ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଦ୍ଵିସପ୍ତତିତମସ୍ସର୍ଗଃ ।
ଅତିକାୟଂହତଂଶ୍ରୁତ୍ଵାଲକ୍ଷ୍ମଣେନମହୌଜସା ।
ଉଦ୍ଵେଗମଗମଦ୍ରାଜାଵଚନଂଚେଦମବ୍ରଵୀତ୍ ॥ 1 ॥
ଧୂମ୍ରାକ୍ଷଃପରମାମର୍ଷୀଧନ୍ଵୀଶସ୍ତ୍ରଭୃତାଂଵରଃ ।
ଅକଂପନଃପ୍ରହସ୍ତଶ୍ଚକୁଂଭୁକର୍ଣସ୍ତଥୈଵ ଚ ॥ 2 ॥
ଏତେମହାବଲାଵୀରାରାକ୍ଷସାୟୁଦ୍ଧକାଂକ୍ଷିଣଃ ।
ଜେତାରଃପରସୈନ୍ୟାନାଂପରୈର୍ନିତ୍ୟାପରାଜିତାଃ ॥ 3 ॥
ନିହତାସ୍ତେମହାଵୀର୍ୟାରାମେଣାକ୍ଲିଷ୍ଟକର୍ମଣା ।
ରାକ୍ଷସାସ୍ସୁମହାକାୟାନାନାଶସ୍ତ୍ରଵିଶାରଦାଃ ॥ 4 ॥
ଅନ୍ୟେ ଚ ବହଵଶ୍ଶୂରାମହାତ୍ମାନୋନିପାତିତାଃ ।
ପ୍ରଖ୍ୟାତବଲଵୀର୍ୟେଣପୁତ୍ରେଣେଂଦ୍ରଜିତାମମ ॥ 5 ॥
ୟୌହିତୌଭ୍ରାତରୌତଦାଵୀରୌବଦ୍ଧୌଦତ୍ତଵରୈଶ୍ଶରୈଃ ।
ୟନ୍ନଶକ୍ୟଂସୁରୈସ୍ସର୍ଵୈରସୁରୈର୍ଵାମହାବଲୈଃ ॥ 6 ॥
ମୋକ୍ତୁଂତଦ୍ବଂଧନଂଘୋରଂୟକ୍ଷଗଂଧର୍ଵକିନ୍ନରୈଃ ।
ତନ୍ନଜାନେପ୍ରଭାଵୈର୍ଵାମାୟୟାମୋହନେନଵା ॥ 7 ॥
ଶରବଂଧାଦ୍ଵିମୁକ୍ତୌତୌଭ୍ରାତରୌରାମଲକ୍ଷ୍ମଣୌ ।
ୟେୟୋଧାନିର୍ଗତାଶ୍ଶୂରାରାକ୍ଷସାମମଶାସନାତ୍ ॥ 8 ॥
ତେସର୍ଵେନିହତାୟୁଦ୍ଧେଵାନରୈସ୍ସୁମହାବଲୈଃ ।
ତମ୍ନପଶ୍ୟାମ୍ୟହଂୟୁଦ୍ଧେୟୋଽଦ୍ୟରାମଂସଲକ୍ଷ୍ମଣମ୍ ॥ 9 ॥
ଶାସୟେତ୍ସବଲଂଵୀରଂସସୁଗ୍ରୀଵଵିଭୀଷଣମ୍ ।
ଅହୋସୁବଲଵାନ୍ ରାମୋମହଦସ୍ତ୍ରବଲଂ ଚ ଵୈ ॥ 10 ॥
ୟସ୍ୟଵିକ୍ରମମାସାଦ୍ୟରାକ୍ଷସାନିଧନଂଗତାଃ ।
ଅପ୍ରମତ୍ସୈଶ୍ଚସର୍ଵତ୍ରଗୁପ୍ସୈରକ୍ଷ୍ୟାପୁରୀଵତିୟମ୍ ॥ 11 ॥
ଅଶୋକଵନିକାୟାଂଚୟତ୍ରସୀତାଽଭିରକ୍ଷ୍ୟତେ ।
ନିଷ୍କ୍ରାମୋଵାପ୍ରଵେଶୋଵାଜ୍ଞାତଵ୍ୟସ୍ସର୍ଵଦୈଵନଃ ॥ 12 ॥
ୟତ୍ରୟତ୍ରଭଵେଦ୍ଗୁଲ୍ମସ୍ତତ୍ରତତ୍ରପୁନଃପୁନଃ ।
ସର୍ଵତଶ୍ଚାପିତିଷ୍ଠଧ୍ଵଂସ୍ସ୍ଵୈଃ ପରିଵୃତାବଲୈଃ ॥ 13 ॥
ଦ୍ରଷ୍ଟଵ୍ୟଂ ଚ ପଦଂତେଷାଂଵାନରାଣାଂନିଶାଚରାଃ ।
ପ୍ରଦୋଷେଵାର୍ଧରାତ୍ରେଵାପ୍ରତ୍ୟୂଷେଵାପିସର୍ଵତ ॥ 14 ॥
ନାଵଜ୍ଞାତେଷୁକର୍ତଵ୍ୟାଵାନରେଷୁକଦାଚନ ।
ଦ୍ଵିଷତାଂବଲମୁଦ୍ୟୁକ୍ତମାପତକତିଂସ୍ଥିତଂସଦା ॥ 15 ॥
ତତସ୍ତେରାକ୍ଷସାସ୍ସର୍ଵେଶ୍ରୁତ୍ଵାଲଂକାଧିପସ୍ୟତତ୍ ।
ଵଚନଂସର୍ଵମାତିଷ୍ଠନ୍ ୟଥାଵତ୍ତୁମହାବଲାଃ ॥ 16 ॥
ସ ତାନ୍ ସର୍ଵାନ୍ ହିସଂଦିଶ୍ୟରାଵଣୋରାକ୍ଷସାଧିପଃ ।
ମନ୍ୟୁଶଲ୍ୟଂଵହନ୍ ଦୀନଃପ୍ରଵିଵେଶସ୍ଵମାଲୟମ୍ ॥ 17 ॥
ତତସ୍ସସଂଦୀପିତକୋପହ୍ନିର୍ନିଶାଚରାଣାମଧିପୋମହାବଲଃ ।
ତଦେଵପୁତ୍ରଵ୍ୟସନଂଵିଚିଂତୟନ୍ମୁହୁର୍ମୁହୁଶ୍ଚୈଵତଦାଵ୍ୟନିଶ୍ଶ୍ଵସତ୍ ॥ 18 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଦ୍ଵିସପ୍ତତିତମସ୍ସର୍ଗଃ ॥
