શ્રીમદ્વાલ્મીકીય રામાયણે યુદ્ધકાંડમ્ ।
અથ પંચવિંશત્યધિકશતતમસ્સર્ગઃ ।
ઉપસ્થિતંતુતંકૃત્વાપુષ્પકંપુષ્પભૂષિતમ્ ।
અવિદૂરેસ્થિતોરામમિત્યુવાચવિભીષણઃ ॥ 1 ॥
સ તુબદ્ધાંજલિઃ પ્રહ્વોવિનીતોરાક્ષસેશ્વરઃ ।
અબ્રવીત્ત્વરયોપેતઃકિંકરોમીતિરાઘવમ્ ॥ 2 ॥
તમબ્રવીન્મહાતેજાલક્ષ્મણસ્યોપશૃણ્વતઃ ।
વિમૃશ્યરાઘવોવાક્યમિદંસ્નેહપુરસ્કૃતમ્ ॥ 3 ॥
કૃતપ્રયત્નકર્માણઃસર્વએવવનેચરાઃ ।
રત્નૈરર્થૈશ્ચવિવિધૈસ્સંપૂજ્યંતાંવિભીષણ ॥ 4 ॥
સહામીભિસ્ત્વયાલંકાનિર્જિતારાક્ષસેશ્વર ।
હૃષ્ટૈઃપ્રાણભયંત્યક્ત્વાસંગ્રામેષ્વનિવર્તિભિઃ ॥ 5 ॥
ત ઇમેકૃતકર્માણસ્સર્વએવવનૌકસઃ ।
ધનરત્નપ્રદાનેનકર્મૈષાંસફલંકુરુ ॥ 6 ॥
એવંસમ્માનિતાશ્ચેતેમાનાર્હમાનદાત્વયા ।
ભવિષ્યંતિકૃતજ્ઞેનનિર્વૃતાહરિયૂથપાઃ ॥ 7 ॥
ત્યાગિનંસંગ્રહીતારંસાનુક્રોશંજિતેંદ્રિયમ્ ।
સર્વેતતઃઅવગચ્છંતિસંબોધયામિતે ॥ 8 ॥
હીનંરતિગુણૈસ્સર્વૈરભિહંતારમાહવે ।
સેનાત્યજતિસમ્વિગ્નાનૃપતિંતંનરેશ્વરા ॥ 9 ॥
એવમુક્તસ્તુરામેણવાનરાંસ્તાન્વિભીષણઃ ।
રત્નાર્થસંવિભાગેનસર્વાનેવાભ્યપૂજયત્ ॥ 10 ॥
તતસ્તાન્પૂજિતાંદૃષ્ટવારત્નાર્થૈર્હરિયૂથપાન્ ।
આરુરોહતદારામસ્તદ્વિમાનમનુત્તમમ્ ॥ 11 ॥
અંકેનાદાયવૈદેહીંલજ્જમાનાંયશસ્વિનીમ્ ।
લક્ષ્મણેનસહભ્રાત્રાવિક્રાંતેવધનુષ્મતા ॥ 12 ॥
અબ્રવીત્સવિમાનસ્થઃપૂજયન્સર્વાવાનરાન્ ।
સુગ્રીવં ચ મહાવીર્યંકાકુત્સ્થસવિભીષણમ્ ॥ 13 ॥
મિત્રકાર્યંકૃતમિદંભવદ્ભિદ્વાનરર્ષભાઃ ।
અનુજ્ઞાતામયાસર્વેયથેષ્ટંપ્રતિગચ્છત ॥ 14 ॥
યત્તુકાર્યંવયસ્યેનસ્નિગ્ધેન ચ હિતેન ચ ।
કૃતંસુગ્રીવતત્સર્વંભવતાધર્મભીરુણા ॥ 15 ॥
કિષ્કિંધાંપ્રતિયાહ્યાવુસ્વસૈન્યેનાભિસમ્વૃતઃ ।
સ્વરાજ્યેવસલંકાયાંમયાદત્તેવિભીષણ ॥ 16 ॥
ન ત્વાંધર્ષયિતુંશક્તાસ્સેંદ્રાઅપિદિવૌકસઃ ।
યોધ્યાંપ્રતિયાસ્યામિરાજધાનીંપિતુર્મમ ॥ 17 ॥
અભ્યનુજ્ઞાતુમિચ્છામિસર્વાનામંત્રયામિવઃ ।
વમુક્તાસ્તુરામેણહરીંદ્રાહરયસ્તથા ॥ 18 ॥
ઊચુઃપ્રાંજલયસ્સર્વેરાક્ષસશ્ચવિભીષણઃ ।
અયોધ્યાંગંતુમિચ્છામઃસર્વન્નયતુનોભવાન્ ॥ 19 ॥
મુદ્યુક્તાવિચરિષ્યામોવનાન્યુપનનાનિ ચ ।
દૃષ્ટવાત્વામભિષેકાર્ધ્રંકૌસલ્યામભિવાદ્ય ચ ॥ 20 ॥
અચિરાદગમિષ્યામઃસ્વગૃહાન્નૃપસત્તમ ।
એવમુક્તસ્સધર્માત્માવાનરૈસ્સવિભીષણૈઃ ॥ 21 ॥
અબ્રવીદ્વાનરાન્રામસ્સસુગ્રીવવિભીષણાન્ ।
પ્રિયયતરંલબ્દંયદહંસસુહૃજ્જનઃ ॥ 22 ॥
સર્વૈર્ભવદ્ભિઃસહિતઃપ્રીતિંલપ્સ્યેપુરીંગતઃ ।
ક્ષિપ્રં સુગ્રીવવિમાનંવાનરૈસ્સહ ॥ 23 ॥
ત્વમપ્યારોહસામાત્યોરાક્ષસેંદ્રવિભીષણ ।
તતઃ સ પુષ્પકંદિવ્યંસુગ્રીવસ્સહવાનરૈઃ ॥ 24 ॥
આરુરોહમુદાયુક્તઃસામાત્યશ્ચવિભીષણઃ ।
તેષ્વારૂઢેષુસર્વેષુકૌબેરંપરમાસનમ્ ॥ 25 ॥
રાઘવણાભ્યનુજ્ઞાતમુત્પપાતવિહાયસમ્ ।
ગતેનવિમાનેનહંસયુક્તેનભાસ્વતા ॥ 26 ॥
પ્રહૃષ્ટશ્ચપ્રતીતશ્ચબભૌરામઃકુબેરવત્ ।
તેસર્વેવાનરર્ર્ક્ષશ્ચરાક્ષસાશ્ચમહાબલાઃ ॥ 27 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે પંચવિંશત્યધિકશતતમસ્સર્ગઃ ॥
