শ্রীমদ্বাল্মীকীয রামাযণে যুদ্ধকাংডম্ ।
অথ একোনপংচাশস্সর্গঃ ।
ঘোরেণশরবংধেনবদ্ধৌদশরথাত্মজৌ ।
নিঃশ্বসংতৌযথানাগৌশযানৌরুধিরোক্ষিতৌ ॥ 1 ॥
সর্বেতেবানরশ্রেষ্ঠাস্সসুগ্রীবামহাবলাঃ ।
পরিবার্যমহাত্মানৌতস্থুশ্শোকপরিপ্লুতাঃ ॥ 2 ॥
এতস্মিন্নংতরেরামঃপ্রত্যবুধ্যতবীর্যবান্ ।
স্থিরত্বাত্সত্ত্বযোগাচ্চশরৈস্সংদানিতোঽপিসন্ ॥ 3 ॥
ততোদৃষ্টবাসরুধিরংনিষণ্ণংগাঢমর্পিতম্ ।
ভ্রাতরংদীনবদনংপর্যদেবযদাতুরঃ ॥ 4 ॥
কিংনুমেসীতযাকার্যংকিংকার্যংজীবিতেনবা ।
শযানংযোঽদ্যপশ্যামিভ্রাতরংযুধিনির্জিতম্ ॥ 5 ॥
শক্যাসীতাসমানারীমর্ত্যলোকেবিচিন্বতা ।
নলক্ষ্মণসমোভ্রাতাসচিবস্সাংপপরাযিকঃ ॥ 6 ॥
পরিত্যক্ষাম্যহংপ্রাণান্বানরাণাংতুপশ্যাতাম্ ।
যদিপংচত্বমাপন্নস্সুমিত্রানংদবর্ধনঃ ॥ 7 ॥
কিংনুবক্ষ্যামিকৌসল্যাংমাতরংকিংনুকৈকযীম্ ।
কথমংবাংসুমিত্রাংচপুত্রদর্শনলালসাম্ ॥ 8 ॥
বিবত্সাংবেপমানাংচক্রোশংতীংকুররীমিব ।
কথমাশ্বাসযিষ্যামিযদিযাস্যামিতংবিনা ॥ 9 ॥
কথংবক্ষ্যামিশত্রুঘ্নংভরতংচযশস্বিনম্ ।
মযাসহবনংযাতোবিনাতেনাপুনমাগতঃ ॥ 10 ॥
উপালংবংনশক্ষ্যামিসোঢুংবতসুমিত্রযা ।
ইহৈবদেহংত্যক্ষ্যামিনহিজীবিতুমুত্সহে ॥ 11 ॥
ধিঙ্মাংদুষ্কৃতকর্মাণমনার্যংমত্কৃতেহ্যসৌ ।
লক্ষ্মণঃপতিতশ্শেতেশরতল্পেগতাসুবত্ ॥ 12 ॥
ত্বংনিত্যংসুবিষণ্ণংমামাশ্বাসযসিলক্ষ্মণ ।
গতাসুর্নাদ্যশক্তোঽসিমামার্তমভিভাষিতুম্ ॥ 13 ॥
যেনাদ্যবহবোযুদ্ধেনিহতারাক্ষসাবিনিপাতিতাঃ ।
তস্যামেবাদ্যশূরস্ত্বংশেষেবিনিহতঃপরৈঃ ॥ 14 ॥
শযানঃশরতল্পেঽস্মিন্ সশোণিতপরিপ্লুতঃ ।
শরজালৈচশিতোভাসিভাস্করোঽস্তমিবব্রজন্ ॥ 15 ॥
বাণাভিহতমর্মত্বান্নশক্নোত্যভিভাষিতুম্ ।
রুজাচাব্রুবতোঽপ্যস্যদৃষ্টিরাগেণসূচ্যতে ॥ 16 ॥
যথৈবমাংবনংযাংতমনুযাতোমহাদ্যুতিঃ ।
অহমপ্যনুযাস্যামিতথৈবৈনংযমক্ষ্যম্ ॥ 17 ॥
ইষ্টবংধুজনোনিত্যংমাংচনিত্যমনুব্রতঃ ।
ইমামদ্যগতোঽবস্থাংমমানার্যস্যদুর্নযৈঃ ॥ 18 ॥
সুরুষ্টেনাপিবীরেণলক্ষ্মণেননসংস্মরে ।
পরুষংবিপ্রিযংবাপিশ্রাবিতংনকদাচন ॥ 19 ॥
বিসসর্জৈকবেগেনপংচবাণশতানিযঃ ।
ইষ্বস্ত্রষ্বধিকস্তস্মাত্কার্তবীর্যাচ্চলক্ষ্মণঃ ॥ 20 ॥
অস্স্রৈরস্ত্রাণিযোহন্যাচ্ছক্রস্যাপিমহাত্মনঃ ।
সোঽযমুর্ব্যাংহতশ্শেতেমহার্হশযনোচিতঃ ॥ 21 ॥
তচ্চমিথ্যাপ্রলপ্তংমাংপ্রধক্ষ্যতিনসংশযঃ ।
যন্মযানকৃতোরাজারাক্ষসানাংবিভীষণঃ ॥ 22 ॥
অস্মিন্মুহূর্তেসুগ্রীব প্রতিযাতুমিতোঽর্হসি ।
মত্বাহীনংরাজন্ রাবণোঽভিদ্রবেদ্বলী ॥ 23 ॥
অংগদংতুপুরস্কত্যসসৈন্যস্সপরিচ্ছদম্ ।
সাগরংতরসুগ্রীব নীলেনচনলেনচ ॥ 24 ॥
কৃতংহনুমতাকার্যংযদন্যৈর্দুষ্করংরণে ।
ঋক্ষরাজেনতুষ্যামিগোলাংগূলাধিপেনচ ॥ 25 ॥
অংগদেনকৃতংকর্মমৈংদেনদ্বিবিদেনচ ।
যুদ্ধংকেসরিণাসঙ্ খ্যেঘোরংসংপাতিনাকৃতম্ ॥ 26 ॥
গবযেনগবাক্ষেণশরভেণগজেনচ ।
অন্যৈশ্চহরিভির্যুদ্ধংমদর্থেত্যক্তজীবিতৈঃ ॥ 27 ॥
নচাতিক্রমিতুংশক্যংদৈবংসুগ্রীব মানুষৈঃ ।
যত্তুশক্যংবযস্যেনসুহৃদাচপরংতপ ॥ 28 ॥
কৃতংসুগ্রীব তত্সর্বংভবতাধর্মভীরুণা ।
মিত্রকার্যংকৃতমিদংভবদ্ভির্বানরর্ষভাঃ ॥ 29 ॥
অনুজ্ঞাতামযাসর্বেযথেষ্টংগংতুমর্হথ ।
শুশ্রুবুস্তস্যতেসর্বেবানরাঃপরিদেবনম্ ॥ 30 ॥
বর্তযাংচক্রূরশ্রূণিনেত্রৈঃকৃষ্ণেতরেক্ষণাঃ ।
ততস্সর্বাণ্যনীকানিস্থাপযিত্বাবিভীষণঃ ॥ 31 ॥
আজগামগদাপাণিস্ত্বরিতংযত্ররাঘবঃ ।
তংদৃষ্টবাত্বরিতংযাংতংনীলাংজনচযোপমম্ ॥ 32 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে একোনপংচাশস্সর্গঃ ॥
