ශ්රීමද්වාල්මීකීය රාමායණේ යුද්ධකාංඩම් ।
අථ පංචවිංශත්යධිකශතතමස්සර්ගඃ ।
උපස්ථිතංතුතංකෘත්වාපුෂ්පකංපුෂ්පභූෂිතම් ।
අවිදූරේස්ථිතෝරාමමිත්යුවාචවිභීෂණඃ ॥ 1 ॥
ස තුබද්ධාංජලිඃ ප්රහ්වෝවිනීතෝරාක්ෂසේශ්වරඃ ।
අබ්රවීත්ත්වරයෝපේතඃකිංකරෝමීතිරාඝවම් ॥ 2 ॥
තමබ්රවීන්මහාතේජාලක්ෂ්මණස්යෝපශෘණ්වතඃ ।
විමෘශ්යරාඝවෝවාක්යමිදංස්නේහපුරස්කෘතම් ॥ 3 ॥
කෘතප්රයත්නකර්මාණඃසර්වඒවවනේචරාඃ ।
රත්නෛරර්ථෛශ්චවිවිධෛස්සංපූජ්යංතාංවිභීෂණ ॥ 4 ॥
සහාමීභිස්ත්වයාලංකානිර්ජිතාරාක්ෂසේශ්වර ।
හෘෂ්ටෛඃප්රාණභයංත්යක්ත්වාසංග්රාමේෂ්වනිවර්තිභිඃ ॥ 5 ॥
ත ඉමේකෘතකර්මාණස්සර්වඒවවනෞකසඃ ।
ධනරත්නප්රදානේනකර්මෛෂාංසඵලංකුරු ॥ 6 ॥
ඒවංසම්මානිතාශ්චේතේමානාර්හමානදාත්වයා ।
භවිෂ්යංතිකෘතජ්ඤේනනිර්වෘතාහරියූථපාඃ ॥ 7 ॥
ත්යාගිනංසංග්රහීතාරංසානුක්රෝශංජිතේංද්රියම් ।
සර්වේතතඃඅවගච්ඡංතිසංබෝධයාමිතේ ॥ 8 ॥
හීනංරතිගුණෛස්සර්වෛරභිහංතාරමාහවේ ।
සේනාත්යජතිසම්විග්නානෘපතිංතංනරේශ්වරා ॥ 9 ॥
ඒවමුක්තස්තුරාමේණවානරාංස්තාන්විභීෂණඃ ।
රත්නාර්ථසංවිභාගේනසර්වානේවාභ්යපූජයත් ॥ 10 ॥
තතස්තාන්පූජිතාංදෘෂ්ටවාරත්නාර්ථෛර්හරියූථපාන් ।
ආරුරෝහතදාරාමස්තද්විමානමනුත්තමම් ॥ 11 ॥
අංකේනාදායවෛදේහීංලජ්ජමානාංයශස්විනීම් ।
ලක්ෂ්මණේනසහභ්රාත්රාවික්රාංතේවධනුෂ්මතා ॥ 12 ॥
අබ්රවීත්සවිමානස්ථඃපූජයන්සර්වාවානරාන් ।
සුග්රීවං ච මහාවීර්යංකාකුත්ස්ථසවිභීෂණම් ॥ 13 ॥
මිත්රකාර්යංකෘතමිදංභවද්භිද්වානරර්ෂභාඃ ।
අනුජ්ඤාතාමයාසර්වේයථේෂ්ටංප්රතිගච්ඡත ॥ 14 ॥
යත්තුකාර්යංවයස්යේනස්නිග්ධේන ච හිතේන ච ।
කෘතංසුග්රීවතත්සර්වංභවතාධර්මභීරුණා ॥ 15 ॥
කිෂ්කිංධාංප්රතියාහ්යාවුස්වසෛන්යේනාභිසම්වෘතඃ ।
ස්වරාජ්යේවසලංකායාංමයාදත්තේවිභීෂණ ॥ 16 ॥
න ත්වාංධර්ෂයිතුංශක්තාස්සේංද්රාඅපිදිවෞකසඃ ।
යෝධ්යාංප්රතියාස්යාමිරාජධානීංපිතුර්මම ॥ 17 ॥
අභ්යනුජ්ඤාතුමිච්ඡාමිසර්වානාමංත්රයාමිවඃ ।
වමුක්තාස්තුරාමේණහරීංද්රාහරයස්තථා ॥ 18 ॥
ඌචුඃප්රාංජලයස්සර්වේරාක්ෂසශ්චවිභීෂණඃ ।
අයෝධ්යාංගංතුමිච්ඡාමඃසර්වන්නයතුනෝභවාන් ॥ 19 ॥
මුද්යුක්තාවිචරිෂ්යාමෝවනාන්යුපනනානි ච ।
දෘෂ්ටවාත්වාමභිෂේකාර්ධ්රංකෞසල්යාමභිවාද්ය ච ॥ 20 ॥
අචිරාදගමිෂ්යාමඃස්වගෘහාන්නෘපසත්තම ।
ඒවමුක්තස්සධර්මාත්මාවානරෛස්සවිභීෂණෛඃ ॥ 21 ॥
අබ්රවීද්වානරාන්රාමස්සසුග්රීවවිභීෂණාන් ।
ප්රියයතරංලබ්දංයදහංසසුහෘජ්ජනඃ ॥ 22 ॥
සර්වෛර්භවද්භිඃසහිතඃප්රීතිංලප්ස්යේපුරීංගතඃ ।
ක්ෂිප්රං සුග්රීවවිමානංවානරෛස්සහ ॥ 23 ॥
ත්වමප්යාරෝහසාමාත්යෝරාක්ෂසේංද්රවිභීෂණ ।
තතඃ ස පුෂ්පකංදිව්යංසුග්රීවස්සහවානරෛඃ ॥ 24 ॥
ආරුරෝහමුදායුක්තඃසාමාත්යශ්චවිභීෂණඃ ।
තේෂ්වාරූඪේෂුසර්වේෂුකෞබේරංපරමාසනම් ॥ 25 ॥
රාඝවණාභ්යනුජ්ඤාතමුත්පපාතවිහායසම් ।
ගතේනවිමානේනහංසයුක්තේනභාස්වතා ॥ 26 ॥
ප්රහෘෂ්ටශ්චප්රතීතශ්චබභෞරාමඃකුබේරවත් ।
තේසර්වේවානරර්ර්ක්ෂශ්චරාක්ෂසාශ්චමහාබලාඃ ॥ 27 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ පංචවිංශත්යධිකශතතමස්සර්ගඃ ॥
