শ্রীমদ্বাল্মীকীয় রামাযণে যুদ্ধকাংডম্ ।
অথ দশাধিকশততমস্সর্গঃ ।
তৌতথায়ুধ্যমানৌতুসমরেরামরাবণৌ ।
দদৃশুস্সর্বভূতানিবিস্মিতেনাংতরাত্মনা ॥ 1 ॥
অর্ধয়ংতৌতুসমরেতয়োস্তৌস্য়ংদনোত্তমৌ ।
পরস্পরমভিক্রুদ্ধৌপরস্পরমভিদ্রুতৌ ॥ 2 ॥
পরস্পরবধেয়ুক্তৌঘোররূপৌবভূবতুঃ ।
মংডলানি চ বীধীশ্চগতপ্রত্য়াগতানি চ ॥ 3 ॥
দর্শয়ংতৌবহুবিধাংসূতসামর্থ্যজাংগতিম্ ।
অর্ধযন্রাবণংরামোরাঘবংচাপিরাবণঃ ॥ 4 ॥
গতিবেগংসমাপন্নৌপ্রতিবেগপ্রবর্তনে ।
ক্ষিপতোশ্শরজালানিতয়োস্তৌস্য়ংদনোত্তমৌ ॥ 5 ॥
চেরতুস্সম্য়ুগমহীং সাসারৌ জলদাবিব ।
দর্শয়িত্বাতদাতৌতুগতিংবহুবিধাংরণে ॥ 6 ॥
পরস্পরস্য়াভিমুখৌপুনরেব চ তস্থতুঃ ।
ধুরংধুরেণরথয়োর্বক্ত্রংবক্ত্রেণবাজিনাম্ ॥ 7 ॥
পতাকাশ্চপতাকাভিস্সমীয়ুস্স্থিতয়োস্তদা ।
রাবণস্যততোরামোধনুর্মুস্তৈশ্শিতৈশ্শরৈঃ ॥ 8 ॥
চতুর্ভিশ্চতুরোদীপ্তান্হয়ান্প্রত্যপসর্পযত্ ।
সক্রোধবশমাপন্নোহয়ানামপসর্পণে ॥ 9 ॥
মুমোচনিশিতান্বাণান্রাঘবাযদশাননঃ ।
সোতিবিদ্ধোবলবতাদশগ্রীবেণরাঘবঃ ॥ 10 ॥
জগাম ন বিকারং চ ন চাপিব্যথিতোঽভবত্ ।
চিক্ষেপ চ পুনর্ভাণান্বজ্রপাতসমস্বনান্ ॥ 11 ॥
সারথিংবজ্রহস্তস্যসমুদ্দিশ্যদশাননঃ ।
মাতলেস্তুমহাবেগাশ্শরীরেপতিতাশ্শরাঃ ॥ 12 ॥
ন সূক্ষ্মমপিসম্মোহংব্যথাংবাপ্রদদুর্য়ুধি ।
তয়াধর্ষণয়াক্রুদ্ধোমাতলের্নতথাত্মনঃ ॥ 13 ॥
চকারশরজালেনরাঘবোবিমুখংরিপুম্ ।
বিংশতিংত্রিংশতিংষষ্টিংশতশোঽথসহস্রশঃ ॥ 14 ॥
মুমোচরাঘবোবীরস্সাযকান্স্য়ংদনেরিপোঃ ।
রাবণোঽপিততঃক্রুদ্ধোরথস্থরাক্ষসেশ্বরঃ ॥ 15 ॥
গদামুসলবর্ষেণরামংপ্রত্যর্দযদ্রণে ।
তত্প্রবৃতংপুনর্য়ুদ্ধংতুমুলংরোমহর্ষণম্ ॥ 16 ॥
গদানাংমুসলানাং চ পরিঘাণাংচনিস্স্বনৈঃ ।
শরাণাংপুংখবাতৈশ্চক্ষুভিতাস্সপ্তসাগরাঃ ॥ 17 ॥
ক্ষুব্দানাংসাগরাণাং চ পাতালতলবাসিনঃ ।
ব্যথিতাদানবাঃসর্বেপন্নগাশ্চসহস্রশঃ ॥ 18 ॥
চকংপেমেদিনীকৃত্স্নাসশৈলবনকাননা ।
ভাস্করোনিষ্প্রভশ্চাসীন্নবনৌচাপিমারুতঃ ॥ 19 ॥
ততোদেবাস্সগংধর্বাস্সিদ্ধাশ্চপরমর্ষয়ঃ ।
চিংতামাপেদিরেসর্বেসকিন্নরমহোরগাঃ ॥ 20 ॥
স্বস্তিগোব্রাহ্মণেভ্য়োঽস্তুলোকাস্তিষ্ঠংতুশাশ্বতাঃ ।
জযতাংরাঘযসংখ্য়েরাবণংরাক্ষসেশ্বরম্ ॥ 21 ॥
এবংজপংতোঽপশ্য়ংস্তেদেবাস্সর্ষিগণাস্তদা ।
রামরাবণয়োর্য়ুদ্ধংসুঘোরংরোমহর্ষণম্ ॥ 22 ॥
গংধর্বাপ্সরসাংসংঘাদৃষ্টবায়ুদ্ধমনূপমম্ ।
গগনংগগনাকারংসাগরস্সাগরোপমঃ ॥ 23 ॥
রামরাবণয়োর্য়ুদ্ধংরামরাবণয়োরিব ।
এবংব্রুবংতোদদৃশুস্তদ্য়ুদ্ধংরামরাবণম্ ॥ 24 ॥
ততঃক্রোধান্মহাবাসূরঘূণাংকীর্তিবর্ধনঃ ।
সংধাযধনুষারামশ্শরমাশীবিষোপমম্ ॥ 25 ॥
রাবণস্যশিরোঽচ্ছিংদচ্ছ্রীমজ্জ্বলিতকুংডলম্ ।
তছচিরঃপতিতংভূমৌদৃষ্টংইলোকৈস্ত্রিভিস্তদা ॥ 26 ॥
তস্য়ৈবসদৃশংচান্যদ্রাবণস্য়োত্থিতংশিরঃ ।
তত্ক্ষিপ্তংক্ষিপ্রহস্তেনরামেণক্ষিপ্রকারিণা ॥ 27 ॥
দ্বিতীয়ংরাবণশিরশ্ছিন্নংসম্যতিসাযকৈঃ ।
ছিন্নমাত্রং চ তচ্চীর্ষংপুনরেবপ্রদৃশ্যতে ॥ 28 ॥
তদপ্যশনিসংকাশৈশ্ছিন্নংরামস্যসাযকৈঃ ।
এবমেবশতংছিন্নংশিরসাংতুল্যবর্চসাম্ ॥ 29 ॥
ন চৈবরাবণস্য়াংতোদৃশ্যতেজীবিতক্ষয়ে ।
ততস্সর্বাস্ত্রবিদ্বীরঃকৌসল্য়ানংদবর্ধনঃ ॥ 30 ॥
মার্গণৈর্বহুভির্য়ুক্তশ্চিংতয়ামাসরাঘবঃ ।
মারীচোনিহতোয়ৈস্তুখরোয়ৈস্তুসদূষণঃ ॥ 31 ॥
ক্রৌংচাবনেবিরাধস্তুকবংধোদংডকেবনে ।
যৈস্সালাগিরয়োভগ্নাবালী চ ক্ষুভিতোঽংবুধিঃ ॥ 32 ॥
ত ইমেসাযকাস্সর্বেয়ুদ্ধেপ্রাত্যয়িকামম কিনুতত্কারণংয়েনরাবণেমংদতেজসঃ ॥ 33 ॥
ইতিচিংতাপরশ্চাসীদপ্রমত্তশ্চসম্য়ুগে ।
ববর্ষশরবর্ষাণীরাঘবোরাবণোরসি ॥ 34 ॥
রাবণোঽপিততঃক্রুদ্ধোরথস্থোরাক্ষসেশ্বরঃ ।
গদামুসলবর্ষেণরামংপ্রত্যর্দযদ্রণে ॥ 35 ॥
তত্প্রবৃত্তংমহদ্য়ুদ্ধংতুমুলংরোমহর্ষণম্ ।
অংতরিক্ষে চ ভূমৌ চ পুনশ্চগিরিমূর্ধনি ॥ 36 ॥
দেবদানবযক্ষাণাংপিশাচোরগরক্ষসাম্ ।
পশ্যতাংতন্মহায়ুদ্ধংসপ্তরাত্রমবর্তত ॥ 37 ॥
নৈব রাত্রিং ন দিবসংমুহূর্তং ন চ ক্ষণম্ ।
রামরাবণয়োর্য়ুদ্ধংবিরামমুপগচ্ছতি ॥ 38 ॥
দশরথসুতরাক্ষসেংদ্রয়োর্জযমনবেক্ষ্যরণে স রাঘবস্য় ।
সুরবররথসারথির্মহাত্মারণরতরামমুবাচবাক্যমাশু ॥ 39 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে দশাধিকশততমস্সর্গঃ ॥
