ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଏକୋନପଂଚାଶସ୍ସର୍ଗଃ ।
ଘୋରେଣଶରବଂଧେନବଦ୍ଧୌଦଶରଥାତ୍ମଜୌ ।
ନିଃଶ୍ଵସଂତୌୟଥାନାଗୌଶୟାନୌରୁଧିରୋକ୍ଷିତୌ ॥ 1 ॥
ସର୍ଵେତେଵାନରଶ୍ରେଷ୍ଠାସ୍ସସୁଗ୍ରୀଵାମହାବଲାଃ ।
ପରିଵାର୍ୟମହାତ୍ମାନୌତସ୍ଥୁଶ୍ଶୋକପରିପ୍ଲୁତାଃ ॥ 2 ॥
ଏତସ୍ମିନ୍ନଂତରେରାମଃପ୍ରତ୍ୟବୁଧ୍ୟତଵୀର୍ୟଵାନ୍ ।
ସ୍ଥିରତ୍ଵାତ୍ସତ୍ତ୍ଵୟୋଗାଚ୍ଚଶରୈସ୍ସଂଦାନିତୋଽପିସନ୍ ॥ 3 ॥
ତତୋଦୃଷ୍ଟଵାସରୁଧିରଂନିଷଣ୍ଣଂଗାଢମର୍ପିତମ୍ ।
ଭ୍ରାତରଂଦୀନଵଦନଂପର୍ୟଦେଵୟଦାତୁରଃ ॥ 4 ॥
କିଂନୁମେସୀତୟାକାର୍ୟଂକିଂକାର୍ୟଂଜୀଵିତେନଵା ।
ଶୟାନଂୟୋଽଦ୍ୟପଶ୍ୟାମିଭ୍ରାତରଂୟୁଧିନିର୍ଜିତମ୍ ॥ 5 ॥
ଶକ୍ୟାସୀତାସମାନାରୀମର୍ତ୍ୟଲୋକେଵିଚିନ୍ଵତା ।
ନଲକ୍ଷ୍ମଣସମୋଭ୍ରାତାସଚିଵସ୍ସାଂପପରାୟିକଃ ॥ 6 ॥
ପରିତ୍ୟକ୍ଷାମ୍ୟହଂପ୍ରାଣାନ୍ଵାନରାଣାଂତୁପଶ୍ୟାତାମ୍ ।
ୟଦିପଂଚତ୍ଵମାପନ୍ନସ୍ସୁମିତ୍ରାନଂଦଵର୍ଧନଃ ॥ 7 ॥
କିଂନୁଵକ୍ଷ୍ୟାମିକୌସଲ୍ୟାଂମାତରଂକିଂନୁକୈକୟୀମ୍ ।
କଥମଂବାଂସୁମିତ୍ରାଂଚପୁତ୍ରଦର୍ଶନଲାଲସାମ୍ ॥ 8 ॥
ଵିଵତ୍ସାଂଵେପମାନାଂଚକ୍ରୋଶଂତୀଂକୁରରୀମିଵ ।
କଥମାଶ୍ଵାସୟିଷ୍ୟାମିୟଦିୟାସ୍ୟାମିତଂଵିନା ॥ 9 ॥
କଥଂଵକ୍ଷ୍ୟାମିଶତ୍ରୁଘ୍ନଂଭରତଂଚୟଶସ୍ଵିନମ୍ ।
ମୟାସହଵନଂୟାତୋଵିନାତେନାପୁନମାଗତଃ ॥ 10 ॥
ଉପାଲଂବଂନଶକ୍ଷ୍ୟାମିସୋଢୁଂବତସୁମିତ୍ରୟା ।
ଇହୈଵଦେହଂତ୍ୟକ୍ଷ୍ୟାମିନହିଜୀଵିତୁମୁତ୍ସହେ ॥ 11 ॥
ଧିଙ୍ମାଂଦୁଷ୍କୃତକର୍ମାଣମନାର୍ୟଂମତ୍କୃତେହ୍ୟସୌ ।
ଲକ୍ଷ୍ମଣଃପତିତଶ୍ଶେତେଶରତଲ୍ପେଗତାସୁଵତ୍ ॥ 12 ॥
ତ୍ଵଂନିତ୍ୟଂସୁଵିଷଣ୍ଣଂମାମାଶ୍ଵାସୟସିଲକ୍ଷ୍ମଣ ।
ଗତାସୁର୍ନାଦ୍ୟଶକ୍ତୋଽସିମାମାର୍ତମଭିଭାଷିତୁମ୍ ॥ 13 ॥
ୟେନାଦ୍ୟବହଵୋୟୁଦ୍ଧେନିହତାରାକ୍ଷସାଵିନିପାତିତାଃ ।
ତସ୍ୟାମେଵାଦ୍ୟଶୂରସ୍ତ୍ଵଂଶେଷେଵିନିହତଃପରୈଃ ॥ 14 ॥
ଶୟାନଃଶରତଲ୍ପେଽସ୍ମିନ୍ ସଶୋଣିତପରିପ୍ଲୁତଃ ।
ଶରଜାଲୈଚଶିତୋଭାସିଭାସ୍କରୋଽସ୍ତମିଵଵ୍ରଜନ୍ ॥ 15 ॥
ବାଣାଭିହତମର୍ମତ୍ଵାନ୍ନଶକ୍ନୋତ୍ୟଭିଭାଷିତୁମ୍ ।
ରୁଜାଚାବ୍ରୁଵତୋଽପ୍ୟସ୍ୟଦୃଷ୍ଟିରାଗେଣସୂଚ୍ୟତେ ॥ 16 ॥
ୟଥୈଵମାଂଵନଂୟାଂତମନୁୟାତୋମହାଦ୍ୟୁତିଃ ।
ଅହମପ୍ୟନୁୟାସ୍ୟାମିତଥୈଵୈନଂୟମକ୍ଷ୍ୟମ୍ ॥ 17 ॥
ଇଷ୍ଟବଂଧୁଜନୋନିତ୍ୟଂମାଂଚନିତ୍ୟମନୁଵ୍ରତଃ ।
ଇମାମଦ୍ୟଗତୋଽଵସ୍ଥାଂମମାନାର୍ୟସ୍ୟଦୁର୍ନୟୈଃ ॥ 18 ॥
ସୁରୁଷ୍ଟେନାପିଵୀରେଣଲକ୍ଷ୍ମଣେନନସଂସ୍ମରେ ।
ପରୁଷଂଵିପ୍ରିୟଂଵାପିଶ୍ରାଵିତଂନକଦାଚନ ॥ 19 ॥
ଵିସସର୍ଜୈକଵେଗେନପଂଚବାଣଶତାନିୟଃ ।
ଇଷ୍ଵସ୍ତ୍ରଷ୍ଵଧିକସ୍ତସ୍ମାତ୍କାର୍ତଵୀର୍ୟାଚ୍ଚଲକ୍ଷ୍ମଣଃ ॥ 20 ॥
ଅସ୍ସ୍ରୈରସ୍ତ୍ରାଣିୟୋହନ୍ୟାଚ୍ଛକ୍ରସ୍ୟାପିମହାତ୍ମନଃ ।
ସୋଽୟମୁର୍ଵ୍ୟାଂହତଶ୍ଶେତେମହାର୍ହଶୟନୋଚିତଃ ॥ 21 ॥
ତଚ୍ଚମିଥ୍ୟାପ୍ରଲପ୍ତଂମାଂପ୍ରଧକ୍ଷ୍ୟତିନସଂଶୟଃ ।
ୟନ୍ମୟାନକୃତୋରାଜାରାକ୍ଷସାନାଂଵିଭୀଷଣଃ ॥ 22 ॥
ଅସ୍ମିନ୍ମୁହୂର୍ତେସୁଗ୍ରୀଵ ପ୍ରତିୟାତୁମିତୋଽର୍ହସି ।
ମତ୍ଵାହୀନଂରାଜନ୍ ରାଵଣୋଽଭିଦ୍ରଵେଦ୍ବଲୀ ॥ 23 ॥
ଅଂଗଦଂତୁପୁରସ୍କତ୍ୟସସୈନ୍ୟସ୍ସପରିଚ୍ଛଦମ୍ ।
ସାଗରଂତରସୁଗ୍ରୀଵ ନୀଲେନଚନଲେନଚ ॥ 24 ॥
କୃତଂହନୁମତାକାର୍ୟଂୟଦନ୍ୟୈର୍ଦୁଷ୍କରଂରଣେ ।
ଋକ୍ଷରାଜେନତୁଷ୍ୟାମିଗୋଲାଂଗୂଲାଧିପେନଚ ॥ 25 ॥
ଅଂଗଦେନକୃତଂକର୍ମମୈଂଦେନଦ୍ଵିଵିଦେନଚ ।
ୟୁଦ୍ଧଂକେସରିଣାସଙ୍ ଖ୍ୟେଘୋରଂସଂପାତିନାକୃତମ୍ ॥ 26 ॥
ଗଵୟେନଗଵାକ୍ଷେଣଶରଭେଣଗଜେନଚ ।
ଅନ୍ୟୈଶ୍ଚହରିଭିର୍ୟୁଦ୍ଧଂମଦର୍ଥେତ୍ୟକ୍ତଜୀଵିତୈଃ ॥ 27 ॥
ନଚାତିକ୍ରମିତୁଂଶକ୍ୟଂଦୈଵଂସୁଗ୍ରୀଵ ମାନୁଷୈଃ ।
ୟତ୍ତୁଶକ୍ୟଂଵୟସ୍ୟେନସୁହୃଦାଚପରଂତପ ॥ 28 ॥
କୃତଂସୁଗ୍ରୀଵ ତତ୍ସର୍ଵଂଭଵତାଧର୍ମଭୀରୁଣା ।
ମିତ୍ରକାର୍ୟଂକୃତମିଦଂଭଵଦ୍ଭିର୍ଵାନରର୍ଷଭାଃ ॥ 29 ॥
ଅନୁଜ୍ଞାତାମୟାସର୍ଵେୟଥେଷ୍ଟଂଗଂତୁମର୍ହଥ ।
ଶୁଶ୍ରୁଵୁସ୍ତସ୍ୟତେସର୍ଵେଵାନରାଃପରିଦେଵନମ୍ ॥ 30 ॥
ଵର୍ତୟାଂଚକ୍ରୂରଶ୍ରୂଣିନେତ୍ରୈଃକୃଷ୍ଣେତରେକ୍ଷଣାଃ ।
ତତସ୍ସର୍ଵାଣ୍ୟନୀକାନିସ୍ଥାପୟିତ୍ଵାଵିଭୀଷଣଃ ॥ 31 ॥
ଆଜଗାମଗଦାପାଣିସ୍ତ୍ଵରିତଂୟତ୍ରରାଘଵଃ ।
ତଂଦୃଷ୍ଟଵାତ୍ଵରିତଂୟାଂତଂନୀଲାଂଜନଚୟୋପମମ୍ ॥ 32 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଏକୋନପଂଚାଶସ୍ସର୍ଗଃ ॥
