ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଚତୁଃପଂଚାଶସ୍ସର୍ଗଃ ।
ସ୍ଵବଲସ୍ୟ ଚ ଘାତେନ ଅଂଗଦସ୍ୟ ବଲେନ ଚ ।
ରାଷସଃ କ୍ରୋଧମାଵିଷ୍ଟୋ ଵଜ୍ରଦଂଷ୍ଟ୍ରୋ ମହାବଲଃ ॥ 1 ॥
ଵିଷ୍ପାର୍ୟଚଧନୁର୍ଘୋରଂଶକ୍ରାଶନିସମସ୍ଵନମ୍ ।
ଵାନରାଣାମନୀକାନିପ୍ରାକିରଚ୍ଛରଵୃଷ୍ଟିଭିଃ ॥ 2 ॥
ରାକ୍ଷସାଶ୍ଚାପିମୁଖ୍ୟାସ୍ତେରଥେଷୁସମଵସ୍ଥିତାଃ ।
ନାନାପ୍ରହରଣାଶ୍ଶୂରାଃପ୍ରାୟୁଧ୍ୟଂତସ୍ତଦାରଣେ ॥ 3 ॥
ଵାନରାଣାଂଚଶୂରାୟେତେସର୍ଵେପ୍ଲଵଗର୍ଷଭାଃ ।
ଆୟୁଧ୍ୟଂତଶିଲାହସ୍ତାସ୍ସମଵେତାସ୍ସମଂତତଃ ॥ 4 ॥
ତତ୍ରାୟୁଧସହସ୍ରାଣିତସ୍ମିନ୍ନାୟୋଧନେଭୃଶମ୍ ।
ରାକ୍ଷସାଃକପିମୁଖ୍ୟେଷୁପାତୟାଂଚକ୍ରିରେତଦା ॥ 5 ॥
ଵାନରାଶ୍ଚାପିରକ୍ଷସ୍ସୁଗିରଵୃକ୍ଷାନ୍ମହାଶିଲାଃ ।
ପ୍ରଵୀରାଃପାତୟାମାସୁର୍ମତ୍ତମାତଂଗସନ୍ନିଭାଃ ॥ 6 ॥
ଶୂରାଣାଂୟୁଦ୍ୟମାନାନାଂସମରେଷ୍ନ୍ଵିଵର୍ତିନାମ୍ ।
ତଦ୍ରାକ୍ଷସଗଣାନାଂଚସୁୟୁଦ୍ଧଂସମଵର୍ତତ ॥ 7 ॥
ପ୍ରଭିନ୍ନଶିରସଃକେଚିଛଚିନ୍ନୈଃପାଦୈଶ୍ଚବାହୁଭିଃ ।
ଶସ୍ସ୍ରୈରର୍ଦିତଦେହାଭ୍ୟରୁଧିରେଣସମୁକ୍ଷିତାଃ ॥ 8 ॥
ହରୟୋ ରାକ୍ଷସାଶ୍ଚୈନ ଶେରତେ ଗାଂ ସମାଶ୍ରିତାଃ ।
କଂକଗୃଧ୍ରାବଲାଢ୍ୟଶ୍ଚ ଗୋମାୟୁକୁଲସଂକୁଲାଃ ॥ 9 ॥
କବଂଧାନିସମୁତ୍ପେତୁର୍ଭୀମାଣାଂଭୀଷଣାନିଵୈ ।
ଭୁଜପାଣିଶିରଶ୍ଛିନ୍ନକାୟାଶ୍ଚଭୂତଲେ ॥ 10 ॥
ଵାନରାରାକ୍ଷସାଶ୍ଚାପିନିପେତୁସ୍ତତ୍ରଵୈରଣେ ।
ତତୋଵାନରସୈନ୍ୟେନହନ୍ୟମାନଂନିଶାଚରମ୍ ॥ 11 ॥
ପ୍ରାଭଜ୍ୟତବଲଂସର୍ଵଂଵଜ୍ରଦଂଷ୍ଟ୍ରସ୍ୟପଶ୍ୟତଃ ।
ରାକ୍ଷସାନ୍ଭୟଵିତ୍ରସ୍ତାନ୍ହନ୍ୟମାନାନ୍ ପ୍ଲଵଂଗମୈଃ ॥ 12 ॥
ଦୃଷ୍ଟଵାସରୋଷତାମ୍ରାକ୍ଷୋଵଜ୍ରଦଂଷ୍ଟ୍ରଃପ୍ରତାପଵାନ୍ ।
ପ୍ରଵିଵେଶଧନୁଷ୍ପାଣିସ୍ତ୍ରାସୟନ୍ହରିଵାହିନୀମ୍ ॥ 13 ॥
ଶରୈର୍ଵିଦାରୟାମାସକଂକପତ୍ରୈରଜିହ୍ମଗୈଃ ।
ବିଭେଦଵାନରାଂସ୍ତତ୍ରସପ୍ତାଷ୍ଟୌନଵପଂଚଚ ॥ 14 ॥
ଵିଵ୍ୟାଧପରମକ୍ରୁଦ୍ଧୋଵଜ୍ରଦଂଷ୍ଟ୍ରଃପ୍ରତାପଵାନ୍ ।
ତ୍ରସ୍ତାଃସର୍ଵେହରିଗଣାଃଶରୈଃସଂକୃତ୍ତକଂଦରାଃ ॥ 15 ॥
ଅଂଗଦଂସଂପ୍ରଧାଵଂତିପ୍ରଜାପତିମିଵପ୍ରଜାଃ ।
ତତୋହରିଗଣାନ୍ ଭଗ୍ନାନ୍ ଦୃଷ୍ଟଵାଵାଲିସୁତସ୍ତଦା ॥ 16 ॥
କ୍ରୋଧେନଵଜ୍ରଦଂଷ୍ଟ୍ରଂତମୁଦୀକ୍ଷଂତମୁଦୈକ୍ଷତ ।
ଵଜ୍ରଦଂଷ୍ଟ୍ରୋଽଂଗଦଶ୍ଚୋଭୌସଂଗତୌହରିରାକ୍ଷସୌ ॥ 17 ॥
ଚେରତୁଃପରମକ୍ରୁଦ୍ଧୌହରିମତ୍ତଗଜାଵିଵ ।
ତତଶ୍ଶତସହସ୍ରେଣହରିପୁତ୍ରଂମହାବଲଃ ॥ 18 ॥
ଜଘାନମର୍ମଦେଶେଷୁମାତଂଗମିଵତୋମରୈଃ ।
ରୁଧିରୋକ୍ଷିତସର୍ଵାଂଗୋଵାଲିସୂନୁର୍ମହାବଲଃ ॥ 19 ॥
ଚିକ୍ଷେପଵଜ୍ରଦଂଷ୍ଟ୍ରାୟଵୃକ୍ଷଂଭୀମପରାକ୍ରମଃ ।
ଦୃଷ୍ଟାପତଂତଂତଂଵୃକ୍ଷମସଂଭ୍ରାଂତଶ୍ଚରାକ୍ଷସଃ ॥ 20 ॥
ଚିଚ୍ଛେଦବହୁଧାସୋଽପିମଥିତଃପ୍ରାଦତଦ୍ଭୁଵି ।
ତଂଦୃଷ୍ଟଵାଵଜ୍ରଦଂଷ୍ଟ୍ରସ୍ୟଵିକ୍ରମଂପ୍ଲଵଗର୍ଷଭ ॥ 21 ॥
ପ୍ରଗୃହ୍ୟଵିପୁଲଂଶୈଲଂଚିକ୍ଷେପଚନନାଦଚ ।
ସମାପତଂତଂଦୃଷ୍ଟଵାସରଥାଦାପ୍ଲୁତ୍ୟଵୀର୍ୟଵାନ୍ ॥ 22 ॥
ଗଦାପାଣିରସଂଭ୍ରାଂତଃପୃଥିଵ୍ୟାଂସମତିଷ୍ଠତ ।
ସାଂଗଦେନଗଦାକ୍ଷିପ୍ତାଗତ୍ଵାତୁରଣମୂର୍ଧନି ॥ 23 ॥
ସଚକ୍ରକୂବରଂସାଶ୍ଵଂପ୍ରମମାଥରଥଂତଦା ।
ତତୋଽନ୍ୟଚ୍ଛିଖରଂଗୃହ୍ୟଵିପୁଲଂଦ୍ରୁମଭୂଷିତମ୍ ॥ 24 ॥
ଵଜ୍ରଦଂଷ୍ଟ୍ରସ୍ୟଶିରସିପାତୟାମାସସାଽଂଗଦଃ ।
ଅଭଵଚ୍ଛୋଣିତୋଦ୍ଗାରୀଵଜ୍ରଦଂଷ୍ଟ୍ରସ୍ସମୂର୍ଛିତଃ ॥ 25 ॥
ମୁହୂର୍ତମଭଵନ୍ମୂଢୋଗଦାମାଲିଙ୍ ଗ୍ୟନିଶ୍ଶ୍ଵସନ୍ ।
ସଂଲବ୍ଦସଂଜ୍ଞୋଗଦୟାଵାଲିପୁତ୍ରମଵସ୍ଥିତମ୍ ॥ 26 ॥
ଜଘାନପରମକ୍ରୁଦ୍ଧୋଵକ୍ଷୋଦେଶେନିଶାଚରଃ ।
ଗଦାଂତ୍ୟକ୍ତ୍ଵାତତସ୍ତତ୍ରମୁଷ୍ଟିୟୁଦ୍ଧମଵର୍ତତ ॥ 27 ॥
ଅନ୍ୟୋନ୍ୟଂଜଘ୍ନତୁସ୍ତତ୍ରତାଵୁଭୌହରିରାକ୍ଷସୌ ।
ରୁଧିରୋଦ୍ଗାରିଣୌତୌତୁପ୍ରହାରୈର୍ଜନିତଶ୍ରମୌ ॥ 28 ॥
ବଭୂଵତୁସ୍ସୁଵିକ୍ରାଂତାଵଂଗାରକବୁଧାଵିଵ ।
ତତଃପରମତେଜସ୍ଵୀଅଂଗଦଃପ୍ଲଵଗର୍ଷଭଃ ॥ 29 ॥
ଉତ୍ପାଟ୍ୟଵୃକ୍ଷଂସ୍ଥିତଵାନ୍ ବହୁପୁଷ୍ପଫଲାଂଚିତମ୍ ।
ଜଗ୍ରାହଚାର୍ଷଭଂଚର୍ମଖଡଗଂଚଵିପୁଲଂଶୁଭମ୍ ॥ 30 ॥
କିଂକିଣାଜାଲସଂଛନ୍ନଂଚର୍ମଣାଚପରିଷ୍କୃତମ୍ ।
ଚିତ୍ରାଂଶ୍ଚରୁଚିରାନ୍ମାର୍ଗାଂଶ୍ଚେରତୁଃକପିରାକ୍ଷସୌ ॥ 31 ॥
ଜଘ୍ନତୁଶ୍ଚତଦାନ୍ୟୋନ୍ୟଂନିର୍ଦୟଂଜୟକାଙ୍ କ୍ଷିଣୌ ।
ଵ୍ରଣୈସ୍ସାସ୍ତ୍ରୈରଶୋଭେତାଂପୁଷ୍ପିତାଵିଵକିଂଶୁକୌ ॥ 32 ॥
ୟୁଧ୍ୟମାନୌ ପରିଶ୍ରାନୌ ଜାନୁଭ୍ୟାମଵନୀଂ ଗତୌ ।
ନିମେଷାଂତରମାତ୍ରେଣ ଅଂଗଦହ୍ କପିକୁଂଜରଃ ॥ 33 ॥
ଉଦତିଷ୍ଠତ ଦୀପ୍ତାକ୍ଷୋ ଦଂଡାହତ ଇଵୋରଗଃ ।
ନିର୍ମଲେନ ସୁଧୌତେନ ଖଡ୍ଗେନାସ୍ୟ ମହଚ୍ଛିରଃ ॥ 34 ॥
ଜଘାନଵଜ୍ରଦଂଷ୍ଟ୍ରସ୍ୟଵାଲିସୂମର୍ମହାବଲଃ ।
ରୁଧିରୋକ୍ଷିତଗାତ୍ରସ୍ୟବଭୂଵପତିତଂଦ୍ଵିଧା ॥ 35 ॥
ସରୋଷପରିଵୃତ୍ତାକ୍ଷଂଶୁଭଂଖଡଗହତଂଶିରଃ ।
ଵଜ୍ରଦଂଷ୍ଟ୍ରଂହତଂଦୃଷ୍ଟଵାରାକ୍ଷସାଭୟମୋହିତାଃ ॥ 36 ॥
ତ୍ରସ୍ତାହ୍ୟଭ୍ୟଦ୍ରଵନ୍ ଲଂକାଂଵଧ୍ୟମାନାଃପ୍ଲଵଂଗମୈଃ ।
ଵିଷଣ୍ଣଵଦନାଃ ଦୀନାହ୍ରିୟାକିଂଚିଦଵାଙ୍ମୁଖାଃ ॥ 37 ॥
ନିହତ୍ୟତଂଵଜ୍ରଧରପ୍ରତାପଃସଵାଲିସୂନୁଃକପିସୈନ୍ୟମଧ୍ୟେ ।
ଜଗାମହର୍ଷଂମହିତୋମହାବଲଃସହସ୍ରନେତ୍ରସ୍ତ୍ରିଦଶୈରିଵାଵୃତଃ ॥ 38 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଚତୁଃପଂଚାଶସ୍ସର୍ଗଃ ॥
