śrīmadvālmīkīya rāmāyaṇē yuddhakāṇḍam ।
atha trayōviṃśatyadhikaśatatamassargaḥ ।
pratiprayātēkākutsthēmahēndraḥpākaśāsanaḥ ।
abravītparamaprītōrāghavamprāñjaliṃsthitam ॥ 1 ॥
amōghandarśanaṃrāma tavāsmākannararṣabha ।
prītiyuktāḥsmatēnatvambrūhiyanmanasēpsitam ॥ 2 ॥
ēvamuktōmahēndrēṇaprasannēnamahātmanā ।
suprasannamanāhṛṣṭōvachanamprāharāghavaḥ ॥ 3 ॥
yadiprītissamutpannāmayitēvibudhēśvara ।
vakṣyāmikurumēsatyaṃvachanaṃvadatāṃvara ॥ 4 ॥
mamahētōḥparākrāntāyēgatāyamasādanam ।
tēsarvējīvitamprāpyasamutatiṣṭhantuvānarāḥ ॥ 5 ॥
matkṛtēviprayuktāyēputrairdāraiśchavānarāḥ ।
tānprītamanasaḥsarvāndraṣṭumichChāmimānada ॥ 6 ॥
vikrāntāśchāpiśūrāścha na mṛtyuṅgaṇayanti cha ।
kṛtayatnāvipannāśchajīvayainān purandara ॥ 7 ॥
matpriyēṣvabhiraktāścha na mṛtyuṅgaṇayantiyē ।
tvatprasādātsamēyustēvaramētamahaṃvṛṇē ॥ 8 ॥
nīrujōnirvraṇāṃśchaivasampannabalapauruṣān ।
gōlāṅgūlāṃstathaivarkṣānndraṣṭumichChāmimānada ॥ 9 ॥
akālēchāpipuṣpāṇimūlāni cha phalāni cha ।
nadyaśchavimalāstatratiṣṭhēyuryatravānarāḥ ॥ 10 ॥
śrutvātuvachanantasyarāghavasyamahātmanaḥ ।
mahēndraḥpratyuvāchēdaṃvachanamprītisaṃyutam ॥ 11 ॥
mahānayaṃvarastātayastvayōktōraghūttama ।
vadirmayānōktapūrvaṃ cha tasmādētadbhaviṣyati ॥ 12 ॥
samuttiṣṭhantutēsarvēhatāyēyudhirākṣasaiḥ ।
ṛkṣāśchasahagōpuchChairnikṛttānanabāhavaḥ ॥ 13 ॥
nīrujōnirvraṇāśchaivasampannabalapauruṣāḥ ।
samutthāsyantiharayassuptānidrākṣyēyathā ॥ 14 ॥
suhṛdbhirbāndhavaiśchaivajñātibhiḥsvajanēna cha ।
sarvaēvasamēṣyantisamyuktāḥparayāmudā ॥ 15 ॥
akālēpuṣpaśabalāḥphalavantaśchapādapāḥ ।
bhaviṣyantimahēṣvāsa nadyaśchasalilāyutāḥ ॥ 16 ॥
savraṇaiḥprathamaṅgātrairidānīnnirvraṇaissamaiḥ ।
tatassamutthitāssarvēsuptvēvahariyūthapāḥ ॥ 17 ॥
babhūvurvānarāssarvēkinnvētaditivismitāḥ ।
kākutsthamparipūrṇārthandṛṣṭavāsarvēsurōttamāḥ ॥ 18 ॥
abruvanparamaprītāsstutvārāmaṃsalakṣmaṇam ।
gachChāyōdhyāmitōrājanvisarjaya cha vānarān ॥ 19 ॥
maithilīṃsāntvayasvaināmanuraktāṃyaśasvinīm ।
bhrārātarambharatampaśyatvachChōkādvratachāriṇam ॥ 20 ॥
śatrughnaṃ cha mahātmānammātrūḥsarvāḥparantapa ।
abhiṣēchayachātmānampaurāngatvāpraharṣaya ॥ 21 ॥
ēvamuktvāsahasrākṣōrāmaṃsaumitriṇāsaha ।
vimānaiḥsūryasaṅkāśairyayauhṛṣṭaḥsuraiḥsaha ॥ 22 ॥
abhivādya cha kākutsthaḥ sarvāṃstāṃstridaśōttamān ।
lakṣmaṇēnasahabhrātrāvāsamājñāpayattadā ॥ 23 ॥
tatastusālakṣmaṇarāmapālitāmahāchamūrhṛṣṭajanāyaśasvinī ।
śriyājvalantīvirarājasarvatōniśāpraṇītēvahiśītaraśminā ॥ 24 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē trayōviṃśatyadhikaśatatamassargaḥ ॥
