శ్రీమద్వాల్మీకీయ రామాయణే యుద్ధకాండమ్ ।
అథ దశాధికశతతమస్సర్గః ।
తౌతథాయుధ్యమానౌతుసమరేరామరావణౌ ।
దదృశుస్సర్వభూతానివిస్మితేనాంతరాత్మనా ॥ 1 ॥
అర్ధయంతౌతుసమరేతయోస్తౌస్యందనోత్తమౌ ।
పరస్పరమభిక్రుద్ధౌపరస్పరమభిద్రుతౌ ॥ 2 ॥
పరస్పరవధేయుక్తౌఘోరరూపౌబభూవతుః ।
మండలాని చ వీధీశ్చగతప్రత్యాగతాని చ ॥ 3 ॥
దర్శయంతౌబహువిధాంసూతసామర్థ్యజాంగతిమ్ ।
అర్ధయన్రావణంరామోరాఘవంచాపిరావణః ॥ 4 ॥
గతివేగంసమాపన్నౌప్రతివేగప్రవర్తనే ।
క్షిపతోశ్శరజాలానితయోస్తౌస్యందనోత్తమౌ ॥ 5 ॥
చేరతుస్సమ్యుగమహీం సాసారౌ జలదావివ ।
దర్శయిత్వాతదాతౌతుగతింబహువిధాంరణే ॥ 6 ॥
పరస్పరస్యాభిముఖౌపునరేవ చ తస్థతుః ।
ధురంధురేణరథయోర్వక్త్రంవక్త్రేణవాజినామ్ ॥ 7 ॥
పతాకాశ్చపతాకాభిస్సమీయుస్స్థితయోస్తదా ।
రావణస్యతతోరామోధనుర్ముస్తైశ్శితైశ్శరైః ॥ 8 ॥
చతుర్భిశ్చతురోదీప్తాన్హయాన్ప్రత్యపసర్పయత్ ।
సక్రోధవశమాపన్నోహయానామపసర్పణే ॥ 9 ॥
ముమోచనిశితాన్బాణాన్రాఘవాయదశాననః ।
సోతివిద్ధోబలవతాదశగ్రీవేణరాఘవః ॥ 10 ॥
జగామ న వికారం చ న చాపివ్యథితోఽభవత్ ।
చిక్షేప చ పునర్భాణాన్వజ్రపాతసమస్వనాన్ ॥ 11 ॥
సారథింవజ్రహస్తస్యసముద్దిశ్యదశాననః ।
మాతలేస్తుమహావేగాశ్శరీరేపతితాశ్శరాః ॥ 12 ॥
న సూక్ష్మమపిసమ్మోహంవ్యథాంవాప్రదదుర్యుధి ।
తయాధర్షణయాక్రుద్ధోమాతలేర్నతథాత్మనః ॥ 13 ॥
చకారశరజాలేనరాఘవోవిముఖంరిపుమ్ ।
వింశతింత్రింశతింషష్టింశతశోఽథసహస్రశః ॥ 14 ॥
ముమోచరాఘవోవీరస్సాయకాన్స్యందనేరిపోః ।
రావణోఽపితతఃక్రుద్ధోరథస్థరాక్షసేశ్వరః ॥ 15 ॥
గదాముసలవర్షేణరామంప్రత్యర్దయద్రణే ।
తత్ప్రవృతంపునర్యుద్ధంతుములంరోమహర్షణమ్ ॥ 16 ॥
గదానాంముసలానాం చ పరిఘాణాంచనిస్స్వనైః ।
శరాణాంపుంఖవాతైశ్చక్షుభితాస్సప్తసాగరాః ॥ 17 ॥
క్షుబ్దానాంసాగరాణాం చ పాతాలతలవాసినః ।
వ్యథితాదానవాఃసర్వేపన్నగాశ్చసహస్రశః ॥ 18 ॥
చకంపేమేదినీకృత్స్నాసశైలవనకాననా ।
భాస్కరోనిష్ప్రభశ్చాసీన్నవనౌచాపిమారుతః ॥ 19 ॥
తతోదేవాస్సగంధర్వాస్సిద్ధాశ్చపరమర్షయః ।
చింతామాపేదిరేసర్వేసకిన్నరమహోరగాః ॥ 20 ॥
స్వస్తిగోబ్రాహ్మణేభ్యోఽస్తులోకాస్తిష్ఠంతుశాశ్వతాః ।
జయతాంరాఘయసంఖ్యేరావణంరాక్షసేశ్వరమ్ ॥ 21 ॥
ఏవంజపంతోఽపశ్యంస్తేదేవాస్సర్షిగణాస్తదా ।
రామరావణయోర్యుద్ధంసుఘోరంరోమహర్షణమ్ ॥ 22 ॥
గంధర్వాప్సరసాంసంఘాదృష్టవాయుద్ధమనూపమమ్ ।
గగనంగగనాకారంసాగరస్సాగరోపమః ॥ 23 ॥
రామరావణయోర్యుద్ధంరామరావణయోరివ ।
ఏవంబ్రువంతోదదృశుస్తద్యుద్ధంరామరావణమ్ ॥ 24 ॥
తతఃక్రోధాన్మహాబాసూరఘూణాంకీర్తివర్ధనః ।
సంధాయధనుషారామశ్శరమాశీవిషోపమమ్ ॥ 25 ॥
రావణస్యశిరోఽచ్ఛిందచ్ఛ్రీమజ్జ్వలితకుండలమ్ ।
తఛచిరఃపతితంభూమౌదృష్టంఇలోకైస్త్రిభిస్తదా ॥ 26 ॥
తస్యైవసదృశంచాన్యద్రావణస్యోత్థితంశిరః ।
తత్క్షిప్తంక్షిప్రహస్తేనరామేణక్షిప్రకారిణా ॥ 27 ॥
ద్వితీయంరావణశిరశ్ఛిన్నంసమ్యతిసాయకైః ।
ఛిన్నమాత్రం చ తచ్చీర్షంపునరేవప్రదృశ్యతే ॥ 28 ॥
తదప్యశనిసంకాశైశ్ఛిన్నంరామస్యసాయకైః ।
ఏవమేవశతంఛిన్నంశిరసాంతుల్యవర్చసామ్ ॥ 29 ॥
న చైవరావణస్యాంతోదృశ్యతేజీవితక్షయే ।
తతస్సర్వాస్త్రవిద్వీరఃకౌసల్యానందవర్ధనః ॥ 30 ॥
మార్గణైర్బహుభిర్యుక్తశ్చింతయామాసరాఘవః ।
మారీచోనిహతోయైస్తుఖరోయైస్తుసదూషణః ॥ 31 ॥
క్రౌంచావనేవిరాధస్తుకబంధోదండకేవనే ।
యైస్సాలాగిరయోభగ్నావాలీ చ క్షుభితోఽంబుధిః ॥ 32 ॥
త ఇమేసాయకాస్సర్వేయుద్ధేప్రాత్యయికామమ కినుతత్కారణంయేనరావణేమందతేజసః ॥ 33 ॥
ఇతిచింతాపరశ్చాసీదప్రమత్తశ్చసమ్యుగే ।
వవర్షశరవర్షాణీరాఘవోరావణోరసి ॥ 34 ॥
రావణోఽపితతఃక్రుద్ధోరథస్థోరాక్షసేశ్వరః ।
గదాముసలవర్షేణరామంప్రత్యర్దయద్రణే ॥ 35 ॥
తత్ప్రవృత్తంమహద్యుద్ధంతుములంరోమహర్షణమ్ ।
అంతరిక్షే చ భూమౌ చ పునశ్చగిరిమూర్ధని ॥ 36 ॥
దేవదానవయక్షాణాంపిశాచోరగరక్షసామ్ ।
పశ్యతాంతన్మహాయుద్ధంసప్తరాత్రమవర్తత ॥ 37 ॥
నైవ రాత్రిం న దివసంముహూర్తం న చ క్షణమ్ ।
రామరావణయోర్యుద్ధంవిరామముపగచ్ఛతి ॥ 38 ॥
దశరథసుతరాక్షసేంద్రయోర్జయమనవేక్ష్యరణే స రాఘవస్య ।
సురవరరథసారథిర్మహాత్మారణరతరామమువాచవాక్యమాశు ॥ 39 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే దశాధికశతతమస్సర్గః ॥
