ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಚತುರ್ವಿಂಶತ್ಯಧಿಕಶತತಮಸ್ಸರ್ಗಃ ।
ತಾಂರಾತ್ರಿಮುಷಿತಂರಾಮಂಸುಖೋತ್ಥಿಮರಿನ್ದಮಮ್ ।
ಅಬ್ರವೀತ್ಪ್ರಾಞ್ಜಲಿರ್ವಾಕ್ಯಞ್ಜಯಮ್ಪೃಷ್ಟವಾವಿಭೀಷಣಃ ॥ 1 ॥
ಸ್ನಾನಾನಿಚಾಙ್ಗರಾಗಾಣಿವಸ್ತ್ರಾಣ್ಯಾಭರಣಾನಿ ಚ ।
ಚನ್ದನಾನಿ ಚ ದಿವ್ಯಾನಿಮಾಲ್ಯಾನಿವಿವಿಧಾನಿ ಚ ॥ 2 ॥
ಅಲಙ್ಕಾರವಿದಶ್ಚೇಮಾನಾರ್ಯಃಪದ್ಮನಿಭೇಕ್ಷಣಾಃ ।
ಉಪಸ್ಥಿತಾಸ್ತ್ವಾಂವಿಧವತ್ಸ್ನಾಪಯಿಷ್ಯನ್ತಿರಾಘವ ॥ 3 ॥
ಏವಮುಕ್ತಸ್ತುಕಾಕುತ್ಸ್ಥಃ ಪ್ರತ್ಯುವಾಚವಿಭೀಷಣಮ್ ।
ಹರೀನ್ಸುಗ್ರೀವಮುಖ್ಯಾಂಸ್ತ್ವಂಸ್ನಾನೇನೋಪನಿಮನ್ತ್ರಯ ॥ 4 ॥
ಸ ತುತಾಮ್ಯತಿಧರ್ಮಾತ್ಮಾಮಮಹೇತೋಸ್ಸುಖೋಚಿತಃ ।
ಸುಕುಮಾರೋಮಹಾಬಾಹೋಕುಮಾರಃ ಸತ್ಯಸಂಶ್ರಯಃ ॥ 5 ॥
ತಂವಿನಾಕೈಕಯೀಪುತ್ರಮ್ಭರತನ್ಧರ್ಮಚಾರಿಣಮ್ ।
ನ ಮೇಸ್ನಾನಮ್ಬಹುಮತಂವಸ್ತ್ರಾಣ್ಯಾಭರಣಾನಿ ಚ ॥ 6 ॥
ಏತತ್ಪಶ್ಯಯಥಾಕ್ಷಿಪ್ರಮ್ಪ್ರತಿಗಚ್ಛಾಮತಾಮ್ಪುರೀಮ್ ।
ಅಯೋಧ್ಯಾಙ್ಗಚ್ಛತೋಹ್ಯೇಷಪನ್ಥಾಃಪರಮದುರ್ಗಮಃ ॥ 7 ॥
ಏವಮುಕ್ತಸ್ತುಕಾಕುತ್ಸ್ಥಮ್ಪ್ರತ್ಯುವಾಚವಿಭೀಷಣಃ ।
ಅಹ್ನಾತ್ವಾಮ್ಪ್ರಾಪಯಿಷ್ಯಾಮಿತಾಮ್ಪುರೀಮ್ಪಾರ್ಥಿವಾತ್ಮಜ ॥ 8 ॥
ಪುಷ್ಪಕನ್ನಾಮಭದ್ರನ್ತೇವಿಮಾನಂಸೂರ್ಯಸನ್ನಿಭಮ್ ।
ಮಮಭ್ರಾತುಃಕುಬೇರಸ್ಯರಾವಣೇನಬಲೀಯಸಾ ॥ 9 ॥
ಹೃತನ್ನಿರ್ಜಿತ್ಯಸಙ್ಗ್ರಾಮೇಕಾಮಗನ್ದಿವ್ಯಮುತ್ತಮಮ್ ।
ತ್ವದರ್ಥಮ್ಪಾಲಿತಞ್ಚೇದನ್ತಿಷ್ಠತ್ಯತುಲವಿಕ್ರಮ ॥ 10 ॥
ತದಿದಮ್ಮೇಘಸಙ್ಕಾಶಂವಿಮಾನಮಿಹತಿಷ್ಠತಿ ।
ತೇನಯಾಸ್ಯಸಿಯಾನೇನತ್ವಮಯೋಧ್ಯಾಙ್ಗತಜ್ವರಃ ॥ 11 ॥
ಅಹನ್ತೇಯುದ್ಯನುಗ್ರಾಹ್ಯೋಯದಿಸ್ಮರಸಿಮೇಗುಣಾನ್ ।
ವಸತಾವದಿಹಪ್ರಾಜ್ಞ ಯದ್ಯಸ್ತಿಮಯಿಸೌಹೃದಮ್ ॥ 12 ॥
ಲಕ್ಷ್ಮಣೇನಸಹಭ್ರಾತ್ರಾವೈದೇಹ್ಯಾಭಾರ್ಯಯಾಸಹ ।
ಅರ್ಚಿತಸ್ಸರ್ವಕಾಮೈಸ್ತ್ವನ್ತತೋರಾಮ ಗಮಿಷ್ಯಸಿ ॥ 13 ॥
ಪ್ರೀತಿಯುಕ್ತಸ್ಯವಿಹಿತಾಂಸಸೈನ್ಯಃಸಸುಹೃದ್ಗಣಃ ।
ಸಕ್ರತಿಯಾಂರಾಮಮೇತಾವದ್ಗೃಹೇಣತ್ವಮ್ಮಯೋದ್ಯತಾಮ್ ॥ 14 ॥
ಪ್ರಣಯಾದ್ಭಹುಮಾನಾಚ್ಚಸೌಹಾರ್ದೇನ ಚ ರಾಘವ ।
ಪ್ರಸಾದಾಯಾಮಿಪ್ರೇಷ್ಯೋಽಹಂ ನ ಖಲ್ವಾಜ್ಞಾಪಯಾಮಿತೇ ॥ 15 ॥
ಏವಮುಕ್ತಸ್ತತೋರಾಮಃಪ್ರತ್ಯುವಾಚವಿಭೀಷಣಮ್ ।
ರಕ್ಷಸಾಂವಾನರಾಣಾಂ ಚ ಸರ್ವೇಷಾಮೇವಶೃಣ್ವತಾಮ್ ॥ 16 ॥
ಪೂಜಿತೋಽಸ್ಮಿತ್ವಯಾವೀರ ಸಾಚಿವ್ಯೇನಪರನ್ತಪ ।
ಸರ್ವಾತ್ಮನಾ ಚ ಚೇಷ್ಟಾಭಿಃಸೌಹಾರ್ದೇನಪರೇಣ ಚ ॥ 17 ॥
ನ ಖಲ್ವೇತನ್ನಕುರ್ಯಾನ್ತೇವಚನಂರಾಕ್ಷಸೇಶ್ವರ ।
ತನ್ತುಮೇಭ್ರಾತರನ್ದ್ರಷ್ಟುಮ್ಭರತನ್ತ್ವರತೇಮನಃ ॥ 18 ॥
ಮಾನ್ನಿವರ್ತಯಿತುಂಯೋಽಸೌಚಿತ್ರಕೂಟಮುಪಾಗತಃ ।
ಶಿರಸಾಯಾಚತೋಯಸ್ಯವಚನಂ ನ ಕೃತಮ್ಮಯಾ ॥ 19 ॥
ಕೌಸಲ್ಯಾಂ ಚ ಸುಮಿತ್ರಾಂ ಚ ಕೈಕೇಯೀಂ ಚ ಯಶಸ್ವಿನೀಮ್ ।
ಗುಹಂ ಚ ಸುಹೃದಞ್ಚೈವಪೌರಾನ್ಜನಪದೈಸ್ಸಹ ॥ 20 ॥
ಅನುಜಾನೀಹಮಾಂಸೌಮ್ಯ ಪೂಜಿತೋಽಸ್ಮಿವಿಭೀಷಣ ।
ಮನ್ಯುರ್ನಖಲುಕರ್ತವ್ಯಃಸಖೇತ್ವಾಞ್ಚಾನುಮಾನಯೇ ॥ 21 ॥
ಉಪಸ್ಥಾಪಯಮೇಶೀಘ್ರಂವಿಮಾನಂರಾಕ್ಷಸೇಶ್ವರ ।
ಕೃತಕಾರ್ಯಸ್ಯಮೇವಾಸಃಕಥಂಸ್ಯಾದಿಹಸಮ್ಮತಃ ॥ 22 ॥
ಏವಮುಕ್ತಸ್ತುರಾಮೇಣರಾಕ್ಷಸೇನ್ದ್ರೋವಿಭೀಷಣಃ ।
ವಿಮಾನಸೂರ್ಯಸಙ್ಕಾಶಮಾಜುಹಾವತ್ವರಾನ್ವಿತಃ ॥ 23 ॥
ತತಃಕಾಞ್ಚನಚಿತ್ರಾಙ್ಗಂವೈದೂರ್ಯಮಣಿವೇದಿಕಮ್ ।
ಕೂಟಾಗಾರೈಃಪರಿಕ್ಷಿಪ್ತಂಸರ್ವತೋರಜತಪ್ರಭಮ್ ॥ 24 ॥
ಪಾಣ್ಡುರಾಭಿಃಪತಾಕಾಭಿರ್ಧ್ವಜೈಶ್ಚಸಮಲಙ್ಕೃತಮ್ ।
ಶೋಭಿತಙ್ಕಾಞ್ಚನೈರ್ಹರ್ಮ್ಯೈರ್ಹೇಮಪದ್ಮವಿಭೂಷಿತೈಃ ॥ 25 ॥
ಪ್ರಕೀರ್ಣಙ್ಕಿಙ್ಕಿಣೀಜಾಲೈರ್ಮುಕ್ತಾಮಣಿಗವಾಕ್ಷಕಮ್ ।
ಘಣ್ಟಾಜಾಲೈಃಪರಿಕ್ಷಿಪ್ತಂಸರ್ವತೋಮಧುರಸ್ವನಮ್ ॥ 26 ॥
ಯನ್ಮೇರುಶಿಖರಾಕಾರನ್ನಿರ್ಮಿತಂವಿಶ್ವಕರ್ಮಣಾ ।
ಬೃಹಭಿರ್ಭೂಷಿತಂಹರ್ಮ್ಯೈರ್ಮುಕ್ತಾರಜತಶೋಭಿತೈಃ ॥ 27 ॥
ತಲೈಸ್ಸ್ಫಟಿಕಚಿತ್ರಾಙ್ಗೈದೂರ್ಯೈಶ್ಚವರಾಸನೈಃ ।
ಮಹಾರ್ಹಾಸ್ತರಣೋಪೇತೈರುಪಪನ್ನಮ್ಮಹಾಧನೈಃ ॥ 28 ॥
ಉಪಸ್ಥಿತಮನಾಧೃಷ್ಯನ್ತದ್ವಿಮಾನಮ್ಮನೋಜವಮ್ ।
ನಿವೇದಯಿತ್ವಾರಾಮಾಯತಸ್ಥೌತತ್ರವಿಭೀಷಣಃ ॥ 29 ॥
ತತ್ಪುಷ್ಪಕಙ್ಕಾಮಗಮಂವಿಮಾನಮುಪಸ್ಥಿತಮ್ಭೂಧರಸನ್ನಿಕಾಶಮ್ ।
ದೃಷ್ಟವಾತದಾವಿಸ್ಮಯಮಾಜಗಾಮರಾಮಸ್ಸಸೌಮಿತ್ರಿರುದಾರಸತ್ತ್ವಃ ॥ 30 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಚತುರ್ವಿಂಶತ್ಯಧಿಕಶತತಮಸ್ಸರ್ಗಃ ॥
