṃ tapanē chāpi mahāmēghāvivōthatitau ॥ 30 ॥
tayōrabhūnmahadyuddhamanyōnyavathakāṅkṣiṇōḥ ।
anāsādyamachnityaṃ cha vṛtravāsavayōriva ॥ 31 ॥
ubhauhiparamēṣvāsāvubhauyuddhaviśāradau ।
ubhāvastravidāṃ mukhyāvubhau yuddhēvichēratuḥ ॥ 32 ॥
ubhauhiyēnavrajatastēnatēnaśarōrmayaḥ ।
ūrmayōvāyunāviddhā jagmuḥ sāgarayōriva ॥ 33 ॥
tataḥsaṃsaktahastasturāvaṇōlōkarāvaṇaḥ ।
narāchamālāṃrāmasyalalāṭēpratyamuñchata ॥ 34 ॥
raudrachāpaprayuktāntānnīlōtpaladalaprabhām ।
śirasādhārayadrāmō na vyathamabhyapadyata ॥ 35 ॥
athamantrānabhijapanraudramastamudīrayan ।
śarān bhūyaḥsamādāya rāmaḥ krōdhasamanvitaḥ ॥ 36 ॥
mumōcha cha mahātējāśchāpamāyamyavīryavān ।
tēmahāmēghasaṅkāśēkavachēpatitāḥśarāḥ ॥ 37 ॥
avadhyērākṣasēndrasya na vyathāñjanayaṃstadā ।
punarēvādhataṃrāmōrathasthaṃrākṣasādhipam ॥ 38 ॥
lalāṭēparamāstraṇasarvāstrakuśalō'bhinat ।
tēbhittvābāṇarūpāṇipañchaśīrṣāivōragāḥ ॥ 39 ॥
śvasantōviviśurbhūmiṃrāvaṇapratikūlitāḥ ।
nihatyarāghavasyāstraṃrāvaṇaḥkrōdhamūrChitaḥ ॥ 40 ॥
asuraṃsumahāghōramanyadastraṃ chakārasaḥ ।
siṃhavyāghramukhāṃśchāpikaṅkakākamukhānapi ॥ 41 ॥
gṛdhraśyēnamukhāṃśchāpiśṛgāvavadanāṃstathā ।
īhāmṛgamukhāṃśchāpivyāditāsyān bhayāvahān ॥ 42 ॥
pañchāsyān lēlihānāṃśchasasarjaniśitān śarān ।
śarān kharamukhāṃśchānyānvarāhamukhasaṃśritān ॥ 43 ॥
śvānakukkuṭavaktrāṃśchamakarāśīviṣānanān ।
ētāṃśchānyāṃśchamāyāvīsasarjaniśitān śarān ॥ 44 ॥
śarāḥ sarvēṣu gātrēṣu pātitā marmabhēdinaḥ ।
achintayitvā tānbāṇānsamāśliṣyā cha lakṣmaṇam ॥ 45 ॥
sasarjāstraṃ mahōtsāhaḥ pāvakaḥ pāvakōpamaḥ ।
agnidīptamukhānbāṇāṃstatrasūryamukhānapi ॥ 46 ॥
chandrārdhachandravakrāṃśchadhūmakētumukhānapi ।
grahanakṣatravarṇāṃśchamahōlkāmukhasaṃsthitān ॥ 47 ॥
vidyujajihvōpamāṃśchāpisasarja vividhān śarān ।
tērāvaṇaśarāghōrārāghavāstrasamāhatāḥ ॥ 48 ॥
vilayaṃ jagmurākāśē jagmuśchaiva sahasraśaḥ ।
tadastrannihatandṛṣṭavārāmēṇākliṣṭakarmaṇā ॥ 49 ॥
hṛṣṭānēdustataḥsarvēkapayaḥkāmarūpiṇaḥ ।
sugrīvapramukhāvīrāḥsamparikṣipyarāghavam ॥ 50 ॥
tatastadastraṃvinihatyarāghavaḥprasahyatadrāvaṇabāhuniḥsṛtam ।
mudānvitōdāśarathirmahātmāvinēduruchchairmuditāḥkapīśvarāḥ ॥ 51 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē śatatamassargaḥ ॥
