ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଦଶାଧିକଶତତମସ୍ସର୍ଗଃ ।
ତୌତଥାୟୁଧ୍ୟମାନୌତୁସମରେରାମରାଵଣୌ ।
ଦଦୃଶୁସ୍ସର୍ଵଭୂତାନିଵିସ୍ମିତେନାଂତରାତ୍ମନା ॥ 1 ॥
ଅର୍ଧୟଂତୌତୁସମରେତୟୋସ୍ତୌସ୍ୟଂଦନୋତ୍ତମୌ ।
ପରସ୍ପରମଭିକ୍ରୁଦ୍ଧୌପରସ୍ପରମଭିଦ୍ରୁତୌ ॥ 2 ॥
ପରସ୍ପରଵଧେୟୁକ୍ତୌଘୋରରୂପୌବଭୂଵତୁଃ ।
ମଂଡଲାନି ଚ ଵୀଧୀଶ୍ଚଗତପ୍ରତ୍ୟାଗତାନି ଚ ॥ 3 ॥
ଦର୍ଶୟଂତୌବହୁଵିଧାଂସୂତସାମର୍ଥ୍ୟଜାଂଗତିମ୍ ।
ଅର୍ଧୟନ୍ରାଵଣଂରାମୋରାଘଵଂଚାପିରାଵଣଃ ॥ 4 ॥
ଗତିଵେଗଂସମାପନ୍ନୌପ୍ରତିଵେଗପ୍ରଵର୍ତନେ ।
କ୍ଷିପତୋଶ୍ଶରଜାଲାନିତୟୋସ୍ତୌସ୍ୟଂଦନୋତ୍ତମୌ ॥ 5 ॥
ଚେରତୁସ୍ସମ୍ୟୁଗମହୀଂ ସାସାରୌ ଜଲଦାଵିଵ ।
ଦର୍ଶୟିତ୍ଵାତଦାତୌତୁଗତିଂବହୁଵିଧାଂରଣେ ॥ 6 ॥
ପରସ୍ପରସ୍ୟାଭିମୁଖୌପୁନରେଵ ଚ ତସ୍ଥତୁଃ ।
ଧୁରଂଧୁରେଣରଥୟୋର୍ଵକ୍ତ୍ରଂଵକ୍ତ୍ରେଣଵାଜିନାମ୍ ॥ 7 ॥
ପତାକାଶ୍ଚପତାକାଭିସ୍ସମୀୟୁସ୍ସ୍ଥିତୟୋସ୍ତଦା ।
ରାଵଣସ୍ୟତତୋରାମୋଧନୁର୍ମୁସ୍ତୈଶ୍ଶିତୈଶ୍ଶରୈଃ ॥ 8 ॥
ଚତୁର୍ଭିଶ୍ଚତୁରୋଦୀପ୍ତାନ୍ହୟାନ୍ପ୍ରତ୍ୟପସର୍ପୟତ୍ ।
ସକ୍ରୋଧଵଶମାପନ୍ନୋହୟାନାମପସର୍ପଣେ ॥ 9 ॥
ମୁମୋଚନିଶିତାନ୍ବାଣାନ୍ରାଘଵାୟଦଶାନନଃ ।
ସୋତିଵିଦ୍ଧୋବଲଵତାଦଶଗ୍ରୀଵେଣରାଘଵଃ ॥ 10 ॥
ଜଗାମ ନ ଵିକାରଂ ଚ ନ ଚାପିଵ୍ୟଥିତୋଽଭଵତ୍ ।
ଚିକ୍ଷେପ ଚ ପୁନର୍ଭାଣାନ୍ଵଜ୍ରପାତସମସ୍ଵନାନ୍ ॥ 11 ॥
ସାରଥିଂଵଜ୍ରହସ୍ତସ୍ୟସମୁଦ୍ଦିଶ୍ୟଦଶାନନଃ ।
ମାତଲେସ୍ତୁମହାଵେଗାଶ୍ଶରୀରେପତିତାଶ୍ଶରାଃ ॥ 12 ॥
ନ ସୂକ୍ଷ୍ମମପିସମ୍ମୋହଂଵ୍ୟଥାଂଵାପ୍ରଦଦୁର୍ୟୁଧି ।
ତୟାଧର୍ଷଣୟାକ୍ରୁଦ୍ଧୋମାତଲେର୍ନତଥାତ୍ମନଃ ॥ 13 ॥
ଚକାରଶରଜାଲେନରାଘଵୋଵିମୁଖଂରିପୁମ୍ ।
ଵିଂଶତିଂତ୍ରିଂଶତିଂଷଷ୍ଟିଂଶତଶୋଽଥସହସ୍ରଶଃ ॥ 14 ॥
ମୁମୋଚରାଘଵୋଵୀରସ୍ସାୟକାନ୍ସ୍ୟଂଦନେରିପୋଃ ।
ରାଵଣୋଽପିତତଃକ୍ରୁଦ୍ଧୋରଥସ୍ଥରାକ୍ଷସେଶ୍ଵରଃ ॥ 15 ॥
ଗଦାମୁସଲଵର୍ଷେଣରାମଂପ୍ରତ୍ୟର୍ଦୟଦ୍ରଣେ ।
ତତ୍ପ୍ରଵୃତଂପୁନର୍ୟୁଦ୍ଧଂତୁମୁଲଂରୋମହର୍ଷଣମ୍ ॥ 16 ॥
ଗଦାନାଂମୁସଲାନାଂ ଚ ପରିଘାଣାଂଚନିସ୍ସ୍ଵନୈଃ ।
ଶରାଣାଂପୁଂଖଵାତୈଶ୍ଚକ୍ଷୁଭିତାସ୍ସପ୍ତସାଗରାଃ ॥ 17 ॥
କ୍ଷୁବ୍ଦାନାଂସାଗରାଣାଂ ଚ ପାତାଲତଲଵାସିନଃ ।
ଵ୍ୟଥିତାଦାନଵାଃସର୍ଵେପନ୍ନଗାଶ୍ଚସହସ୍ରଶଃ ॥ 18 ॥
ଚକଂପେମେଦିନୀକୃତ୍ସ୍ନାସଶୈଲଵନକାନନା ।
ଭାସ୍କରୋନିଷ୍ପ୍ରଭଶ୍ଚାସୀନ୍ନଵନୌଚାପିମାରୁତଃ ॥ 19 ॥
ତତୋଦେଵାସ୍ସଗଂଧର୍ଵାସ୍ସିଦ୍ଧାଶ୍ଚପରମର୍ଷୟଃ ।
ଚିଂତାମାପେଦିରେସର୍ଵେସକିନ୍ନରମହୋରଗାଃ ॥ 20 ॥
ସ୍ଵସ୍ତିଗୋବ୍ରାହ୍ମଣେଭ୍ୟୋଽସ୍ତୁଲୋକାସ୍ତିଷ୍ଠଂତୁଶାଶ୍ଵତାଃ ।
ଜୟତାଂରାଘୟସଂଖ୍ୟେରାଵଣଂରାକ୍ଷସେଶ୍ଵରମ୍ ॥ 21 ॥
ଏଵଂଜପଂତୋଽପଶ୍ୟଂସ୍ତେଦେଵାସ୍ସର୍ଷିଗଣାସ୍ତଦା ।
ରାମରାଵଣୟୋର୍ୟୁଦ୍ଧଂସୁଘୋରଂରୋମହର୍ଷଣମ୍ ॥ 22 ॥
ଗଂଧର୍ଵାପ୍ସରସାଂସଂଘାଦୃଷ୍ଟଵାୟୁଦ୍ଧମନୂପମମ୍ ।
ଗଗନଂଗଗନାକାରଂସାଗରସ୍ସାଗରୋପମଃ ॥ 23 ॥
ରାମରାଵଣୟୋର୍ୟୁଦ୍ଧଂରାମରାଵଣୟୋରିଵ ।
ଏଵଂବ୍ରୁଵଂତୋଦଦୃଶୁସ୍ତଦ୍ୟୁଦ୍ଧଂରାମରାଵଣମ୍ ॥ 24 ॥
ତତଃକ୍ରୋଧାନ୍ମହାବାସୂରଘୂଣାଂକୀର୍ତିଵର୍ଧନଃ ।
ସଂଧାୟଧନୁଷାରାମଶ୍ଶରମାଶୀଵିଷୋପମମ୍ ॥ 25 ॥
ରାଵଣସ୍ୟଶିରୋଽଚ୍ଛିଂଦଚ୍ଛ୍ରୀମଜ୍ଜ୍ଵଲିତକୁଂଡଲମ୍ ।
ତଛଚିରଃପତିତଂଭୂମୌଦୃଷ୍ଟଂଇଲୋକୈସ୍ତ୍ରିଭିସ୍ତଦା ॥ 26 ॥
ତସ୍ୟୈଵସଦୃଶଂଚାନ୍ୟଦ୍ରାଵଣସ୍ୟୋତ୍ଥିତଂଶିରଃ ।
ତତ୍କ୍ଷିପ୍ତଂକ୍ଷିପ୍ରହସ୍ତେନରାମେଣକ୍ଷିପ୍ରକାରିଣା ॥ 27 ॥
ଦ୍ଵିତୀୟଂରାଵଣଶିରଶ୍ଛିନ୍ନଂସମ୍ୟତିସାୟକୈଃ ।
ଛିନ୍ନମାତ୍ରଂ ଚ ତଚ୍ଚୀର୍ଷଂପୁନରେଵପ୍ରଦୃଶ୍ୟତେ ॥ 28 ॥
ତଦପ୍ୟଶନିସଂକାଶୈଶ୍ଛିନ୍ନଂରାମସ୍ୟସାୟକୈଃ ।
ଏଵମେଵଶତଂଛିନ୍ନଂଶିରସାଂତୁଲ୍ୟଵର୍ଚସାମ୍ ॥ 29 ॥
ନ ଚୈଵରାଵଣସ୍ୟାଂତୋଦୃଶ୍ୟତେଜୀଵିତକ୍ଷୟେ ।
ତତସ୍ସର୍ଵାସ୍ତ୍ରଵିଦ୍ଵୀରଃକୌସଲ୍ୟାନଂଦଵର୍ଧନଃ ॥ 30 ॥
ମାର୍ଗଣୈର୍ବହୁଭିର୍ୟୁକ୍ତଶ୍ଚିଂତୟାମାସରାଘଵଃ ।
ମାରୀଚୋନିହତୋୟୈସ୍ତୁଖରୋୟୈସ୍ତୁସଦୂଷଣଃ ॥ 31 ॥
କ୍ରୌଂଚାଵନେଵିରାଧସ୍ତୁକବଂଧୋଦଂଡକେଵନେ ।
ୟୈସ୍ସାଲାଗିରୟୋଭଗ୍ନାଵାଲୀ ଚ କ୍ଷୁଭିତୋଽଂବୁଧିଃ ॥ 32 ॥
ତ ଇମେସାୟକାସ୍ସର୍ଵେୟୁଦ୍ଧେପ୍ରାତ୍ୟୟିକାମମ କିନୁତତ୍କାରଣଂୟେନରାଵଣେମଂଦତେଜସଃ ॥ 33 ॥
ଇତିଚିଂତାପରଶ୍ଚାସୀଦପ୍ରମତ୍ତଶ୍ଚସମ୍ୟୁଗେ ।
ଵଵର୍ଷଶରଵର୍ଷାଣୀରାଘଵୋରାଵଣୋରସି ॥ 34 ॥
ରାଵଣୋଽପିତତଃକ୍ରୁଦ୍ଧୋରଥସ୍ଥୋରାକ୍ଷସେଶ୍ଵରଃ ।
ଗଦାମୁସଲଵର୍ଷେଣରାମଂପ୍ରତ୍ୟର୍ଦୟଦ୍ରଣେ ॥ 35 ॥
ତତ୍ପ୍ରଵୃତ୍ତଂମହଦ୍ୟୁଦ୍ଧଂତୁମୁଲଂରୋମହର୍ଷଣମ୍ ।
ଅଂତରିକ୍ଷେ ଚ ଭୂମୌ ଚ ପୁନଶ୍ଚଗିରିମୂର୍ଧନି ॥ 36 ॥
ଦେଵଦାନଵୟକ୍ଷାଣାଂପିଶାଚୋରଗରକ୍ଷସାମ୍ ।
ପଶ୍ୟତାଂତନ୍ମହାୟୁଦ୍ଧଂସପ୍ତରାତ୍ରମଵର୍ତତ ॥ 37 ॥
ନୈଵ ରାତ୍ରିଂ ନ ଦିଵସଂମୁହୂର୍ତଂ ନ ଚ କ୍ଷଣମ୍ ।
ରାମରାଵଣୟୋର୍ୟୁଦ୍ଧଂଵିରାମମୁପଗଚ୍ଛତି ॥ 38 ॥
ଦଶରଥସୁତରାକ୍ଷସେଂଦ୍ରୟୋର୍ଜୟମନଵେକ୍ଷ୍ୟରଣେ ସ ରାଘଵସ୍ୟ ।
ସୁରଵରରଥସାରଥିର୍ମହାତ୍ମାରଣରତରାମମୁଵାଚଵାକ୍ୟମାଶୁ ॥ 39 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଦଶାଧିକଶତତମସ୍ସର୍ଗଃ ॥
