ශ්රීමද්වාල්මීකීය රාමායණේ යුද්ධකාංඩම් ।
අථ ත්රයෝවිංශත්යධිකශතතමස්සර්ගඃ ।
ප්රතිප්රයාතේකාකුත්ස්ථේමහේංද්රඃපාකශාසනඃ ।
අබ්රවීත්පරමප්රීතෝරාඝවංප්රාංජලිංස්ථිතම් ॥ 1 ॥
අමෝඝංදර්ශනංරාම තවාස්මාකංනරර්ෂභ ।
ප්රීතියුක්තාඃස්මතේනත්වංබ්රූහියන්මනසේප්සිතම් ॥ 2 ॥
ඒවමුක්තෝමහේංද්රේණප්රසන්නේනමහාත්මනා ।
සුප්රසන්නමනාහෘෂ්ටෝවචනංප්රාහරාඝවඃ ॥ 3 ॥
යදිප්රීතිස්සමුත්පන්නාමයිතේවිබුධේශ්වර ।
වක්ෂ්යාමිකුරුමේසත්යංවචනංවදතාංවර ॥ 4 ॥
මමහේතෝඃපරාක්රාංතායේගතායමසාදනම් ।
තේසර්වේජීවිතංප්රාප්යසමුතතිෂ්ඨංතුවානරාඃ ॥ 5 ॥
මත්කෘතේවිප්රයුක්තායේපුත්රෛර්දාරෛශ්චවානරාඃ ।
තාන්ප්රීතමනසඃසර්වාංද්රෂ්ටුමිච්ඡාමිමානද ॥ 6 ॥
වික්රාංතාශ්චාපිශූරාශ්ච න මෘත්යුංගණයංති ච ।
කෘතයත්නාවිපන්නාශ්චජීවයෛනාන් පුරංදර ॥ 7 ॥
මත්ප්රියේෂ්වභිරක්තාශ්ච න මෘත්යුංගණයංතියේ ।
ත්වත්ප්රසාදාත්සමේයුස්තේවරමේතමහංවෘණේ ॥ 8 ॥
නීරුජෝනිර්ව්රණාංශ්චෛවසංපන්නබලපෞරුෂාන් ।
ගෝලාංගූලාංස්තථෛවර්ක්ෂාංංද්රෂ්ටුමිච්ඡාමිමානද ॥ 9 ॥
අකාලේචාපිපුෂ්පාණිමූලානි ච ඵලානි ච ।
නද්යශ්චවිමලාස්තත්රතිෂ්ඨේයුර්යත්රවානරාඃ ॥ 10 ॥
ශ්රුත්වාතුවචනංතස්යරාඝවස්යමහාත්මනඃ ।
මහේංද්රඃප්රත්යුවාචේදංවචනංප්රීතිසංයුතම් ॥ 11 ॥
මහානයංවරස්තාතයස්ත්වයෝක්තෝරඝූත්තම ।
වදිර්මයානෝක්තපූර්වං ච තස්මාදේතද්භවිෂ්යති ॥ 12 ॥
සමුත්තිෂ්ඨංතුතේසර්වේහතායේයුධිරාක්ෂසෛඃ ।
ඍක්ෂාශ්චසහගෝපුච්ඡෛර්නිකෘත්තානනබාහවඃ ॥ 13 ॥
නීරුජෝනිර්ව්රණාශ්චෛවසංපන්නබලපෞරුෂාඃ ।
සමුත්ථාස්යංතිහරයස්සුප්තානිද්රාක්ෂ්යේයථා ॥ 14 ॥
සුහෘද්භිර්බාංධවෛශ්චෛවජ්ඤාතිභිඃස්වජනේන ච ।
සර්වඒවසමේෂ්යංතිසම්යුක්තාඃපරයාමුදා ॥ 15 ॥
අකාලේපුෂ්පශබලාඃඵලවංතශ්චපාදපාඃ ।
භවිෂ්යංතිමහේෂ්වාස නද්යශ්චසලිලායුතාඃ ॥ 16 ॥
සව්රණෛඃප්රථමංගාත්රෛරිදානීංනිර්ව්රණෛස්සමෛඃ ।
තතස්සමුත්ථිතාස්සර්වේසුප්ත්වේවහරියූථපාඃ ॥ 17 ॥
බභූවුර්වානරාස්සර්වේකිංන්වේතදිතිවිස්මිතාඃ ।
කාකුත්ස්ථංපරිපූර්ණාර්ථංදෘෂ්ටවාසර්වේසුරෝත්තමාඃ ॥ 18 ॥
අබ්රුවන්පරමප්රීතාස්ස්තුත්වාරාමංසලක්ෂ්මණම් ।
ගච්ඡායෝධ්යාමිතෝරාජන්විසර්ජය ච වානරාන් ॥ 19 ॥
මෛථිලීංසාංත්වයස්වෛනාමනුරක්තාංයශස්විනීම් ।
භ්රාරාතරංභරතංපශ්යත්වච්ඡෝකාද්ව්රතචාරිණම් ॥ 20 ॥
ශත්රුඝ්නං ච මහාත්මානංමාත්රූඃසර්වාඃපරංතප ।
අභිෂේචයචාත්මානංපෞරාන්ගත්වාප්රහර්ෂය ॥ 21 ॥
ඒවමුක්ත්වාසහස්රාක්ෂෝරාමංසෞමිත්රිණාසහ ।
විමානෛඃසූර්යසංකාශෛර්යයෞහෘෂ්ටඃසුරෛඃසහ ॥ 22 ॥
අභිවාද්ය ච කාකුත්ස්ථඃ සර්වාංස්තාංස්ත්රිදශෝත්තමාන් ।
ලක්ෂ්මණේනසහභ්රාත්රාවාසමාජ්ඤාපයත්තදා ॥ 23 ॥
තතස්තුසාලක්ෂ්මණරාමපාලිතාමහාචමූර්හෘෂ්ටජනායශස්විනී ।
ශ්රියාජ්වලංතීවිරරාජසර්වතෝනිශාප්රණීතේවහිශීතරශ්මිනා ॥ 24 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ත්රයෝවිංශත්යධිකශතතමස්සර්ගඃ ॥
