శ్రీమద్వాల్మీకీయ రామాయణే యుద్ధకాండమ్ ।
అథ పంచవింశత్యధికశతతమస్సర్గః ।
ఉపస్థితంతుతంకృత్వాపుష్పకంపుష్పభూషితమ్ ।
అవిదూరేస్థితోరామమిత్యువాచవిభీషణః ॥ 1 ॥
స తుబద్ధాంజలిః ప్రహ్వోవినీతోరాక్షసేశ్వరః ।
అబ్రవీత్త్వరయోపేతఃకింకరోమీతిరాఘవమ్ ॥ 2 ॥
తమబ్రవీన్మహాతేజాలక్ష్మణస్యోపశృణ్వతః ।
విమృశ్యరాఘవోవాక్యమిదంస్నేహపురస్కృతమ్ ॥ 3 ॥
కృతప్రయత్నకర్మాణఃసర్వఏవవనేచరాః ।
రత్నైరర్థైశ్చవివిధైస్సంపూజ్యంతాంవిభీషణ ॥ 4 ॥
సహామీభిస్త్వయాలంకానిర్జితారాక్షసేశ్వర ।
హృష్టైఃప్రాణభయంత్యక్త్వాసంగ్రామేష్వనివర్తిభిః ॥ 5 ॥
త ఇమేకృతకర్మాణస్సర్వఏవవనౌకసః ।
ధనరత్నప్రదానేనకర్మైషాంసఫలంకురు ॥ 6 ॥
ఏవంసమ్మానితాశ్చేతేమానార్హమానదాత్వయా ।
భవిష్యంతికృతజ్ఞేననిర్వృతాహరియూథపాః ॥ 7 ॥
త్యాగినంసంగ్రహీతారంసానుక్రోశంజితేంద్రియమ్ ।
సర్వేతతఃఅవగచ్ఛంతిసంబోధయామితే ॥ 8 ॥
హీనంరతిగుణైస్సర్వైరభిహంతారమాహవే ।
సేనాత్యజతిసమ్విగ్నానృపతింతంనరేశ్వరా ॥ 9 ॥
ఏవముక్తస్తురామేణవానరాంస్తాన్విభీషణః ।
రత్నార్థసంవిభాగేనసర్వానేవాభ్యపూజయత్ ॥ 10 ॥
తతస్తాన్పూజితాందృష్టవారత్నార్థైర్హరియూథపాన్ ।
ఆరురోహతదారామస్తద్విమానమనుత్తమమ్ ॥ 11 ॥
అంకేనాదాయవైదేహీంలజ్జమానాంయశస్వినీమ్ ।
లక్ష్మణేనసహభ్రాత్రావిక్రాంతేవధనుష్మతా ॥ 12 ॥
అబ్రవీత్సవిమానస్థఃపూజయన్సర్వావానరాన్ ।
సుగ్రీవం చ మహావీర్యంకాకుత్స్థసవిభీషణమ్ ॥ 13 ॥
మిత్రకార్యంకృతమిదంభవద్భిద్వానరర్షభాః ।
అనుజ్ఞాతామయాసర్వేయథేష్టంప్రతిగచ్ఛత ॥ 14 ॥
యత్తుకార్యంవయస్యేనస్నిగ్ధేన చ హితేన చ ।
కృతంసుగ్రీవతత్సర్వంభవతాధర్మభీరుణా ॥ 15 ॥
కిష్కింధాంప్రతియాహ్యావుస్వసైన్యేనాభిసమ్వృతః ।
స్వరాజ్యేవసలంకాయాంమయాదత్తేవిభీషణ ॥ 16 ॥
న త్వాంధర్షయితుంశక్తాస్సేంద్రాఅపిదివౌకసః ।
యోధ్యాంప్రతియాస్యామిరాజధానీంపితుర్మమ ॥ 17 ॥
అభ్యనుజ్ఞాతుమిచ్ఛామిసర్వానామంత్రయామివః ।
వముక్తాస్తురామేణహరీంద్రాహరయస్తథా ॥ 18 ॥
ఊచుఃప్రాంజలయస్సర్వేరాక్షసశ్చవిభీషణః ।
అయోధ్యాంగంతుమిచ్ఛామఃసర్వన్నయతునోభవాన్ ॥ 19 ॥
ముద్యుక్తావిచరిష్యామోవనాన్యుపననాని చ ।
దృష్టవాత్వామభిషేకార్ధ్రంకౌసల్యామభివాద్య చ ॥ 20 ॥
అచిరాదగమిష్యామఃస్వగృహాన్నృపసత్తమ ।
ఏవముక్తస్సధర్మాత్మావానరైస్సవిభీషణైః ॥ 21 ॥
అబ్రవీద్వానరాన్రామస్ససుగ్రీవవిభీషణాన్ ।
ప్రియయతరంలబ్దంయదహంససుహృజ్జనః ॥ 22 ॥
సర్వైర్భవద్భిఃసహితఃప్రీతింలప్స్యేపురీంగతః ।
క్షిప్రం సుగ్రీవవిమానంవానరైస్సహ ॥ 23 ॥
త్వమప్యారోహసామాత్యోరాక్షసేంద్రవిభీషణ ।
తతః స పుష్పకందివ్యంసుగ్రీవస్సహవానరైః ॥ 24 ॥
ఆరురోహముదాయుక్తఃసామాత్యశ్చవిభీషణః ।
తేష్వారూఢేషుసర్వేషుకౌబేరంపరమాసనమ్ ॥ 25 ॥
రాఘవణాభ్యనుజ్ఞాతముత్పపాతవిహాయసమ్ ।
గతేనవిమానేనహంసయుక్తేనభాస్వతా ॥ 26 ॥
ప్రహృష్టశ్చప్రతీతశ్చబభౌరామఃకుబేరవత్ ।
తేసర్వేవానరర్ర్క్షశ్చరాక్షసాశ్చమహాబలాః ॥ 27 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే పంచవింశత్యధికశతతమస్సర్గః ॥
