శ్రీమద్వాల్మీకీయ రామాయణే యుద్ధకాండమ్ ।
అథ సప్తవింశత్యధికశతతమస్సర్గః ।
పూర్ణేచతుర్దశేవర్షేపంచమ్యాంలక్ష్మణాగ్రజః ।
భరద్వాజాశ్రమంప్రాప్యవవందేనియతోమునిమ్ ॥ 1 ॥
సోఽపృచ్ఛదభివాద్యైనంభరద్వాజంతపోధనమ్ ।
శృణోషికచ్చిద్భగవన్సుభిక్షానాయమంపురే ॥ 2 ॥
కచ్చిత్సయుక్తోభరతోజీవంత్యపి చ మాతరః ।
ఏవముక్తస్తురామేణభరద్వాజోమహామునిః ॥ 3 ॥
ప్రత్యువాచరఘుశ్రేష్ఠంస్మితపూర్వంప్రహృష్టవత్ ।
పంకదిగ్ధస్తుభరతోజటిలస్త్వాంప్రతీక్షతే ॥ 4 ॥
పాదుకతేపురస్కృత్యసర్వం చ కుశలంగృహే ।
త్వాంపురాచీరవసనంప్రవిశంతంమహావనమ్ ॥ 5 ॥
స్త్రీతృతీయంచ్యుతంరాజ్యాద్ధర్మకామం చ కేవలమ్ ।
పదాతింత్యక్తసర్వస్వంపితుర్వచనకారిణమ్ ॥ 6 ॥
సర్వభోగైఃపరిత్యక్తంస్వర్గచ్యుతమివామరమ్ ।
దృష్టాతుకరుణాపూర్వంమమాసీత్సమితింజయః ॥ 7 ॥
కైకేయీవచనేయుక్తంవన్యమూలఫలాశినమ్ ।
సాంప్రతంతుసమృద్ధార్థంసమిత్రగణబాంధవమ్ ॥ 8 ॥
సమీక్ష్యవిజితారిం చ సమాభూప్రతీతిరుత్తమా ।
సర్వం చ సుఖదుఃఖంతేవిదితంమమరాఘవ ।
యత్త్వయావిపులంప్రాప్తంజనస్థాన్నవధాదికమ్ ॥ 9 ॥
బ్రాహ్మణార్థేనియుక్తస్యరక్షతఃసర్వతాపసాన్ ।
రావణేనహృతాభార్యాబభూవేయమనితా ॥ 10 ॥
మారీచదర్శనంచైవసీతోన్మధనమేవ చ ।
కబంధదర్శనంచైవసంపాభిగమనంతథా ॥ 11 ॥
సుగ్రీవేణ చ తేసఖ్యంయథావాలీహతస్త్వయా ।
మార్గణంచైవవైదేహ్యాఃకర్మవాతాత్మజస్య చ ॥ 12 ॥
విదితాయాం చ సీతాయాంనలసేతుర్యథాకృతః ।
యథాచాదీపితాలంకాప్రహృష్టైర్హరియూథపైః ॥ 13 ॥
సపుత్రబాందవామాత్యఃసబలఃసహావాహనః ।
యథా చ నిహతఃసంఖ్యేరావణోబలదర్పితః ॥ 14 ॥
యథా చ నిహతేతస్మిన్ రావణేదేవకంటకే ।
సమాగమశ్చత్రిదశైర్యథాదత్తశ్చతేవరః ॥ 15 ॥
సర్వంమమైతద్విదితంతపసాధర్మవత్సల ।
సంపతంతి చ మేశిష్యాఃప్రవృత్తాఖ్యాఃపురీమితః ॥ 16 ॥
అహమప్యద్యతేదద్మివరంశస్త్రభృతాంవర ।
అర్ఘ్యంప్రతిగృహాణేదమయోధ్యాంశ్వోగమిష్యసి ॥ 17 ॥
తస్యతచ్ఛిరసావాక్యంప్రతిగృహ్యనృపాత్మజః ।
బాఢమిత్యేవసమ్హృష్టఃశ్రీమాన్వరమయాచత ॥ 18 ॥
అకాలఫలినోవృక్షాస్సర్వేచాపిమధుస్రవాః ।
ఫలాన్యమృతగంధీనిబహూనివివిధాని చ ॥ 19 ॥
భవంతుమార్గేభగవన్నయోధ్యాంప్రతిగచ్ఛతః ।
తథేతి చ ప్రతిజ్ఞాతేవచనాత్సమనంతరమ్ ॥ 20 ॥
అభవన్పాదపాస్తత్రస్వర్గపాదపసన్నిభాః ।
పుష్ఫలాఃఫలినశ్చాసవనిపుష్పాఃపుష్పశాలినః ॥ 21 ॥
శుష్కాస్సమగ్రపత్రాస్తేనగాశ్చైవమధుస్రవాః ।
సర్వతోయోజనాస్త్రిస్రోగచ్ఛతామభవంస్తదా ॥ 22 ॥
తతఃప్రహృష్టాఃప్లవగర్షభాస్తేబహూనిదివ్యానిఫలానిచైవ ।
కామాదుపాశ్నంతిసహస్రశస్తేముదావనితాస్స్వర్గజితోముదేవ ॥ 23 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే సప్తవింశత్యధికశతతమస్సర్గః ॥
