ശ്രീമദ്വാല്മീകീയ രാമായണേ യുദ്ധകാംഡമ് ।
അഥ സപ്തവിംശത്യധികശതതമസ്സര്ഗഃ ।
പൂര്ണേചതുര്ദശേവര്ഷേപംചമ്യാംലക്ഷ്മണാഗ്രജഃ ।
ഭരദ്വാജാശ്രമംപ്രാപ്യവവംദേനിയതോമുനിമ് ॥ 1 ॥
സോഽപൃച്ഛദഭിവാദ്യൈനംഭരദ്വാജംതപോധനമ് ।
ശൃണോഷികച്ചിദ്ഭഗവന്സുഭിക്ഷാനായമംപുരേ ॥ 2 ॥
കച്ചിത്സയുക്തോഭരതോജീവംത്യപി ച മാതരഃ ।
ഏവമുക്തസ്തുരാമേണഭരദ്വാജോമഹാമുനിഃ ॥ 3 ॥
പ്രത്യുവാചരഘുശ്രേഷ്ഠംസ്മിതപൂർവംപ്രഹൃഷ്ടവത് ।
പംകദിഗ്ധസ്തുഭരതോജടിലസ്ത്വാംപ്രതീക്ഷതേ ॥ 4 ॥
പാദുകതേപുരസ്കൃത്യസർവം ച കുശലംഗൃഹേ ।
ത്വാംപുരാചീരവസനംപ്രവിശംതംമഹാവനമ് ॥ 5 ॥
സ്ത്രീതൃതീയംച്യുതംരാജ്യാദ്ധര്മകാമം ച കേവലമ് ।
പദാതിംത്യക്തസർവസ്വംപിതുർവചനകാരിണമ് ॥ 6 ॥
സർവഭോഗൈഃപരിത്യക്തംസ്വര്ഗച്യുതമിവാമരമ് ।
ദൃഷ്ടാതുകരുണാപൂർവംമമാസീത്സമിതിംജയഃ ॥ 7 ॥
കൈകേയീവചനേയുക്തംവന്യമൂലഫലാശിനമ് ।
സാംപ്രതംതുസമൃദ്ധാര്ഥംസമിത്രഗണബാംധവമ് ॥ 8 ॥
സമീക്ഷ്യവിജിതാരിം ച സമാഭൂപ്രതീതിരുത്തമാ ।
സർവം ച സുഖദുഃഖംതേവിദിതംമമരാഘവ ।
യത്ത്വയാവിപുലംപ്രാപ്തംജനസ്ഥാന്നവധാദികമ് ॥ 9 ॥
ബ്രാഹ്മണാര്ഥേനിയുക്തസ്യരക്ഷതഃസർവതാപസാന് ।
രാവണേനഹൃതാഭാര്യാബഭൂവേയമനിതാ ॥ 10 ॥
മാരീചദര്ശനംചൈവസീതോന്മധനമേവ ച ।
കബംധദര്ശനംചൈവസംപാഭിഗമനംതഥാ ॥ 11 ॥
സുഗ്രീവേണ ച തേസഖ്യംയഥാവാലീഹതസ്ത്വയാ ।
മാര്ഗണംചൈവവൈദേഹ്യാഃകര്മവാതാത്മജസ്യ ച ॥ 12 ॥
വിദിതായാം ച സീതായാംനലസേതുര്യഥാകൃതഃ ।
യഥാചാദീപിതാലംകാപ്രഹൃഷ്ടൈര്ഹരിയൂഥപൈഃ ॥ 13 ॥
സപുത്രബാംദവാമാത്യഃസബലഃസഹാവാഹനഃ ।
യഥാ ച നിഹതഃസംഖ്യേരാവണോബലദര്പിതഃ ॥ 14 ॥
യഥാ ച നിഹതേതസ്മിന് രാവണേദേവകംടകേ ।
സമാഗമശ്ചത്രിദശൈര്യഥാദത്തശ്ചതേവരഃ ॥ 15 ॥
സർവംമമൈതദ്വിദിതംതപസാധര്മവത്സല ।
സംപതംതി ച മേശിഷ്യാഃപ്രവൃത്താഖ്യാഃപുരീമിതഃ ॥ 16 ॥
അഹമപ്യദ്യതേദദ്മിവരംശസ്ത്രഭൃതാംവര ।
അര്ഘ്യംപ്രതിഗൃഹാണേദമയോധ്യാംശ്വോഗമിഷ്യസി ॥ 17 ॥
തസ്യതച്ഛിരസാവാക്യംപ്രതിഗൃഹ്യനൃപാത്മജഃ ।
ബാഢമിത്യേവസമ്ഹൃഷ്ടഃശ്രീമാന്വരമയാചത ॥ 18 ॥
അകാലഫലിനോവൃക്ഷാസ്സർവേചാപിമധുസ്രവാഃ ।
ഫലാന്യമൃതഗംധീനിബഹൂനിവിവിധാനി ച ॥ 19 ॥
ഭവംതുമാര്ഗേഭഗവന്നയോധ്യാംപ്രതിഗച്ഛതഃ ।
തഥേതി ച പ്രതിജ്ഞാതേവചനാത്സമനംതരമ് ॥ 20 ॥
അഭവന്പാദപാസ്തത്രസ്വര്ഗപാദപസന്നിഭാഃ ।
പുഷ്ഫലാഃഫലിനശ്ചാസവനിപുഷ്പാഃപുഷ്പശാലിനഃ ॥ 21 ॥
ശുഷ്കാസ്സമഗ്രപത്രാസ്തേനഗാശ്ചൈവമധുസ്രവാഃ ।
സർവതോയോജനാസ്ത്രിസ്രോഗച്ഛതാമഭവംസ്തദാ ॥ 22 ॥
തതഃപ്രഹൃഷ്ടാഃപ്ലവഗര്ഷഭാസ്തേബഹൂനിദിവ്യാനിഫലാനിചൈവ ।
കാമാദുപാശ്നംതിസഹസ്രശസ്തേമുദാവനിതാസ്സ്വര്ഗജിതോമുദേവ ॥ 23 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ സപ്തവിംശത്യധികശതതമസ്സര്ഗഃ ॥
