ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ദ്വിസപ്തതിതമസ്സര്ഗഃ ।
അതികായംഹതംശ്രുത്വാലക്ഷ്മണേനമഹൌജസാ ।
ഉദ്വേഗമഗമദ്രാജാവചനംചേദമബ്രവീത് ॥ 1 ॥
ധൂമ്രാക്ഷഃപരമാമര്ഷീധന്വീശസ്ത്രഭൃതാംവരഃ ।
അകംപനഃപ്രഹസ്തശ്ചകുംഭുകര്ണസ്തഥൈവ ച ॥ 2 ॥
ഏതേമഹാബലാവീരാരാക്ഷസായുദ്ധകാംക്ഷിണഃ ।
ജേതാരഃപരസൈന്യാനാംപരൈര്നിത്യാപരാജിതാഃ ॥ 3 ॥
നിഹതാസ്തേമഹാവീര്യാരാമേണാക്ലിഷ്ടകര്മണാ ।
രാക്ഷസാസ്സുമഹാകായാനാനാശസ്ത്രവിശാരദാഃ ॥ 4 ॥
അന്യേ ച ബഹവശ്ശൂരാമഹാത്മാനോനിപാതിതാഃ ।
പ്രഖ്യാതബലവീര്യേണപുത്രേണേംദ്രജിതാമമ ॥ 5 ॥
യൌഹിതൌഭ്രാതരൌതദാവീരൌബദ്ധൌദത്തവരൈശ്ശരൈഃ ।
യന്നശക്യംസുരൈസ്സർവൈരസുരൈർവാമഹാബലൈഃ ॥ 6 ॥
മോക്തുംതദ്ബംധനംഘോരംയക്ഷഗംധർവകിന്നരൈഃ ।
തന്നജാനേപ്രഭാവൈർവാമായയാമോഹനേനവാ ॥ 7 ॥
ശരബംധാദ്വിമുക്തൌതൌഭ്രാതരൌരാമലക്ഷ്മണൌ ।
യേയോധാനിര്ഗതാശ്ശൂരാരാക്ഷസാമമശാസനാത് ॥ 8 ॥
തേസർവേനിഹതായുദ്ധേവാനരൈസ്സുമഹാബലൈഃ ।
തമ്നപശ്യാമ്യഹംയുദ്ധേയോഽദ്യരാമംസലക്ഷ്മണമ് ॥ 9 ॥
ശാസയേത്സബലംവീരംസസുഗ്രീവവിഭീഷണമ് ।
അഹോസുബലവാന് രാമോമഹദസ്ത്രബലം ച വൈ ॥ 10 ॥
യസ്യവിക്രമമാസാദ്യരാക്ഷസാനിധനംഗതാഃ ।
അപ്രമത്സൈശ്ചസർവത്രഗുപ്സൈരക്ഷ്യാപുരീവതിയമ് ॥ 11 ॥
അശോകവനികായാംചയത്രസീതാഽഭിരക്ഷ്യതേ ।
നിഷ്ക്രാമോവാപ്രവേശോവാജ്ഞാതവ്യസ്സർവദൈവനഃ ॥ 12 ॥
യത്രയത്രഭവേദ്ഗുല്മസ്തത്രതത്രപുനഃപുനഃ ।
സർവതശ്ചാപിതിഷ്ഠധ്വംസ്സ്വൈഃ പരിവൃതാബലൈഃ ॥ 13 ॥
ദ്രഷ്ടവ്യം ച പദംതേഷാംവാനരാണാംനിശാചരാഃ ।
പ്രദോഷേവാര്ധരാത്രേവാപ്രത്യൂഷേവാപിസർവത ॥ 14 ॥
നാവജ്ഞാതേഷുകര്തവ്യാവാനരേഷുകദാചന ।
ദ്വിഷതാംബലമുദ്യുക്തമാപതകതിംസ്ഥിതംസദാ ॥ 15 ॥
തതസ്തേരാക്ഷസാസ്സർവേശ്രുത്വാലംകാധിപസ്യതത് ।
വചനംസർവമാതിഷ്ഠന് യഥാവത്തുമഹാബലാഃ ॥ 16 ॥
സ താന് സർവാന് ഹിസംദിശ്യരാവണോരാക്ഷസാധിപഃ ।
മന്യുശല്യംവഹന് ദീനഃപ്രവിവേശസ്വമാലയമ് ॥ 17 ॥
തതസ്സസംദീപിതകോപഹ്നിര്നിശാചരാണാമധിപോമഹാബലഃ ।
തദേവപുത്രവ്യസനംവിചിംതയന്മുഹുര്മുഹുശ്ചൈവതദാവ്യനിശ്ശ്വസത് ॥ 18 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ദ്വിസപ്തതിതമസ്സര്ഗഃ ॥
