śrīmadvālmīkīya rāmāyaṇē yuddhakāṇḍam ।
atha chatuḥpañchāśassargaḥ ।
svabalasya cha ghātēna aṅgadasya balēna cha ।
rāṣasaḥ krōdhamāviṣṭō vajradaṃṣṭrō mahābalaḥ ॥ 1 ॥
viṣpāryachadhanurghōraṃśakrāśanisamasvanam ।
vānarāṇāmanīkāniprākirachCharavṛṣṭibhiḥ ॥ 2 ॥
rākṣasāśchāpimukhyāstērathēṣusamavasthitāḥ ।
nānāpraharaṇāśśūrāḥprāyudhyantastadāraṇē ॥ 3 ॥
vānarāṇāñchaśūrāyētēsarvēplavagarṣabhāḥ ।
āyudhyantaśilāhastāssamavētāssamantataḥ ॥ 4 ॥
tatrāyudhasahasrāṇitasminnāyōdhanēbhṛśam ।
rākṣasāḥkapimukhyēṣupātayāñchakrirētadā ॥ 5 ॥
vānarāśchāpirakṣassugiravṛkṣānmahāśilāḥ ।
pravīrāḥpātayāmāsurmattamātaṅgasannibhāḥ ॥ 6 ॥
śūrāṇāṃyudyamānānāṃsamarēṣnvivartinām ।
tadrākṣasagaṇānāñchasuyuddhaṃsamavartata ॥ 7 ॥
prabhinnaśirasaḥkēchiChachinnaiḥpādaiśchabāhubhiḥ ।
śassrairarditadēhābhyarudhirēṇasamukṣitāḥ ॥ 8 ॥
harayō rākṣasāśchaina śēratē gāṃ samāśritāḥ ।
kaṅkagṛdhrābalāḍhyaścha gōmāyukulasaṅkulāḥ ॥ 9 ॥
kabandhānisamutpēturbhīmāṇāmbhīṣaṇānivai ।
bhujapāṇiśiraśChinnakāyāśchabhūtalē ॥ 10 ॥
vānarārākṣasāśchāpinipētustatravairaṇē ।
tatōvānarasainyēnahanyamānanniśācharam ॥ 11 ॥
prābhajyatabalaṃsarvaṃvajradaṃṣṭrasyapaśyataḥ ।
rākṣasānbhayavitrastānhanyamānān plavaṅgamaiḥ ॥ 12 ॥
dṛṣṭavāsarōṣatāmrākṣōvajradaṃṣṭraḥpratāpavān ।
pravivēśadhanuṣpāṇistrāsayanharivāhinīm ॥ 13 ॥
śarairvidārayāmāsakaṅkapatrairajihmagaiḥ ।
bibhēdavānarāṃstatrasaptāṣṭaunavapañchacha ॥ 14 ॥
vivyādhaparamakruddhōvajradaṃṣṭraḥpratāpavān ।
trastāḥsarvēharigaṇāḥśaraiḥsaṅkṛttakandarāḥ ॥ 15 ॥
aṅgadaṃsampradhāvantiprajāpatimivaprajāḥ ।
tatōharigaṇān bhagnān dṛṣṭavāvālisutastadā ॥ 16 ॥
krōdhēnavajradaṃṣṭrantamudīkṣantamudaikṣata ।
vajradaṃṣṭrō'ṅgadaśchōbhausaṅgatauharirākṣasau ॥ 17 ॥
chēratuḥparamakruddhauharimattagajāviva ।
tataśśatasahasrēṇahariputrammahābalaḥ ॥ 18 ॥
jaghānamarmadēśēṣumātaṅgamivatōmaraiḥ ।
rudhirōkṣitasarvāṅgōvālisūnurmahābalaḥ ॥ 19 ॥
chikṣēpavajradaṃṣṭrāyavṛkṣambhīmaparākramaḥ ।
dṛṣṭāpatantantaṃvṛkṣamasambhrāntaścharākṣasaḥ ॥ 20 ॥
chichChēdabahudhāsō'pimathitaḥprādatadbhuvi ।
tandṛṣṭavāvajradaṃṣṭrasyavikramamplavagarṣabha ॥ 21 ॥
pragṛhyavipulaṃśailañchikṣēpachananādacha ।
samāpatantandṛṣṭavāsarathādāplutyavīryavān ॥ 22 ॥
gadāpāṇirasambhrāntaḥpṛthivyāṃsamatiṣṭhata ।
sāṅgadēnagadākṣiptāgatvāturaṇamūrdhani ॥ 23 ॥
sachakrakūbaraṃsāśvampramamātharathantadā ।
tatō'nyachChikharaṅgṛhyavipulandrumabhūṣitam ॥ 24 ॥
vajradaṃṣṭrasyaśirasipātayāmāsasā'ṅgadaḥ ।
abhavachChōṇitōdgārīvajradaṃṣṭrassamūrChitaḥ ॥ 25 ॥
muhūrtamabhavanmūḍhōgadāmāliṅ gyaniśśvasan ।
saṃlabdasañjñōgadayāvāliputramavasthitam ॥ 26 ॥
jaghānaparamakruddhōvakṣōdēśēniśācharaḥ ।
gadāntyaktvātatastatramuṣṭiyuddhamavartata ॥ 27 ॥
anyōnyañjaghnatustatratāvubhauharirākṣasau ।
rudhirōdgāriṇautautuprahārairjanitaśramau ॥ 28 ॥
babhūvatussuvikrāntāvaṅgārakabudhāviva ।
tataḥparamatējasvīaṅgadaḥplavagarṣabhaḥ ॥ 29 ॥
utpāṭyavṛkṣaṃsthitavān bahupuṣpaphalāñchitam ।
jagrāhachārṣabhañcharmakhaḍagañchavipulaṃśubham ॥ 30 ॥
kiṅkiṇājālasañChannañcharmaṇāchapariṣkṛtam ।
chitrāṃścharuchirānmārgāṃśchēratuḥkapirākṣasau ॥ 31 ॥
jaghnatuśchatadānyōnyannirdayañjayakāṅ kṣiṇau ।
vraṇaissāstrairaśōbhētāmpuṣpitāvivakiṃśukau ॥ 32 ॥
yudhyamānau pariśrānau jānubhyāmavanīṃ gatau ।
nimēṣāntaramātrēṇa aṅgadah kapikuñjaraḥ ॥ 33 ॥
udatiṣṭhata dīptākṣō daṇḍāhata ivōragaḥ ।
nirmalēna sudhautēna khaḍgēnāsya mahachChiraḥ ॥ 34 ॥
jaghānavajradaṃṣṭrasyavālisūmarmahābalaḥ ।
rudhirōkṣitagātrasyababhūvapatitandvidhā ॥ 35 ॥
sarōṣaparivṛttākṣaṃśubhaṅkhaḍagahataṃśiraḥ ।
vajradaṃṣṭraṃhatandṛṣṭavārākṣasābhayamōhitāḥ ॥ 36 ॥
trastāhyabhyadravan laṅkāṃvadhyamānāḥplavaṅgamaiḥ ।
viṣaṇṇavadanāḥ dīnāhriyākiñchidavāṅmukhāḥ ॥ 37 ॥
nihatyataṃvajradharapratāpaḥsavālisūnuḥkapisainyamadhyē ।
jagāmaharṣammahitōmahābalaḥsahasranētrastridaśairivāvṛtaḥ ॥ 38 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē chatuḥpañchāśassargaḥ ॥
