ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ସପ୍ତଵିଂଶତ୍ୟଧିକଶତତମସ୍ସର୍ଗଃ ।
ପୂର୍ଣେଚତୁର୍ଦଶେଵର୍ଷେପଂଚମ୍ୟାଂଲକ୍ଷ୍ମଣାଗ୍ରଜଃ ।
ଭରଦ୍ଵାଜାଶ୍ରମଂପ୍ରାପ୍ୟଵଵଂଦେନିୟତୋମୁନିମ୍ ॥ 1 ॥
ସୋଽପୃଚ୍ଛଦଭିଵାଦ୍ୟୈନଂଭରଦ୍ଵାଜଂତପୋଧନମ୍ ।
ଶୃଣୋଷିକଚ୍ଚିଦ୍ଭଗଵନ୍ସୁଭିକ୍ଷାନାୟମଂପୁରେ ॥ 2 ॥
କଚ୍ଚିତ୍ସୟୁକ୍ତୋଭରତୋଜୀଵଂତ୍ୟପି ଚ ମାତରଃ ।
ଏଵମୁକ୍ତସ୍ତୁରାମେଣଭରଦ୍ଵାଜୋମହାମୁନିଃ ॥ 3 ॥
ପ୍ରତ୍ୟୁଵାଚରଘୁଶ୍ରେଷ୍ଠଂସ୍ମିତପୂର୍ଵଂପ୍ରହୃଷ୍ଟଵତ୍ ।
ପଂକଦିଗ୍ଧସ୍ତୁଭରତୋଜଟିଲସ୍ତ୍ଵାଂପ୍ରତୀକ୍ଷତେ ॥ 4 ॥
ପାଦୁକତେପୁରସ୍କୃତ୍ୟସର୍ଵଂ ଚ କୁଶଲଂଗୃହେ ।
ତ୍ଵାଂପୁରାଚୀରଵସନଂପ୍ରଵିଶଂତଂମହାଵନମ୍ ॥ 5 ॥
ସ୍ତ୍ରୀତୃତୀୟଂଚ୍ୟୁତଂରାଜ୍ୟାଦ୍ଧର୍ମକାମଂ ଚ କେଵଲମ୍ ।
ପଦାତିଂତ୍ୟକ୍ତସର୍ଵସ୍ଵଂପିତୁର୍ଵଚନକାରିଣମ୍ ॥ 6 ॥
ସର୍ଵଭୋଗୈଃପରିତ୍ୟକ୍ତଂସ୍ଵର୍ଗଚ୍ୟୁତମିଵାମରମ୍ ।
ଦୃଷ୍ଟାତୁକରୁଣାପୂର୍ଵଂମମାସୀତ୍ସମିତିଂଜୟଃ ॥ 7 ॥
କୈକେୟୀଵଚନେୟୁକ୍ତଂଵନ୍ୟମୂଲଫଲାଶିନମ୍ ।
ସାଂପ୍ରତଂତୁସମୃଦ୍ଧାର୍ଥଂସମିତ୍ରଗଣବାଂଧଵମ୍ ॥ 8 ॥
ସମୀକ୍ଷ୍ୟଵିଜିତାରିଂ ଚ ସମାଭୂପ୍ରତୀତିରୁତ୍ତମା ।
ସର୍ଵଂ ଚ ସୁଖଦୁଃଖଂତେଵିଦିତଂମମରାଘଵ ।
ୟତ୍ତ୍ଵୟାଵିପୁଲଂପ୍ରାପ୍ତଂଜନସ୍ଥାନ୍ନଵଧାଦିକମ୍ ॥ 9 ॥
ବ୍ରାହ୍ମଣାର୍ଥେନିୟୁକ୍ତସ୍ୟରକ୍ଷତଃସର୍ଵତାପସାନ୍ ।
ରାଵଣେନହୃତାଭାର୍ୟାବଭୂଵେୟମନିତା ॥ 10 ॥
ମାରୀଚଦର୍ଶନଂଚୈଵସୀତୋନ୍ମଧନମେଵ ଚ ।
କବଂଧଦର୍ଶନଂଚୈଵସଂପାଭିଗମନଂତଥା ॥ 11 ॥
ସୁଗ୍ରୀଵେଣ ଚ ତେସଖ୍ୟଂୟଥାଵାଲୀହତସ୍ତ୍ଵୟା ।
ମାର୍ଗଣଂଚୈଵଵୈଦେହ୍ୟାଃକର୍ମଵାତାତ୍ମଜସ୍ୟ ଚ ॥ 12 ॥
ଵିଦିତାୟାଂ ଚ ସୀତାୟାଂନଲସେତୁର୍ୟଥାକୃତଃ ।
ୟଥାଚାଦୀପିତାଲଂକାପ୍ରହୃଷ୍ଟୈର୍ହରିୟୂଥପୈଃ ॥ 13 ॥
ସପୁତ୍ରବାଂଦଵାମାତ୍ୟଃସବଲଃସହାଵାହନଃ ।
ୟଥା ଚ ନିହତଃସଂଖ୍ୟେରାଵଣୋବଲଦର୍ପିତଃ ॥ 14 ॥
ୟଥା ଚ ନିହତେତସ୍ମିନ୍ ରାଵଣେଦେଵକଂଟକେ ।
ସମାଗମଶ୍ଚତ୍ରିଦଶୈର୍ୟଥାଦତ୍ତଶ୍ଚତେଵରଃ ॥ 15 ॥
ସର୍ଵଂମମୈତଦ୍ଵିଦିତଂତପସାଧର୍ମଵତ୍ସଲ ।
ସଂପତଂତି ଚ ମେଶିଷ୍ୟାଃପ୍ରଵୃତ୍ତାଖ୍ୟାଃପୁରୀମିତଃ ॥ 16 ॥
ଅହମପ୍ୟଦ୍ୟତେଦଦ୍ମିଵରଂଶସ୍ତ୍ରଭୃତାଂଵର ।
ଅର୍ଘ୍ୟଂପ୍ରତିଗୃହାଣେଦମୟୋଧ୍ୟାଂଶ୍ଵୋଗମିଷ୍ୟସି ॥ 17 ॥
ତସ୍ୟତଚ୍ଛିରସାଵାକ୍ୟଂପ୍ରତିଗୃହ୍ୟନୃପାତ୍ମଜଃ ।
ବାଢମିତ୍ୟେଵସମ୍ହୃଷ୍ଟଃଶ୍ରୀମାନ୍ଵରମୟାଚତ ॥ 18 ॥
ଅକାଲଫଲିନୋଵୃକ୍ଷାସ୍ସର୍ଵେଚାପିମଧୁସ୍ରଵାଃ ।
ଫଲାନ୍ୟମୃତଗଂଧୀନିବହୂନିଵିଵିଧାନି ଚ ॥ 19 ॥
ଭଵଂତୁମାର୍ଗେଭଗଵନ୍ନୟୋଧ୍ୟାଂପ୍ରତିଗଚ୍ଛତଃ ।
ତଥେତି ଚ ପ୍ରତିଜ୍ଞାତେଵଚନାତ୍ସମନଂତରମ୍ ॥ 20 ॥
ଅଭଵନ୍ପାଦପାସ୍ତତ୍ରସ୍ଵର୍ଗପାଦପସନ୍ନିଭାଃ ।
ପୁଷ୍ଫଲାଃଫଲିନଶ୍ଚାସଵନିପୁଷ୍ପାଃପୁଷ୍ପଶାଲିନଃ ॥ 21 ॥
ଶୁଷ୍କାସ୍ସମଗ୍ରପତ୍ରାସ୍ତେନଗାଶ୍ଚୈଵମଧୁସ୍ରଵାଃ ।
ସର୍ଵତୋୟୋଜନାସ୍ତ୍ରିସ୍ରୋଗଚ୍ଛତାମଭଵଂସ୍ତଦା ॥ 22 ॥
ତତଃପ୍ରହୃଷ୍ଟାଃପ୍ଲଵଗର୍ଷଭାସ୍ତେବହୂନିଦିଵ୍ୟାନିଫଲାନିଚୈଵ ।
କାମାଦୁପାଶ୍ନଂତିସହସ୍ରଶସ୍ତେମୁଦାଵନିତାସ୍ସ୍ଵର୍ଗଜିତୋମୁଦେଵ ॥ 23 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ସପ୍ତଵିଂଶତ୍ୟଧିକଶତତମସ୍ସର୍ଗଃ ॥
