Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

6.125 𑌯𑍁𑌦𑍍𑌧𑌕𑌾𑌂𑌡 - 𑌪𑌂𑌚𑌵𑌿𑌂𑌶𑌤𑍍𑌯𑌧𑌿𑌕𑌶𑌤𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌪𑌂𑌚𑌵𑌿𑌂𑌶𑌤𑍍𑌯𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ।

𑌉𑌪𑌸𑍍𑌥𑌿𑌤𑌂𑌤𑍁𑌤𑌂𑌕𑍃𑌤𑍍𑌵𑌾𑌪𑍁𑌷𑍍𑌪𑌕𑌂𑌪𑍁𑌷𑍍𑌪𑌭𑍂𑌷𑌿𑌤𑌮𑍍 ।
𑌅𑌵𑌿𑌦𑍂𑌰𑍇𑌸𑍍𑌥𑌿𑌤𑍋𑌰𑌾𑌮𑌮𑌿𑌤𑍍𑌯𑍁𑌵𑌾𑌚𑌵𑌿𑌭𑍀𑌷𑌣𑌃 ॥ 1 ॥

𑌸 𑌤𑍁𑌬𑌦𑍍𑌧𑌾𑌂𑌜𑌲𑌿𑌃 𑌪𑍍𑌰𑌹𑍍𑌵𑍋𑌵𑌿𑌨𑍀𑌤𑍋𑌰𑌾𑌕𑍍𑌷𑌸𑍇𑌶𑍍𑌵𑌰𑌃 ।
𑌅𑌬𑍍𑌰𑌵𑍀𑌤𑍍𑌤𑍍𑌵𑌰𑌯𑍋𑌪𑍇𑌤𑌃𑌕𑌿𑌂𑌕𑌰𑍋𑌮𑍀𑌤𑌿𑌰𑌾𑌘𑌵𑌮𑍍 ॥ 2 ॥

𑌤𑌮𑌬𑍍𑌰𑌵𑍀𑌨𑍍𑌮𑌹𑌾𑌤𑍇𑌜𑌾𑌲𑌕𑍍𑌷𑍍𑌮𑌣𑌸𑍍𑌯𑍋𑌪𑌶𑍃𑌣𑍍𑌵𑌤𑌃 ।
𑌵𑌿𑌮𑍃𑌶𑍍𑌯𑌰𑌾𑌘𑌵𑍋𑌵𑌾𑌕𑍍𑌯𑌮𑌿𑌦𑌂𑌸𑍍𑌨𑍇𑌹𑌪𑍁𑌰𑌸𑍍𑌕𑍃𑌤𑌮𑍍 ॥ 3 ॥

𑌕𑍃𑌤𑌪𑍍𑌰𑌯𑌤𑍍𑌨𑌕𑌰𑍍𑌮𑌾𑌣𑌃𑌸𑌰𑍍𑌵𑌏𑌵𑌵𑌨𑍇𑌚𑌰𑌾𑌃 ।
𑌰𑌤𑍍𑌨𑍈𑌰𑌰𑍍𑌥𑍈𑌶𑍍𑌚𑌵𑌿𑌵𑌿𑌧𑍈𑌸𑍍𑌸𑌂𑌪𑍂𑌜𑍍𑌯𑌂𑌤𑌾𑌂𑌵𑌿𑌭𑍀𑌷𑌣 ॥ 4 ॥

𑌸𑌹𑌾𑌮𑍀𑌭𑌿𑌸𑍍𑌤𑍍𑌵𑌯𑌾𑌲𑌂𑌕𑌾𑌨𑌿𑌰𑍍𑌜𑌿𑌤𑌾𑌰𑌾𑌕𑍍𑌷𑌸𑍇𑌶𑍍𑌵𑌰 ।
𑌹𑍃𑌷𑍍𑌟𑍈𑌃𑌪𑍍𑌰𑌾𑌣𑌭𑌯𑌂𑌤𑍍𑌯𑌕𑍍𑌤𑍍𑌵𑌾𑌸𑌂𑌗𑍍𑌰𑌾𑌮𑍇𑌷𑍍𑌵𑌨𑌿𑌵𑌰𑍍𑌤𑌿𑌭𑌿𑌃 ॥ 5 ॥

𑌤 𑌇𑌮𑍇𑌕𑍃𑌤𑌕𑌰𑍍𑌮𑌾𑌣𑌸𑍍𑌸𑌰𑍍𑌵𑌏𑌵𑌵𑌨𑍌𑌕𑌸𑌃 ।
𑌧𑌨𑌰𑌤𑍍𑌨𑌪𑍍𑌰𑌦𑌾𑌨𑍇𑌨𑌕𑌰𑍍𑌮𑍈𑌷𑌾𑌂𑌸𑌫𑌲𑌂𑌕𑍁𑌰𑍁 ॥ 6 ॥

𑌏𑌵𑌂𑌸𑌮𑍍𑌮𑌾𑌨𑌿𑌤𑌾𑌶𑍍𑌚𑍇𑌤𑍇𑌮𑌾𑌨𑌾𑌰𑍍𑌹𑌮𑌾𑌨𑌦𑌾𑌤𑍍𑌵𑌯𑌾 ।
𑌭𑌵𑌿𑌷𑍍𑌯𑌂𑌤𑌿𑌕𑍃𑌤𑌜𑍍𑌞𑍇𑌨𑌨𑌿𑌰𑍍𑌵𑍃𑌤𑌾𑌹𑌰𑌿𑌯𑍂𑌥𑌪𑌾𑌃 ॥ 𑍭 ॥

𑌤𑍍𑌯𑌾𑌗𑌿𑌨𑌂𑌸𑌂𑌗𑍍𑌰𑌹𑍀𑌤𑌾𑌰𑌂𑌸𑌾𑌨𑍁𑌕𑍍𑌰𑍋𑌶𑌂𑌜𑌿𑌤𑍇𑌂𑌦𑍍𑌰𑌿𑌯𑌮𑍍 ।
𑌸𑌰𑍍𑌵𑍇𑌤𑌤𑌃𑌅𑌵𑌗𑌚𑍍𑌛𑌂𑌤𑌿𑌸𑌂𑌬𑍋𑌧𑌯𑌾𑌮𑌿𑌤𑍇 ॥ 𑍮 ॥

𑌹𑍀𑌨𑌂𑌰𑌤𑌿𑌗𑍁𑌣𑍈𑌸𑍍𑌸𑌰𑍍𑌵𑍈𑌰𑌭𑌿𑌹𑌂𑌤𑌾𑌰𑌮𑌾𑌹𑌵𑍇 ।
𑌸𑍇𑌨𑌾𑌤𑍍𑌯𑌜𑌤𑌿𑌸𑌮𑍍𑌵𑌿𑌗𑍍𑌨𑌾𑌨𑍃𑌪𑌤𑌿𑌂𑌤𑌂𑌨𑌰𑍇𑌶𑍍𑌵𑌰𑌾 ॥ 𑍯 ॥

𑌏𑌵𑌮𑍁𑌕𑍍𑌤𑌸𑍍𑌤𑍁𑌰𑌾𑌮𑍇𑌣𑌵𑌾𑌨𑌰𑌾𑌂𑌸𑍍𑌤𑌾𑌨𑍍𑌵𑌿𑌭𑍀𑌷𑌣𑌃 ।
𑌰𑌤𑍍𑌨𑌾𑌰𑍍𑌥𑌸𑌂𑌵𑌿𑌭𑌾𑌗𑍇𑌨𑌸𑌰𑍍𑌵𑌾𑌨𑍇𑌵𑌾𑌭𑍍𑌯𑌪𑍂𑌜𑌯𑌤𑍍 ॥ 10 ॥

𑌤𑌤𑌸𑍍𑌤𑌾𑌨𑍍𑌪𑍂𑌜𑌿𑌤𑌾𑌂𑌦𑍃𑌷𑍍𑌟𑌵𑌾𑌰𑌤𑍍𑌨𑌾𑌰𑍍𑌥𑍈𑌰𑍍𑌹𑌰𑌿𑌯𑍂𑌥𑌪𑌾𑌨𑍍 ।
𑌆𑌰𑍁𑌰𑍋𑌹𑌤𑌦𑌾𑌰𑌾𑌮𑌸𑍍𑌤𑌦𑍍𑌵𑌿𑌮𑌾𑌨𑌮𑌨𑍁𑌤𑍍𑌤𑌮𑌮𑍍 ॥ 11 ॥

𑌅𑌂𑌕𑍇𑌨𑌾𑌦𑌾𑌯𑌵𑍈𑌦𑍇𑌹𑍀𑌂𑌲𑌜𑍍𑌜𑌮𑌾𑌨𑌾𑌂𑌯𑌶𑌸𑍍𑌵𑌿𑌨𑍀𑌮𑍍 ।
𑌲𑌕𑍍𑌷𑍍𑌮𑌣𑍇𑌨𑌸𑌹𑌭𑍍𑌰𑌾𑌤𑍍𑌰𑌾𑌵𑌿𑌕𑍍𑌰𑌾𑌂𑌤𑍇𑌵𑌧𑌨𑍁𑌷𑍍𑌮𑌤𑌾 ॥ 12 ॥

𑌅𑌬𑍍𑌰𑌵𑍀𑌤𑍍𑌸𑌵𑌿𑌮𑌾𑌨𑌸𑍍𑌥𑌃𑌪𑍂𑌜𑌯𑌨𑍍𑌸𑌰𑍍𑌵𑌾𑌵𑌾𑌨𑌰𑌾𑌨𑍍 ।
𑌸𑍁𑌗𑍍𑌰𑍀𑌵𑌂 𑌚 𑌮𑌹𑌾𑌵𑍀𑌰𑍍𑌯𑌂𑌕𑌾𑌕𑍁𑌤𑍍𑌸𑍍𑌥𑌸𑌵𑌿𑌭𑍀𑌷𑌣𑌮𑍍 ॥ 13 ॥

𑌮𑌿𑌤𑍍𑌰𑌕𑌾𑌰𑍍𑌯𑌂𑌕𑍃𑌤𑌮𑌿𑌦𑌂𑌭𑌵𑌦𑍍𑌭𑌿𑌦𑍍𑌵𑌾𑌨𑌰𑌰𑍍𑌷𑌭𑌾𑌃 ।
𑌅𑌨𑍁𑌜𑍍𑌞𑌾𑌤𑌾𑌮𑌯𑌾𑌸𑌰𑍍𑌵𑍇𑌯𑌥𑍇𑌷𑍍𑌟𑌂𑌪𑍍𑌰𑌤𑌿𑌗𑌚𑍍𑌛𑌤 ॥ 14 ॥

𑌯𑌤𑍍𑌤𑍁𑌕𑌾𑌰𑍍𑌯𑌂𑌵𑌯𑌸𑍍𑌯𑍇𑌨𑌸𑍍𑌨𑌿𑌗𑍍𑌧𑍇𑌨 𑌚 𑌹𑌿𑌤𑍇𑌨 𑌚 ।
𑌕𑍃𑌤𑌂𑌸𑍁𑌗𑍍𑌰𑍀𑌵𑌤𑌤𑍍𑌸𑌰𑍍𑌵𑌂𑌭𑌵𑌤𑌾𑌧𑌰𑍍𑌮𑌭𑍀𑌰𑍁𑌣𑌾 ॥ 15 ॥

𑌕𑌿𑌷𑍍𑌕𑌿𑌂𑌧𑌾𑌂𑌪𑍍𑌰𑌤𑌿𑌯𑌾𑌹𑍍𑌯𑌾𑌵𑍁𑌸𑍍𑌵𑌸𑍈𑌨𑍍𑌯𑍇𑌨𑌾𑌭𑌿𑌸𑌮𑍍𑌵𑍃𑌤𑌃 ।
𑌸𑍍𑌵𑌰𑌾𑌜𑍍𑌯𑍇𑌵𑌸𑌲𑌂𑌕𑌾𑌯𑌾𑌂𑌮𑌯𑌾𑌦𑌤𑍍𑌤𑍇𑌵𑌿𑌭𑍀𑌷𑌣 ॥ 16 ॥

𑌨 𑌤𑍍𑌵𑌾𑌂𑌧𑌰𑍍𑌷𑌯𑌿𑌤𑍁𑌂𑌶𑌕𑍍𑌤𑌾𑌸𑍍𑌸𑍇𑌂𑌦𑍍𑌰𑌾𑌅𑌪𑌿𑌦𑌿𑌵𑍌𑌕𑌸𑌃 ।
𑌯𑍋𑌧𑍍𑌯𑌾𑌂𑌪𑍍𑌰𑌤𑌿𑌯𑌾𑌸𑍍𑌯𑌾𑌮𑌿𑌰𑌾𑌜𑌧𑌾𑌨𑍀𑌂𑌪𑌿𑌤𑍁𑌰𑍍𑌮𑌮 ॥ 1𑍭 ॥

𑌅𑌭𑍍𑌯𑌨𑍁𑌜𑍍𑌞𑌾𑌤𑍁𑌮𑌿𑌚𑍍𑌛𑌾𑌮𑌿𑌸𑌰𑍍𑌵𑌾𑌨𑌾𑌮𑌂𑌤𑍍𑌰𑌯𑌾𑌮𑌿𑌵𑌃 ।
𑌵𑌮𑍁𑌕𑍍𑌤𑌾𑌸𑍍𑌤𑍁𑌰𑌾𑌮𑍇𑌣𑌹𑌰𑍀𑌂𑌦𑍍𑌰𑌾𑌹𑌰𑌯𑌸𑍍𑌤𑌥𑌾 ॥ 1𑍮 ॥

𑌊𑌚𑍁𑌃𑌪𑍍𑌰𑌾𑌂𑌜𑌲𑌯𑌸𑍍𑌸𑌰𑍍𑌵𑍇𑌰𑌾𑌕𑍍𑌷𑌸𑌶𑍍𑌚𑌵𑌿𑌭𑍀𑌷𑌣𑌃 ।
𑌅𑌯𑍋𑌧𑍍𑌯𑌾𑌂𑌗𑌂𑌤𑍁𑌮𑌿𑌚𑍍𑌛𑌾𑌮𑌃𑌸𑌰𑍍𑌵𑌨𑍍𑌨𑌯𑌤𑍁𑌨𑍋𑌭𑌵𑌾𑌨𑍍 ॥ 1𑍯 ॥

𑌮𑍁𑌦𑍍𑌯𑍁𑌕𑍍𑌤𑌾𑌵𑌿𑌚𑌰𑌿𑌷𑍍𑌯𑌾𑌮𑍋𑌵𑌨𑌾𑌨𑍍𑌯𑍁𑌪𑌨𑌨𑌾𑌨𑌿 𑌚 ।
𑌦𑍃𑌷𑍍𑌟𑌵𑌾𑌤𑍍𑌵𑌾𑌮𑌭𑌿𑌷𑍇𑌕𑌾𑌰𑍍𑌧𑍍𑌰𑌂𑌕𑍌𑌸𑌲𑍍𑌯𑌾𑌮𑌭𑌿𑌵𑌾𑌦𑍍𑌯 𑌚 ॥ 20 ॥

𑌅𑌚𑌿𑌰𑌾𑌦𑌗𑌮𑌿𑌷𑍍𑌯𑌾𑌮𑌃𑌸𑍍𑌵𑌗𑍃𑌹𑌾𑌨𑍍𑌨𑍃𑌪𑌸𑌤𑍍𑌤𑌮 ।
𑌏𑌵𑌮𑍁𑌕𑍍𑌤𑌸𑍍𑌸𑌧𑌰𑍍𑌮𑌾𑌤𑍍𑌮𑌾𑌵𑌾𑌨𑌰𑍈𑌸𑍍𑌸𑌵𑌿𑌭𑍀𑌷𑌣𑍈𑌃 ॥ 21 ॥

𑌅𑌬𑍍𑌰𑌵𑍀𑌦𑍍𑌵𑌾𑌨𑌰𑌾𑌨𑍍𑌰𑌾𑌮𑌸𑍍𑌸𑌸𑍁𑌗𑍍𑌰𑍀𑌵𑌵𑌿𑌭𑍀𑌷𑌣𑌾𑌨𑍍 ।
𑌪𑍍𑌰𑌿𑌯𑌯𑌤𑌰𑌂𑌲𑌬𑍍𑌦𑌂𑌯𑌦𑌹𑌂𑌸𑌸𑍁𑌹𑍃𑌜𑍍𑌜𑌨𑌃 ॥ 22 ॥

𑌸𑌰𑍍𑌵𑍈𑌰𑍍𑌭𑌵𑌦𑍍𑌭𑌿𑌃𑌸𑌹𑌿𑌤𑌃𑌪𑍍𑌰𑍀𑌤𑌿𑌂𑌲𑌪𑍍𑌸𑍍𑌯𑍇𑌪𑍁𑌰𑍀𑌂𑌗𑌤𑌃 ।
𑌕𑍍𑌷𑌿𑌪𑍍𑌰𑌂 𑌸𑍁𑌗𑍍𑌰𑍀𑌵𑌵𑌿𑌮𑌾𑌨𑌂𑌵𑌾𑌨𑌰𑍈𑌸𑍍𑌸𑌹 ॥ 23 ॥

𑌤𑍍𑌵𑌮𑌪𑍍𑌯𑌾𑌰𑍋𑌹𑌸𑌾𑌮𑌾𑌤𑍍𑌯𑍋𑌰𑌾𑌕𑍍𑌷𑌸𑍇𑌂𑌦𑍍𑌰𑌵𑌿𑌭𑍀𑌷𑌣 ।
𑌤𑌤𑌃 𑌸 𑌪𑍁𑌷𑍍𑌪𑌕𑌂𑌦𑌿𑌵𑍍𑌯𑌂𑌸𑍁𑌗𑍍𑌰𑍀𑌵𑌸𑍍𑌸𑌹𑌵𑌾𑌨𑌰𑍈𑌃 ॥ 24 ॥

𑌆𑌰𑍁𑌰𑍋𑌹𑌮𑍁𑌦𑌾𑌯𑍁𑌕𑍍𑌤𑌃𑌸𑌾𑌮𑌾𑌤𑍍𑌯𑌶𑍍𑌚𑌵𑌿𑌭𑍀𑌷𑌣𑌃 ।
𑌤𑍇𑌷𑍍𑌵𑌾𑌰𑍂𑌢𑍇𑌷𑍁𑌸𑌰𑍍𑌵𑍇𑌷𑍁𑌕𑍌𑌬𑍇𑌰𑌂𑌪𑌰𑌮𑌾𑌸𑌨𑌮𑍍 ॥ 25 ॥

𑌰𑌾𑌘𑌵𑌣𑌾𑌭𑍍𑌯𑌨𑍁𑌜𑍍𑌞𑌾𑌤𑌮𑍁𑌤𑍍𑌪𑌪𑌾𑌤𑌵𑌿𑌹𑌾𑌯𑌸𑌮𑍍 ।
𑌗𑌤𑍇𑌨𑌵𑌿𑌮𑌾𑌨𑍇𑌨𑌹𑌂𑌸𑌯𑍁𑌕𑍍𑌤𑍇𑌨𑌭𑌾𑌸𑍍𑌵𑌤𑌾 ॥ 26 ॥

𑌪𑍍𑌰𑌹𑍃𑌷𑍍𑌟𑌶𑍍𑌚𑌪𑍍𑌰𑌤𑍀𑌤𑌶𑍍𑌚𑌬𑌭𑍌𑌰𑌾𑌮𑌃𑌕𑍁𑌬𑍇𑌰𑌵𑌤𑍍 ।
𑌤𑍇𑌸𑌰𑍍𑌵𑍇𑌵𑌾𑌨𑌰𑌰𑍍𑌰𑍍𑌕𑍍𑌷𑌶𑍍𑌚𑌰𑌾𑌕𑍍𑌷𑌸𑌾𑌶𑍍𑌚𑌮𑌹𑌾𑌬𑌲𑌾𑌃 ॥ 2𑍭 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌪𑌂𑌚𑌵𑌿𑌂𑌶𑌤𑍍𑌯𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ॥


Browse Related Categories: