શ્રીમદ્વાલ્મીકીય રામાયણે યુદ્ધકાંડમ્ ।
અથ ત્રયોવિંશત્યધિકશતતમસ્સર્ગઃ ।
પ્રતિપ્રયાતેકાકુત્સ્થેમહેંદ્રઃપાકશાસનઃ ।
અબ્રવીત્પરમપ્રીતોરાઘવંપ્રાંજલિંસ્થિતમ્ ॥ 1 ॥
અમોઘંદર્શનંરામ તવાસ્માકંનરર્ષભ ।
પ્રીતિયુક્તાઃસ્મતેનત્વંબ્રૂહિયન્મનસેપ્સિતમ્ ॥ 2 ॥
એવમુક્તોમહેંદ્રેણપ્રસન્નેનમહાત્મના ।
સુપ્રસન્નમનાહૃષ્ટોવચનંપ્રાહરાઘવઃ ॥ 3 ॥
યદિપ્રીતિસ્સમુત્પન્નામયિતેવિબુધેશ્વર ।
વક્ષ્યામિકુરુમેસત્યંવચનંવદતાંવર ॥ 4 ॥
મમહેતોઃપરાક્રાંતાયેગતાયમસાદનમ્ ।
તેસર્વેજીવિતંપ્રાપ્યસમુતતિષ્ઠંતુવાનરાઃ ॥ 5 ॥
મત્કૃતેવિપ્રયુક્તાયેપુત્રૈર્દારૈશ્ચવાનરાઃ ।
તાન્પ્રીતમનસઃસર્વાંદ્રષ્ટુમિચ્છામિમાનદ ॥ 6 ॥
વિક્રાંતાશ્ચાપિશૂરાશ્ચ ન મૃત્યુંગણયંતિ ચ ।
કૃતયત્નાવિપન્નાશ્ચજીવયૈનાન્ પુરંદર ॥ 7 ॥
મત્પ્રિયેષ્વભિરક્તાશ્ચ ન મૃત્યુંગણયંતિયે ।
ત્વત્પ્રસાદાત્સમેયુસ્તેવરમેતમહંવૃણે ॥ 8 ॥
નીરુજોનિર્વ્રણાંશ્ચૈવસંપન્નબલપૌરુષાન્ ।
ગોલાંગૂલાંસ્તથૈવર્ક્ષાંંદ્રષ્ટુમિચ્છામિમાનદ ॥ 9 ॥
અકાલેચાપિપુષ્પાણિમૂલાનિ ચ ફલાનિ ચ ।
નદ્યશ્ચવિમલાસ્તત્રતિષ્ઠેયુર્યત્રવાનરાઃ ॥ 10 ॥
શ્રુત્વાતુવચનંતસ્યરાઘવસ્યમહાત્મનઃ ।
મહેંદ્રઃપ્રત્યુવાચેદંવચનંપ્રીતિસંયુતમ્ ॥ 11 ॥
મહાનયંવરસ્તાતયસ્ત્વયોક્તોરઘૂત્તમ ।
વદિર્મયાનોક્તપૂર્વં ચ તસ્માદેતદ્ભવિષ્યતિ ॥ 12 ॥
સમુત્તિષ્ઠંતુતેસર્વેહતાયેયુધિરાક્ષસૈઃ ।
ઋક્ષાશ્ચસહગોપુચ્છૈર્નિકૃત્તાનનબાહવઃ ॥ 13 ॥
નીરુજોનિર્વ્રણાશ્ચૈવસંપન્નબલપૌરુષાઃ ।
સમુત્થાસ્યંતિહરયસ્સુપ્તાનિદ્રાક્ષ્યેયથા ॥ 14 ॥
સુહૃદ્ભિર્બાંધવૈશ્ચૈવજ્ઞાતિભિઃસ્વજનેન ચ ।
સર્વએવસમેષ્યંતિસમ્યુક્તાઃપરયામુદા ॥ 15 ॥
અકાલેપુષ્પશબલાઃફલવંતશ્ચપાદપાઃ ।
ભવિષ્યંતિમહેષ્વાસ નદ્યશ્ચસલિલાયુતાઃ ॥ 16 ॥
સવ્રણૈઃપ્રથમંગાત્રૈરિદાનીંનિર્વ્રણૈસ્સમૈઃ ।
તતસ્સમુત્થિતાસ્સર્વેસુપ્ત્વેવહરિયૂથપાઃ ॥ 17 ॥
બભૂવુર્વાનરાસ્સર્વેકિંન્વેતદિતિવિસ્મિતાઃ ।
કાકુત્સ્થંપરિપૂર્ણાર્થંદૃષ્ટવાસર્વેસુરોત્તમાઃ ॥ 18 ॥
અબ્રુવન્પરમપ્રીતાસ્સ્તુત્વારામંસલક્ષ્મણમ્ ।
ગચ્છાયોધ્યામિતોરાજન્વિસર્જય ચ વાનરાન્ ॥ 19 ॥
મૈથિલીંસાંત્વયસ્વૈનામનુરક્તાંયશસ્વિનીમ્ ।
ભ્રારાતરંભરતંપશ્યત્વચ્છોકાદ્વ્રતચારિણમ્ ॥ 20 ॥
શત્રુઘ્નં ચ મહાત્માનંમાત્રૂઃસર્વાઃપરંતપ ।
અભિષેચયચાત્માનંપૌરાન્ગત્વાપ્રહર્ષય ॥ 21 ॥
એવમુક્ત્વાસહસ્રાક્ષોરામંસૌમિત્રિણાસહ ।
વિમાનૈઃસૂર્યસંકાશૈર્યયૌહૃષ્ટઃસુરૈઃસહ ॥ 22 ॥
અભિવાદ્ય ચ કાકુત્સ્થઃ સર્વાંસ્તાંસ્ત્રિદશોત્તમાન્ ।
લક્ષ્મણેનસહભ્રાત્રાવાસમાજ્ઞાપયત્તદા ॥ 23 ॥
તતસ્તુસાલક્ષ્મણરામપાલિતામહાચમૂર્હૃષ્ટજનાયશસ્વિની ।
શ્રિયાજ્વલંતીવિરરાજસર્વતોનિશાપ્રણીતેવહિશીતરશ્મિના ॥ 24 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે ત્રયોવિંશત્યધિકશતતમસ્સર્ગઃ ॥
