ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଚତୁର୍ଵିଂଶତ୍ୟଧିକଶତତମସ୍ସର୍ଗଃ ।
ତାଂରାତ୍ରିମୁଷିତଂରାମଂସୁଖୋତ୍ଥିମରିଂଦମମ୍ ।
ଅବ୍ରଵୀତ୍ପ୍ରାଂଜଲିର୍ଵାକ୍ୟଂଜୟଂପୃଷ୍ଟଵାଵିଭୀଷଣଃ ॥ 1 ॥
ସ୍ନାନାନିଚାଂଗରାଗାଣିଵସ୍ତ୍ରାଣ୍ୟାଭରଣାନି ଚ ।
ଚଂଦନାନି ଚ ଦିଵ୍ୟାନିମାଲ୍ୟାନିଵିଵିଧାନି ଚ ॥ 2 ॥
ଅଲଂକାରଵିଦଶ୍ଚେମାନାର୍ୟଃପଦ୍ମନିଭେକ୍ଷଣାଃ ।
ଉପସ୍ଥିତାସ୍ତ୍ଵାଂଵିଧଵତ୍ସ୍ନାପୟିଷ୍ୟଂତିରାଘଵ ॥ 3 ॥
ଏଵମୁକ୍ତସ୍ତୁକାକୁତ୍ସ୍ଥଃ ପ୍ରତ୍ୟୁଵାଚଵିଭୀଷଣମ୍ ।
ହରୀନ୍ସୁଗ୍ରୀଵମୁଖ୍ୟାଂସ୍ତ୍ଵଂସ୍ନାନେନୋପନିମଂତ୍ରୟ ॥ 4 ॥
ସ ତୁତାମ୍ୟତିଧର୍ମାତ୍ମାମମହେତୋସ୍ସୁଖୋଚିତଃ ।
ସୁକୁମାରୋମହାବାହୋକୁମାରଃ ସତ୍ୟସଂଶ୍ରୟଃ ॥ 5 ॥
ତଂଵିନାକୈକୟୀପୁତ୍ରଂଭରତଂଧର୍ମଚାରିଣମ୍ ।
ନ ମେସ୍ନାନଂବହୁମତଂଵସ୍ତ୍ରାଣ୍ୟାଭରଣାନି ଚ ॥ 6 ॥
ଏତତ୍ପଶ୍ୟୟଥାକ୍ଷିପ୍ରଂପ୍ରତିଗଚ୍ଛାମତାଂପୁରୀମ୍ ।
ଅୟୋଧ୍ୟାଂଗଚ୍ଛତୋହ୍ୟେଷପଂଥାଃପରମଦୁର୍ଗମଃ ॥ 7 ॥
ଏଵମୁକ୍ତସ୍ତୁକାକୁତ୍ସ୍ଥଂପ୍ରତ୍ୟୁଵାଚଵିଭୀଷଣଃ ।
ଅହ୍ନାତ୍ଵାଂପ୍ରାପୟିଷ୍ୟାମିତାଂପୁରୀଂପାର୍ଥିଵାତ୍ମଜ ॥ 8 ॥
ପୁଷ୍ପକଂନାମଭଦ୍ରଂତେଵିମାନଂସୂର୍ୟସନ୍ନିଭମ୍ ।
ମମଭ୍ରାତୁଃକୁବେରସ୍ୟରାଵଣେନବଲୀୟସା ॥ 9 ॥
ହୃତଂନିର୍ଜିତ୍ୟସଂଗ୍ରାମେକାମଗଂଦିଵ୍ୟମୁତ୍ତମମ୍ ।
ତ୍ଵଦର୍ଥଂପାଲିତଂଚେଦଂତିଷ୍ଠତ୍ୟତୁଲଵିକ୍ରମ ॥ 10 ॥
ତଦିଦଂମେଘସଂକାଶଂଵିମାନମିହତିଷ୍ଠତି ।
ତେନୟାସ୍ୟସିୟାନେନତ୍ଵମୟୋଧ୍ୟାଂଗତଜ୍ଵରଃ ॥ 11 ॥
ଅହଂତେୟୁଦ୍ୟନୁଗ୍ରାହ୍ୟୋୟଦିସ୍ମରସିମେଗୁଣାନ୍ ।
ଵସତାଵଦିହପ୍ରାଜ୍ଞ ୟଦ୍ୟସ୍ତିମୟିସୌହୃଦମ୍ ॥ 12 ॥
ଲକ୍ଷ୍ମଣେନସହଭ୍ରାତ୍ରାଵୈଦେହ୍ୟାଭାର୍ୟୟାସହ ।
ଅର୍ଚିତସ୍ସର୍ଵକାମୈସ୍ତ୍ଵଂତତୋରାମ ଗମିଷ୍ୟସି ॥ 13 ॥
ପ୍ରୀତିୟୁକ୍ତସ୍ୟଵିହିତାଂସସୈନ୍ୟଃସସୁହୃଦ୍ଗଣଃ ।
ସକ୍ରତିୟାଂରାମମେତାଵଦ୍ଗୃହେଣତ୍ଵଂମୟୋଦ୍ୟତାମ୍ ॥ 14 ॥
ପ୍ରଣୟାଦ୍ଭହୁମାନାଚ୍ଚସୌହାର୍ଦେନ ଚ ରାଘଵ ।
ପ୍ରସାଦାୟାମିପ୍ରେଷ୍ୟୋଽହଂ ନ ଖଲ୍ଵାଜ୍ଞାପୟାମିତେ ॥ 15 ॥
ଏଵମୁକ୍ତସ୍ତତୋରାମଃପ୍ରତ୍ୟୁଵାଚଵିଭୀଷଣମ୍ ।
ରକ୍ଷସାଂଵାନରାଣାଂ ଚ ସର୍ଵେଷାମେଵଶୃଣ୍ଵତାମ୍ ॥ 16 ॥
ପୂଜିତୋଽସ୍ମିତ୍ଵୟାଵୀର ସାଚିଵ୍ୟେନପରଂତପ ।
ସର୍ଵାତ୍ମନା ଚ ଚେଷ୍ଟାଭିଃସୌହାର୍ଦେନପରେଣ ଚ ॥ 17 ॥
ନ ଖଲ୍ଵେତନ୍ନକୁର୍ୟାଂତେଵଚନଂରାକ୍ଷସେଶ୍ଵର ।
ତଂତୁମେଭ୍ରାତରଂଦ୍ରଷ୍ଟୁଂଭରତଂତ୍ଵରତେମନଃ ॥ 18 ॥
ମାଂନିଵର୍ତୟିତୁଂୟୋଽସୌଚିତ୍ରକୂଟମୁପାଗତଃ ।
ଶିରସାୟାଚତୋୟସ୍ୟଵଚନଂ ନ କୃତଂମୟା ॥ 19 ॥
କୌସଲ୍ୟାଂ ଚ ସୁମିତ୍ରାଂ ଚ କୈକେୟୀଂ ଚ ୟଶସ୍ଵିନୀମ୍ ।
ଗୁହଂ ଚ ସୁହୃଦଂଚୈଵପୌରାନ୍ଜନପଦୈସ୍ସହ ॥ 20 ॥
ଅନୁଜାନୀହମାଂସୌମ୍ୟ ପୂଜିତୋଽସ୍ମିଵିଭୀଷଣ ।
ମନ୍ୟୁର୍ନଖଲୁକର୍ତଵ୍ୟଃସଖେତ୍ଵାଂଚାନୁମାନୟେ ॥ 21 ॥
ଉପସ୍ଥାପୟମେଶୀଘ୍ରଂଵିମାନଂରାକ୍ଷସେଶ୍ଵର ।
କୃତକାର୍ୟସ୍ୟମେଵାସଃକଥଂସ୍ୟାଦିହସମ୍ମତଃ ॥ 22 ॥
ଏଵମୁକ୍ତସ୍ତୁରାମେଣରାକ୍ଷସେଂଦ୍ରୋଵିଭୀଷଣଃ ।
ଵିମାନସୂର୍ୟସଂକାଶମାଜୁହାଵତ୍ଵରାନ୍ଵିତଃ ॥ 23 ॥
ତତଃକାଂଚନଚିତ୍ରାଂଗଂଵୈଦୂର୍ୟମଣିଵେଦିକମ୍ ।
କୂଟାଗାରୈଃପରିକ୍ଷିପ୍ତଂସର୍ଵତୋରଜତପ୍ରଭମ୍ ॥ 24 ॥
ପାଂଡୁରାଭିଃପତାକାଭିର୍ଧ୍ଵଜୈଶ୍ଚସମଲଂକୃତମ୍ ।
ଶୋଭିତଂକାଂଚନୈର୍ହର୍ମ୍ୟୈର୍ହେମପଦ୍ମଵିଭୂଷିତୈଃ ॥ 25 ॥
ପ୍ରକୀର୍ଣଂକିଂକିଣୀଜାଲୈର୍ମୁକ୍ତାମଣିଗଵାକ୍ଷକମ୍ ।
ଘଂଟାଜାଲୈଃପରିକ୍ଷିପ୍ତଂସର୍ଵତୋମଧୁରସ୍ଵନମ୍ ॥ 26 ॥
ୟନ୍ମେରୁଶିଖରାକାରଂନିର୍ମିତଂଵିଶ୍ଵକର୍ମଣା ।
ବୃହଭିର୍ଭୂଷିତଂହର୍ମ୍ୟୈର୍ମୁକ୍ତାରଜତଶୋଭିତୈଃ ॥ 27 ॥
ତଲୈସ୍ସ୍ଫଟିକଚିତ୍ରାଂଗୈଦୂର୍ୟୈଶ୍ଚଵରାସନୈଃ ।
ମହାର୍ହାସ୍ତରଣୋପେତୈରୁପପନ୍ନଂମହାଧନୈଃ ॥ 28 ॥
ଉପସ୍ଥିତମନାଧୃଷ୍ୟଂତଦ୍ଵିମାନଂମନୋଜଵମ୍ ।
ନିଵେଦୟିତ୍ଵାରାମାୟତସ୍ଥୌତତ୍ରଵିଭୀଷଣଃ ॥ 29 ॥
ତତ୍ପୁଷ୍ପକଂକାମଗମଂଵିମାନମୁପସ୍ଥିତଂଭୂଧରସନ୍ନିକାଶମ୍ ।
ଦୃଷ୍ଟଵାତଦାଵିସ୍ମୟମାଜଗାମରାମସ୍ସସୌମିତ୍ରିରୁଦାରସତ୍ତ୍ଵଃ ॥ 30 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଚତୁର୍ଵିଂଶତ୍ୟଧିକଶତତମସ୍ସର୍ଗଃ ॥
