ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಸಪ್ತವಿಂಶತ್ಯಧಿಕಶತತಮಸ್ಸರ್ಗಃ ।
ಪೂರ್ಣೇಚತುರ್ದಶೇವರ್ಷೇಪಞ್ಚಮ್ಯಾಂಲಕ್ಷ್ಮಣಾಗ್ರಜಃ ।
ಭರದ್ವಾಜಾಶ್ರಮಮ್ಪ್ರಾಪ್ಯವವನ್ದೇನಿಯತೋಮುನಿಮ್ ॥ 1 ॥
ಸೋಽಪೃಚ್ಛದಭಿವಾದ್ಯೈನಮ್ಭರದ್ವಾಜನ್ತಪೋಧನಮ್ ।
ಶೃಣೋಷಿಕಚ್ಚಿದ್ಭಗವನ್ಸುಭಿಕ್ಷಾನಾಯಮಮ್ಪುರೇ ॥ 2 ॥
ಕಚ್ಚಿತ್ಸಯುಕ್ತೋಭರತೋಜೀವನ್ತ್ಯಪಿ ಚ ಮಾತರಃ ।
ಏವಮುಕ್ತಸ್ತುರಾಮೇಣಭರದ್ವಾಜೋಮಹಾಮುನಿಃ ॥ 3 ॥
ಪ್ರತ್ಯುವಾಚರಘುಶ್ರೇಷ್ಠಂಸ್ಮಿತಪೂರ್ವಮ್ಪ್ರಹೃಷ್ಟವತ್ ।
ಪಙ್ಕದಿಗ್ಧಸ್ತುಭರತೋಜಟಿಲಸ್ತ್ವಾಮ್ಪ್ರತೀಕ್ಷತೇ ॥ 4 ॥
ಪಾದುಕತೇಪುರಸ್ಕೃತ್ಯಸರ್ವಂ ಚ ಕುಶಲಙ್ಗೃಹೇ ।
ತ್ವಾಮ್ಪುರಾಚೀರವಸನಮ್ಪ್ರವಿಶನ್ತಮ್ಮಹಾವನಮ್ ॥ 5 ॥
ಸ್ತ್ರೀತೃತೀಯಞ್ಚ್ಯುತಂರಾಜ್ಯಾದ್ಧರ್ಮಕಾಮಂ ಚ ಕೇವಲಮ್ ।
ಪದಾತಿನ್ತ್ಯಕ್ತಸರ್ವಸ್ವಮ್ಪಿತುರ್ವಚನಕಾರಿಣಮ್ ॥ 6 ॥
ಸರ್ವಭೋಗೈಃಪರಿತ್ಯಕ್ತಂಸ್ವರ್ಗಚ್ಯುತಮಿವಾಮರಮ್ ।
ದೃಷ್ಟಾತುಕರುಣಾಪೂರ್ವಮ್ಮಮಾಸೀತ್ಸಮಿತಿಞ್ಜಯಃ ॥ 7 ॥
ಕೈಕೇಯೀವಚನೇಯುಕ್ತಂವನ್ಯಮೂಲಫಲಾಶಿನಮ್ ।
ಸಾಮ್ಪ್ರತನ್ತುಸಮೃದ್ಧಾರ್ಥಂಸಮಿತ್ರಗಣಬಾನ್ಧವಮ್ ॥ 8 ॥
ಸಮೀಕ್ಷ್ಯವಿಜಿತಾರಿಂ ಚ ಸಮಾಭೂಪ್ರತೀತಿರುತ್ತಮಾ ।
ಸರ್ವಂ ಚ ಸುಖದುಃಖನ್ತೇವಿದಿತಮ್ಮಮರಾಘವ ।
ಯತ್ತ್ವಯಾವಿಪುಲಮ್ಪ್ರಾಪ್ತಞ್ಜನಸ್ಥಾನ್ನವಧಾದಿಕಮ್ ॥ 9 ॥
ಬ್ರಾಹ್ಮಣಾರ್ಥೇನಿಯುಕ್ತಸ್ಯರಕ್ಷತಃಸರ್ವತಾಪಸಾನ್ ।
ರಾವಣೇನಹೃತಾಭಾರ್ಯಾಬಭೂವೇಯಮನಿತಾ ॥ 10 ॥
ಮಾರೀಚದರ್ಶನಞ್ಚೈವಸೀತೋನ್ಮಧನಮೇವ ಚ ।
ಕಬನ್ಧದರ್ಶನಞ್ಚೈವಸಮ್ಪಾಭಿಗಮನನ್ತಥಾ ॥ 11 ॥
ಸುಗ್ರೀವೇಣ ಚ ತೇಸಖ್ಯಂಯಥಾವಾಲೀಹತಸ್ತ್ವಯಾ ।
ಮಾರ್ಗಣಞ್ಚೈವವೈದೇಹ್ಯಾಃಕರ್ಮವಾತಾತ್ಮಜಸ್ಯ ಚ ॥ 12 ॥
ವಿದಿತಾಯಾಂ ಚ ಸೀತಾಯಾನ್ನಲಸೇತುರ್ಯಥಾಕೃತಃ ।
ಯಥಾಚಾದೀಪಿತಾಲಙ್ಕಾಪ್ರಹೃಷ್ಟೈರ್ಹರಿಯೂಥಪೈಃ ॥ 13 ॥
ಸಪುತ್ರಬಾನ್ದವಾಮಾತ್ಯಃಸಬಲಃಸಹಾವಾಹನಃ ।
ಯಥಾ ಚ ನಿಹತಃಸಙ್ಖ್ಯೇರಾವಣೋಬಲದರ್ಪಿತಃ ॥ 14 ॥
ಯಥಾ ಚ ನಿಹತೇತಸ್ಮಿನ್ ರಾವಣೇದೇವಕಣ್ಟಕೇ ।
ಸಮಾಗಮಶ್ಚತ್ರಿದಶೈರ್ಯಥಾದತ್ತಶ್ಚತೇವರಃ ॥ 15 ॥
ಸರ್ವಮ್ಮಮೈತದ್ವಿದಿತನ್ತಪಸಾಧರ್ಮವತ್ಸಲ ।
ಸಮ್ಪತನ್ತಿ ಚ ಮೇಶಿಷ್ಯಾಃಪ್ರವೃತ್ತಾಖ್ಯಾಃಪುರೀಮಿತಃ ॥ 16 ॥
ಅಹಮಪ್ಯದ್ಯತೇದದ್ಮಿವರಂಶಸ್ತ್ರಭೃತಾಂವರ ।
ಅರ್ಘ್ಯಮ್ಪ್ರತಿಗೃಹಾಣೇದಮಯೋಧ್ಯಾಂಶ್ವೋಗಮಿಷ್ಯಸಿ ॥ 17 ॥
ತಸ್ಯತಚ್ಛಿರಸಾವಾಕ್ಯಮ್ಪ್ರತಿಗೃಹ್ಯನೃಪಾತ್ಮಜಃ ।
ಬಾಢಮಿತ್ಯೇವಸಮ್ಹೃಷ್ಟಃಶ್ರೀಮಾನ್ವರಮಯಾಚತ ॥ 18 ॥
ಅಕಾಲಫಲಿನೋವೃಕ್ಷಾಸ್ಸರ್ವೇಚಾಪಿಮಧುಸ್ರವಾಃ ।
ಫಲಾನ್ಯಮೃತಗನ್ಧೀನಿಬಹೂನಿವಿವಿಧಾನಿ ಚ ॥ 19 ॥
ಭವನ್ತುಮಾರ್ಗೇಭಗವನ್ನಯೋಧ್ಯಾಮ್ಪ್ರತಿಗಚ್ಛತಃ ।
ತಥೇತಿ ಚ ಪ್ರತಿಜ್ಞಾತೇವಚನಾತ್ಸಮನನ್ತರಮ್ ॥ 20 ॥
ಅಭವನ್ಪಾದಪಾಸ್ತತ್ರಸ್ವರ್ಗಪಾದಪಸನ್ನಿಭಾಃ ।
ಪುಷ್ಫಲಾಃಫಲಿನಶ್ಚಾಸವನಿಪುಷ್ಪಾಃಪುಷ್ಪಶಾಲಿನಃ ॥ 21 ॥
ಶುಷ್ಕಾಸ್ಸಮಗ್ರಪತ್ರಾಸ್ತೇನಗಾಶ್ಚೈವಮಧುಸ್ರವಾಃ ।
ಸರ್ವತೋಯೋಜನಾಸ್ತ್ರಿಸ್ರೋಗಚ್ಛತಾಮಭವಂಸ್ತದಾ ॥ 22 ॥
ತತಃಪ್ರಹೃಷ್ಟಾಃಪ್ಲವಗರ್ಷಭಾಸ್ತೇಬಹೂನಿದಿವ್ಯಾನಿಫಲಾನಿಚೈವ ।
ಕಾಮಾದುಪಾಶ್ನನ್ತಿಸಹಸ್ರಶಸ್ತೇಮುದಾವನಿತಾಸ್ಸ್ವರ್ಗಜಿತೋಮುದೇವ ॥ 23 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಸಪ್ತವಿಂಶತ್ಯಧಿಕಶತತಮಸ್ಸರ್ಗಃ ॥
