śrīmadvālmīkīya rāmāyaṇē yuddhakāṇḍam ।
atha ēkōnapañchāśassargaḥ ।
ghōrēṇaśarabandhēnabaddhaudaśarathātmajau ।
niḥśvasantauyathānāgauśayānaurudhirōkṣitau ॥ 1 ॥
sarvētēvānaraśrēṣṭhāssasugrīvāmahābalāḥ ।
parivāryamahātmānautasthuśśōkapariplutāḥ ॥ 2 ॥
ētasminnantarērāmaḥpratyabudhyatavīryavān ।
sthiratvātsattvayōgāchchaśaraissandānitō'pisan ॥ 3 ॥
tatōdṛṣṭavāsarudhiranniṣaṇṇaṅgāḍhamarpitam ।
bhrātarandīnavadanamparyadēvayadāturaḥ ॥ 4 ॥
kinnumēsītayākāryaṅkiṅkāryañjīvitēnavā ।
śayānaṃyō'dyapaśyāmibhrātaraṃyudhinirjitam ॥ 5 ॥
śakyāsītāsamānārīmartyalōkēvichinvatā ।
nalakṣmaṇasamōbhrātāsachivassāmpaparāyikaḥ ॥ 6 ॥
parityakṣāmyahamprāṇānvānarāṇāntupaśyātām ।
yadipañchatvamāpannassumitrānandavardhanaḥ ॥ 7 ॥
kinnuvakṣyāmikausalyāmmātaraṅkinnukaikayīm ।
kathamambāṃsumitrāñchaputradarśanalālasām ॥ 8 ॥
vivatsāṃvēpamānāñchakrōśantīṅkurarīmiva ।
kathamāśvāsayiṣyāmiyadiyāsyāmitaṃvinā ॥ 9 ॥
kathaṃvakṣyāmiśatrughnambharatañchayaśasvinam ।
mayāsahavanaṃyātōvinātēnāpunamāgataḥ ॥ 10 ॥
upālambannaśakṣyāmisōḍhumbatasumitrayā ।
ihaivadēhantyakṣyāminahijīvitumutsahē ॥ 11 ॥
dhiṅmānduṣkṛtakarmāṇamanāryammatkṛtēhyasau ।
lakṣmaṇaḥpatitaśśētēśaratalpēgatāsuvat ॥ 12 ॥
tvannityaṃsuviṣaṇṇammāmāśvāsayasilakṣmaṇa ।
gatāsurnādyaśaktō'simāmārtamabhibhāṣitum ॥ 13 ॥
yēnādyabahavōyuddhēnihatārākṣasāvinipātitāḥ ।
tasyāmēvādyaśūrastvaṃśēṣēvinihataḥparaiḥ ॥ 14 ॥
śayānaḥśaratalpē'smin saśōṇitapariplutaḥ ।
śarajālaichaśitōbhāsibhāskarō'stamivavrajan ॥ 15 ॥
bāṇābhihatamarmatvānnaśaknōtyabhibhāṣitum ।
rujāchābruvatō'pyasyadṛṣṭirāgēṇasūchyatē ॥ 16 ॥
yathaivamāṃvanaṃyāntamanuyātōmahādyutiḥ ।
ahamapyanuyāsyāmitathaivainaṃyamakṣyam ॥ 17 ॥
iṣṭabandhujanōnityammāñchanityamanuvrataḥ ।
imāmadyagatō'vasthāmmamānāryasyadurnayaiḥ ॥ 18 ॥
suruṣṭēnāpivīrēṇalakṣmaṇēnanasaṃsmarē ।
paruṣaṃvipriyaṃvāpiśrāvitannakadāchana ॥ 19 ॥
visasarjaikavēgēnapañchabāṇaśatāniyaḥ ।
iṣvastraṣvadhikastasmātkārtavīryāchchalakṣmaṇaḥ ॥ 20 ॥
assrairastrāṇiyōhanyāchChakrasyāpimahātmanaḥ ।
sō'yamurvyāṃhataśśētēmahārhaśayanōchitaḥ ॥ 21 ॥
tachchamithyāpralaptammāmpradhakṣyatinasaṃśayaḥ ।
yanmayānakṛtōrājārākṣasānāṃvibhīṣaṇaḥ ॥ 22 ॥
asminmuhūrtēsugrīva pratiyātumitō'rhasi ।
matvāhīnaṃrājan rāvaṇō'bhidravēdbalī ॥ 23 ॥
aṅgadantupuraskatyasasainyassaparichChadam ।
sāgarantarasugrīva nīlēnachanalēnacha ॥ 24 ॥
kṛtaṃhanumatākāryaṃyadanyairduṣkaraṃraṇē ।
ṛkṣarājēnatuṣyāmigōlāṅgūlādhipēnacha ॥ 25 ॥
aṅgadēnakṛtaṅkarmamaindēnadvividēnacha ।
yuddhaṅkēsariṇāsaṅ khyēghōraṃsampātinākṛtam ॥ 26 ॥
gavayēnagavākṣēṇaśarabhēṇagajēnacha ।
anyaiśchaharibhiryuddhammadarthētyaktajīvitaiḥ ॥ 27 ॥
nachātikramituṃśakyandaivaṃsugrīva mānuṣaiḥ ।
yattuśakyaṃvayasyēnasuhṛdāchaparantapa ॥ 28 ॥
kṛtaṃsugrīva tatsarvambhavatādharmabhīruṇā ।
mitrakāryaṅkṛtamidambhavadbhirvānararṣabhāḥ ॥ 29 ॥
anujñātāmayāsarvēyathēṣṭaṅgantumarhatha ।
śuśruvustasyatēsarvēvānarāḥparidēvanam ॥ 30 ॥
vartayāñchakrūraśrūṇinētraiḥkṛṣṇētarēkṣaṇāḥ ।
tatassarvāṇyanīkānisthāpayitvāvibhīṣaṇaḥ ॥ 31 ॥
ājagāmagadāpāṇistvaritaṃyatrarāghavaḥ ।
tandṛṣṭavātvaritaṃyāntannīlāñjanachayōpamam ॥ 32 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē ēkōnapañchāśassargaḥ ॥
