ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ପଂଚଵିଂଶତ୍ୟଧିକଶତତମସ୍ସର୍ଗଃ ।
ଉପସ୍ଥିତଂତୁତଂକୃତ୍ଵାପୁଷ୍ପକଂପୁଷ୍ପଭୂଷିତମ୍ ।
ଅଵିଦୂରେସ୍ଥିତୋରାମମିତ୍ୟୁଵାଚଵିଭୀଷଣଃ ॥ 1 ॥
ସ ତୁବଦ୍ଧାଂଜଲିଃ ପ୍ରହ୍ଵୋଵିନୀତୋରାକ୍ଷସେଶ୍ଵରଃ ।
ଅବ୍ରଵୀତ୍ତ୍ଵରୟୋପେତଃକିଂକରୋମୀତିରାଘଵମ୍ ॥ 2 ॥
ତମବ୍ରଵୀନ୍ମହାତେଜାଲକ୍ଷ୍ମଣସ୍ୟୋପଶୃଣ୍ଵତଃ ।
ଵିମୃଶ୍ୟରାଘଵୋଵାକ୍ୟମିଦଂସ୍ନେହପୁରସ୍କୃତମ୍ ॥ 3 ॥
କୃତପ୍ରୟତ୍ନକର୍ମାଣଃସର୍ଵଏଵଵନେଚରାଃ ।
ରତ୍ନୈରର୍ଥୈଶ୍ଚଵିଵିଧୈସ୍ସଂପୂଜ୍ୟଂତାଂଵିଭୀଷଣ ॥ 4 ॥
ସହାମୀଭିସ୍ତ୍ଵୟାଲଂକାନିର୍ଜିତାରାକ୍ଷସେଶ୍ଵର ।
ହୃଷ୍ଟୈଃପ୍ରାଣଭୟଂତ୍ୟକ୍ତ୍ଵାସଂଗ୍ରାମେଷ୍ଵନିଵର୍ତିଭିଃ ॥ 5 ॥
ତ ଇମେକୃତକର୍ମାଣସ୍ସର୍ଵଏଵଵନୌକସଃ ।
ଧନରତ୍ନପ୍ରଦାନେନକର୍ମୈଷାଂସଫଲଂକୁରୁ ॥ 6 ॥
ଏଵଂସମ୍ମାନିତାଶ୍ଚେତେମାନାର୍ହମାନଦାତ୍ଵୟା ।
ଭଵିଷ୍ୟଂତିକୃତଜ୍ଞେନନିର୍ଵୃତାହରିୟୂଥପାଃ ॥ 7 ॥
ତ୍ୟାଗିନଂସଂଗ୍ରହୀତାରଂସାନୁକ୍ରୋଶଂଜିତେଂଦ୍ରିୟମ୍ ।
ସର୍ଵେତତଃଅଵଗଚ୍ଛଂତିସଂବୋଧୟାମିତେ ॥ 8 ॥
ହୀନଂରତିଗୁଣୈସ୍ସର୍ଵୈରଭିହଂତାରମାହଵେ ।
ସେନାତ୍ୟଜତିସମ୍ଵିଗ୍ନାନୃପତିଂତଂନରେଶ୍ଵରା ॥ 9 ॥
ଏଵମୁକ୍ତସ୍ତୁରାମେଣଵାନରାଂସ୍ତାନ୍ଵିଭୀଷଣଃ ।
ରତ୍ନାର୍ଥସଂଵିଭାଗେନସର୍ଵାନେଵାଭ୍ୟପୂଜୟତ୍ ॥ 10 ॥
ତତସ୍ତାନ୍ପୂଜିତାଂଦୃଷ୍ଟଵାରତ୍ନାର୍ଥୈର୍ହରିୟୂଥପାନ୍ ।
ଆରୁରୋହତଦାରାମସ୍ତଦ୍ଵିମାନମନୁତ୍ତମମ୍ ॥ 11 ॥
ଅଂକେନାଦାୟଵୈଦେହୀଂଲଜ୍ଜମାନାଂୟଶସ୍ଵିନୀମ୍ ।
ଲକ୍ଷ୍ମଣେନସହଭ୍ରାତ୍ରାଵିକ୍ରାଂତେଵଧନୁଷ୍ମତା ॥ 12 ॥
ଅବ୍ରଵୀତ୍ସଵିମାନସ୍ଥଃପୂଜୟନ୍ସର୍ଵାଵାନରାନ୍ ।
ସୁଗ୍ରୀଵଂ ଚ ମହାଵୀର୍ୟଂକାକୁତ୍ସ୍ଥସଵିଭୀଷଣମ୍ ॥ 13 ॥
ମିତ୍ରକାର୍ୟଂକୃତମିଦଂଭଵଦ୍ଭିଦ୍ଵାନରର୍ଷଭାଃ ।
ଅନୁଜ୍ଞାତାମୟାସର୍ଵେୟଥେଷ୍ଟଂପ୍ରତିଗଚ୍ଛତ ॥ 14 ॥
ୟତ୍ତୁକାର୍ୟଂଵୟସ୍ୟେନସ୍ନିଗ୍ଧେନ ଚ ହିତେନ ଚ ।
କୃତଂସୁଗ୍ରୀଵତତ୍ସର୍ଵଂଭଵତାଧର୍ମଭୀରୁଣା ॥ 15 ॥
କିଷ୍କିଂଧାଂପ୍ରତିୟାହ୍ୟାଵୁସ୍ଵସୈନ୍ୟେନାଭିସମ୍ଵୃତଃ ।
ସ୍ଵରାଜ୍ୟେଵସଲଂକାୟାଂମୟାଦତ୍ତେଵିଭୀଷଣ ॥ 16 ॥
ନ ତ୍ଵାଂଧର୍ଷୟିତୁଂଶକ୍ତାସ୍ସେଂଦ୍ରାଅପିଦିଵୌକସଃ ।
ୟୋଧ୍ୟାଂପ୍ରତିୟାସ୍ୟାମିରାଜଧାନୀଂପିତୁର୍ମମ ॥ 17 ॥
ଅଭ୍ୟନୁଜ୍ଞାତୁମିଚ୍ଛାମିସର୍ଵାନାମଂତ୍ରୟାମିଵଃ ।
ଵମୁକ୍ତାସ୍ତୁରାମେଣହରୀଂଦ୍ରାହରୟସ୍ତଥା ॥ 18 ॥
ଊଚୁଃପ୍ରାଂଜଲୟସ୍ସର୍ଵେରାକ୍ଷସଶ୍ଚଵିଭୀଷଣଃ ।
ଅୟୋଧ୍ୟାଂଗଂତୁମିଚ୍ଛାମଃସର୍ଵନ୍ନୟତୁନୋଭଵାନ୍ ॥ 19 ॥
ମୁଦ୍ୟୁକ୍ତାଵିଚରିଷ୍ୟାମୋଵନାନ୍ୟୁପନନାନି ଚ ।
ଦୃଷ୍ଟଵାତ୍ଵାମଭିଷେକାର୍ଧ୍ରଂକୌସଲ୍ୟାମଭିଵାଦ୍ୟ ଚ ॥ 20 ॥
ଅଚିରାଦଗମିଷ୍ୟାମଃସ୍ଵଗୃହାନ୍ନୃପସତ୍ତମ ।
ଏଵମୁକ୍ତସ୍ସଧର୍ମାତ୍ମାଵାନରୈସ୍ସଵିଭୀଷଣୈଃ ॥ 21 ॥
ଅବ୍ରଵୀଦ୍ଵାନରାନ୍ରାମସ୍ସସୁଗ୍ରୀଵଵିଭୀଷଣାନ୍ ।
ପ୍ରିୟୟତରଂଲବ୍ଦଂୟଦହଂସସୁହୃଜ୍ଜନଃ ॥ 22 ॥
ସର୍ଵୈର୍ଭଵଦ୍ଭିଃସହିତଃପ୍ରୀତିଂଲପ୍ସ୍ୟେପୁରୀଂଗତଃ ।
କ୍ଷିପ୍ରଂ ସୁଗ୍ରୀଵଵିମାନଂଵାନରୈସ୍ସହ ॥ 23 ॥
ତ୍ଵମପ୍ୟାରୋହସାମାତ୍ୟୋରାକ୍ଷସେଂଦ୍ରଵିଭୀଷଣ ।
ତତଃ ସ ପୁଷ୍ପକଂଦିଵ୍ୟଂସୁଗ୍ରୀଵସ୍ସହଵାନରୈଃ ॥ 24 ॥
ଆରୁରୋହମୁଦାୟୁକ୍ତଃସାମାତ୍ୟଶ୍ଚଵିଭୀଷଣଃ ।
ତେଷ୍ଵାରୂଢେଷୁସର୍ଵେଷୁକୌବେରଂପରମାସନମ୍ ॥ 25 ॥
ରାଘଵଣାଭ୍ୟନୁଜ୍ଞାତମୁତ୍ପପାତଵିହାୟସମ୍ ।
ଗତେନଵିମାନେନହଂସୟୁକ୍ତେନଭାସ୍ଵତା ॥ 26 ॥
ପ୍ରହୃଷ୍ଟଶ୍ଚପ୍ରତୀତଶ୍ଚବଭୌରାମଃକୁବେରଵତ୍ ।
ତେସର୍ଵେଵାନରର୍ର୍କ୍ଷଶ୍ଚରାକ୍ଷସାଶ୍ଚମହାବଲାଃ ॥ 27 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ପଂଚଵିଂଶତ୍ୟଧିକଶତତମସ୍ସର୍ଗଃ ॥
