ශ්රීමද්වාල්මීකීය රාමායණේ යුද්ධකාංඩම් ।
අථ චතුර්විංශත්යධිකශතතමස්සර්ගඃ ।
තාංරාත්රිමුෂිතංරාමංසුඛෝත්ථිමරිංදමම් ।
අබ්රවීත්ප්රාංජලිර්වාක්යංජයංපෘෂ්ටවාවිභීෂණඃ ॥ 1 ॥
ස්නානානිචාංගරාගාණිවස්ත්රාණ්යාභරණානි ච ।
චංදනානි ච දිව්යානිමාල්යානිවිවිධානි ච ॥ 2 ॥
අලංකාරවිදශ්චේමානාර්යඃපද්මනිභේක්ෂණාඃ ।
උපස්ථිතාස්ත්වාංවිධවත්ස්නාපයිෂ්යංතිරාඝව ॥ 3 ॥
ඒවමුක්තස්තුකාකුත්ස්ථඃ ප්රත්යුවාචවිභීෂණම් ।
හරීන්සුග්රීවමුඛ්යාංස්ත්වංස්නානේනෝපනිමංත්රය ॥ 4 ॥
ස තුතාම්යතිධර්මාත්මාමමහේතෝස්සුඛෝචිතඃ ।
සුකුමාරෝමහාබාහෝකුමාරඃ සත්යසංශ්රයඃ ॥ 5 ॥
තංවිනාකෛකයීපුත්රංභරතංධර්මචාරිණම් ।
න මේස්නානංබහුමතංවස්ත්රාණ්යාභරණානි ච ॥ 6 ॥
ඒතත්පශ්යයථාක්ෂිප්රංප්රතිගච්ඡාමතාංපුරීම් ।
අයෝධ්යාංගච්ඡතෝහ්යේෂපංථාඃපරමදුර්ගමඃ ॥ 7 ॥
ඒවමුක්තස්තුකාකුත්ස්ථංප්රත්යුවාචවිභීෂණඃ ।
අහ්නාත්වාංප්රාපයිෂ්යාමිතාංපුරීංපාර්ථිවාත්මජ ॥ 8 ॥
පුෂ්පකංනාමභද්රංතේවිමානංසූර්යසන්නිභම් ।
මමභ්රාතුඃකුබේරස්යරාවණේනබලීයසා ॥ 9 ॥
හෘතංනිර්ජිත්යසංග්රාමේකාමගංදිව්යමුත්තමම් ।
ත්වදර්ථංපාලිතංචේදංතිෂ්ඨත්යතුලවික්රම ॥ 10 ॥
තදිදංමේඝසංකාශංවිමානමිහතිෂ්ඨති ।
තේනයාස්යසියානේනත්වමයෝධ්යාංගතජ්වරඃ ॥ 11 ॥
අහංතේයුද්යනුග්රාහ්යෝයදිස්මරසිමේගුණාන් ।
වසතාවදිහප්රාජ්ඤ යද්යස්තිමයිසෞහෘදම් ॥ 12 ॥
ලක්ෂ්මණේනසහභ්රාත්රාවෛදේහ්යාභාර්යයාසහ ।
අර්චිතස්සර්වකාමෛස්ත්වංතතෝරාම ගමිෂ්යසි ॥ 13 ॥
ප්රීතියුක්තස්යවිහිතාංසසෛන්යඃසසුහෘද්ගණඃ ।
සක්රතියාංරාමමේතාවද්ගෘහේණත්වංමයෝද්යතාම් ॥ 14 ॥
ප්රණයාද්භහුමානාච්චසෞහාර්දේන ච රාඝව ।
ප්රසාදායාමිප්රේෂ්යෝऽහං න ඛල්වාජ්ඤාපයාමිතේ ॥ 15 ॥
ඒවමුක්තස්තතෝරාමඃප්රත්යුවාචවිභීෂණම් ।
රක්ෂසාංවානරාණාං ච සර්වේෂාමේවශෘණ්වතාම් ॥ 16 ॥
පූජිතෝऽස්මිත්වයාවීර සාචිව්යේනපරංතප ।
සර්වාත්මනා ච චේෂ්ටාභිඃසෞහාර්දේනපරේණ ච ॥ 17 ॥
න ඛල්වේතන්නකුර්යාංතේවචනංරාක්ෂසේශ්වර ।
තංතුමේභ්රාතරංද්රෂ්ටුංභරතංත්වරතේමනඃ ॥ 18 ॥
මාංනිවර්තයිතුංයෝऽසෞචිත්රකූටමුපාගතඃ ।
ශිරසායාචතෝයස්යවචනං න කෘතංමයා ॥ 19 ॥
කෞසල්යාං ච සුමිත්රාං ච කෛකේයීං ච යශස්විනීම් ।
ගුහං ච සුහෘදංචෛවපෞරාන්ජනපදෛස්සහ ॥ 20 ॥
අනුජානීහමාංසෞම්ය පූජිතෝऽස්මිවිභීෂණ ।
මන්යුර්නඛලුකර්තව්යඃසඛේත්වාංචානුමානයේ ॥ 21 ॥
උපස්ථාපයමේශීඝ්රංවිමානංරාක්ෂසේශ්වර ।
කෘතකාර්යස්යමේවාසඃකථංස්යාදිහසම්මතඃ ॥ 22 ॥
ඒවමුක්තස්තුරාමේණරාක්ෂසේංද්රෝවිභීෂණඃ ।
විමානසූර්යසංකාශමාජුහාවත්වරාන්විතඃ ॥ 23 ॥
තතඃකාංචනචිත්රාංගංවෛදූර්යමණිවේදිකම් ।
කූටාගාරෛඃපරික්ෂිප්තංසර්වතෝරජතප්රභම් ॥ 24 ॥
පාංඩුරාභිඃපතාකාභිර්ධ්වජෛශ්චසමලංකෘතම් ।
ශෝභිතංකාංචනෛර්හර්ම්යෛර්හේමපද්මවිභූෂිතෛඃ ॥ 25 ॥
ප්රකීර්ණංකිංකිණීජාලෛර්මුක්තාමණිගවාක්ෂකම් ।
ඝංටාජාලෛඃපරික්ෂිප්තංසර්වතෝමධුරස්වනම් ॥ 26 ॥
යන්මේරුශිඛරාකාරංනිර්මිතංවිශ්වකර්මණා ।
බෘහභිර්භූෂිතංහර්ම්යෛර්මුක්තාරජතශෝභිතෛඃ ॥ 27 ॥
තලෛස්ස්ඵටිකචිත්රාංගෛදූර්යෛශ්චවරාසනෛඃ ।
මහාර්හාස්තරණෝපේතෛරුපපන්නංමහාධනෛඃ ॥ 28 ॥
උපස්ථිතමනාධෘෂ්යංතද්විමානංමනෝජවම් ।
නිවේදයිත්වාරාමායතස්ථෞතත්රවිභීෂණඃ ॥ 29 ॥
තත්පුෂ්පකංකාමගමංවිමානමුපස්ථිතංභූධරසන්නිකාශම් ।
දෘෂ්ටවාතදාවිස්මයමාජගාමරාමස්සසෞමිත්රිරුදාරසත්ත්වඃ ॥ 30 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ චතුර්විංශත්යධිකශතතමස්සර්ගඃ ॥
