શ્રીમદ્વાલ્મીકીય રામાયણે યુદ્ધકાંડમ્ ।
અથ દ્વિસપ્તતિતમસ્સર્ગઃ ।
અતિકાયંહતંશ્રુત્વાલક્ષ્મણેનમહૌજસા ।
ઉદ્વેગમગમદ્રાજાવચનંચેદમબ્રવીત્ ॥ 1 ॥
ધૂમ્રાક્ષઃપરમામર્ષીધન્વીશસ્ત્રભૃતાંવરઃ ।
અકંપનઃપ્રહસ્તશ્ચકુંભુકર્ણસ્તથૈવ ચ ॥ 2 ॥
એતેમહાબલાવીરારાક્ષસાયુદ્ધકાંક્ષિણઃ ।
જેતારઃપરસૈન્યાનાંપરૈર્નિત્યાપરાજિતાઃ ॥ 3 ॥
નિહતાસ્તેમહાવીર્યારામેણાક્લિષ્ટકર્મણા ।
રાક્ષસાસ્સુમહાકાયાનાનાશસ્ત્રવિશારદાઃ ॥ 4 ॥
અન્યે ચ બહવશ્શૂરામહાત્માનોનિપાતિતાઃ ।
પ્રખ્યાતબલવીર્યેણપુત્રેણેંદ્રજિતામમ ॥ 5 ॥
યૌહિતૌભ્રાતરૌતદાવીરૌબદ્ધૌદત્તવરૈશ્શરૈઃ ।
યન્નશક્યંસુરૈસ્સર્વૈરસુરૈર્વામહાબલૈઃ ॥ 6 ॥
મોક્તુંતદ્બંધનંઘોરંયક્ષગંધર્વકિન્નરૈઃ ।
તન્નજાનેપ્રભાવૈર્વામાયયામોહનેનવા ॥ 7 ॥
શરબંધાદ્વિમુક્તૌતૌભ્રાતરૌરામલક્ષ્મણૌ ।
યેયોધાનિર્ગતાશ્શૂરારાક્ષસામમશાસનાત્ ॥ 8 ॥
તેસર્વેનિહતાયુદ્ધેવાનરૈસ્સુમહાબલૈઃ ।
તમ્નપશ્યામ્યહંયુદ્ધેયોઽદ્યરામંસલક્ષ્મણમ્ ॥ 9 ॥
શાસયેત્સબલંવીરંસસુગ્રીવવિભીષણમ્ ।
અહોસુબલવાન્ રામોમહદસ્ત્રબલં ચ વૈ ॥ 10 ॥
યસ્યવિક્રમમાસાદ્યરાક્ષસાનિધનંગતાઃ ।
અપ્રમત્સૈશ્ચસર્વત્રગુપ્સૈરક્ષ્યાપુરીવતિયમ્ ॥ 11 ॥
અશોકવનિકાયાંચયત્રસીતાઽભિરક્ષ્યતે ।
નિષ્ક્રામોવાપ્રવેશોવાજ્ઞાતવ્યસ્સર્વદૈવનઃ ॥ 12 ॥
યત્રયત્રભવેદ્ગુલ્મસ્તત્રતત્રપુનઃપુનઃ ।
સર્વતશ્ચાપિતિષ્ઠધ્વંસ્સ્વૈઃ પરિવૃતાબલૈઃ ॥ 13 ॥
દ્રષ્ટવ્યં ચ પદંતેષાંવાનરાણાંનિશાચરાઃ ।
પ્રદોષેવાર્ધરાત્રેવાપ્રત્યૂષેવાપિસર્વત ॥ 14 ॥
નાવજ્ઞાતેષુકર્તવ્યાવાનરેષુકદાચન ।
દ્વિષતાંબલમુદ્યુક્તમાપતકતિંસ્થિતંસદા ॥ 15 ॥
તતસ્તેરાક્ષસાસ્સર્વેશ્રુત્વાલંકાધિપસ્યતત્ ।
વચનંસર્વમાતિષ્ઠન્ યથાવત્તુમહાબલાઃ ॥ 16 ॥
સ તાન્ સર્વાન્ હિસંદિશ્યરાવણોરાક્ષસાધિપઃ ।
મન્યુશલ્યંવહન્ દીનઃપ્રવિવેશસ્વમાલયમ્ ॥ 17 ॥
તતસ્સસંદીપિતકોપહ્નિર્નિશાચરાણામધિપોમહાબલઃ ।
તદેવપુત્રવ્યસનંવિચિંતયન્મુહુર્મુહુશ્ચૈવતદાવ્યનિશ્શ્વસત્ ॥ 18 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે દ્વિસપ્તતિતમસ્સર્ગઃ ॥
