ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ചതുർവിംശത്യധികശതതമസ്സര്ഗഃ ।
താംരാത്രിമുഷിതംരാമംസുഖോത്ഥിമരിംദമമ് ।
അബ്രവീത്പ്രാംജലിർവാക്യംജയംപൃഷ്ടവാവിഭീഷണഃ ॥ 1 ॥
സ്നാനാനിചാംഗരാഗാണിവസ്ത്രാണ്യാഭരണാനി ച ।
ചംദനാനി ച ദിവ്യാനിമാല്യാനിവിവിധാനി ച ॥ 2 ॥
അലംകാരവിദശ്ചേമാനാര്യഃപദ്മനിഭേക്ഷണാഃ ।
ഉപസ്ഥിതാസ്ത്വാംവിധവത്സ്നാപയിഷ്യംതിരാഘവ ॥ 3 ॥
ഏവമുക്തസ്തുകാകുത്സ്ഥഃ പ്രത്യുവാചവിഭീഷണമ് ।
ഹരീന്സുഗ്രീവമുഖ്യാംസ്ത്വംസ്നാനേനോപനിമംത്രയ ॥ 4 ॥
സ തുതാമ്യതിധര്മാത്മാമമഹേതോസ്സുഖോചിതഃ ।
സുകുമാരോമഹാബാഹോകുമാരഃ സത്യസംശ്രയഃ ॥ 5 ॥
തംവിനാകൈകയീപുത്രംഭരതംധര്മചാരിണമ് ।
ന മേസ്നാനംബഹുമതംവസ്ത്രാണ്യാഭരണാനി ച ॥ 6 ॥
ഏതത്പശ്യയഥാക്ഷിപ്രംപ്രതിഗച്ഛാമതാംപുരീമ് ।
അയോധ്യാംഗച്ഛതോഹ്യേഷപംഥാഃപരമദുര്ഗമഃ ॥ 7 ॥
ഏവമുക്തസ്തുകാകുത്സ്ഥംപ്രത്യുവാചവിഭീഷണഃ ।
അഹ്നാത്വാംപ്രാപയിഷ്യാമിതാംപുരീംപാര്ഥിവാത്മജ ॥ 8 ॥
പുഷ്പകംനാമഭദ്രംതേവിമാനംസൂര്യസന്നിഭമ് ।
മമഭ്രാതുഃകുബേരസ്യരാവണേനബലീയസാ ॥ 9 ॥
ഹൃതംനിര്ജിത്യസംഗ്രാമേകാമഗംദിവ്യമുത്തമമ് ।
ത്വദര്ഥംപാലിതംചേദംതിഷ്ഠത്യതുലവിക്രമ ॥ 10 ॥
തദിദംമേഘസംകാശംവിമാനമിഹതിഷ്ഠതി ।
തേനയാസ്യസിയാനേനത്വമയോധ്യാംഗതജ്വരഃ ॥ 11 ॥
അഹംതേയുദ്യനുഗ്രാഹ്യോയദിസ്മരസിമേഗുണാന് ।
വസതാവദിഹപ്രാജ്ഞ യദ്യസ്തിമയിസൌഹൃദമ് ॥ 12 ॥
ലക്ഷ്മണേനസഹഭ്രാത്രാവൈദേഹ്യാഭാര്യയാസഹ ।
അര്ചിതസ്സർവകാമൈസ്ത്വംതതോരാമ ഗമിഷ്യസി ॥ 13 ॥
പ്രീതിയുക്തസ്യവിഹിതാംസസൈന്യഃസസുഹൃദ്ഗണഃ ।
സക്രതിയാംരാമമേതാവദ്ഗൃഹേണത്വംമയോദ്യതാമ് ॥ 14 ॥
പ്രണയാദ്ഭഹുമാനാച്ചസൌഹാര്ദേന ച രാഘവ ।
പ്രസാദായാമിപ്രേഷ്യോഽഹം ന ഖല്വാജ്ഞാപയാമിതേ ॥ 15 ॥
ഏവമുക്തസ്തതോരാമഃപ്രത്യുവാചവിഭീഷണമ് ।
രക്ഷസാംവാനരാണാം ച സർവേഷാമേവശൃണ്വതാമ് ॥ 16 ॥
പൂജിതോഽസ്മിത്വയാവീര സാചിവ്യേനപരംതപ ।
സർവാത്മനാ ച ചേഷ്ടാഭിഃസൌഹാര്ദേനപരേണ ച ॥ 17 ॥
ന ഖല്വേതന്നകുര്യാംതേവചനംരാക്ഷസേശ്വര ।
തംതുമേഭ്രാതരംദ്രഷ്ടുംഭരതംത്വരതേമനഃ ॥ 18 ॥
മാംനിവര്തയിതുംയോഽസൌചിത്രകൂടമുപാഗതഃ ।
ശിരസായാചതോയസ്യവചനം ന കൃതംമയാ ॥ 19 ॥
കൌസല്യാം ച സുമിത്രാം ച കൈകേയീം ച യശസ്വിനീമ് ।
ഗുഹം ച സുഹൃദംചൈവപൌരാന്ജനപദൈസ്സഹ ॥ 20 ॥
അനുജാനീഹമാംസൌമ്യ പൂജിതോഽസ്മിവിഭീഷണ ।
മന്യുര്നഖലുകര്തവ്യഃസഖേത്വാംചാനുമാനയേ ॥ 21 ॥
ഉപസ്ഥാപയമേശീഘ്രംവിമാനംരാക്ഷസേശ്വര ।
കൃതകാര്യസ്യമേവാസഃകഥംസ്യാദിഹസമ്മതഃ ॥ 22 ॥
ഏവമുക്തസ്തുരാമേണരാക്ഷസേംദ്രോവിഭീഷണഃ ।
വിമാനസൂര്യസംകാശമാജുഹാവത്വരാന്വിതഃ ॥ 23 ॥
തതഃകാംചനചിത്രാംഗംവൈദൂര്യമണിവേദികമ് ।
കൂടാഗാരൈഃപരിക്ഷിപ്തംസർവതോരജതപ്രഭമ് ॥ 24 ॥
പാംഡുരാഭിഃപതാകാഭിര്ധ്വജൈശ്ചസമലംകൃതമ് ।
ശോഭിതംകാംചനൈര്ഹര്മ്യൈര്ഹേമപദ്മവിഭൂഷിതൈഃ ॥ 25 ॥
പ്രകീര്ണംകിംകിണീജാലൈര്മുക്താമണിഗവാക്ഷകമ് ।
ഘംടാജാലൈഃപരിക്ഷിപ്തംസർവതോമധുരസ്വനമ് ॥ 26 ॥
യന്മേരുശിഖരാകാരംനിര്മിതംവിശ്വകര്മണാ ।
ബൃഹഭിര്ഭൂഷിതംഹര്മ്യൈര്മുക്താരജതശോഭിതൈഃ ॥ 27 ॥
തലൈസ്സ്ഫടികചിത്രാംഗൈദൂര്യൈശ്ചവരാസനൈഃ ।
മഹാര്ഹാസ്തരണോപേതൈരുപപന്നംമഹാധനൈഃ ॥ 28 ॥
ഉപസ്ഥിതമനാധൃഷ്യംതദ്വിമാനംമനോജവമ് ।
നിവേദയിത്വാരാമായതസ്ഥൌതത്രവിഭീഷണഃ ॥ 29 ॥
തത്പുഷ്പകംകാമഗമംവിമാനമുപസ്ഥിതംഭൂധരസന്നികാശമ് ।
ദൃഷ്ടവാതദാവിസ്മയമാജഗാമരാമസ്സസൌമിത്രിരുദാരസത്ത്വഃ ॥ 30 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ചതുർവിംശത്യധികശതതമസ്സര്ഗഃ ॥
