ශ්රීමද්වාල්මීකීය රාමායණේ යුද්ධකාංඩම් ।
අථ දශාධිකශතතමස්සර්ගඃ ।
තෞතථායුධ්යමානෞතුසමරේරාමරාවණෞ ।
දදෘශුස්සර්වභූතානිවිස්මිතේනාංතරාත්මනා ॥ 1 ॥
අර්ධයංතෞතුසමරේතයෝස්තෞස්යංදනෝත්තමෞ ।
පරස්පරමභික්රුද්ධෞපරස්පරමභිද්රුතෞ ॥ 2 ॥
පරස්පරවධේයුක්තෞඝෝරරූපෞබභූවතුඃ ।
මංඩලානි ච වීධීශ්චගතප්රත්යාගතානි ච ॥ 3 ॥
දර්ශයංතෞබහුවිධාංසූතසාමර්ථ්යජාංගතිම් ।
අර්ධයන්රාවණංරාමෝරාඝවංචාපිරාවණඃ ॥ 4 ॥
ගතිවේගංසමාපන්නෞප්රතිවේගප්රවර්තනේ ।
ක්ෂිපතෝශ්ශරජාලානිතයෝස්තෞස්යංදනෝත්තමෞ ॥ 5 ॥
චේරතුස්සම්යුගමහීං සාසාරෞ ජලදාවිව ।
දර්ශයිත්වාතදාතෞතුගතිංබහුවිධාංරණේ ॥ 6 ॥
පරස්පරස්යාභිමුඛෞපුනරේව ච තස්ථතුඃ ।
ධුරංධුරේණරථයෝර්වක්ත්රංවක්ත්රේණවාජිනාම් ॥ 7 ॥
පතාකාශ්චපතාකාභිස්සමීයුස්ස්ථිතයෝස්තදා ।
රාවණස්යතතෝරාමෝධනුර්මුස්තෛශ්ශිතෛශ්ශරෛඃ ॥ 8 ॥
චතුර්භිශ්චතුරෝදීප්තාන්හයාන්ප්රත්යපසර්පයත් ।
සක්රෝධවශමාපන්නෝහයානාමපසර්පණේ ॥ 9 ॥
මුමෝචනිශිතාන්බාණාන්රාඝවායදශානනඃ ।
සෝතිවිද්ධෝබලවතාදශග්රීවේණරාඝවඃ ॥ 10 ॥
ජගාම න විකාරං ච න චාපිව්යථිතෝऽභවත් ।
චික්ෂේප ච පුනර්භාණාන්වජ්රපාතසමස්වනාන් ॥ 11 ॥
සාරථිංවජ්රහස්තස්යසමුද්දිශ්යදශානනඃ ।
මාතලේස්තුමහාවේගාශ්ශරීරේපතිතාශ්ශරාඃ ॥ 12 ॥
න සූක්ෂ්මමපිසම්මෝහංව්යථාංවාප්රදදුර්යුධි ।
තයාධර්ෂණයාක්රුද්ධෝමාතලේර්නතථාත්මනඃ ॥ 13 ॥
චකාරශරජාලේනරාඝවෝවිමුඛංරිපුම් ।
විංශතිංත්රිංශතිංෂෂ්ටිංශතශෝऽථසහස්රශඃ ॥ 14 ॥
මුමෝචරාඝවෝවීරස්සායකාන්ස්යංදනේරිපෝඃ ।
රාවණෝऽපිතතඃක්රුද්ධෝරථස්ථරාක්ෂසේශ්වරඃ ॥ 15 ॥
ගදාමුසලවර්ෂේණරාමංප්රත්යර්දයද්රණේ ।
තත්ප්රවෘතංපුනර්යුද්ධංතුමුලංරෝමහර්ෂණම් ॥ 16 ॥
ගදානාංමුසලානාං ච පරිඝාණාංචනිස්ස්වනෛඃ ।
ශරාණාංපුංඛවාතෛශ්චක්ෂුභිතාස්සප්තසාගරාඃ ॥ 17 ॥
ක්ෂුබ්දානාංසාගරාණාං ච පාතාලතලවාසිනඃ ।
ව්යථිතාදානවාඃසර්වේපන්නගාශ්චසහස්රශඃ ॥ 18 ॥
චකංපේමේදිනීකෘත්ස්නාසශෛලවනකානනා ।
භාස්කරෝනිෂ්ප්රභශ්චාසීන්නවනෞචාපිමාරුතඃ ॥ 19 ॥
තතෝදේවාස්සගංධර්වාස්සිද්ධාශ්චපරමර්ෂයඃ ।
චිංතාමාපේදිරේසර්වේසකින්නරමහෝරගාඃ ॥ 20 ॥
ස්වස්තිගෝබ්රාහ්මණේභ්යෝऽස්තුලෝකාස්තිෂ්ඨංතුශාශ්වතාඃ ।
ජයතාංරාඝයසංඛ්යේරාවණංරාක්ෂසේශ්වරම් ॥ 21 ॥
ඒවංජපංතෝऽපශ්යංස්තේදේවාස්සර්ෂිගණාස්තදා ।
රාමරාවණයෝර්යුද්ධංසුඝෝරංරෝමහර්ෂණම් ॥ 22 ॥
ගංධර්වාප්සරසාංසංඝාදෘෂ්ටවායුද්ධමනූපමම් ।
ගගනංගගනාකාරංසාගරස්සාගරෝපමඃ ॥ 23 ॥
රාමරාවණයෝර්යුද්ධංරාමරාවණයෝරිව ।
ඒවංබ්රුවංතෝදදෘශුස්තද්යුද්ධංරාමරාවණම් ॥ 24 ॥
තතඃක්රෝධාන්මහාබාසූරඝූණාංකීර්තිවර්ධනඃ ।
සංධායධනුෂාරාමශ්ශරමාශීවිෂෝපමම් ॥ 25 ॥
රාවණස්යශිරෝऽච්ඡිංදච්ඡ්රීමජ්ජ්වලිතකුංඩලම් ।
තඡචිරඃපතිතංභූමෞදෘෂ්ටංඉලෝකෛස්ත්රිභිස්තදා ॥ 26 ॥
තස්යෛවසදෘශංචාන්යද්රාවණස්යෝත්ථිතංශිරඃ ।
තත්ක්ෂිප්තංක්ෂිප්රහස්තේනරාමේණක්ෂිප්රකාරිණා ॥ 27 ॥
ද්විතීයංරාවණශිරශ්ඡින්නංසම්යතිසායකෛඃ ।
ඡින්නමාත්රං ච තච්චීර්ෂංපුනරේවප්රදෘශ්යතේ ॥ 28 ॥
තදප්යශනිසංකාශෛශ්ඡින්නංරාමස්යසායකෛඃ ।
ඒවමේවශතංඡින්නංශිරසාංතුල්යවර්චසාම් ॥ 29 ॥
න චෛවරාවණස්යාංතෝදෘශ්යතේජීවිතක්ෂයේ ।
තතස්සර්වාස්ත්රවිද්වීරඃකෞසල්යානංදවර්ධනඃ ॥ 30 ॥
මාර්ගණෛර්බහුභිර්යුක්තශ්චිංතයාමාසරාඝවඃ ।
මාරීචෝනිහතෝයෛස්තුඛරෝයෛස්තුසදූෂණඃ ॥ 31 ॥
ක්රෞංචාවනේවිරාධස්තුකබංධෝදංඩකේවනේ ।
යෛස්සාලාගිරයෝභග්නාවාලී ච ක්ෂුභිතෝऽංබුධිඃ ॥ 32 ॥
ත ඉමේසායකාස්සර්වේයුද්ධේප්රාත්යයිකාමම කිනුතත්කාරණංයේනරාවණේමංදතේජසඃ ॥ 33 ॥
ඉතිචිංතාපරශ්චාසීදප්රමත්තශ්චසම්යුගේ ।
වවර්ෂශරවර්ෂාණීරාඝවෝරාවණෝරසි ॥ 34 ॥
රාවණෝऽපිතතඃක්රුද්ධෝරථස්ථෝරාක්ෂසේශ්වරඃ ।
ගදාමුසලවර්ෂේණරාමංප්රත්යර්දයද්රණේ ॥ 35 ॥
තත්ප්රවෘත්තංමහද්යුද්ධංතුමුලංරෝමහර්ෂණම් ।
අංතරික්ෂේ ච භූමෞ ච පුනශ්චගිරිමූර්ධනි ॥ 36 ॥
දේවදානවයක්ෂාණාංපිශාචෝරගරක්ෂසාම් ।
පශ්යතාංතන්මහායුද්ධංසප්තරාත්රමවර්තත ॥ 37 ॥
නෛව රාත්රිං න දිවසංමුහූර්තං න ච ක්ෂණම් ।
රාමරාවණයෝර්යුද්ධංවිරාමමුපගච්ඡති ॥ 38 ॥
දශරථසුතරාක්ෂසේංද්රයෝර්ජයමනවේක්ෂ්යරණේ ස රාඝවස්ය ।
සුරවරරථසාරථිර්මහාත්මාරණරතරාමමුවාචවාක්යමාශු ॥ 39 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ දශාධිකශතතමස්සර්ගඃ ॥
