śrīmadvālmīkīya rāmāyaṇē yuddhakāṇḍam ।
atha daśādhikaśatatamassargaḥ ।
tautathāyudhyamānautusamarērāmarāvaṇau ।
dadṛśussarvabhūtānivismitēnāntarātmanā ॥ 1 ॥
ardhayantautusamarētayōstausyandanōttamau ।
parasparamabhikruddhauparasparamabhidrutau ॥ 2 ॥
parasparavadhēyuktaughōrarūpaubabhūvatuḥ ।
maṇḍalāni cha vīdhīśchagatapratyāgatāni cha ॥ 3 ॥
darśayantaubahuvidhāṃsūtasāmarthyajāṅgatim ।
ardhayanrāvaṇaṃrāmōrāghavañchāpirāvaṇaḥ ॥ 4 ॥
gativēgaṃsamāpannauprativēgapravartanē ।
kṣipatōśśarajālānitayōstausyandanōttamau ॥ 5 ॥
chēratussamyugamahīṃ sāsārau jaladāviva ।
darśayitvātadātautugatimbahuvidhāṃraṇē ॥ 6 ॥
parasparasyābhimukhaupunarēva cha tasthatuḥ ।
dhurandhurēṇarathayōrvaktraṃvaktrēṇavājinām ॥ 7 ॥
patākāśchapatākābhissamīyussthitayōstadā ।
rāvaṇasyatatōrāmōdhanurmustaiśśitaiśśaraiḥ ॥ 8 ॥
chaturbhiśchaturōdīptānhayānpratyapasarpayat ।
sakrōdhavaśamāpannōhayānāmapasarpaṇē ॥ 9 ॥
mumōchaniśitānbāṇānrāghavāyadaśānanaḥ ।
sōtividdhōbalavatādaśagrīvēṇarāghavaḥ ॥ 10 ॥
jagāma na vikāraṃ cha na chāpivyathitō'bhavat ।
chikṣēpa cha punarbhāṇānvajrapātasamasvanān ॥ 11 ॥
sārathiṃvajrahastasyasamuddiśyadaśānanaḥ ।
mātalēstumahāvēgāśśarīrēpatitāśśarāḥ ॥ 12 ॥
na sūkṣmamapisammōhaṃvyathāṃvāpradaduryudhi ।
tayādharṣaṇayākruddhōmātalērnatathātmanaḥ ॥ 13 ॥
chakāraśarajālēnarāghavōvimukhaṃripum ।
viṃśatintriṃśatiṃṣaṣṭiṃśataśō'thasahasraśaḥ ॥ 14 ॥
mumōcharāghavōvīrassāyakānsyandanēripōḥ ।
rāvaṇō'pitataḥkruddhōrathastharākṣasēśvaraḥ ॥ 15 ॥
gadāmusalavarṣēṇarāmampratyardayadraṇē ।
tatpravṛtampunaryuddhantumulaṃrōmaharṣaṇam ॥ 16 ॥
gadānāmmusalānāṃ cha parighāṇāñchanissvanaiḥ ।
śarāṇāmpuṅkhavātaiśchakṣubhitāssaptasāgarāḥ ॥ 17 ॥
kṣubdānāṃsāgarāṇāṃ cha pātālatalavāsinaḥ ।
vyathitādānavāḥsarvēpannagāśchasahasraśaḥ ॥ 18 ॥
chakampēmēdinīkṛtsnāsaśailavanakānanā ।
bhāskarōniṣprabhaśchāsīnnavanauchāpimārutaḥ ॥ 19 ॥
tatōdēvāssagandharvāssiddhāśchaparamarṣayaḥ ।
chintāmāpēdirēsarvēsakinnaramahōragāḥ ॥ 20 ॥
svastigōbrāhmaṇēbhyō'stulōkāstiṣṭhantuśāśvatāḥ ।
jayatāṃrāghayasaṅkhyērāvaṇaṃrākṣasēśvaram ॥ 21 ॥
ēvañjapantō'paśyaṃstēdēvāssarṣigaṇāstadā ।
rāmarāvaṇayōryuddhaṃsughōraṃrōmaharṣaṇam ॥ 22 ॥
gandharvāpsarasāṃsaṅghādṛṣṭavāyuddhamanūpamam ।
gaganaṅgaganākāraṃsāgarassāgarōpamaḥ ॥ 23 ॥
rāmarāvaṇayōryuddhaṃrāmarāvaṇayōriva ।
ēvambruvantōdadṛśustadyuddhaṃrāmarāvaṇam ॥ 24 ॥
tataḥkrōdhānmahābāsūraghūṇāṅkīrtivardhanaḥ ।
sandhāyadhanuṣārāmaśśaramāśīviṣōpamam ॥ 25 ॥
rāvaṇasyaśirō'chChindachChrīmajjvalitakuṇḍalam ।
taChachiraḥpatitambhūmaudṛṣṭaṃilōkaistribhistadā ॥ 26 ॥
tasyaivasadṛśañchānyadrāvaṇasyōtthitaṃśiraḥ ।
tatkṣiptaṅkṣiprahastēnarāmēṇakṣiprakāriṇā ॥ 27 ॥
dvitīyaṃrāvaṇaśiraśChinnaṃsamyatisāyakaiḥ ।
Chinnamātraṃ cha tachchīrṣampunarēvapradṛśyatē ॥ 28 ॥
tadapyaśanisaṅkāśaiśChinnaṃrāmasyasāyakaiḥ ।
ēvamēvaśatañChinnaṃśirasāntulyavarchasām ॥ 29 ॥
na chaivarāvaṇasyāntōdṛśyatējīvitakṣayē ।
tatassarvāstravidvīraḥkausalyānandavardhanaḥ ॥ 30 ॥
mārgaṇairbahubhiryuktaśchintayāmāsarāghavaḥ ।
mārīchōnihatōyaistukharōyaistusadūṣaṇaḥ ॥ 31 ॥
krauñchāvanēvirādhastukabandhōdaṇḍakēvanē ।
yaissālāgirayōbhagnāvālī cha kṣubhitō'mbudhiḥ ॥ 32 ॥
ta imēsāyakāssarvēyuddhēprātyayikāmama kinutatkāraṇaṃyēnarāvaṇēmandatējasaḥ ॥ 33 ॥
itichintāparaśchāsīdapramattaśchasamyugē ।
vavarṣaśaravarṣāṇīrāghavōrāvaṇōrasi ॥ 34 ॥
rāvaṇō'pitataḥkruddhōrathasthōrākṣasēśvaraḥ ।
gadāmusalavarṣēṇarāmampratyardayadraṇē ॥ 35 ॥
tatpravṛttammahadyuddhantumulaṃrōmaharṣaṇam ।
antarikṣē cha bhūmau cha punaśchagirimūrdhani ॥ 36 ॥
dēvadānavayakṣāṇāmpiśāchōragarakṣasām ।
paśyatāntanmahāyuddhaṃsaptarātramavartata ॥ 37 ॥
naiva rātriṃ na divasammuhūrtaṃ na cha kṣaṇam ।
rāmarāvaṇayōryuddhaṃvirāmamupagachChati ॥ 38 ॥
daśarathasutarākṣasēndrayōrjayamanavēkṣyaraṇē sa rāghavasya ।
suravararathasārathirmahātmāraṇaratarāmamuvāchavākyamāśu ॥ 39 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē daśādhikaśatatamassargaḥ ॥
