śrīmadvālmīkīya rāmāyaṇē yuddhakāṇḍam ।
atha dvisaptatitamassargaḥ ।
atikāyaṃhataṃśrutvālakṣmaṇēnamahaujasā ।
udvēgamagamadrājāvachanañchēdamabravīt ॥ 1 ॥
dhūmrākṣaḥparamāmarṣīdhanvīśastrabhṛtāṃvaraḥ ।
akampanaḥprahastaśchakumbhukarṇastathaiva cha ॥ 2 ॥
ētēmahābalāvīrārākṣasāyuddhakāṅkṣiṇaḥ ।
jētāraḥparasainyānāmparairnityāparājitāḥ ॥ 3 ॥
nihatāstēmahāvīryārāmēṇākliṣṭakarmaṇā ।
rākṣasāssumahākāyānānāśastraviśāradāḥ ॥ 4 ॥
anyē cha bahavaśśūrāmahātmānōnipātitāḥ ।
prakhyātabalavīryēṇaputrēṇēndrajitāmama ॥ 5 ॥
yauhitaubhrātarautadāvīraubaddhaudattavaraiśśaraiḥ ।
yannaśakyaṃsuraissarvairasurairvāmahābalaiḥ ॥ 6 ॥
mōktuntadbandhanaṅghōraṃyakṣagandharvakinnaraiḥ ।
tannajānēprabhāvairvāmāyayāmōhanēnavā ॥ 7 ॥
śarabandhādvimuktautaubhrātaraurāmalakṣmaṇau ।
yēyōdhānirgatāśśūrārākṣasāmamaśāsanāt ॥ 8 ॥
tēsarvēnihatāyuddhēvānaraissumahābalaiḥ ।
tamnapaśyāmyahaṃyuddhēyō'dyarāmaṃsalakṣmaṇam ॥ 9 ॥
śāsayētsabalaṃvīraṃsasugrīvavibhīṣaṇam ।
ahōsubalavān rāmōmahadastrabalaṃ cha vai ॥ 10 ॥
yasyavikramamāsādyarākṣasānidhanaṅgatāḥ ।
apramatsaiśchasarvatragupsairakṣyāpurīvatiyam ॥ 11 ॥
aśōkavanikāyāñchayatrasītā'bhirakṣyatē ।
niṣkrāmōvāpravēśōvājñātavyassarvadaivanaḥ ॥ 12 ॥
yatrayatrabhavēdgulmastatratatrapunaḥpunaḥ ।
sarvataśchāpitiṣṭhadhvaṃssvaiḥ parivṛtābalaiḥ ॥ 13 ॥
draṣṭavyaṃ cha padantēṣāṃvānarāṇānniśācharāḥ ।
pradōṣēvārdharātrēvāpratyūṣēvāpisarvata ॥ 14 ॥
nāvajñātēṣukartavyāvānarēṣukadāchana ।
dviṣatāmbalamudyuktamāpatakatiṃsthitaṃsadā ॥ 15 ॥
tatastērākṣasāssarvēśrutvālaṅkādhipasyatat ।
vachanaṃsarvamātiṣṭhan yathāvattumahābalāḥ ॥ 16 ॥
sa tān sarvān hisandiśyarāvaṇōrākṣasādhipaḥ ।
manyuśalyaṃvahan dīnaḥpravivēśasvamālayam ॥ 17 ॥
tatassasandīpitakōpahnirniśācharāṇāmadhipōmahābalaḥ ।
tadēvaputravyasanaṃvichintayanmuhurmuhuśchaivatadāvyaniśśvasat ॥ 18 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē dvisaptatitamassargaḥ ॥
