শ্রীমদ্বাল্মীকীয রামাযণে যুদ্ধকাংডম্ ।
অথ পংচবিংশত্যধিকশততমস্সর্গঃ ।
উপস্থিতংতুতংকৃত্বাপুষ্পকংপুষ্পভূষিতম্ ।
অবিদূরেস্থিতোরামমিত্যুবাচবিভীষণঃ ॥ 1 ॥
স তুবদ্ধাংজলিঃ প্রহ্বোবিনীতোরাক্ষসেশ্বরঃ ।
অব্রবীত্ত্বরযোপেতঃকিংকরোমীতিরাঘবম্ ॥ 2 ॥
তমব্রবীন্মহাতেজালক্ষ্মণস্যোপশৃণ্বতঃ ।
বিমৃশ্যরাঘবোবাক্যমিদংস্নেহপুরস্কৃতম্ ॥ 3 ॥
কৃতপ্রযত্নকর্মাণঃসর্বএববনেচরাঃ ।
রত্নৈরর্থৈশ্চবিবিধৈস্সংপূজ্যংতাংবিভীষণ ॥ 4 ॥
সহামীভিস্ত্বযালংকানির্জিতারাক্ষসেশ্বর ।
হৃষ্টৈঃপ্রাণভযংত্যক্ত্বাসংগ্রামেষ্বনিবর্তিভিঃ ॥ 5 ॥
ত ইমেকৃতকর্মাণস্সর্বএববনৌকসঃ ।
ধনরত্নপ্রদানেনকর্মৈষাংসফলংকুরু ॥ 6 ॥
এবংসম্মানিতাশ্চেতেমানার্হমানদাত্বযা ।
ভবিষ্যংতিকৃতজ্ঞেননির্বৃতাহরিযূথপাঃ ॥ 7 ॥
ত্যাগিনংসংগ্রহীতারংসানুক্রোশংজিতেংদ্রিযম্ ।
সর্বেততঃঅবগচ্ছংতিসংবোধযামিতে ॥ 8 ॥
হীনংরতিগুণৈস্সর্বৈরভিহংতারমাহবে ।
সেনাত্যজতিসম্বিগ্নানৃপতিংতংনরেশ্বরা ॥ 9 ॥
এবমুক্তস্তুরামেণবানরাংস্তান্বিভীষণঃ ।
রত্নার্থসংবিভাগেনসর্বানেবাভ্যপূজযত্ ॥ 10 ॥
ততস্তান্পূজিতাংদৃষ্টবারত্নার্থৈর্হরিযূথপান্ ।
আরুরোহতদারামস্তদ্বিমানমনুত্তমম্ ॥ 11 ॥
অংকেনাদাযবৈদেহীংলজ্জমানাংযশস্বিনীম্ ।
লক্ষ্মণেনসহভ্রাত্রাবিক্রাংতেবধনুষ্মতা ॥ 12 ॥
অব্রবীত্সবিমানস্থঃপূজযন্সর্বাবানরান্ ।
সুগ্রীবং চ মহাবীর্যংকাকুত্স্থসবিভীষণম্ ॥ 13 ॥
মিত্রকার্যংকৃতমিদংভবদ্ভিদ্বানরর্ষভাঃ ।
অনুজ্ঞাতামযাসর্বেযথেষ্টংপ্রতিগচ্ছত ॥ 14 ॥
যত্তুকার্যংবযস্যেনস্নিগ্ধেন চ হিতেন চ ।
কৃতংসুগ্রীবতত্সর্বংভবতাধর্মভীরুণা ॥ 15 ॥
কিষ্কিংধাংপ্রতিযাহ্যাবুস্বসৈন্যেনাভিসম্বৃতঃ ।
স্বরাজ্যেবসলংকাযাংমযাদত্তেবিভীষণ ॥ 16 ॥
ন ত্বাংধর্ষযিতুংশক্তাস্সেংদ্রাঅপিদিবৌকসঃ ।
যোধ্যাংপ্রতিযাস্যামিরাজধানীংপিতুর্মম ॥ 17 ॥
অভ্যনুজ্ঞাতুমিচ্ছামিসর্বানামংত্রযামিবঃ ।
বমুক্তাস্তুরামেণহরীংদ্রাহরযস্তথা ॥ 18 ॥
ঊচুঃপ্রাংজলযস্সর্বেরাক্ষসশ্চবিভীষণঃ ।
অযোধ্যাংগংতুমিচ্ছামঃসর্বন্নযতুনোভবান্ ॥ 19 ॥
মুদ্যুক্তাবিচরিষ্যামোবনান্যুপননানি চ ।
দৃষ্টবাত্বামভিষেকার্ধ্রংকৌসল্যামভিবাদ্য চ ॥ 20 ॥
অচিরাদগমিষ্যামঃস্বগৃহান্নৃপসত্তম ।
এবমুক্তস্সধর্মাত্মাবানরৈস্সবিভীষণৈঃ ॥ 21 ॥
অব্রবীদ্বানরান্রামস্সসুগ্রীববিভীষণান্ ।
প্রিযযতরংলব্দংযদহংসসুহৃজ্জনঃ ॥ 22 ॥
সর্বৈর্ভবদ্ভিঃসহিতঃপ্রীতিংলপ্স্যেপুরীংগতঃ ।
ক্ষিপ্রং সুগ্রীববিমানংবানরৈস্সহ ॥ 23 ॥
ত্বমপ্যারোহসামাত্যোরাক্ষসেংদ্রবিভীষণ ।
ততঃ স পুষ্পকংদিব্যংসুগ্রীবস্সহবানরৈঃ ॥ 24 ॥
আরুরোহমুদাযুক্তঃসামাত্যশ্চবিভীষণঃ ।
তেষ্বারূঢেষুসর্বেষুকৌবেরংপরমাসনম্ ॥ 25 ॥
রাঘবণাভ্যনুজ্ঞাতমুত্পপাতবিহাযসম্ ।
গতেনবিমানেনহংসযুক্তেনভাস্বতা ॥ 26 ॥
প্রহৃষ্টশ্চপ্রতীতশ্চবভৌরামঃকুবেরবত্ ।
তেসর্বেবানরর্র্ক্ষশ্চরাক্ষসাশ্চমহাবলাঃ ॥ 27 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে পংচবিংশত্যধিকশততমস্সর্গঃ ॥
