શ્રીમદ્વાલ્મીકીય રામાયણે યુદ્ધકાંડમ્ ।
અથ સપ્તવિંશત્યધિકશતતમસ્સર્ગઃ ।
પૂર્ણેચતુર્દશેવર્ષેપંચમ્યાંલક્ષ્મણાગ્રજઃ ।
ભરદ્વાજાશ્રમંપ્રાપ્યવવંદેનિયતોમુનિમ્ ॥ 1 ॥
સોઽપૃચ્છદભિવાદ્યૈનંભરદ્વાજંતપોધનમ્ ।
શૃણોષિકચ્ચિદ્ભગવન્સુભિક્ષાનાયમંપુરે ॥ 2 ॥
કચ્ચિત્સયુક્તોભરતોજીવંત્યપિ ચ માતરઃ ।
એવમુક્તસ્તુરામેણભરદ્વાજોમહામુનિઃ ॥ 3 ॥
પ્રત્યુવાચરઘુશ્રેષ્ઠંસ્મિતપૂર્વંપ્રહૃષ્ટવત્ ।
પંકદિગ્ધસ્તુભરતોજટિલસ્ત્વાંપ્રતીક્ષતે ॥ 4 ॥
પાદુકતેપુરસ્કૃત્યસર્વં ચ કુશલંગૃહે ।
ત્વાંપુરાચીરવસનંપ્રવિશંતંમહાવનમ્ ॥ 5 ॥
સ્ત્રીતૃતીયંચ્યુતંરાજ્યાદ્ધર્મકામં ચ કેવલમ્ ।
પદાતિંત્યક્તસર્વસ્વંપિતુર્વચનકારિણમ્ ॥ 6 ॥
સર્વભોગૈઃપરિત્યક્તંસ્વર્ગચ્યુતમિવામરમ્ ।
દૃષ્ટાતુકરુણાપૂર્વંમમાસીત્સમિતિંજયઃ ॥ 7 ॥
કૈકેયીવચનેયુક્તંવન્યમૂલફલાશિનમ્ ।
સાંપ્રતંતુસમૃદ્ધાર્થંસમિત્રગણબાંધવમ્ ॥ 8 ॥
સમીક્ષ્યવિજિતારિં ચ સમાભૂપ્રતીતિરુત્તમા ।
સર્વં ચ સુખદુઃખંતેવિદિતંમમરાઘવ ।
યત્ત્વયાવિપુલંપ્રાપ્તંજનસ્થાન્નવધાદિકમ્ ॥ 9 ॥
બ્રાહ્મણાર્થેનિયુક્તસ્યરક્ષતઃસર્વતાપસાન્ ।
રાવણેનહૃતાભાર્યાબભૂવેયમનિતા ॥ 10 ॥
મારીચદર્શનંચૈવસીતોન્મધનમેવ ચ ।
કબંધદર્શનંચૈવસંપાભિગમનંતથા ॥ 11 ॥
સુગ્રીવેણ ચ તેસખ્યંયથાવાલીહતસ્ત્વયા ।
માર્ગણંચૈવવૈદેહ્યાઃકર્મવાતાત્મજસ્ય ચ ॥ 12 ॥
વિદિતાયાં ચ સીતાયાંનલસેતુર્યથાકૃતઃ ।
યથાચાદીપિતાલંકાપ્રહૃષ્ટૈર્હરિયૂથપૈઃ ॥ 13 ॥
સપુત્રબાંદવામાત્યઃસબલઃસહાવાહનઃ ।
યથા ચ નિહતઃસંખ્યેરાવણોબલદર્પિતઃ ॥ 14 ॥
યથા ચ નિહતેતસ્મિન્ રાવણેદેવકંટકે ।
સમાગમશ્ચત્રિદશૈર્યથાદત્તશ્ચતેવરઃ ॥ 15 ॥
સર્વંમમૈતદ્વિદિતંતપસાધર્મવત્સલ ।
સંપતંતિ ચ મેશિષ્યાઃપ્રવૃત્તાખ્યાઃપુરીમિતઃ ॥ 16 ॥
અહમપ્યદ્યતેદદ્મિવરંશસ્ત્રભૃતાંવર ।
અર્ઘ્યંપ્રતિગૃહાણેદમયોધ્યાંશ્વોગમિષ્યસિ ॥ 17 ॥
તસ્યતચ્છિરસાવાક્યંપ્રતિગૃહ્યનૃપાત્મજઃ ।
બાઢમિત્યેવસમ્હૃષ્ટઃશ્રીમાન્વરમયાચત ॥ 18 ॥
અકાલફલિનોવૃક્ષાસ્સર્વેચાપિમધુસ્રવાઃ ।
ફલાન્યમૃતગંધીનિબહૂનિવિવિધાનિ ચ ॥ 19 ॥
ભવંતુમાર્ગેભગવન્નયોધ્યાંપ્રતિગચ્છતઃ ।
તથેતિ ચ પ્રતિજ્ઞાતેવચનાત્સમનંતરમ્ ॥ 20 ॥
અભવન્પાદપાસ્તત્રસ્વર્ગપાદપસન્નિભાઃ ।
પુષ્ફલાઃફલિનશ્ચાસવનિપુષ્પાઃપુષ્પશાલિનઃ ॥ 21 ॥
શુષ્કાસ્સમગ્રપત્રાસ્તેનગાશ્ચૈવમધુસ્રવાઃ ।
સર્વતોયોજનાસ્ત્રિસ્રોગચ્છતામભવંસ્તદા ॥ 22 ॥
તતઃપ્રહૃષ્ટાઃપ્લવગર્ષભાસ્તેબહૂનિદિવ્યાનિફલાનિચૈવ ।
કામાદુપાશ્નંતિસહસ્રશસ્તેમુદાવનિતાસ્સ્વર્ગજિતોમુદેવ ॥ 23 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે સપ્તવિંશત્યધિકશતતમસ્સર્ગઃ ॥
