శ్రీమద్వాల్మీకీయ రామాయణే యుద్ధకాండమ్ ।
అథ ద్విసప్తతితమస్సర్గః ।
అతికాయంహతంశ్రుత్వాలక్ష్మణేనమహౌజసా ।
ఉద్వేగమగమద్రాజావచనంచేదమబ్రవీత్ ॥ 1 ॥
ధూమ్రాక్షఃపరమామర్షీధన్వీశస్త్రభృతాంవరః ।
అకంపనఃప్రహస్తశ్చకుంభుకర్ణస్తథైవ చ ॥ 2 ॥
ఏతేమహాబలావీరారాక్షసాయుద్ధకాంక్షిణః ।
జేతారఃపరసైన్యానాంపరైర్నిత్యాపరాజితాః ॥ 3 ॥
నిహతాస్తేమహావీర్యారామేణాక్లిష్టకర్మణా ।
రాక్షసాస్సుమహాకాయానానాశస్త్రవిశారదాః ॥ 4 ॥
అన్యే చ బహవశ్శూరామహాత్మానోనిపాతితాః ।
ప్రఖ్యాతబలవీర్యేణపుత్రేణేంద్రజితామమ ॥ 5 ॥
యౌహితౌభ్రాతరౌతదావీరౌబద్ధౌదత్తవరైశ్శరైః ।
యన్నశక్యంసురైస్సర్వైరసురైర్వామహాబలైః ॥ 6 ॥
మోక్తుంతద్బంధనంఘోరంయక్షగంధర్వకిన్నరైః ।
తన్నజానేప్రభావైర్వామాయయామోహనేనవా ॥ 7 ॥
శరబంధాద్విముక్తౌతౌభ్రాతరౌరామలక్ష్మణౌ ।
యేయోధానిర్గతాశ్శూరారాక్షసామమశాసనాత్ ॥ 8 ॥
తేసర్వేనిహతాయుద్ధేవానరైస్సుమహాబలైః ।
తమ్నపశ్యామ్యహంయుద్ధేయోఽద్యరామంసలక్ష్మణమ్ ॥ 9 ॥
శాసయేత్సబలంవీరంససుగ్రీవవిభీషణమ్ ।
అహోసుబలవాన్ రామోమహదస్త్రబలం చ వై ॥ 10 ॥
యస్యవిక్రమమాసాద్యరాక్షసానిధనంగతాః ।
అప్రమత్సైశ్చసర్వత్రగుప్సైరక్ష్యాపురీవతియమ్ ॥ 11 ॥
అశోకవనికాయాంచయత్రసీతాఽభిరక్ష్యతే ।
నిష్క్రామోవాప్రవేశోవాజ్ఞాతవ్యస్సర్వదైవనః ॥ 12 ॥
యత్రయత్రభవేద్గుల్మస్తత్రతత్రపునఃపునః ।
సర్వతశ్చాపితిష్ఠధ్వంస్స్వైః పరివృతాబలైః ॥ 13 ॥
ద్రష్టవ్యం చ పదంతేషాంవానరాణాంనిశాచరాః ।
ప్రదోషేవార్ధరాత్రేవాప్రత్యూషేవాపిసర్వత ॥ 14 ॥
నావజ్ఞాతేషుకర్తవ్యావానరేషుకదాచన ।
ద్విషతాంబలముద్యుక్తమాపతకతింస్థితంసదా ॥ 15 ॥
తతస్తేరాక్షసాస్సర్వేశ్రుత్వాలంకాధిపస్యతత్ ।
వచనంసర్వమాతిష్ఠన్ యథావత్తుమహాబలాః ॥ 16 ॥
స తాన్ సర్వాన్ హిసందిశ్యరావణోరాక్షసాధిపః ।
మన్యుశల్యంవహన్ దీనఃప్రవివేశస్వమాలయమ్ ॥ 17 ॥
తతస్ససందీపితకోపహ్నిర్నిశాచరాణామధిపోమహాబలః ।
తదేవపుత్రవ్యసనంవిచింతయన్ముహుర్ముహుశ్చైవతదావ్యనిశ్శ్వసత్ ॥ 18 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే ద్విసప్తతితమస్సర్గః ॥
